مهــــلاً يـآقـــدر..... روآآآيــهـ رآئع ــــهــ....!!!

[شوقي لوليف روحي]

تـــــآبــــع.....

دخلنا كلنا البيت وراح عمي يسلم على خالتي ويمسيها بالخير بعدها دخل غرفته يبدل عشان يجي يتعشا
دق التلفون اول مادخلنا الصالة عند خالتي وردت على طول سمعت خالتي : هلا مرحبا ..............الحمد لله بخير انتم كيفكم .................. ايوه مهند هنا .................. ماتبين ارسل لك السواق خلي مهند يرتاح ................ اللي تشوفينه انا بقوله وهو مابيقصر معك ان شاء الله ..............مع السلامه
طالعت خالتي بمهند قالت : هذي عمتك نورة تقول خليه يجيني يوصلني لزواج معزومه عليه
رد مهند وهو باين انه طفشان : ارسلي لها السواق وفكيني منها .
: تقول انها ماترتاح لسواقنا رغم ان سواقنا مطوع واكثر وقته بالمسجد
: اجل خليها مادام ماترتاح للسواق تجلس في البيت مو لازم كل اسبوع وهي ساحبة بنتها وحاضرة لها عرس .
: يمه روح ودها تقول القاعه قريبة من هنا
التفت علي قال : تروحين معاي نوصلها وباخذك مشوار
هزيت اكتافي وقلت : مالي نفس احتك فيهم واجيب لراسي الوجع بس اذا تبغى اروح ...
خالتي تدخلت : يمه مهند اترك ديمه تعرف عمتك وبنتها وأشرت له بعينها ..
: يالله اجل بروح اوصلها والله يعيني .. يمه تكفين دقي عليها قولي لها لاانتظر خلها تخلص وتطلع لي برا .
: هي قالت انها جاهزة وخلها تطلع له
قام مهند والتفت علي احسه مايبغى يخرج قال : الله يكفينا شرهم
بصراحه دايما اخاف من كلمة مهند هذي اذا قالها عن عمته احسه يخاف منها تسوي له شي ....
راح مهند لعمته ودخل علينا عمي وجلس بجنب خالتي وصبت له قهوة بعد ماكنت انا بقهويه بس خالتي اخذت مني القهوة وراحت تقهوية وهي تتودد له
الله يرحم ابوي صادق بكلامه عنها باهتمامها بزوجها وحنيتها وحبها للناس
بعد شوي جات ريم جلست معانا بعد ماكلمت سميرة اختها بالجوال وسلمت على ابوها ثم قالت : يمه يبه ترى زوجة اخوي الفاضلة تبي تتوسط لي بالجامعه وادرس منتظمه
: التفت عمي علي قال : صحيح ياديمه تقدرين .؟
: ان شاء الله ياعمي لاتشيل هم .. وريوم بتدرس بإذن الله لأن علاقتي بمديرة القبول قوية تعتبرني زي بنتها وماراح ترد لي طلب وهي دايما تقول لي اطلبي مني أي شي نفسي اخدمك .
: الله يبيض وجهك يابنتي انا اشهد انك تدخلين قلب كل من عرفك
تدخلت خالتي : والله ياديمه لو ريم تدخل الجامعه انك تسوين فيها معروف ماننساه لك .
: خالتي اش هالكلام ريم اختي وانتم اهلي مابين معروف وجميل ..
دخل مهند وهو يقول: الا عمتي نوره وبنتها .. يبه شوف لك صرفة مع اختك ولا تراني بتصرف معاها بطريقتي .
تكلمت امه : بسم الله يمه مسرع تجي
: ماوديتها الله حسبي على ابليس بس
فتحت عيونها امه من شكله وهو معصب قالت : وش فيك يامهند ؟
: يمه عمتي لاتبيني اوديها ولا شي دخلت بنتها علي بعد ماغصبتني ادخل المجلس وهي طاقة مكياج ولابسة نص فستان ويوم طردت بنتها .. جات وتكلمت كلام لايرضي الله ولا خلقه ... كان يطالع فيني على آخر جملة .. وفهمت انها تكلمت علي الله يكفيني شرها .
رد عمي قال : ولد عيب مهما كان هذي عمتك ومايجوز تتكلم عليها .
تكلم مهند : يبه عمتي مالقت من يوقفها عند حدها بس الظاهر ان سنعها هي وبنتها على يدي ..!
قال عمي بصوت عالي :مهند وش هالكلام .؟
:الله يعين بس اعذرني يبه والله اختك وبنتها بيطلعون في راسي قرون من سواياهم .
قالت خالتي : انت علمنا وش هي قايله .
: خل كلامها الحين كلهن يسعن .................. وقف مهند وناظر فيني وكمل بعد ماتنهد : حسبي الله ونعم الوكيل والله يكفينا شرهن
قالت ريم تهدي الوضع :هد بالك مهند احنا تعودنا على كلامهن وسخافتهن .. ويالله قوموا تعشوا اتركوهم عنكم . الله يهديهن ويشفيهن .
رحنا تعشينا انا جلست بجنب مهند وعمي وخالتي متقابلين وريم جالسه مقابلة لي ..
كنت اشوف ريم تناظر مهند بعدين أشرت لي وانا بدوري التفت على مهند لقيته ماأكل بالمرة حتى امه لاحظت قالت له تعشى ولاتفكر بنورة وبنتها راح تتعب من كثرة التفكير ...بس هو اعتذر وقال انه ماله نفس .
قام والتفت علي قال بصوت محد سمعه غيري : اذا خلصتي تعالي للصالة ..
قمت على طول حاسة انه بيقول لي مصيبة .. واعتذرت من خالتي وعمي وريم اللي ناظروني باستغراب قلت : الحمد لله .. عن اذنكم بشوف مهند اش فيه شكله متضايق .. وابتسموا كلهم قال عمي : روحي يبه شوفي زوجك وحاولي تهدينه .. ترى الأمور هذي توافه ماتستاهل العصبية والنرفزة .
رديت على عمي وانا ابتسم وانا من جوا خايفه من حالة مهند اش وراها الله يستر: ان شاء الله عمي .
لحقته بالصالة وجلست بجنبه قلت بصوت واطي وباين اني مهتمه : هلا .. خير فيه شي ..؟ ليه ماتعشيت وليه شكلك كذا .. صاير شي ..؟
كان مكشر واسنانه على بعض وهو يتكلم عشان يمسك اعصابه احس انه بينفجر ...
: ليلة العشاء كلمتي هدى وعمتي عندكم ..!
: ممممم ايوه طول الليل اسولف مع هدى وعمتك كانت موجودة بالمجلس بس ليه تسأل ..؟
بسرعه لف يدي وهو يلتفت لغرفة الأكل خايف احد من اهله يشوفنا قال : تعرفين وحده بالجامعه اسمها سارة عبدالعزيز
: ايوه كانت من صاحباتي .. بعدين سيب يدي ولاتكلمني بهذي الطريقة .. وسارة اش فيها ..؟
: وليه كانت ومو مازالت .. ؟.... كنت احس يدي بتنكسر وهو يلفها اكثر ...
: انت اش فيك البنت لايكون فيها شي بعدين يدي انكسرت سيبها .
: تعرفين اخوها سلطان
فتحت فمي وعيوني ونسيت وجع يدي .. : شو اعرفه وضح كلامك ..!
: تعرفينه ولا لا ..؟
: سارة دايما تكلمنا عنه
: قصدك تكلمك عنه
: انت شفيك .. ؟
سحبني بيدي ووقف قال : اطلعي قدامي وانا اعرف اتفاهم معاك .
طلعت قبله للجناح وانا على اعصابي .. دخل بعدي ولحقني ومسك يدي بقوة بس انا قلت له بسرعة تفادياً لأي نقاشات تافهه وسخيفه حتى مااتعب نفسياً ويطيح من عيني : الله يخليك اذا أي احد بيجيك ويقول لك كلمتين لاتجيني تناقشني خاصة بهذي التفاهات ..
واذا بتعرف ليه سارة كانت ومو مازالت لأني زرتها ببيتها وحاولت تخلي اخوها يشوفنا وماكنت لوحدي عندها كانوا معاي ثلاث من صاحباتي وكلنا عصبناعليها ورجعنا لبيوتنا على طول وقاطعنا سارة لليوم .... وقلت لخالي بساعتها وخالي تفاهم معاه بطريقته وكسر له راسه هو ورامي ولد خالي محمد .. واسأل خالي اذا تحب ... ورجاءً اذا تلمح لشك بيت خالي قريب ودني اياه ومنت ملزم تعيش مع وحده تشك فيها او تصدق فيها كلام ناس زي اللي رحت لهم ....
كانت الصفعه القوية على وجهي هي رد مهند وانا فتحت عيوني مو مصدقه لااااا
..
كنت حاطه يدي على خدي واناظر فيه وعيني احسها مليانه دموع بالرغم اني مابكيت .
رجعت ورا بس هو لحقني بسرعه ولفني عليه وضمني على صدره حاولت افتك منه بس مهند قوي وانا ضعيفه .. تكلمت : بعد عني .. !
: ديمه
: لوسمحت بعد عني .. اكره اسلوبك ..!
فك يدينه ورحت مابكيت ولا عاتبته ولا شي دخلت الغرفه الثانيه وسكرت علي وجلست بحاول استوعب اللي صار لي ..
انا عروس لي شهر وكم يوم متزوجه اكلت منه ضرب وبدون ادنى سبب والله لو اني مسوية مصيبة ماضربني كذا ..
انا ديمه اللي من يوم فارقت جميله من 18 سنه للحين محد جرحني او تكلم علي مو يضربني .. آخر شي يجي هذا اللي داريت على كسره ليدي وضربه واسلوبه وتجريحه لي عشان اخوالي مايذبحونه يسمع فيني ويشك ..!
اروح اكلم خالي .. لا لا والله لو اكلمه لتصير سالفه بصبر كمان شويه على مهند
اصلاً حتى لو رحت عند خالي ماراح يسوي لي شي وبيحاول خالي انه يصالحني عليه .. لأنه ماراح يرضى اتطلق او احد يتكلم علي وأكيد انه بيتصرف مع مهند ويتمشكل معاه .. وانا مو مستعده اعيش بمشاكل كبيرة وادخل خالي فيها ..
ياربي صبرني وألهمني وأعني على مهند وعلى العيشة معاه


********>>يــــــــتــــــــبـــــــع<<<<<<<<





:: :: :: :: ::

حاولت انام بس موقادرة وفكرت مااروح لابها بس المشكلة فيه حفلة وفيه ناس ينتظرونا ومتشوقين يشوفوني لأن ريم قالت لي ان كل قرايبهم هناك متحمسين لزوجة مهند خاصة انه كان رافض الزواج بالمرة وفجأه وافق وخطب .. وانه كان مصر علي وقالهم انه اذا ماتزوج ديمه ماراح يتزوج قبل ست سنوات ..
نمت بعد ماتقلبت ساعتين وانا افكر بس اهم شي مابكيت وحاولت اتناسى الشك والاهانه اللي صفعني بها مهند قبل مايصفعني بالكف ..
اخيراً نمت حتى مابدلت ونمت بملابسي ..دايماً النوم يمثل لي طريق للهروب من المشكلة لأني اتعب كثير من التفكير ومن الحزن ومن البكا فأحسن طريقة واريح حل اني اهرب للنوم اعرف ان هذا مو حل للمشكلة بس مجرد راحة مؤقته وخاصة اني وحيده ماعندي احد يساعدني بمشكلتي ومااقدر اشكي على احد لأنهم مايقدرون يحلون مشكلتي لا هدى ولا خالتي فادية ولا حتى أي احد من اخوالي بالعكس راح يزيدون المشكله ..
ولمى ..آآه يالمى نفسي اكلمها هي الوحيده اللي تريحني اذا كلمتها بس انا مقررة ماادخل أي احد في مشاكلي الا اذا عجزت عن حلها ولمى مافي يدها حل ....
نمت وطول ليلي احلام مزعجه .. وكل شوي اصحى وارجع انام غصب .. صحيت الساعه 9 الصباح لأني نايمه تقريباً الساعه وحدة احسني خلاص اكتفيت ..

