(( أنــواااع الــرجـااال ))

[! رغـــــد !]

نوعية من الشباب تشوفهم في البيت غير وعند الناس غير
أبسط مثال
يافلان قم ود اختك المستشفى تراها تعبانه يقول هاه وش فيها مافيها الاا العافية بس اذا واحد من اخوياه تعبان يقوم يطير طيران علشان يوديه المستشفى لاا ويرافق معه والاا يافلان نبي خبز واللي يعافيك جب لنا يقول ماعلي منكم عمركم مااكلتوا سووا ريجيم وعند اخوياه يطبخ لهم لاا ويغسل الصحون بعد ..

2_ الملابس:
دولاب الملابس يشتكي من كثرها وما تشوفه الا بقميص واحد واتحداك يغيره ينام فيه ويقوم فيه ويصلي فيه ولايخلي أحد يغسله ، واذا جاء يطلع للسوق شوفوووه ساعه عند المرايه يعدل الغتره

3_ العجازين
وياكثرهم كثراه زي الرز ودي أشوف شاب يشيل عن اخته أو زوجته أو حتى أمه بعض الأغراض بالسوق الاا تلاقيه مطير عيونه بالبنات والضعيفه وراه تسحب أكياسها الوحدة تشوف المصريه واللبنانيه تحسدها على الذوق اللي عند رجالهم ما يخلونهم يشيلون شي

4_ اذا تبون تعرفون الشاب فوضوي والاا مرتب
هذي بسيطه شوفوا سيارته
تجيك السيارة وسخه كلها غبار من يوم شراها ماغسلها لاا ويقول هذي غبار الوكالة أمحق وكاله لاوكاله ولاشي الاا عاجز يغسلها لاا واذا شفتها من الداخل ماتدري وين تحط رجلك من هذي فروة تحت رجلك واسلاك وقراطيس وفصفص ومناديل وثلاجات الشاهي لها سنه بالسيارة وبلاوي كل وصاخة الدنيا داخل السيارة والاا ريحة الدخان اللي تدوخ الراس
لكن الشاب المرتب وهم قلة للأسف سيارته تبرق من النظافه تدخلها كأنك تدخل محل للعطور كلها نظافة وترتيب

5_ راعي الحق والواجب
مايخالف الحق والواجب لكن بحدود المعقول واحد يجيب لزوجته كل يوم ذبيحه ويالله اطبخي كل يوم طبخ ونفخ يعني الواحدة ودها تطلع مع زوجها وعيالها يتمشون وينبسطون وحتى اذا مااطلعوا يجلسون مع بعض يتناقشون ويتفاهمون مو كل يوم عزيمه
والاا الإستراحات رايح استراحة جاي من استراحه وبس هذي شغلتهم وياويلها اذا احتاجت شي ودقت على جواله تقطع عليه لعب الورق هذي مصيبه

6_ الدلع
بنت تدلع معقوله تنبلع بس ولد يتدلع ووووووووووه قهر
تشوف راسه ماتدري هو راس بنت والاا ولد تسريحات ماأدري من وين يجيبونها اللي فالق راسه من النص تقل ثور واللي مسويلي تسريحة بطل التيتانيك وهو يحوم الكبد يطلع شكله تقل هندي مايدرون ان الشماغ والغترة أستر لهم والله ان وسامتهم وحلاوتهم بها الشماغ اللي يستر على بلاويهم

7_ الشباب النصابيين
هذولا عد واغلط ياكثرهم يجيك الواحد يقول
يووه سيارتي ( الفراري ) اللي طالبها من برى تأخرت والله ماجت الى الحين اخاف ان عمارات نييورك طاحت عليها ..وهو زين ان معه ددسن
ما شفتوا جوالي هذا جايبه من دبي والله ....وهو شاريه من الحراج
ماتدرون اختاروني لاعب باالمنتخب بس اعتذرت لهم لأني مصاب والدكتور يقول لاتلعب لمدة ستة أشهر .. والمشكله تلاقيه مايعرف ولا يشوت الكورة
لا ويزيد النصب اذا كان الطرف الآخر بنت

8_ المعصب
وهذا مسوي فيها شخصيه يدخل ينفخ ويطلع ينفخ يدور المشاكل دواره يحسب ان باسلوبه هذا يخوف الناس مايدري ان النوعيه هذي يكون بداخله انسان ضعيف

9_ الدلخ
هذا كل من هب ودب يضحك عليه
الاا في شي دايم يصير
يجيك الشاب وهذي دايما تصير باالمدارس والأسواق اذا شاف البنت تلفت وتدور اخوها أو ابوها وطاحت عينها بعينه كذا صدفه خلااااااااااااص حبتني
لا والاا اذا حكمت الظروف واضطرت تسأل أحد منهم سؤال دوره عاد يبدا وجهه يتقلب كل الألوان ويتخلبط وحالته حاله على باله ان البنت ( وقعت بدباديبه )
والله بلشه مايدرون انهم بها الأسلوب يخوفون الناس منهم

10_ المغرور
ماأدري بعضهم شايف نفسه على ايش شين وقوة عين
وأغلب اللي كذا يحس باالنقص ومن زود احساسه بالنقص يحاول يرفع نفسه عن الناس وما يدري ان من تواضع لله رفعه

11_ الضعيف
الضعيف ....... الضعيف والاا اقول مافيه ولا واحد منهم ضعيف كلهم ...