رحت للحمام اوف .. كان خدي الأيسر فيه علامة زرقا وعيني كانت حمرا
ياااااااا الله الحين كيف اسوي .. اش اقول لاهله ولا للناس اللي بروح لهم اليوم ..اوووووف ......بجد انقهرت ..
دخلت الغرفة ابغى آخذ لبس شفت مهند نايم على السرير بالعرض وبثوبه ومو متغطي باين انه تعبان .. والطفاية بجنبه ومليانه زقاير ..
ياالله شوف كيف تعب نفسه بنفسه .... هو اللي جاب الحالة هذي لنفسه .. بس ابغى اعرف كيف عرف سارة واخوها .. هو محد خلاه يعصب الا عمته وبنتها ولمن جا قال انها قالت له كلام مايرضي الله ..
ياربي من فين عمته تعرف ساره ولا حتى فاطمه .. سارة مخلصة جامعه من سنتين تقريبا وقالت لي ندى بنت عمها انها تزوجت وعندها ولد كمان .. اش يجيبها لفاطمه وامها خاصة انهم مو من قبيلتنا ولا من معارفهم حتى ...
ياخبر بفلوس اليوم بكره اكيد بعرفه ... رحت للدولاب وأخذت لي بيجامه قطنية ناعمه لونها بيج وفيها رسوم على الصدر بلون احمر كم طويل وبنطلون طويل ..
لبست بعد مااستحميت .. حطيت مكياج فونديشن وبودرة وكثرت ابغى اخفي العلامه الزرقا اللي بخدي .. ومشطت شعري وفرقته من اليمين جبته على جهة وجهي اليسار عشان يغطي الندبة
ياااالله الحين اش اسوي اقعد مااقابل اهله لين يروحون ولا اخرج لهم واقولهم ولدكم جاني مجنون وضربني لأن عمته حشت راسه بكلام فاضي .. ولا ادور لي عذر واقوله عشان ماافضحه ولا اخلي اهله يزعلون منه .
توكلت على الله ونزلت بعد ماحطيت روج لحمي وبلاشر
ماحصلت احد تحت وسألت الشغالة قالت : ماما وريم يروح سوق .
احد يروح السوق في الحر هذا ..؟
حضرت لي الشغالة فطور وجلست افطر بالمطبخ .. بعد ماخلصت فطوري رحت عند التلفزيون وأخذت لي مجله قعدت اقرا فيها .. دخلت علي ريم شايلة معاها اكياس وخالتي كانت وراها
سلموا كلهم علي وبعد مارديت عليهم قالت ريم : ديومه صاحيه بدري ماشاء الله عليك لو دريت كان خليتك تروحين مع امي للسوق وتشترين لي اغراض واكمل انا نوم .
قلت لها : كان قلتي لي عادي اروح عنك بس اش عندكم بالسوق مع الصباح
: ياعروس اليوم مسوية لك عمتي سارة حفلة ولازم نروح نشتري فستان وتبعاته من اكسسوار لجزمه لشنطة ..عشان حفلة اخوي وزوجته .
: اها يعني الحفلة كبيرة ولا عشى عادي
تكلمت خالتي قالت : لايمه حفلة كبيرة ولازم تسوين مكياج سهرة والبسي فستان سهرة واذا تبين نصيحتي البسي فستان ملكتك مرة يناسب الليلة .
: عندي فساتين احلى منه بس اذا تبيني البسه لبسته عادي
: لا لا يمه البسي اللي تبينه ويعجبك اذا عندك احلى منه حلو .. ابي الناس تعرف ان زوجة ولدي مافيه اشيك منها ولا الجمال عارفين مافيه اجمل منك .
: هههههههههههههههههههه تسلمين خالتي الله يخليك لي
قمات ريم قالت : بروح اجهزالحين .. ابوي يقول الاقيكم جاهزين الساعه 11 بالضبط عشان نروح للمطار .. وفتحت عيونها بقوة وهي تقول . . ديمه شو هذا ..؟
: شو ..؟
: عينك ليه كذا حمرا .؟
: ها .. ؟ ماادري يمكن من العدسات
: عاد مالقت تحمر عينك الا اليوم ... ياشيخه روحي اكشفي من جديد وسوي تشطيب وارتاحي
: بروح مرة ثانية لمستشفى ثاني ولو ان مغربي مافيه احسن منه بس نتأكد
طلعت ريم وخالتي ساكته بعدين قربت مني قالت بهدوء : ديمه يمه ماابي اتدخل بس وجهك فيه شي وانا ملاحظته من اول مادخلت اذا مهند يمد يده عليك وانتي عروس ماني ساكته ابد .
: يمه ماصار شي ولاتشيلين هم
: لا صار ومهند مو من حقه يمد يده عليك مهما كان ..
سكت شوية بعدين قلت : خلاص يمه هو اعتذر مني وانا سامحته .
: اخ بس .. لولا اني ماابي اتدخل كان كلمته وحاسبته
: لايمه الله يخليك .. يكفيه اللي فيه ولا يدري انك منتبهه الله يجازي اللي كان السبب . وحسبي الله ونعم الوكيل .
: اها ... عرفت انها فهمت اقصد مين كانت بتتكلم الا دخل مهند بسرعه علينا كان شكله يفجع عيونه حمرا وأزارير ثوبه مفتوحه وشعره مبهذل اول ماشافني حط يده على راسه قال : انتي هنا حسبت .......... وسكت ..
التفت على خالتي وهو كان واقف قلت : يمه تبغيني اساعدك بشي عشان تجهزين
: ذكرتيني والله لو يجي ابو مهند وانا ماجهزت بيزعل .. قامت خالتي بعد ماناظرت بمهند قالت : شكلك ليه مبهذل كذا . ؟
: نمت البارحه وانا مصدع ماانتبهت الا الحين ماشفت ديمه
: تطمن ديمه عاقله بس الباقي والشرهه على المتهورين
خرجت خالتي وانا بصراحة تمنيت انها ماتكلمت لأنه حالته تكسر الخاطر وهي تزيده ...
طالع فيني قال : ديمه
وقفت وقلت : بدل ملابسك وخذ لك شور بحضر لك الفطور ..
وقفلت المجله اللي كانت بيدي وقمت رحت للمطبخ قلت للشغالة تحضر له فطور .. وانا رحت للصالة الثانية
لحقني ومسكني بيدي قال : طيحتي قلبي حسبتك مو هنا ..!
سحبت نفسي منه وصديت عنه مارديت عليه ... بعدين مسكني مرة ثانية وسحبني ناحيته شفته يناظر بوجهي ورفع شعري كله ورى كان يبحلق فيني بقوة ..
بس تركني وانا وخرت عنه ورجعت شعري . شفته يضرب على جبينه بقوة وقال كلام مافهمته شكله يوبخ نفسه لمن شاف عيني ووجهي ...
طلع فوق وبعد شوي رجع كان لابس بنطلون جينز وتي شيرت بيج وأزرق ومرجع شعره ورا وهو لسه مبلل مانشف زين .. وحاط عطر ريحته واصلتني قبله ..قرب مني وانا صديت عنه وقمت طلعت فوق
رحت ارتب اغراضي عشان اروح للمشغل قررت اسوي مكياجي بجده قبل نروح .. المصيبة لو اروح عند ليليان بتفضح فيني عند هدى وبتقعد تسألني كيف عروس وتنضربين وماادري ايش ..
رجعت لغرفتي نمت فيها ساعتين وصحيت حصلت مهند قاعد بالصالة ويتفرج على مباراة اوروبيه عديت من عنده واتصلت على ريم لقيت جوالها مقفل وعرفت انهم راحوا ..
وقفت عند مهند قلت : ترى ابغى اروح للمشغل من بدري بتوديني ولا اروح مع السواق
وقف وجا عندي قال : السواق هذا ماتركبين معاه الا اذا كنتي مضطرة فاهمه ..
رحت من عنده ودخلت لبست عبايتي ولفيت طرحتي على شعري وخرجت للصالة وأول ماشافني قام وأخذ جواله ومفاتيحه والتفت يناظر بوجهي تنهد بقوة ومشى قبلي وانا لحقته ..
في السيارة دقيت على لمى اللي عاتبتني لأني ماادق عليها واطمنها عني قلت لها ان عندي ظروف وراح ازورها قريب بإذن الله .. سألتها عن مشغل حلو غير المشغل اللي اروح له وشي واثقة فيه لأني بصراحه تعودت على المشغل حقي وباقي المشاغل مااثق بشغلهم
دلتني على مشغل تروح له زوجة اخوها وقالت ان شغلهم مرة روعه ..اخذت منها العنوان ومهند يسمعني ... قفلت من لمى قلت : فهمت الوصف
: لا
قلت له على الوصف بدون نفس وصديت عنه ،، بصراحه قاهرني وطفشانه منه ولولا اني ماابغى اضايق اهله ولا خالي كان تركته وافتكيت من همه ورجعت لجنتي بيت خالي الله يخليه لي .
كان جو السيارة كئيب وممل .. قمت دقيت على خالي ناصر مارد علي ودقيت على هدى واشوا ردت قلت لها انا اليوم بنروح لأبها وماادري كم يوم بنجلس وراح اتصل فيها .. وقفلت مع هدى بعد ماقلت لها تسلم لي على خالي وعيالها ..
كنت اموت باللحظة عشر اذا كلمت هدى وعيالها .. اذا تذكرت بيت خالي وحياتي فيه ياناس الأيام فيه تمر علي مااحس فيها من الوناسه وقلة الهم مو هنا اعد الساعات والايام .
نزلت دموعي غصب عني ورجعت راسي ورى .. ماادري يمكن مهند انتبه لي بس اللي متأكده منه انه ندمان ومقهور من نفسه ومستحقرها
: ديمه
:................
: ردي علي بقولك ليه البارحه انا منفعل
: ...............
: ديمه انا ..
قاطعته بسرعه : اسكت لو سمحت ماابغى اسمع منك شي .. من يوم عرفتك وانت تعتذر وتبرر ..
: تدرين انك تذبحيني بالدقيقه مية مرة
: هه ......
صديت قعدت اطالع بالطريق .. وصلنا للمشغل وقبل انزل اخذت منديل امسح دموعي خفت يشوفوني بشكلي هذا اكيد الحين باين اني بكيت ...
مد علي مويه وأخذتها شربت شوية بعدين نزلت قال :انا موجود هنا ماني رايح بنتظرك
: بتأخر لاتنتظر ... روح اتغدى لأن الشغالات راحوا مع اهلك ومافيه احد يسوي لك غدى ..
: لا ماني رايح بنتظرك متى ماخلصتي بتلاقيني هنا . ..

ساعة ونص قضيتها بالمشغل بعد ماحاولت الكوفيرة تغطي الكدمه الزرقا اللي بخدي ..
اضطريت البس عدسات ملونه لونها اخضر عشان انسب احمرار عيني لها لأني لولبست عدساتي العادية ماراح يلاحظونها الناس لأنها شفافه بس هذي بيشوفونها ويصدقوني اذا قلت انها هي اللي حمرت عيني ...!

::::::يــــــــتــــــــبـــــــع::::::

[شوقي لوليف روحي]

ركبت السيارة مع مهند لقيته مرجع المرتبه ورى ومشغل المسجل ونايم .. انتبه لي لمن سكرت الباب وحرك ..
مرينا بارنيز وطلب لنا قهوة
ماشربت قهوتي ولا تكلمت معاه .. وصلنا للبيت وطلعت فوق وهو جلس ينتظرني تحت
دقيت على خالتي ام مهند وسألتها كم يوم بنجلس ؟ وألبس الحين ولا اذا وصلت احسن ؟ قالت بكيفكم متى مابغيتوا تمشون امشوا .. والبسي الحين لأنك بتجين عند بيت سارة على طول ..!
لبست فستاني كان لونه زيتي موديله بسيط مرة .. قصير من قدام وكان فيه كم واحد علاقي جاي على شكل سلاسل سودا ممتده من الصدر الين الكتف .. وصدره فيه اكسسوار اسود وكريستال زيتي .. كان ناعم ومنساب على جسمي ومبين تفاصيل جسمي سواء صدري ولا وسطي وخصري .. وجاي من اسفل على شكل كلوش طالع شكله روعه .. وهذا من اختيار روان صاحبتي ..
لبست جزمه لونها زيتي فيها اكسسوار ماشي مع الفستان .. ولبست اكسسواراتي
طالعت بشكلي الحمد لله راضيه بس عيني فيها احمرار حتى الندبة مو باينه الا للي راح يدقق وبقووة ..
لمن سمعت صوته جاي مع الدرج لبست عبايتي ولفيت الطرحه على شعري بشويش وعطيته ظهري ماابغاه يشوفني بالمكياج هذا وبسرعه قفلتها ورحت اجهز اغراضي
قال :جهزتي شنطتي ..؟
: لا
نزلت تحت بشنطة المكياج حقتي وشنطتي الصغيرة من دون ماالتفت عليه ورحت للمطبخ اشرب لي عصير قبل اروح للمطار ...
نزل مهند وهو يكلم السواق يقول له يجي عند باب الفيللا عشان ياخذ الشنط منه
شفته وانا بالمطبخ وهو كان يتلفت يدور علي ..كان لابس ثوب سكري وشماغ ابيض وشعره كان باين من تحت الشماغ ومعطيه طله تسحر وتجذب وتربك ... بصراحة شكله بالشماغ الأبيض يدوخ ..
ياربي ليه يربكني ... ليه اذا شفته اتخربط .. ياترى هل هو شعور طبيعي اني اتخربط اذا شفت واحد عاجبني والمسافة اللي بيني وبينه اقل من متر ولا مهند فيه شي يخربطني انا ويربكني
ناداني وبسرعه غطيت وجهي وخرجت معاه .
خرجنا واعطى السواق شنطتي يحطها بالسيارة وهو اخذ شنطته الطبية في يده وحطها في السيارة من ورا .. قلت : فين شنطة ملابسك ..؟
: مااخذت لي شنطة شنطتك تكفي ...!
بجد قهرني ليه يحط اغراضه بشنطتي ...! بيحرجني الحين معاه خاصة انه كل شوي بيفتح الشنطة ويقعد يطالع بملابسي وأغراضي الخاصة ...