12_ راعي التفحيط
هذا اذا فتحنا راسه تلاقي مخه تقل جريش من كثر ما يفتر بها الشوارع لا يفهم ولا يدري وين ربي حاطه ماعنده ما عند جدتي

13_ راعي الطرب
وهذا ما يجلس بدون مسجل في غرفته الاستريو يشتغل على أعلى صوت قمه في الازعاج واذا طلع بسيارته الله يعين المسجل لاا ومركب سماعات اضافيه علشان يطلع الصوت صح اذا وقف عند الاشارة شوف ملامح وجهه متشقق من الفرحة كأنه مسوي انجاز

~~~~~~~ #b

15_ أبو راس يابس
) هذا ماتقدر عليه يموت باالعناد تجيه باللين يشوف نفسه تجيه بالعين الحمراء كسر راسك وهذا ينفع معه المثل ( ابعد عن الشر وغني له )

16_ الحساس
وهذا واحد بالمليون تحتاج ميكروسكوب علشان تدور عليه بس اذا لقيته لا تفرط فيه لأنه ينشرى بالملايين
ّّّّّّّّّ**********************************

تقبلو فائق تحياتي

!!2 !!3 !!2

[~عافك الخاطر~]

مشكوره....... عزيزتي رغـــــــــد
على موضوع روووعه......... بس من رايج
اي نوع من الرجال انا..........!!3 !!5 !!1 !!2

[DmoOo3]

مشكوره

[فيصل الراشد]

انا اتفق معك في الكثير من اللي ذكرتيه

بس ياليت النقد يكون للأصلاح وتعديل الاخطاء وليس لتصيد الاخطاء وأن يكون طرح الموضوع بصياغه ادبيه افضل من كذا.لأني وانا شاب اقراء الموضوع احس ان فيه استهزاء اكثر من النقد .

انا احترم رايك وأقدره جدأ . ولاكن طبيعة الله في خلقه ان جعل هناك اختلاف في العقول وختلاف في الافكار والمفاهيم.

لي ان شالله عوده للموضوع هذا .

اشكرك اختي علي مجهودك

,,,,,,,,,,, تحياتي ,,,,,,,,,

[ابراهيم]

اي روعه
بصراحة مووووووضوع تافه مرررررررررررررررره وما له داعي*2

[! رغـــــد !]

مشكورين على ردودكم اخوي فيصل الراشد انا كتبت هذا الموضوع علشان دايم اشوف الشباب يتكلمو على البنات في مواضيع زي كذا وانا اسفه اني كتبت هذا الموضو الي ازعج الجميع اما اخوي ابراهيم مشكور على ردك الحلو واما اخي عافك الخاطر بنسبه لختياري اي نوع من الرجال انت طبعا اختار ( الحساس _ 16 ) مشكورين مره ثانيه على ردودكم

[ابراهيم]

يا بنت خجوله... ياحساسه..... انا ماقلت شي يزعل
انا رئي في الموضوع انه تافه
يعني لازم نجامل بعض
تبغين اقول لك حلو الله يعطيك العافيه ومشكوره ومجاملات هذا راي رغد
طيب اوكيه الله يعطيك العافيه
ومشكوره
بس الموضوع مو حلو
خلاص
همسة اخيره:
بيدك انته الاختيار
بيدك انته الاختيار
انا قدمت اعتذار وانته بيدك لاختيار
تسمح وتنسى الي صار
بيدك انته ياحبيبي تسمح وتنسى الي صار
تحيات : ابراهيم

[~عافك الخاطر~]

هههههههههههههههههههههههههههههههههههههه
مشكوره رغــــــــــــد ...........عزيزتي

[! رغـــــد !]

لا العفواااااااااا اخوي عافك الخاطر

لا عادي اخوي ابراهيم انا ما قلت شي انا كل الي قلته مشكور على ردك الحلو وانت اصلن تحب تكبر السالفه وهي قصيره

[ذوالفقار]

أخت رغد السلام عليكم
لا بأس بموضوعك جزاك الله خير وأتمنى لك دوام التوفيق وأسأل الله لك النجاح إذا كنتي طالبة وشدي حيلك بس لا ينقطع ..