بالطريق قال : بناخذ شي ناكله اش رايك
: خذ لك شي انت .. انا مالي نفس ..!
سكت ومشى ماوقف ولا اخذ شي ..
في الطيارة كنت ساكته طول الوقت.. معاي كتاب يتكلم عن الشخصية وكيف ممكن نعدل من سلوكياتنا الخطأ ..
ماكلمته وهو احسه تعبان حط راسه ونام شكله يئس اني اكلمه..!
وصلنا واستقبلنا عمي لأن مهند مارضى احد يجينا من عيال عمته وكلم ابوه قال له يجي يستقبله ولا ياخذ ليموزين .. بس عمي حلف اني مااركب ليموزين ويجي هو بنفسه ياخذنا
دخلنا بيت الخاله سارة انا وعمي ومهند كان داخله اربع سيارات وفيه جهه مليانه اشجار كبيرة ونخل وأرضيته مفروشة بزرع اخضر مغريه ... دخل مهند وعمي قسم الرجال عشان مهند يسلم على عمته ... وانا رحت لقسم الحريم واستقبلتني ريم .. اول مادخلت تذكرت بيت خالي ناصر من كبر البيت من داخل .. شفت الخاله سارة وسلمت عليها بالصالة ... مسكت يدي كانت بتوديني لمجلس الحريم قلت لها ابغى ادخل الحمام اشيك على شكلي ..وبسرعه دخلت عند المرايا والحمد لله مكياجي زي ماهو ماتغير .. بس حطيت عطر وخرجت مانزلت عبايتي خفت يكون فيه احد باين وانا ادخل المجلس .... دخلت عند الحريم وسلمت عليهم وحده وحده الين شفت اللي ماكنت اتوقعه .
نورة كانت قاعده وفاطمة بنتها بجنبها .. سلمت عليهن ببرود وشفت خالتي ام منهد وسلمت عليها ونزلت عبايتي اخذتها وحدها عرفتني عليها خالتي انها ساميه بنت سارة .. لمن شافتني خالتي ابتسمت لي حسيت برضا في وجهها قالت : ها ياام فايز وش رايك بزوجة ولدي .. هذي هي وشفتيها ؟
ردت الحرمه اللي عمرها تقريبا في الأربعين : بسم الله عليها الله يستر عليها عزة الله عرف ينقي مهند عسى الله يوفقه
ابتسمت لها وما تلكمت بالمرة لأني اغلي من نورة وبنتها حتى هنا لاحقينا .. الله يستر منهن
قامت نورة بعد ماقالت : بروح اسلم على اخوي وولده
طالعت بخالتي وشفتها تتصل من جوالها وتقوم تروح في الزاوية بحيث محد يسمعها حتى انا ماسمعت ولاكلمه
رجعت بجنبي وهي تبتسم قالت : لاتهتمين لاحد وانا معك
: تسلمين ياخالتي الله يخليك لي
جات خاله ساره اللي كانت مبسوطه وفرحانه قالت : هذي ديمه زينة بناتنا من يوم شفتها وهي متربعة بقلبي والتفتت على خالتي قالت : اخذت غلا مهند واكثر ..
قمت انا سلمت على راسها مرة ثانيه .. بجد كلامها حسيت انه من قلبها قلت لها : مااغليتي الا من يغليك ياخاله ويشهد الله اني حبيتك اول ماشفتك
التفتنا كلنا على صوت من آخر المجلس : هههههههههههههههههههه والله انكم مساكين كلكم ينضحك عليكم بسهولة ..!
كانت تناظرني باحتقار وهي مكشرة بس انا صديت عنها ورحت مكاني عند خالتي .....
جات ريم مع ساميه وعرفتني ساميه على اخواتها وبنات اخوانها اختها عزيزة وبنتها رؤى مدرسة ومخطوبة وزواجها بعد 20 يوم تقريباً ... ودلال اختها كمان عندها بنتين دانه وغدي وكلهن تقريباً في سني وحده اكبر مني بسنه والثانية اصغر بسنه .. متخرجات من الجامعه وقاعدات في البيت ماتوظفن ..
وساميه في سني كمان .. جلسوا البنات عندي وكل شوي الناس تزيد وأخذوني البنات لغرفة فوق قالت سامية هذي غرفة مهند امي مخصصتها له .. وادخلي اجلسي فيها لين نطلع الحريم في الحوش ..
: ليه بالحوش والرجال فينهم
: الرجال في الاستراحه قريبه من هنا ..


..................................
يــــــــــــــــــــــتــــــــبـــــــع
..................................








طالعت بغرفة مهند اللي تقولها ساميه كانت مرتبه وأنيقه وأثاثها باين انه غالي بس كبير مرة المراية حقت التسريحه نص الجدار والسرير من النوع الفخم بس لشخص واحد فتحت الدولاب لقيت دقلة رجالي حقت مهند اكيد .. جزمه رياضيه وبيجامات وثياب ملونه شتوية وجاكيتات .
معقولة مهند ينام هنا عند عمته .. وبنات عيال عمته عبير ورحمة وبسمه فين يروحون .. غريبة ..!
دخلت علي ساميه بعد ماجابت لي شرشف صلاة وسجاده وصليت المغرب والعشاء جمعاً وقصراً بعدين جلست معاها وجوا البنات .. قالت لي ساميه : ديمه انتبهي لفاطمه تراها مو هينه وهم جايين مخصوص عشانك ولا عمرنا ماعزمناهم وجو الا اذا كانت العزيمة بقاعه لكن بيتنا مايجون له لأن خالتي وامي مايتفقون ..
: ساميه بصراحه ماابغى احتك فيها يعني اذا جات جلست هنا اعذريني بطلع
: وين بتطلعين ؟ وتخلينها تجلس بغرفتك ؟
: واذا جلست ؟ اهم شي انا ماابغى احتك معاها وانا بصراحة ماجيت ادور المشاكل .!
: الله عليك ياديمه زي ماقالت امي تهبلين وعاقلة وفاهمه وتدخلين القلب
: ههههههههه تسلمين ياسامية والله امك هي اللي كاملة وتنحب بسرعه
: مممممممممممم اثري مهند محد يلومه فيك
: ليه ..؟
: بصراحة لمن كان يقول لي انه مجنون فيك ويمدحك لي سواء شكلك ولا اسلوبك ولا هدوءك كنت اقول مجنون وعشان يعشقها بس بصراحه الله يلوم من يلومه فيك .
فتحت فمي وعيوني انا مستغربه بس بسرعه انتبهت لنفسي وابتسمت قلت : مهند يكلمك عادي ؟
: ههههههههههههههههههههههه لاوالله تغارين ؟
: مو عن اغار بس استغرب !
: عاد تدرين ان مهند كان يعيش حالة حب قبل تمرضين الله لايعيد الشر ولمن جيتوه في امريكا كان يقول لي على كثر مازعلت على مرض ديمه على كثر مافرحت انها مرضت وجات عندي وصرت اشوفها وأكلمها لا وتجلس قدامي بالساعات
: بالساعات ..؟
: قصده بوقت العملية ثم وانتي منومه كان مزعجني يقول حبيبتي نايمه الحين .. ولا يدق يقول تنادي امها واحيانا ابوها واحيانا خالها وهي تحت تأثير البنج ..
:اوف اجل صادق فيه فضايح .... ـ قلته وانا افكر بكلام ساميه اجل مهند كان يحبني ولا ومبسوط واحنا عنده بأمريكا وفرحان فيني وانا ماعطيته وجه ـ.
: ايوه يقول قالت اشياء وهي نايمه كنت اسمعها حرف حرف وكلمه كلمه وماكنت افارقها الا لمن صحت خرجت عنها عشان ماتزعل لأنها خجولة وماجبيت احرجها
: والله ولد خالك جبان ليه ماقال لي انه يحبني ..
: ههههههههههههههههههههههههههه خلاص الحين قالها لك اكيد .. المهم ديمه انتبهي من فاطمة
: اش اسوي طيب
: لاتخلين مهند يروح لهم تراهن جالسات يخططن وهذي شغلتهن
: الله يستر ربي معاي
دخلت ريم وبنات يوسف اخو سامية عبير ورحمة .. وبسمه بنت احمد جلسنا نسولف وجات عندنا دلال اخت سارة وبنتها رؤى وبنات عزيزة دانه وغدي كانن هن يسولفن وانا ابتسم وارد على اسئلتهن اذا سألني .. جات الساعه 9 قالت خالتي سارة انزلوا لأن الناس وصلوا .
نزلت تحت كان المكان تحفه كأني بقاعة افراح بس الجو غير عن القاعه والمنظر غير .. المكان يفتح النفس الطاولات مرتبه في الجزء الكبير من الحديقة اللي توني شفته .. الأرض مزروعه بالكامل وفيه ورود الوانها بنفسجي وأحمر وأصفر ترد الروح وفيه كنب فخم ثلاث قطع جابتني خالة سارة عليه وهي ترحب وتهلي فيني قالت تعالي هنا وجو الحريم يسلمون علي .. جابت ساميه القهوة والشاهي وجلسنا ياربي الجو خيال نفسي اقضي باقي الوقت هنا بأبها لا لا موشرط في ابها .. بس ابغى اقضيه مع الناس اللي هنا سامية وبنات يوسف ورؤى اللي احسها عاقلة ومتفهمه جات وجلست عندي سولفنا مع بعض وهي أخذت رقمي وانا اخذت رقمها .
كانت ساميه كل شوي تجيب لي شي آكله حلا معجنات ولاعصاير . كل الناس هنا مهتمه فيني مو بس عشان انا عروس وجديده لا كلهم طيبين وماخلوا جلستنا رسمية كأنهم يعرفوني من زمان ماعدا نورة وبنتها وصديقة بنتها اسمها فوزية
كانت الحفلة من اروع مايكون كل الناس احسها مبسوطة وجوا جيران خالتي سارة .. وتعرفوا علي وعزموني بس انا اعتذرت وقلت الايام جاية ويمكن نرجع جده ماراح نطول
جلسنا في جو مااقدر اوصفه حتى الإضاءة كانت خيالية .. ماعمري شفت زي هذي الحفلات الا في الأفلام .. ماناقصني الا هدى ولمى وخالتي فادية ياليتهم كانوا هنا ..
على الساعه 12 فتحوا البوفيه ونادتنا خالتي كلنا رحنا تعشينا وأكلت بشهيه مفتوحة احسني من زمان مااكلت زي الليلة ..
رجعت جلست على الكنبة المخصصة لي وجوا البنات معاي كانت دانه تذكرني برغد صاحبة مايا في سوريا دمها خفيف وطول الوقت نضحك منها ومن حركاتها واسلوبها ..
بعد ماراحوا الناس قاموا البنات يرقصن مع بعض على صوت الدي جي اللي مالي المكان .. قالت لهم دلال قوموا كلكم ارقصوا وأولهم انتي ياديمه بس رفضت اولاً مستحيه.. ثانياً مااعرف ومو متعودة وماابغى اغامر والناس كلهم مركزين علي .. اخذتهم دلال كلهم وماباقي الا انا جالسه لوحدي ....
شفت فاطمة ومعاها فوزية جوا عندي ووقفت تناظر فيني وأخذت لها كوب ورقي وهي تناظر فيني وتبتسم وصبت لها شاهي من الترمس اللي على الطاولة اللي قدامي ... شافتهم خالتي ام مهند وجات تجري على طول ..
وانا صديت عنهم للبنات وأشرت لساميه وانا ابتسم لأني كنت حاسة انها بتسوي شي من نظرتها فيني .... جات ساميه بناء على رغبتي بس فاطمه سبقت ساميه وكبت الشاهي اللي بيدها علي وانا بعدت بسرعه اول مانوت تكبه وجا على يدي من فوق وكتفي وصرخت من قلب بصوت عالي كان الشاهي حار ودوبها صبته
على طول ..سمعت خالتي تسب وهي واقفه وراها .. اما فاطمة انفجعت من خالتي وشردت وهي خايفة ومصدومه انها انكشفت وشافوها الناس .. وجات ساميه اللي شافتها يوم تكبه .. قالت : عاد لهنا وخلاص .. صبرنا كثير عليهن وعلى كلامهن وأكاذيبهن بس توصل لهنا لاوالله .
مسكتني خالتي بيدي بتشوف كنت مااقدر اتحمل احس جسمي احترق ونادت ساميه تجيب ثلج بسرعه وهي دقت على مهند سمعتها تقول : خذ سيارة ابوك وتعال ................. ديمه تعبانه عجل علينا .......... الو الو مهند
قفلت خالتي وهي ندمانه قالت : شكلي خوفته ليتني ماقلت له لين يجي .
حطت الثلج علي وانا ماسكه نفسي مااقدر اتكلم بجد الألم كان فظيع احرقتني حسبي الله عليها الحين جسمي بيتشوه ياويلي .. وغيره حسيتني ضعيفه قدامها هي وامها بأفكارهن وكلامهن وتصرفاتهن .
وقفت ريم عندي بالعباية لأن خالتي ارسلتها تجيبها .. وانا دخلت يدي اليمين اللي مافيها شي في كم العباية بس الثانيه ماقدرت لأني ماابغاها تلمسه صرخت لمن حاولت خالتي تدخل يدي
وبسرعه دخل مهند بعد ماعلمتهم ساميه ..
جا مهند عندي بسرعه وشنطته بيده قال :وش فيها
قالت له ساميه : الشاهي انكب عليها
شافني مهند وانا خلاص احس جسمي ينحرق اكثر ...قال : خليني اشيلك ادخلك جوا البيت ..
قلت له : لا لا اقدر امشي ماعليه .
التفت على ساميه وقال :ساميه هاتي الشنطة ولاحد يلحقني الا امي وعمتي
كنت بين يدينه وانا ماني في حال اقاومه ابغاه بس يحط لي شي على الحرق المشكله كبته على جسمي على طول لوفيه لبس كان ارحم شويه
حط لي مهند كريم للحروق اخذه من صيدلية عمته سارة اللي عرفت انه هو اللي مسويها لها .. وأعطاني ابرة مسكنه عشان ماأحس بالحرق قال : تطمني ديمه هذا حرق بسيط وماراح يجي له أي اثر تطمني بس ... كان يمسح على جبيني وهو يتأملني ويناظر فيني باهتمام ... حسيتني فقدت الألم وجلست اطالع في جسمي وانا ساكته مقهورة من فاطمة وش اسوي لها اسكت واصفح واتجنب المشاكل ولا آخذ حقي ..
..

يتبـــــــــــــــــــــــع..........

[شوقي لوليف روحي]

سمعت خالتي تقول : مهند خذ زوجتك للمستشفى مو تقعد تبحلق فيها كذا ..!
ضحكت عمته سارة : ههههههههههههههههههه يبحلق غصب اجل يشوف هالزين ومايبحلق .
سمعت ساميه اللي استغربت وقفتها مع مهند وهي باللبس هذا : مهند حبيبي ماشبعت منها لسه .. اللي يشوفك يقول اول مرة يشوفها
رد مهند وضحك : هههههههههههههههههههههههههه الحين مو ادخلكم عندي تقعدون تعلقون وتتريقون ترى بطلعكم برا ....بعدين التفت علي مهند قال كيف انكب عليك ... ناظرت خالتي الجوهرة ( ام مهند ) قلت : ها ..؟ انكب مادريت عنه .
قالت خالتي الجوهرة : لا لا لا مو مادرت عنه .. كبته بنت عمتك المصون من كثر الحقد اللي معمي قلبها .
فز مهند واقف قال : ايش ..؟ وهذي شاللي يقربها من ديمه ..؟ وش جابهم اصلاً ماكفى كلامها امس .
والتفت علي وانا احاول التهي عن نظراته ولا مواجهته واطالع في يدي ورحت للمراية بشوف الحرق احسه للحين يألمني بس اخف بكثير طبعاً بعد المسكن ..!والكريم اللي يقول ان فيه مادة مخدرة خفيفه .
لحقني وقال بحنان : ديمه قلت لك لاتخافين
ابتسمت له عشان الناس : مو خايفه انا بس لسه يألمني ..
: يألمك كثير ولا خف عن اول
: لا خف عن اول طبعا .. بس لسه فيه الم
قالت خالتي سارة : مهند يمه اذا تبون ترتاحون ترى غرفتك مجهزينها لكم والله لو فضيت لاشتري لكم غرفه كبيرة بس انا ناوية أأثث لكم الجناح الشرقي وماابي العجله ودي احط فيه اثاث يناسبكم وعلى مهل
قام مهند وسلم على راسها : الله يخليك لي يايمه احنا لنا جناح ببيت ابوي لاتنسين ومتى ماجينا لابها بنجلس فيه
:وهذا بيتك يامهند وبإذن الله راح احط لك جناح عندي والليلة ناموا هنا بيت ابوك يبي له وقت يرتب وينظف .
: الله يخليك لنا يايمه ويديمك ذخر يالغاليه
استغربت من مهند ليه يكلم عمته كذا وساميه تقابله بالطريقه هذي اجل كل هالغيره وتقابل ساميه وتضحك معاها استغفر الله العظيم اكيد يعتبرها اخته وماابغى اظلمه .
التفت على مهند وهو يقول : ديمه انتي تدرين ان عمتي سارة تصير امي من الرضاع وان السيدة سامية اللي وراك تصير اختي
التفت لساميه وضحكت كويس اني ماظلمتهم ولا عصبت : هههههههههههههههه ليه ماقلتي لي طيب لنا ساعه نسولف مع بعض .
: يؤ حسبتك تدرين اجل ماعرفك عن نفسه الأخ مهند
رد مهند : ترى مالنا الا شهر من تزوجنا مايمدي اقولها كل شي
ضحكوا كلهم وسمعنا الباب يدق راحت ساميه تشوف مين طلعوا البنات وكلهم جوا سلموا على مهند بنات يوسف واحمد يقولون ياعمي وبنات عزيزة ودلال يقولن ياخالي تطمنوا علي وسألهن مهند عن عمته نورة وبنتها قالوا راحوا اول مادخل ...!
كانت دانه تعلق وتضحك تقول : جات فاطمه تجري كل جسمها يهتز وكلمت امها في اذنها وبسرعه امها ارسلت الشغالة تجيب عباياتهن ودقايق الا هن عند الباب شكلهن يحسبنك بتجي تضربهن .
سكتتها امها ماتبيها تقول شي على خالتها مهما كان
انا ماعلقت ولا حتى ضحكت البارحه حرق والليلة حرق بس كل حرق يفرق عن الثاني والشبه بينهم قوة الألم .. ممكن الاثنين يشوهون للأبد ..
بس ان شاء الله مايصير تشوهات ولا يصير لها اثر .
كل شوي مهند يقرب مني يشوف الحرق ويقول لا احسن الحمد لله يالله البسي بنروح للعيادة نضمده لك
: ضروري
: ايوه الحين تقدرين تلبسين عبايتك
: اجل بروح ابدل مااقدر اروح عند الدكتور وهذا شكلي .. اشرت على فستاني ومكياجي
: مممممممممممم اقولك انا اضمده لك اجل اوديك دكتور وانا دكتور
: بس هذي مو شغلة دكتور شغلة ممرضات .. قلته وانا ابتسم ..
قرب مني وابتسم قال : عادي اصير لك ممرضة مو كله طب وكله دارسه ..
طلع مهند ضمادات من الصيدليه وشاش وقطن وبلستر قال : الحين بلف كتفك كله ويدك كلها من فوق
: ياالله شغله ..!
: لاعادي بس راح تقيدك شوي ..
لف يدي بالضمادة والشاش وحط على كتفي ضمادة بعد مازاد الكريم عليه وحط قطن ولف عليه بطريقة ماهرة وحط عليه بلستر عشان يمسك الشاش
سمعنا صوت عمي عند الباب ودخل علينا وجوال مهند في يده يقول خير وش فيه وش اللي صار .. التفت على مهند قال : وش فيك فجعتني رحت ماعطيتني خبر باللي صار ورميت جوالك والله اني قلت صاير مصيبه ..
رد مهند عليه : من وين بيجي الخير واختك وبنتها في الأرض
قالت خالتي سارة لعمي السالفة وعمي كشر : حسبي الله ونعم الوكيل وصلت معهن لهالدرجه .. نورة هذي ماتربت فضحتنا في بنت الناس .. امسحيها بوجهي ياديمه ولاتشيلين بخاطرك . سودت وجهينا معك ..
رديت انا : وجهك ابيض ياعمي عسى الله يخليك لنا .... وانتم مالكم دخل في اللي صار .. فاطمة تعاني من شي كبير وكل هذا ينعكس على تصرفاتها . الله يهديها بس .
ضحك مهند وقال : تحدث علم الاجتماع الحين وطرق التحليل للتصرفات .
ضحكوا كلهم حتى عمي ضحك وقال : والله ياديمه ماياخذ لك حقك منها غيري وانا ابو مهند ..!
: الله يخليك ياعمي ويطول لنا بعمرك ... ماابي انتقم ولا ابيك تتمشكل مع اختك بسببي . جزاهم بيلاقونه عند رب العباد وانا الحمد لله ماصار فيني شي مجرد حرق بسيط ماله أي اثر بإذن الله .
كانوا البنات ساكتات يسمعوني وانا اكلم عمي قالت دانه : ديوووم
: هلا
: من فين تعلمتي الردود هذي والاسلوب هذا من الجامعه ولا كل بنات جده ؟
: ههههههههههههههههههههههههههه الله يخلي لي اللي يعلمني كل شي .
ضحكوا كلهم منها بعدين قال مهند : لاتجيبون سيرة ناصر تسوي لنا رسالة ماجستير ودكتوراه وأبحاث في ناصر بن عبدالهادي .
جلسنا نسولف كلنا وعمي ومهند عندنا البنات كانو متجمعات في الجهه الثانية وخالتي ام مهند وخالتي سارة وبناتها دلال وعزيزة عندنا نادتني ساميه تبغاني اجي اسولف عندهن بس قال مهند لا ماتقدر تجيكم .
ابتسمت لساميه وانا منحرجه من تصرفه يعني مو داري اني زعلانه منه ولا اذا سوا هذي الحركات هنا يحسبني راح ارضى عليه ..!






قام عمي يقول بروح اصلي الفجر وانام وقام مهند معاه بيروح للمسجد وانا رحت فوق لغرفة مهند وخالتي دخلت غرفة تحت خصصتها خالتي سارة لهم .. والبنات راحن بينامن لأنهن تعبن اليوم بما فيه الكفاية ..
دخلت الغرفة ياربي شلون انام بغرفه زي كذا ياليت فيه كنبه انام عليها ولا كان السرير اعرض شوية .
كنت ابغى اتحمم بس صعب وبصراحه مااقدر على هذا الوضع .. بدلت لبسي ولبست بيجامه قطنية بنطلون اصفر وبدي سماوي وصليت ونمت على جنبي الأيمن بحيث يصير مهند ناحية ظهري اذا نام على السرير .. ياربي يقدر اني زعلانه منه واني مو متعوده انام معاه ويروح ينام بمكان ثاني .
طبعا هربت للنوم عشان مااواجه مهند ... صحيت من مهند اللي يناديني وسكت شويه مارديت عليه الين قدرت افتح عيوني.. فتحتها وتمنيت اني مافتحت كان مهند بجنبي على طول ومتغطي معاي بنفس الغطا انحرجت كثير قلت له: بغيت شي ..؟
قال : انتي نايمه ؟
: ها..؟ ليه قلت شي ..؟
: لا ماقلتي شي بس تتقلبين كثير على بالي انك صاحيه ومو نايمه ..
ابتسمت لأنه مايدري عن طبعي : انا دايما اتقلب في نومي هذا طبعي ..!
: اجل آسف اني صحيتك كملي نوم
: كم الساعه الحين
: احنا الساعه 12 الظهر باقي مااذن ومحد صاحي بهالوقت بس نامي ..!
حاولت انام والمشكله مااقدر انام الا على جنبي الايمن ولا انقلب على بطني بس مستحيه من مهند ومااقدر آخذ راحتي ابداً ..
قرب مني مهند حسيت بأنفاسه قريبه مني .. حط يده على راسي قال : ازعجتيني وازعجتك ..!
: آسفه
: بتكملين نوم ..!
مارديت عليه وقرب مني قال : ديمه زعلانه مني ؟
قلت له من دون ماالتفت عليه : لاتكلمني
: لمتى ؟
: لين انسى .
: طيب سامحيني !
: هه قديمه وسمعتها كثير خلاص صارت سامجه .
: ديمه
: ترى اذا بتطول الكلام بطلع انام بغرفة ساميه ولا عند وحده من البنات
: لا لا فكينا من الفضايح نسكت احسن .
: للأسف ماتفكر الا بالناس وكيف تصير علاقتنا قدامهم .
: ديمه
: الله يخليك نام .. ولا اقولك خلاص بقوم احسن . وقمت جلست وجلس هو كمان ومد يده لفها من تحت صدري وسحبني عنده صار ظهري قريب من صدره جمع شعري اللي كان مغطي ظهري وحطه قدام على جهتي اليمين
قال :وريني حرق الكلبـه ..؟
التفت عليه وشفته قريب مني كثير بلعت ريقي وقلت : أي حرق قصدك ..؟
: ها ..؟ كيف أي حرق فيه غير هذا ..؟
: قصدك حرقها لي البارحه واللي قبل البارحه ..؟
طالع وجهي ودقق فيه شاف العلامه اللي الزرقا قال : اليوم اخف بكثير عن امس ..وبسرعه باسني عليه .. قمت على طول من حضنه بس سحب يدي قال : تعالي ياخوافه بشوف الحرق .
مارديت عليه وفتح البلاستر وشافه قال : لا خلاص ماله داعي الشاش الحين اصلاً انا حطيته عشان مايضايقك وانتي نايمه لأن المسكن مفعوله قصير وخفت يرجع لك الألم بس الحمد لله الحين كويس .. وفتح الشاش عني ولمسه على طول حسيت بالحراره قلت : لا لاتحط يدك يألمني ....
جاب الكريم اللي طلعته معاي لمن جيت انام وحط عليه منه ..
قلت : طيب كيف استحم الحين
:ممممممممم مو لازم
: شو مولازم ..؟ الا ضروري
: اوكي ..وابتسم بلؤم بعدين قال استحمي واطلعي لهم عشان يعذورني بعد بحلقتي فيك البارحه .
طالعت فيه وبعد شويه فهمت قصده رميته بالمخدة الصغيرة وقمت وهو قعد يضحك بصوت عالي .. قلت له : لاتروح مكان عشان اذا استحميت تحط لي كمان مرة ثانية من الكريم
: مصممه تتحممين
: ايوه مااقدر انزل كذا ..!
طالع فيني وابتسم قال : اش رايك ننام شوية وبعدين تتحممين براحتك واذا تبيني اساعدك ترى ماعندي مانع ..!
مارديت عليه ودخلت الحمام وانا معصبه منه .. الحين انا زعلانه وهو مسوي الموضوع عادي .. صدق ثقيل دم . وماعنده احساس .

استحميت بحذر وطفش بس احلى شي ان الموية كانت بارده شوي لأن جو ابها بارد ويجنن مو جدة الحر والرطوبة والقرف .

.......................................
::يــــــــــــــــــــــتــــــــبـــــــع::
.......................................

[شوقي لوليف روحي]

السلام عليكـــــم ورحمـــــة اللــــــه وبـركــــــآته.....

أخ ــبـآركــم إن شـآءاللـه طيبيـــن



أدري أنــي طــولــت عليكــم بـآلـروووآيـــه

بـس بجـــد مـو قصـــدي .....

وأنـــآ أسفـــــــه عــلى الإطـــآلهـ.....


وإن شـآءاللـــه أكملكـــم بـآقــي الـروآيــــه

.................................................. ...........................................



خرجت من الحمام وانا لابسة الروب حقه حصلته متكي بظهره على السرير ويناظر فيني .
قلت : ممكن تروح تتوضا عشان تروح تصلي
ابتسم قال : مااذن لسه ولا بتخرجيني من البيت بحجة الصلاة ماتبين وجهي
: طيب ابغى البس ممكن تخرج
: البسي هنا
: يوووه اخرج ولا روح للحمام غسل ..! فرش اسنانك ..!اتوضا واستنى الصلاه .. اعمل أي حاجه بس اخرج ..!
ضحك بخبث قال : والله اذا انتي مستحيه البسي بالحمام .
: شو البس بالحمام من كبره الحمام حتى مرايته صغيره وفوق كيف اشوف لبسي
: لحوووول الله يعيني على دلعك وتحكمك فيني ياديمه ..
قام بيروح للحمام وقرب مني قال : الحين معصبة عشان قلت البسي عندي ..وش بتسوين طيب لو البسك انا ..؟
: عادي اصرخ وأقولهم يحاول يقرب مني ويعرفون ب.لعت ريقي وقلت وتفضح نفسك ......... ممكن تروح للحمام ..؟
: هههههههههههههههههههههههههههههههههههههههه كملي طيب والله منتي هينه بس شغلك عندي ..! على فكرة تراني تاركك براحتك انتي يعني مااحب اجبرك على شي ماتبينه ...!
دخل الحمام وانا ارتجف حسبته صدق بيقرب مني بسرعه لبست ملابسي الداخلية من تحت الروب بعدين لبست تنورة قصيرة كاروهات اسود وموف .. ولبست بلوزة مموجه لونها اسود وموف ماسكة على صدري والباقي واسع الين خصري وبدون اكمام بس علاقي ناعم .. كان صدري باين وأهم شي في البلوزة هذي ان كتفي باين مو متغطي عشان الحرق مايألمني .. اخذت معاي شال حرير لونه اسود ولبست جزمة سودا طويلة وسويت مكياج يغطي الكدمة اللي بوجهي الين اخفيتها .. ولبست عدسات بنيه والحمد لله اليوم الاحمرار خف بكثير .. طول مهند بالحمام وعرفت انه ياخذ دش يووه هذا كيف بيسوي الروب حقه هنا وفيه مويه مني
ناداني قال هاتي الروب وطلعي لي منشفه من الشنطة .. جبت له الروب والمنشفه لأن منشفته حقته لفيتها على شعري وطبعا مافيه امل احد يستخدمها قبل تجف .. نزلتها عند الباب ورحت بسرعه... وهو فتح الباب اخذها وسكر وطلع بعدها على طول وجا عندي يبغا ملابس من الشنطه كان ينشف شعره وطالع فيني قال : ديمه لاتلبسين كذا قدامي .تراني نبهتك ..!ولا ترى بزعلك ..!
: ها..؟ شو ..؟ اخذت الشال حطيته وكملت ..: اصلاً انا مالبست عشانك ..!
كان مرة جاد وقرب مني قال: ديمه خلينا حلوين مع بعض والله ماابغى ازعلك ولا آخذ شي غصبٍ عنك ..... ماصارت ترى ..!
كانت انفاسه قريبه مني احسها تحرقني .. بس صديت عنه وبعدت وقلت: لا صارت ونص .. لاتحسبني اني ارد عليك ولا اكلمك ولا ماني معصبة راضيه عن طريقة زواجي منك .. ولا اني نسيت ايامنا في فرنسا .. ولا سامحتك بعد الكف اللي عطيتني اياه بدون ذنب وانا عروس .. ولاتحسب لمن سكت ماكبرت الموضوع اني ضعيفه ولا مااقدر اكلم اهلي لا يادكتور غلطان ... انا صابرة لأنه من طبعي اعطي فرص للناس اللي يغلطون علي .. بس اذا مانفع خلاص معناتها صعب يجربون يرجعون علاقتهم فيني ..وحط في بالك وانا هالمرة انبهك ترى زعلي مو هذا انا اذا صديت صديت صدقني ماراح اجلس لك ثانية وحده وانت عاد تعرف اخوالي كيف يدللوني ..
سكتنا شوي بعدين قال : ديمه انتي منتي فاهمه شي صدقيني
: مايهمني افهم الدوافع ولا الاسباب ولا حتى مشاعرك .. انا من يوم جيتك وانت مرجع لي ذكرى زوجة ابوي جميلة والضرب اللي كنت آكله منها من الصباح الين الليل .. تجمعت الدموع في عيوني وكملت .. من بعد ماشفت عندها اقسى ايام حياتي عشت عندي خالي رفاهية ونعيم عارف اش معنى نعيم حتى بالكلام محد جرحني ولا تكلم علي .. عشت عند جدتي عايشه الله يرحمها البنت المدللـه والعاقلة كنت بالنسبة لاخوالي بنتهم واختهم وحبيبتهم كنت قلب خالي ناصر ونبضه وعيونه .. عمرك شفت احد يسوي لعيونه شي ولا يسمح لحد يتعرض لها ويخليها تألمه .. انا كنت عيون خالي .. كنت اهله زي ماهو هو اهلي وجنتي .. جيت انت ونغصت حياتي قلبت النعيم الى جحيم .. نكدت علي باسلوبك وخطبتك لي وبعدها كل ماتطلع لي تسبني وتتكلم علي وتضربني ماعندك اسلوب ورهبتني منك ..وخوفتني وبدل ماتقربني منك صرت ابعد الناس عنك .. انا عشت سنه كامله بحزن ماتتخيله .. ابوي وامي وجدتي كنت ابكيهم بس اني اتذكر ايامي الحلوة معاهم وأبكي عليها .. اما انت بكاي منك كان خايف .. وكره للعيشه معاك لدرجة اني فكرت كذا مرة انتقم منك .. وصدقني لولا اهلك وطيبتهم معاي اللي خففوا عني مواجهتك وعذابك لي كان ماكلمتك وكان خليت حياتك جحيم ..
جلست ابكي احسني منهارة وهو كان واقف وحاط المنشفه على شعره وجا عندي
قال : يامجنونه انا اعذب نفسي ولا اعذبك ..
: يتهيأ لك .. انهرت وقلت : ماراح تفهمني ياآدمي .. قلت لك مليون مرة الغصب عمره ماجابني .. والقسوة عمرها مالينت قلبي .. ليه ماتستوعب الدرس وتفهمه .
جلست على الأرض بجنب السرير ابكي قلت : والله حرام عليك ابغى احس اني عايشة بأمان معاك اذا ماتبي تخلي سبيلي انا عمري ماضريتك ولا سببت لك اذيه ليه انت تأذيني ..
قال بأسى وحنان وصوت هادي : ديومتي ماصارت خلاص ماتبين قربي ابشري باللي تبغين بس هدي نفسك ..
سكتت وقمت غسلت عيوني وحاولت اهدي نفسي وزبطت مكياجي مرة ثانيه وهو راح ولبس ورجع لي وقف بجنبي .. مهند بحر وتيار قوي يجرفني ناحيته .. ايوه يجرفني غصب عني .. مهند رغم عمايله معاي وقسوته قدر يسيطر علي ويربطني فيه ويتمكن مني وبجدااارة .. طالعته بالمراية قربه على قد ماكان يربكني ويخربطني على قد مايريحني الآن ويحسسني بشعور مختلف صعب افهمه بس المهم اني مرتاحه ومااتخيل حياتي بدونه .. سحبني ناحيته وحضني على صدره بقوة اول مرة احسني محتاجه انه يضمني خليته يضمني براحته وماقاومت ابداً .
:ديمه
مارديت عليه : .....
قال : عطيني فرصة اخيرة مممممممم ووعد مني مااقرب منك ولا احاول الا وانتي راضية.. ومسك اذني بشويش بقاومك الله يساعدني ... اذا وثقتي فيني راح اكون اسعد انسان بالدنيا ماوثقتي فيني لك اللي تبين .. وش رايك ؟
: مهند
فكني من يدينه وناظر بوجهي بعدين رجعني لصدره وضمني بقوة وهو يحاول مايلمس الحرق اللي بكتفي وتنفس بقوة قال : عمر مهند وروحه .. تدرين اني اول مرة اسمع اسمي منك .
: خايفه من مشاعري تغلبني يامهند .
: قصدك خايفه تحبيني .
: خايفة ..
: ماتبغين تحبيني ..
: اخاف احبك وأفشل خاصة اني للحين ماوثقت فيك .
: تدرين ان كلمة ريم لي لمن قالت ان قلبك مليان ومالي محل فيه للحين بأذني وهي اللي منغصة علي حياتي
:ههههههههههههههههه ماسألتها مين اللي مالي قلبي .
: ليه انتي قلتي لها من ؟
: طبعا اجل اقولها موضوع زي هذا ومااقولها من اللي فيه
: هو اللي امس ضربتك عشانه .
: لاااا .
: اجل ..؟
: مافي قلبي غير اهلي يامهند .. وقلت قبل كذا ان عمر ماصار لي تجارب بس ماصدقتني . سكتنا شويه بعدين كملت : مهند اذا مشاعري تحركت فأنت اول رجل في حياتي كلها يحركها واذا عندك شك ادق على لمى اقرب الناس لي واسمع كلامها لي .
: ديمه وربي اني اصدقك بأي شيء تقولينه مهما كان انتي مفروضة علي وعلى قلبي وحياتي حتى عقلي مسكين قدامك مايفكر .
: ليه ماقلت لي انك كنت تحبني من زمان
: ههههههههههههههههه اكيد ساميه اذاعت لك النشرة
: اخس عليك وقاعد تقول آخذك عشان اكسر راسك
: قهرتيني وانتي تقولين اكرهه .
: ههههههههههههه ليه تبغى تحرجني هذاك اليوم وانا خلقه منحرجه منك .
: اصبري فيه اشياء كثيرة بعدين بقولك عليها .. الحين خلينا نجتاز هالمرحلة
بعدت راسي عن صدره ورفعته اطالع بعيونه قلت وانا ابتسم: اصدقاء ..؟
قرب عيونه مني وحط جبينه على جبيني قال : عشاق ..
رجعت راسي على صدره وقلت بهمس : مهند
رد علي بنفس الهمس : عيونه
: خايفه من فاطمة كثير احسها تخطط لشي اكبر من حرقي ولا نفاقها بيني وبينك
: لاتخافين وربي اللي خلقني ماتضرك الا اذا غبت عن الدنيا
ضربته على صدره بشويش ووخرت عنه ..مااقدر اتخيل مهند مو موجود تعودت عليه خلاص . ويمكن يمكن اني حبييته ..!او بديت اتقبله في حياتي .. المهم اني مااقدر اتخيل اني بدونه .





حسيت دموعي تحجرت بعيوني وقرب مني بس قلت : لاتكلمني اذا بتجيب سيرة الموت .
: هههههههههههههههههههه ياروح مهند انتي .. ماني جايب سيرته وعساه مايجينا ولا ينغص علينا .. ممممم طيب بطلب منك طلب .
ابتسمت وغمضت عيوني وفتحتها قلت : آمر
: لا قولي اطلب انتي ديمه حبيبة مهند محد يامر عليك حتى لو كان مهند بنفسه .
: هههههههههههههههههه لا انت سامحة لك تعودت اسمح لك .
:ههههههههههههههههههه طيب ماابغى اشوف دموعك تكفين ديمه .. واذا زعلتي لاتسكتين تكلمي ردي خاصميني وهزئيني بس لاتسكتين تذبحيني ..
: مممممممممممممم مااوعدك لأني بكاية وكتوم بس بحاول اتغير عشانك
حضني بقوة قال : الله يخليك لي ولايفرق بينا
: ويخليك .... طيب ممكن اطلب انا
: آمري
: مهند اذا جيت تصحيني لاتصحيني بسرعه انا طبيعتي اجلس بعد مااصحى دقيقتين ثلاث مافتحت عيوني .. واذا شفتني اتقلب في نومي ترى هذا طبع فيني وعادة يعني لاتعصب ولا تتهور وتخاصمني .
: اوووووووه بجد ديمه آسف انا متهور بس اوعدك خلاص اقدر بعض اطباعك الغريبة هههههه لاتزعلين
: لا عادي انت صادق مافيه احد يتقلب في نومه زيي .. ومافيه احد يجلس مقفل عيونه بعد مايصحى غيري ..
دق جواله وراح اخذه وحطه صامت على طول قال : وش رايك نتغدا هنا ونطنش الدنيا كلها .. ولا نطلع انا وانتي نتمشى بالسيارة .
: اللي تبغاه .. صحيح تذكرت اش رايك اروح لبيت عمي سالم .
: اوووه ذكرتيني ياسر عازمني الليلة على العشا بس ماوعدته قلت اشوف ديمه اش رايك ؟
: ماادري احس بيني وبين عماني رسميات وحواجز كبيرة .. خلنا نسلم عليهم ونرجع لو معاي احد ممكن ، بس انا لوحدي احسها صعبه ..
: طيب خلينا ننزل الحين نتغدى ، والعصر نطلع .
: طيب ديومتي انتبهي لنفسك وزي ماقلت لك لاتعذبيني .... كان يناظر بصدري .. بسرعه لفيت الشال علي ومديت يدي عليه بدلع وهو مسكها وقرب من اذني قال : بدينا .. دلعك هذا بيجني على ولا عليك انتبهي ..
: خلاص هات يدي وانا اصير عاقلة . ..
:هههههههههههههههههه خلي يدك معاي
: اقولك البس عبايتي ؟.
: لا لاتلبسين اصبري اشوف
خرجنا مع بعض وهو نادى ساميه قال احمد ويوسف فيه قالت بقسم الرجال مع ابوك .
قال لي : البسي عبايتك وتستري هنا.. لاحد يشوفك ..!
: اكيد .. انا احرص منك لاتخاف .
رجعت للغرفه واخذت عبايتي .. ولبستها بشويش والحمد لله مافيه الم كثير بس جسمي احمر .. لفيت طرحتي على شعري وغطيت وجهي ونزلنا ..
دخلت مجلس الحريم وهو راح لقسم الرجال ..جلسنا نسولف انا والبنات اللي كلهن مكسلات لأنهن مانامن الا الساعه 8 الصباح وصحتهن خالتي سارة الساعه وحدة الظهر كان الجو رايق وانا ورؤى نسولف بالنقل وان زوجها في جده وهي محد راضي ينقلها قلت لها بكلم خالي اذا قدر ينقلك ولا لا..ووعدتها اني لاهتم في موضوعها لأن خالي الله يخليه لي علاقاته قوية ببعض الشخصيات والمسؤولين وسبق ونقل ثنتين من زوجات اصحابه وخالتي فاديه كمان نقلها لمدرسة بجنب البيت ... كل شوي دانه تعلق علينا وتقول صدق وافق شن طبقه ...
ضحكنا من دانه وخفة دمها حتى وهي نعسانه وتبغى النوم ..... فجأة وصلت الصاعقه دخلت نورة وهي حاميه وتصارخ تقول ياسااارة وين سااارة .. هذي لها وجه تقعد عندكم قمت بسرعه وأخذت عبايتي وأشرت لريم تكلم مهند يجيني ..
رحت للمطبخ وعلى طول جا مهند عندي وهو يسمع الصراخ قالت : الخاينه الملعونه اللي عندكم والله ان ماطردتوها لاذبحها ولا ماعاد ادخل بيتكم لين اموت
طلعت خالتي سارة من عند الرجال على صوتها قالت : انتي لك وجه تدخلين بيتي بعد سواتكم بديمه .
: ديمه بناخذ حقنا منها وتشوفين
فتحت عيوني وجلست اناظر بمهند وهو مسك يدي قال : هلا بعمتي اللي اتهمت زوجتي بشرفها ثم حاولت تشوها ثم الحين جاية تنصب عليها .. حطي في بالك والله لو مايقعد بالدنيا غيري انا وبنتك ماآخذها .. سمعتي ياعمه اما خليك سنعه واعقلي وعقلي بنتك ولا بيوتنا كلنا تعذرك ..عيني لاتشوفك عندنا
: انت ماتدري عن حرمتك اللي تدافع عنها
قاطعها مهند : الا ادري عنها وادري عنك انتي وبنتك واخذني مهند قال اطلعي جيبي شنطتك وجوالك بنروح نتمشى ونتغدى برا بعدين نروح لعمانك
بسرعه جبت شنطتي وجوالي لقيت نورة خارجه برا وتلعن وتسب وتقول الملعونه اللي تكلمت بشرف فاطمه والله لانتقم منها وخلق ربي يشهدون
طالعت بمهند وابتسمت ببرود قلت : لحوول هذا آخر الحلول عند عمتك تتهمني اني اتكلم في شرف بنتها
كان مهند معصب قال: ماعليك منها لاتفكرين بكلامها
: ههههههههههههههه اشبك مهند لاتحسبني تأثرت بكلامها والله اني اشفقت عليها معقولة من جدها فيه احد بيصدقها المشكله انها تغلط علي من اول ماشفتها وقدام الناس وانا اطنشها هي وبنتها ومع كذا الا بتثبت اني انا الغلطانه وهي المسكينه اللي ينغلط عليها .
طالعني وابتسم قال : يازين الناس الواثقه بس .
قلت له ابغى اغير الموضوع لأنه يحرجني بكلامه وابتسامته : مهند تخليني امر مزرعة ابوي الله يرحمه .؟
: اخاف تتأثرين .
: اكيد بتأثر اعرف نفسي ..
: اجل آسف جايبك عشان تنبسطين مو تتنكدين
: هههههههههههههههههههه والله عمتك مو مخليتني بحالي بس الله يساعدني .. :تصدق مهند ..؟
: شو ياروح مهند ؟
: ههههههههههههههههههه ممممممممممممم نسيتني خلاص
: ههههههههههههههههههه لا بجد شو كنتي بتقولين
: كنت بقول اخاف من عمتك وبنتها يسوون فيني شي .. ولا يغيرونك عليّ .
: اش قلت لك انا ؟
: تصدق اليوم لمن دخلت حسبتها بتكب على وجهي موية نار ولا شي حار على بالي انها ماقدرت تشوه وجهي البارحه والحين جاية تكمل .
: انسيها ياعمري لاتفكرين فيها
ابتسمت له وقلت : وماله ننساها لعيونك
وصلنا بيتزا هت ونزلنا تغدينا وبعد الغدا جلسنا نلف بالسيارة الين بعد اذان العصر ورحنا لبيت عمي نزلت وسلمت عليهم كانوا يعاملوني رسمي حتى عمي بنفسه سلم علي وحلف الا يعشينا بس رفض مهند اشوا .. ماارتحت عندهم ابداً وجا عمي ياسر اللي كان احسن منهم جلس معاي شوي بعدين راح لمهند .. انا طبعاً لو اقطعهم ولا اسأل فيهم ماسألوا فيني ولا تذكروني الدليل ماحضروا زواجي بس عمي ياسر حضر اتوقع عشان مهند ولو كنت متزوجه غير مهند مادرى عني ..
رجعنا انا ومهند للبيت وجلست مع البنات ومهند راح مع عمي ياسر يتمشون برا ومارجع الا الساعه 4 الفجر وانا قد نمت حسيت فيه لمن جا ولمن شفته كان تعبان بس نزل ثوبه ونام على طول حتى مابدل ..
مرت علينا ثلاثة ايام في ابها ذكرتني بالأيام اللي كنت اقضيها بسوريا بس هذي فيها مهند ومشاعره وكلامه واهتمامه ...
مهند كان في البداية يتسلل لقلبي احاول اصده بس هو اقوى ..الحين صار يقتحمني ، يخترقني وانا مافي يدي لاحول ولاقوة .. دايماً يغلبني لأنه الأقوى ...
حاولت على قد مااقدر اكبت مشاعري وأحيانا افكر اقتلها لأنه مايصير استسلم له اكثر من كذا ... لأني بصراحه مااضمنه .
رجعنا لجده .. احسني كنت اسعد من مهند لأني مبسوطه بحالي بس هو كان ينقصه اشياء .. ولو انه مالمح بس كنت اشوف في وجهه ونظراته ومسكته لي وأحيانا يستغل الفرصة حتى لوكنا تحت ويضمني بقوة على صدره ..
بس عموما هو مبسوط الحمد لله وشكل حياتنا راح تستقر وتهدا اكثر من اول .. والله لايغير علينا الا للأحسن ..




:::.......................................:::
::::يــــــــــــــــــــــتــــــــبـــــــع::::
:::.......................................:::

[شوقي لوليف روحي]

السلام عليكـــــم ورحمـــــة اللــــــه وبـركــــــآته.....

أخ ــبـآركــم إن شـآءاللـه طيبيـــن



أدري أنــي طــولــت عليكــم بـآلـروووآيـــه

بـس بجـــد مـو قصـــدي .....

وأنـــآ أسفـــــــه عــلى الإطـــآلهـ.....


وإن شـآءاللـــه أكملكـــم بـآقــي الـروآيــــه

.................................................. ...........................................



خرجت من الحمام وانا لابسة الروب حقه حصلته متكي بظهره على السرير ويناظر فيني .
قلت : ممكن تروح تتوضا عشان تروح تصلي
ابتسم قال : مااذن لسه ولا بتخرجيني من البيت بحجة الصلاة ماتبين وجهي
: طيب ابغى البس ممكن تخرج
: البسي هنا
: يوووه اخرج ولا روح للحمام غسل ..! فرش اسنانك ..!اتوضا واستنى الصلاه .. اعمل أي حاجه بس اخرج ..!
ضحك بخبث قال : والله اذا انتي مستحيه البسي بالحمام .
: شو البس بالحمام من كبره الحمام حتى مرايته صغيره وفوق كيف اشوف لبسي
: لحوووول الله يعيني على دلعك وتحكمك فيني ياديمه ..
قام بيروح للحمام وقرب مني قال : الحين معصبة عشان قلت البسي عندي ..وش بتسوين طيب لو البسك انا ..؟
: عادي اصرخ وأقولهم يحاول يقرب مني ويعرفون ب.لعت ريقي وقلت وتفضح نفسك ......... ممكن تروح للحمام ..؟
: هههههههههههههههههههههههههههههههههههههههه كملي طيب والله منتي هينه بس شغلك عندي ..! على فكرة تراني تاركك براحتك انتي يعني مااحب اجبرك على شي ماتبينه ...!
دخل الحمام وانا ارتجف حسبته صدق بيقرب مني بسرعه لبست ملابسي الداخلية من تحت الروب بعدين لبست تنورة قصيرة كاروهات اسود وموف .. ولبست بلوزة مموجه لونها اسود وموف ماسكة على صدري والباقي واسع الين خصري وبدون اكمام بس علاقي ناعم .. كان صدري باين وأهم شي في البلوزة هذي ان كتفي باين مو متغطي عشان الحرق مايألمني .. اخذت معاي شال حرير لونه اسود ولبست جزمة سودا طويلة وسويت مكياج يغطي الكدمة اللي بوجهي الين اخفيتها .. ولبست عدسات بنيه والحمد لله اليوم الاحمرار خف بكثير .. طول مهند بالحمام وعرفت انه ياخذ دش يووه هذا كيف بيسوي الروب حقه هنا وفيه مويه مني
ناداني قال هاتي الروب وطلعي لي منشفه من الشنطة .. جبت له الروب والمنشفه لأن منشفته حقته لفيتها على شعري وطبعا مافيه امل احد يستخدمها قبل تجف .. نزلتها عند الباب ورحت بسرعه... وهو فتح الباب اخذها وسكر وطلع بعدها على طول وجا عندي يبغا ملابس من الشنطه كان ينشف شعره وطالع فيني قال : ديمه لاتلبسين كذا قدامي .تراني نبهتك ..!ولا ترى بزعلك ..!
: ها..؟ شو ..؟ اخذت الشال حطيته وكملت ..: اصلاً انا مالبست عشانك ..!
كان مرة جاد وقرب مني قال: ديمه خلينا حلوين مع بعض والله ماابغى ازعلك ولا آخذ شي غصبٍ عنك ..... ماصارت ترى ..!
كانت انفاسه قريبه مني احسها تحرقني .. بس صديت عنه وبعدت وقلت: لا صارت ونص .. لاتحسبني اني ارد عليك ولا اكلمك ولا ماني معصبة راضيه عن طريقة زواجي منك .. ولا اني نسيت ايامنا في فرنسا .. ولا سامحتك بعد الكف اللي عطيتني اياه بدون ذنب وانا عروس .. ولاتحسب لمن سكت ماكبرت الموضوع اني ضعيفه ولا مااقدر اكلم اهلي لا يادكتور غلطان ... انا صابرة لأنه من طبعي اعطي فرص للناس اللي يغلطون علي .. بس اذا مانفع خلاص معناتها صعب يجربون يرجعون علاقتهم فيني ..وحط في بالك وانا هالمرة انبهك ترى زعلي مو هذا انا اذا صديت صديت صدقني ماراح اجلس لك ثانية وحده وانت عاد تعرف اخوالي كيف يدللوني ..
سكتنا شوي بعدين قال : ديمه انتي منتي فاهمه شي صدقيني
: مايهمني افهم الدوافع ولا الاسباب ولا حتى مشاعرك .. انا من يوم جيتك وانت مرجع لي ذكرى زوجة ابوي جميلة والضرب اللي كنت آكله منها من الصباح الين الليل .. تجمعت الدموع في عيوني وكملت .. من بعد ماشفت عندها اقسى ايام حياتي عشت عندي خالي رفاهية ونعيم عارف اش معنى نعيم حتى بالكلام محد جرحني ولا تكلم علي .. عشت عند جدتي عايشه الله يرحمها البنت المدللـه والعاقلة كنت بالنسبة لاخوالي بنتهم واختهم وحبيبتهم كنت قلب خالي ناصر ونبضه وعيونه .. عمرك شفت احد يسوي لعيونه شي ولا يسمح لحد يتعرض لها ويخليها تألمه .. انا كنت عيون خالي .. كنت اهله زي ماهو هو اهلي وجنتي .. جيت انت ونغصت حياتي قلبت النعيم الى جحيم .. نكدت علي باسلوبك وخطبتك لي وبعدها كل ماتطلع لي تسبني وتتكلم علي وتضربني ماعندك اسلوب ورهبتني منك ..وخوفتني وبدل ماتقربني منك صرت ابعد الناس عنك .. انا عشت سنه كامله بحزن ماتتخيله .. ابوي وامي وجدتي كنت ابكيهم بس اني اتذكر ايامي الحلوة معاهم وأبكي عليها .. اما انت بكاي منك كان خايف .. وكره للعيشه معاك لدرجة اني فكرت كذا مرة انتقم منك .. وصدقني لولا اهلك وطيبتهم معاي اللي خففوا عني مواجهتك وعذابك لي كان ماكلمتك وكان خليت حياتك جحيم ..
جلست ابكي احسني منهارة وهو كان واقف وحاط المنشفه على شعره وجا عندي
قال : يامجنونه انا اعذب نفسي ولا اعذبك ..
: يتهيأ لك .. انهرت وقلت : ماراح تفهمني ياآدمي .. قلت لك مليون مرة الغصب عمره ماجابني .. والقسوة عمرها مالينت قلبي .. ليه ماتستوعب الدرس وتفهمه .
جلست على الأرض بجنب السرير ابكي قلت : والله حرام عليك ابغى احس اني عايشة بأمان معاك اذا ماتبي تخلي سبيلي انا عمري ماضريتك ولا سببت لك اذيه ليه انت تأذيني ..
قال بأسى وحنان وصوت هادي : ديومتي ماصارت خلاص ماتبين قربي ابشري باللي تبغين بس هدي نفسك ..
سكتت وقمت غسلت عيوني وحاولت اهدي نفسي وزبطت مكياجي مرة ثانيه وهو راح ولبس ورجع لي وقف بجنبي .. مهند بحر وتيار قوي يجرفني ناحيته .. ايوه يجرفني غصب عني .. مهند رغم عمايله معاي وقسوته قدر يسيطر علي ويربطني فيه ويتمكن مني وبجدااارة .. طالعته بالمراية قربه على قد ماكان يربكني ويخربطني على قد مايريحني الآن ويحسسني بشعور مختلف صعب افهمه بس المهم اني مرتاحه ومااتخيل حياتي بدونه .. سحبني ناحيته وحضني على صدره بقوة اول مرة احسني محتاجه انه يضمني خليته يضمني براحته وماقاومت ابداً .
:ديمه
مارديت عليه : .....
قال : عطيني فرصة اخيرة مممممممم ووعد مني مااقرب منك ولا احاول الا وانتي راضية.. ومسك اذني بشويش بقاومك الله يساعدني ... اذا وثقتي فيني راح اكون اسعد انسان بالدنيا ماوثقتي فيني لك اللي تبين .. وش رايك ؟
: مهند
فكني من يدينه وناظر بوجهي بعدين رجعني لصدره وضمني بقوة وهو يحاول مايلمس الحرق اللي بكتفي وتنفس بقوة قال : عمر مهند وروحه .. تدرين اني اول مرة اسمع اسمي منك .
: خايفه من مشاعري تغلبني يامهند .
: قصدك خايفه تحبيني .
: خايفة ..
: ماتبغين تحبيني ..
: اخاف احبك وأفشل خاصة اني للحين ماوثقت فيك .
: تدرين ان كلمة ريم لي لمن قالت ان قلبك مليان ومالي محل فيه للحين بأذني وهي اللي منغصة علي حياتي
:ههههههههههههههههه ماسألتها مين اللي مالي قلبي .
: ليه انتي قلتي لها من ؟
: طبعا اجل اقولها موضوع زي هذا ومااقولها من اللي فيه
: هو اللي امس ضربتك عشانه .
: لاااا .
: اجل ..؟
: مافي قلبي غير اهلي يامهند .. وقلت قبل كذا ان عمر ماصار لي تجارب بس ماصدقتني . سكتنا شويه بعدين كملت : مهند اذا مشاعري تحركت فأنت اول رجل في حياتي كلها يحركها واذا عندك شك ادق على لمى اقرب الناس لي واسمع كلامها لي .
: ديمه وربي اني اصدقك بأي شيء تقولينه مهما كان انتي مفروضة علي وعلى قلبي وحياتي حتى عقلي مسكين قدامك مايفكر .
: ليه ماقلت لي انك كنت تحبني من زمان
: ههههههههههههههههه اكيد ساميه اذاعت لك النشرة
: اخس عليك وقاعد تقول آخذك عشان اكسر راسك
: قهرتيني وانتي تقولين اكرهه .
: ههههههههههههه ليه تبغى تحرجني هذاك اليوم وانا خلقه منحرجه منك .
: اصبري فيه اشياء كثيرة بعدين بقولك عليها .. الحين خلينا نجتاز هالمرحلة
بعدت راسي عن صدره ورفعته اطالع بعيونه قلت وانا ابتسم: اصدقاء ..؟
قرب عيونه مني وحط جبينه على جبيني قال : عشاق ..
رجعت راسي على صدره وقلت بهمس : مهند
رد علي بنفس الهمس : عيونه
: خايفه من فاطمة كثير احسها تخطط لشي اكبر من حرقي ولا نفاقها بيني وبينك
: لاتخافين وربي اللي خلقني ماتضرك الا اذا غبت عن الدنيا
ضربته على صدره بشويش ووخرت عنه ..مااقدر اتخيل مهند مو موجود تعودت عليه خلاص . ويمكن يمكن اني حبييته ..!او بديت اتقبله في حياتي .. المهم اني مااقدر اتخيل اني بدونه .





حسيت دموعي تحجرت بعيوني وقرب مني بس قلت : لاتكلمني اذا بتجيب سيرة الموت .
: هههههههههههههههههههه ياروح مهند انتي .. ماني جايب سيرته وعساه مايجينا ولا ينغص علينا .. ممممم طيب بطلب منك طلب .
ابتسمت وغمضت عيوني وفتحتها قلت : آمر
: لا قولي اطلب انتي ديمه حبيبة مهند محد يامر عليك حتى لو كان مهند بنفسه .
: هههههههههههههههههه لا انت سامحة لك تعودت اسمح لك .
:ههههههههههههههههههه طيب ماابغى اشوف دموعك تكفين ديمه .. واذا زعلتي لاتسكتين تكلمي ردي خاصميني وهزئيني بس لاتسكتين تذبحيني ..
: مممممممممممممم مااوعدك لأني بكاية وكتوم بس بحاول اتغير عشانك
حضني بقوة قال : الله يخليك لي ولايفرق بينا
: ويخليك .... طيب ممكن اطلب انا
: آمري
: مهند اذا جيت تصحيني لاتصحيني بسرعه انا طبيعتي اجلس بعد مااصحى دقيقتين ثلاث مافتحت عيوني .. واذا شفتني اتقلب في نومي ترى هذا طبع فيني وعادة يعني لاتعصب ولا تتهور وتخاصمني .
: اوووووووه بجد ديمه آسف انا متهور بس اوعدك خلاص اقدر بعض اطباعك الغريبة هههههه لاتزعلين
: لا عادي انت صادق مافيه احد يتقلب في نومه زيي .. ومافيه احد يجلس مقفل عيونه بعد مايصحى غيري ..
دق جواله وراح اخذه وحطه صامت على طول قال : وش رايك نتغدا هنا ونطنش الدنيا كلها .. ولا نطلع انا وانتي نتمشى بالسيارة .
: اللي تبغاه .. صحيح تذكرت اش رايك اروح لبيت عمي سالم .
: اوووه ذكرتيني ياسر عازمني الليلة على العشا بس ماوعدته قلت اشوف ديمه اش رايك ؟
: ماادري احس بيني وبين عماني رسميات وحواجز كبيرة .. خلنا نسلم عليهم ونرجع لو معاي احد ممكن ، بس انا لوحدي احسها صعبه ..
: طيب خلينا ننزل الحين نتغدى ، والعصر نطلع .
: طيب ديومتي انتبهي لنفسك وزي ماقلت لك لاتعذبيني .... كان يناظر بصدري .. بسرعه لفيت الشال علي ومديت يدي عليه بدلع وهو مسكها وقرب من اذني قال : بدينا .. دلعك هذا بيجني على ولا عليك انتبهي ..
: خلاص هات يدي وانا اصير عاقلة . ..
:هههههههههههههههههه خلي يدك معاي
: اقولك البس عبايتي ؟.
: لا لاتلبسين اصبري اشوف
خرجنا مع بعض وهو نادى ساميه قال احمد ويوسف فيه قالت بقسم الرجال مع ابوك .
قال لي : البسي عبايتك وتستري هنا.. لاحد يشوفك ..!
: اكيد .. انا احرص منك لاتخاف .
رجعت للغرفه واخذت عبايتي .. ولبستها بشويش والحمد لله مافيه الم كثير بس جسمي احمر .. لفيت طرحتي على شعري وغطيت وجهي ونزلنا ..
دخلت مجلس الحريم وهو راح لقسم الرجال ..جلسنا نسولف انا والبنات اللي كلهن مكسلات لأنهن مانامن الا الساعه 8 الصباح وصحتهن خالتي سارة الساعه وحدة الظهر كان الجو رايق وانا ورؤى نسولف بالنقل وان زوجها في جده وهي محد راضي ينقلها قلت لها بكلم خالي اذا قدر ينقلك ولا لا..ووعدتها اني لاهتم في موضوعها لأن خالي الله يخليه لي علاقاته قوية ببعض الشخصيات والمسؤولين وسبق ونقل ثنتين من زوجات اصحابه وخالتي فاديه كمان نقلها لمدرسة بجنب البيت ... كل شوي دانه تعلق علينا وتقول صدق وافق شن طبقه ...
ضحكنا من دانه وخفة دمها حتى وهي نعسانه وتبغى النوم ..... فجأة وصلت الصاعقه دخلت نورة وهي حاميه وتصارخ تقول ياسااارة وين سااارة .. هذي لها وجه تقعد عندكم قمت بسرعه وأخذت عبايتي وأشرت لريم تكلم مهند يجيني ..
رحت للمطبخ وعلى طول جا مهند عندي وهو يسمع الصراخ قالت : الخاينه الملعونه اللي عندكم والله ان ماطردتوها لاذبحها ولا ماعاد ادخل بيتكم لين اموت
طلعت خالتي سارة من عند الرجال على صوتها قالت : انتي لك وجه تدخلين بيتي بعد سواتكم بديمه .
: ديمه بناخذ حقنا منها وتشوفين
فتحت عيوني وجلست اناظر بمهند وهو مسك يدي قال : هلا بعمتي اللي اتهمت زوجتي بشرفها ثم حاولت تشوها ثم الحين جاية تنصب عليها .. حطي في بالك والله لو مايقعد بالدنيا غيري انا وبنتك ماآخذها .. سمعتي ياعمه اما خليك سنعه واعقلي وعقلي بنتك ولا بيوتنا كلنا تعذرك ..عيني لاتشوفك عندنا
: انت ماتدري عن حرمتك اللي تدافع عنها
قاطعها مهند : الا ادري عنها وادري عنك انتي وبنتك واخذني مهند قال اطلعي جيبي شنطتك وجوالك بنروح نتمشى ونتغدى برا بعدين نروح لعمانك
بسرعه جبت شنطتي وجوالي لقيت نورة خارجه برا وتلعن وتسب وتقول الملعونه اللي تكلمت بشرف فاطمه والله لانتقم منها وخلق ربي يشهدون
طالعت بمهند وابتسمت ببرود قلت : لحوول هذا آخر الحلول عند عمتك تتهمني اني اتكلم في شرف بنتها
كان مهند معصب قال: ماعليك منها لاتفكرين بكلامها
: ههههههههههههههه اشبك مهند لاتحسبني تأثرت بكلامها والله اني اشفقت عليها معقولة من جدها فيه احد بيصدقها المشكله انها تغلط علي من اول ماشفتها وقدام الناس وانا اطنشها هي وبنتها ومع كذا الا بتثبت اني انا الغلطانه وهي المسكينه اللي ينغلط عليها .
طالعني وابتسم قال : يازين الناس الواثقه بس .
قلت له ابغى اغير الموضوع لأنه يحرجني بكلامه وابتسامته : مهند تخليني امر مزرعة ابوي الله يرحمه .؟
: اخاف تتأثرين .
: اكيد بتأثر اعرف نفسي ..
: اجل آسف جايبك عشان تنبسطين مو تتنكدين
: هههههههههههههههههههه والله عمتك مو مخليتني بحالي بس الله يساعدني .. :تصدق مهند ..؟
: شو ياروح مهند ؟
: ههههههههههههههههههه ممممممممممممم نسيتني خلاص
: ههههههههههههههههههه لا بجد شو كنتي بتقولين
: كنت بقول اخاف من عمتك وبنتها يسوون فيني شي .. ولا يغيرونك عليّ .
: اش قلت لك انا ؟
: تصدق اليوم لمن دخلت حسبتها بتكب على وجهي موية نار ولا شي حار على بالي انها ماقدرت تشوه وجهي البارحه والحين جاية تكمل .
: انسيها ياعمري لاتفكرين فيها
ابتسمت له وقلت : وماله ننساها لعيونك
وصلنا بيتزا هت ونزلنا تغدينا وبعد الغدا جلسنا نلف بالسيارة الين بعد اذان العصر ورحنا لبيت عمي نزلت وسلمت عليهم كانوا يعاملوني رسمي حتى عمي بنفسه سلم علي وحلف الا يعشينا بس رفض مهند اشوا .. ماارتحت عندهم ابداً وجا عمي ياسر اللي كان احسن منهم جلس معاي شوي بعدين راح لمهند .. انا طبعاً لو اقطعهم ولا اسأل فيهم ماسألوا فيني ولا تذكروني الدليل ماحضروا زواجي بس عمي ياسر حضر اتوقع عشان مهند ولو كنت متزوجه غير مهند مادرى عني ..
رجعنا انا ومهند للبيت وجلست مع البنات ومهند راح مع عمي ياسر يتمشون برا ومارجع الا الساعه 4 الفجر وانا قد نمت حسيت فيه لمن جا ولمن شفته كان تعبان بس نزل ثوبه ونام على طول حتى مابدل ..
مرت علينا ثلاثة ايام في ابها ذكرتني بالأيام اللي كنت اقضيها بسوريا بس هذي فيها مهند ومشاعره وكلامه واهتمامه ...
مهند كان في البداية يتسلل لقلبي احاول اصده بس هو اقوى ..الحين صار يقتحمني ، يخترقني وانا مافي يدي لاحول ولاقوة .. دايماً يغلبني لأنه الأقوى ...
حاولت على قد مااقدر اكبت مشاعري وأحيانا افكر اقتلها لأنه مايصير استسلم له اكثر من كذا ... لأني بصراحه مااضمنه .
رجعنا لجده .. احسني كنت اسعد من مهند لأني مبسوطه بحالي بس هو كان ينقصه اشياء .. ولو انه مالمح بس كنت اشوف في وجهه ونظراته ومسكته لي وأحيانا يستغل الفرصة حتى لوكنا تحت ويضمني بقوة على صدره ..
بس عموما هو مبسوط الحمد لله وشكل حياتنا راح تستقر وتهدا اكثر من اول .. والله لايغير علينا الا للأحسن ..




:::.......................................:::
::::يــــــــــــــــــــــتــــــــبـــــــع::::
:::.......................................:::

[شوقي لوليف روحي]

شو راح يصير بين مهند وديمه ؟؟؟؟؟!!

وخالها ياسر ما به وما وراءه؟؟؟؟!!!



مر علينا اول اسبوع رايقيييين ومهند هادي مايكدر عليه الا اذا شافني ابتعد عنه ومااحاول اتقرب منه بإرادتي ..
الاسبوع الثاني وعلى نهايته رجع مهند لدوامه بالمستشفى كنت اصحى بدري افطر معاه هو وعمي وخالتي وأصحي ريم لحد ماتصحى معاي اجلس انا وياها الين الساعه عشرة بالليل وننام بدري ..واحيانا تجينا سميرة وتسهر معانا .. الخميس والجمعه بس هي اللي نسهر فيها..


جالسين انا وريم وسميرة وخالتي في الصالة عند التلفزيون وولد سميرة نايم في حضني .. صحيح انه مزعج واذا جانا قلب البيت حركة وازعاج وبكا والحاح على أي شي يبغاه ..واحنا متعودين على الهدوء في البيت بس احبه وانبسط اذا سميرة زارتنا ..لعبت معاه الين تعب وحطيته بحضني وشربته حليب ونام .. كانت سميرة بتاخذه بس رفضت قلت خليه انا مرتاحه وهو معاي ..
دخل علينا مهند وهو تعبان يقول ان كان عنده عملية صعبه واليوم واقف له اكثر من ثمان ساعات متواصله ..
جا تمدد بجني وحط يده تحت راسه قال : وخري هذا خليني انسدح .. ( يقصد ولد سميرة ) .
اش يقول هذا ..؟ يبي ينسدح فين ان شاء الله .؟ انا مااتحمل قربه واحنا لوحدنا مو الحين والناس هنا وبينسدح على فخذي ..
طالعت بريم وقلت : هاتي لاخوك مخدة ..!
قال : اعطي الولد امه ياديمه .
شفته تعبان وماله خلق يتكلم وانا كمان حنيت عليه واستحيت من اهله كنت بقوم وجات سميرة اخذت ولدها وهو قرب وحط راسه على فخذي ولف ذراعه على وجهه ..
وضعه كذا مربكني وكأن فيه كهربا ماسكه فيني .. رفع يده عن وجهه ورفع نظره فوق يطالعني .. وانا نزلت له راسي بشوف اش يبغى قال بصوت هادي ومحد سمعه غيري : ماني ماكلك وش فيك كذا ..؟
حطيت يدي على جبينه قلت وانا ابتسم : مافيني شي بس ارتاح .
حط يده على يدي وقعد يحركها على جبينه وشعره باين بجد انه مرهق وتعبان
قلت : مهند اش رايك اجيب لك قهوة وشاهي ولا تروح ترتاح فوق ..
: لا لا خليني هنا مرتاح اكثر من فوق .
جات سميرة بعد مانيمت ولدها اللي قام يبكي بعد مااخذته من حضني لأنا عكرنا عليه نومه بالشيل والحط .. قالت : يالله ياديمه شدي حيلك وجيبي لنا مهند الصغيرون ..!
طالعني قال : شفتي مو انا بس اللي ابي حتى الناس بس راسك يابس وعنيده .
انا احترق ومتفشلة منه ومن اهله اخاف يفهونه قلت بعد مابلعت ريقي وابتسمت : الله كريم .. التفت على سميرة وكملت قلت وانا وجهي احسه يشتعل: بدري ياسميرة ..
قال مهند بعد ماترك يدي ورجع يلف ذراعه على عيونه : اصبري لين اختبارات ديمه تخلص بعدين تشوف النتايج بعدين تقرر ..
انافهمت قصده على طول اللي هو اختباري له واذا قدرت اثق فيه او لا .. بس البنات وامه فهموا شي ثاني قالت خالتي : ياملحقنا خير الدراسه مابدت وانتم تنتظرون الاختبارات .. انتم وكلوا ربكم وسبحانه ماخاب من توكل عليه ..
تكلمت خفت من مهند يفضح فينا قلت : ياخالتي اختباراتي مرة صعبه .. خاصة ان المواد اللي آخذها الترم هذا محد يقدر يتحمل صعوبتها .. ماتنفهم بسهولة .
رفع راسه وناظرني وابتسم زين انه فهم علي قال : عاد وديمه الدلع ومتعوده على الرفاهية ماتتحمل شي صعب .. تبي كل شي سهل ويسير .
ريم كانت تقرا رسايل بجوالها ومو معانا وسميرة قعدت تناظر مهند بنظرة غريبه قالت : مهند ليه تقول كذا عن ديمه
ضحكت انا احاول اهدي الوضع ومهند تعبان وباين انه يدور شي عشان يعصب قلت : عادي ياسميرة يمزح تعرفين اخوك ومزحه .
كان بيتكلم بس حطيت يدي على فمه قلت : ليه ماتنام انت مو قبل شوي تعبان .. صحيح كيف العملية ..؟
كشر بوجهه قال : ولد شباب عمره 18عنده ورم خبيث سوينا اللي علينا والباقي على الله . لكن فيه امل 80 بالمية تكون العملية ناجحه .. مايبين الا بعد يومين .
: يارب تشفيه وتقومه بالسلامه .
قالت خالتي اللي انشغلت عنا بالتلفون اللي جاها : مهند بكرة بنروح لبيت خالك فهد وترى ديمه بتروح معانا .
قالت سميرة : وانا يمه مروني خذوني معاكم .
رد مهند : سميرة وريم يكفون ديمه لا ماتروح .
انا ماتكلمت بس خالتي عصبت قالت : انا ماودي اتدخل بس ليه ماتبيها تروح ؟
بيت خالي مليان شباب واذا بتروح ديمه لازم اكون انا معاكم وبكرة صعب ارجع بدري . خليها بعدين نروح كلنا مع بعض ولا انتظري لبعد بكرة .
ردت خالتي : مهند وش هالكلام ؟ تخاف على ديمه وماخفت على خواتك .. بعدين انت ادرى بعيال خالك .
: يمه موضوع منتهي لاتجادليني الله يخليك لي ديمه ماتروح أي مكان معاكم الا بوجودي .
طالعني قال : تبين تروحين انتي ..؟
قلت وانا صادقه : عادي اذا خالتي تبغاني اروح عادي بس اذا مو في خاطرك بلااش .
قام وجلس قال : خلاص روحي عشان امي بس انتبهي والبسي شي ساتر مو الملابس الخالعه مثل اللي عليك
طالعت بلبسي تنورة طويلة لونها فوشي ومشجرة بأسود .. وبدي اسود وجاكيت بكم طويل فوشي سادة قطني خفيف ومفتوح من قدام .. ولافه على رقبتي ربطه عنق طويلة زي الشال .
يعني مو باين مني الا صدري من فوق حتى البدي ساتر .. !
قلت : خلاص اجلس بعبايتي وطرحتي ولا يهمك ولا اقولك بلاش اروح ..
طالعتنا سميرة بنظرة غريبة .. ومهند اخذ حاله ووقف وخرج قال بروح اخذ لي دش اتنشط واذا نمت لاحد يصحيني لا لعشا ولا شي وراي قومه من الصبح .
وقفت معاه وشفت سميرة نادته وخرجت طلعت فوق ..
دخلت الحمام وفتحت الموية في البانيو تذكرت لمن اجي من الجامعه وانا تعبانه في بيت خالي واذا كانت محاضراتي في مباني متباعده عن بعض ارجع للبيت متكسرة .. وعلى طول اتحمم في موية عميقه واحط عليها زيوت عطرية وخلاصة اعشاب خاصة .
حطيت لمهند الزيوت على الموية .. وحطيت له ورود مجففه قلت يمكن يروق مزاجه اذا تحمم فيها ..
بعد شويه طلع لي ودخل الحمام وخرج قال : وش هذا اللي حطيتيه .
جيت امشي عنده قلت وانا احرك اصبعي جبينه واسوي علامه اكس : بلاش تسوي مشاكل ادخل وتحمم بترتاح فيها ويمكن تطلع وانت مروق ومزاجك عال .
ابتسم بخبث .. لااااااااااااااااا هذا وش فهم ..؟ قلت بعد ماتنحنت : احسن شي تتحمم وتنزل تتقهوى لأني متأكده انك راح تورق والتعب يطلع من جسمك .
قال : بتنزلين انتي .؟
: مممم ايوه طبعاً وانت كمان انزل الحقنا سولف معانا وكمان قابل عمي قبل تنام .
حسيته مااعجبه كلامي ودخل الحمام من دون مايرد علي .
اخذت نفسي ونزلت تحت قبل مايطلع ويجي في راسه شي . .. نادتني ريم توريني رساله غريبة وصلتها تقول ماادري من اللي ارسلها .. اول ماشفت الرقم حسيتني قد شفته لأنه مميز .. رحت دقيت عليه من جوالي بسرعه بشوف يطلع عندي اسم ولا لا واقفل قبل يدق عنده ..
لا لا لا مو معقوله .. رقم عمي ياسر معقولة يرسل لريم .. ورسايل غرامية ..
قفلت بسرعه قبل يدق عنده قلت لريم .. مو عندي شكلي مخربطه ماقد شفته ..
ومسحت الرقم حتى ماتنتبه له اذا شافت جوالي .
اخذت جوال ريم وارسلت له (عمي وش هالحركات عيب ..!
ترى ريم بنت ناس واخت صاحبك .. تعال اخطبها من بكره بدل هالحركات . ترى لو عرفت ريم انه انت بتقول لمهند وانت مايرضيك انه يدري ).
ارسلتها ومسحت الرساله بسرعه .. وانا مستغربه جرأتي بس بجد عمي يغلط على مهند قبل مايغلط على ريم ..
بعد شوي دق عمي علي وكلمته عادي قال ابيك بموضوع مهم وتكونين لوحدك بشرط . قلت له انا ادق عليك اذا لقيت فرصه .. وبينت له ان محد درا عن الموضوع غيري حتى مهند مايعرف .




_________________

نزل مهند بعد نص ساعه استحمام .. وكان شكله رايق واعصابه احسن من اول قال : ديمه وش السحر اللي حطيتيه لي في الموية .
ضحكت منه وخالتي طالعتني ماتدري وش السالفه قلت لهم على اللي حطيته له قالت خالتي علميني باسمها ولا عطيني منها بحط لابو مهند لأنه كل يوم يجي تعبان .
قال مهند وهو يضحك من امه : لاحوووول اشتغلت غيرة امي .. يابنت الحلال خلاص راحت عليكم لاتحاولووون .
رمته خالتي بالخدادية وهي تضحك قالت : راحت عليك انت واستح على وجهك لاتقول عن اموك وابوك راحت عليكم .
قالت سميرة وهي تضحك : يمه من جدك بتحطين لابوي الزيوت في الموية ابوي يادوب ياخذ عشر دقايق في الحمام مابيتحمل يجلس في الما ونص ساعه ولاساعه الا ربع .
ردت خالتي : مالكم شغل والشرهه مو عليكم علي اللي تكلمت عندكم
قلت انا واحاول اصير في صف خالتي : ماعليك ياخالتي اصلاً عمي يستاهلها الحين اجيبها لك كلها .
قال مهند : عمك يستاهل وزوجك المسكين اللي يجيك هلكان من التعب كل يوم ماله خاطر .
قلت : لا ولا يهمك نشتري لك وكل ماجيت تعبان مالك الا اللي يريحك .
قال : صدق ..؟ قد كلامك ..؟ اشهدوا عليها .
ناظرته هذا شكله مو ناوي يجيبها لبر . وقفت سميرة قالت ديمه تعالي شوي بالله .. لحقتها ومهند تجمدت ضحكته على وجهه وهو يناظر سميرة ولحقتها من دون ماايتكلم .
جلسنا بالصالة الثانية قلت : خير ياسميرة فيك شي ؟
طالعت بالصالة الثانية قالت : ديمه انتم اللي فيكم شي ..؟
: احنا ... احنا مين ..؟
: انتي ومهند
: ملاحظة شي ؟
: ملاحظة اشياء .. صدقيني ياديمه انا مااحب اتدخل في حياتكم بس انتي تحتاجين اخت اكبر منك وعندها خبرة اكثر منك ...وو
: سميرة وش ملاحظة علينا قولي عادي
: مهند قبل شوي كان يتكلم بألغاز محد فاهمها غيرك بس لمن ناديته قبل تطلعين وكلمته عرفت انه مو مرتاح ولا انتي مرتاحه
: اوف اشتكى لك ..؟
: ممممم مو اشتكى بس قال كلام فهمت انه مو مرتاح معاك وانه لو ماتزوجك كان اريح لك واريح له . واحتمال .. احم احم بصراحة ياديمه انا خايفه عليكم .. مهند قال كلام يخوف محد يرضاه لا لك انتي ولا له هو .
حسيت بدوخه والأرض تلف فيني .. انتبهت سميرة علي وقالت : ديمه تكفين لاتزعلين انا كلمتك من باب انك اختي وابيك تنتبهين لحياتك وتشوفين أي باب يجيكم منه مشاكل تسدينه .. صدقيني ياديمه انا احرص عليك وعلى حياتك زي مااحرص على مهند وعلى حياته .. ابيكم اسعد الناس .. اذا عندك مشاكل كلميني عنها قولي لي افتحي قلبك ندور على حل واساعدك للطريق الصح ..
مسكت يدي وانا ساكته ماتكلمت ولا علقت ولا ركزت بس احس الأرض تلف فيني وحسيت معدتي تقلب علي ابغى استفرغ ..
سحبت يدي منها وبسرعه رحت للمغاسل القريبة من الصاله واستفرغت .. وانا ارتجف ماادري اش صار لي بالضبط .. انا حساسة كثير .. ومااتحمل .. انا ضعيفه ومااقدر على المواجهه .. انا مكسووورة .. مهند يبي يجنني ..
على طول يشتكي لسميرة .. وآآه سميرة صديقة هدى وماتخبي عنها شي .. وهدى وخالي ... ياربي الا خالي لايشيل همي ولا يفكر اني مو مرتاحه مع مهند .
كنت فاتحه الموية ومتكيه على المغسلة .. رفعت راسي وشفت مهند وراي وسميرة واقفه بعيد شوي .. مد يده علي بيمسكني قال : وش اللي صار لك .. ؟
بعدت يده بقرف وقلت : ماصار شي !
طلعت مع الدرج ولحقتني سميرة قالت : ديمه .. تكفين لاتزعلين .
رديت عليها وانا متماسكه : سميرة مو زعلانه بس اخوك يختلق اشياء من راسه .. صدقيني الكلام اللي قاله لك عشانه تعبان وروحي اسأليه الحين بيقول لك بالعكس انا مرتاح .. نزلت دموعي غصب وكملت : اخوك مزاجي .
طلعت بسرعه لجناحي وقفلت علي غرفة المكتب .. بكيت من قلب .. ياربي انا ليه كذا .. كل مااقول فرجت تنتكس حياتي من جديد ..
شفت اوكرة الباب تتحرك .. وسمعت صوت مهند يقول : ديمه افتحي لاتقلبينها نكد .... ديمه افتحي ترى سميرة ماعندها سالفه وانتي على طول تزعلين ..
يأس مني وراح .. وانا جلست في الغرفة الين اليوم الثاني .. مانمت بس افكر واحيانا ابكي واندب حظي .. انا متأكدة اني لو كنت عند واحد غير مهند ليخليني على كفوف الراحه .. صحيح ان مهند يحبني .. ومهند رجال بمعنى الكلمة وكل بنت تتمناه الا انا .. مانفعني حبه ولا فادتني رجولته .. حياتي معاه متقلبه مو راضية تستقر ..
اذن الفجر وانا جالسة ومثنية ركبي ولافة يديني عليها وراسي مسندته على الكنبة على ورى .. احسني تعبت من التفكير في الطريقه الصحيحه للتعامل مع مهند ..
خلاص قررت اتخذ خط ثاني ومختلف عن اللي قبل .. يعني لو يموت هالمرة ماهمني .. وقررت اعطيه آخر فرصة اما يتعدل او قلعته خلها تجي منه ولا مني .
قمت فتحت الباب وخرجت شفته نايم في الغرفه بس عديت مادخلت الغرفة ودخلت الحمام اللي على الصاله .. توضيت ورجعت صليت الفجر وصليت بعدها استخارة لله وطلبت من ربي يلهمني الحل والصواب . .
نمت بعد الصلاه وماصحيت الا بعد الساعه 2 الظهر .. كانت ريم تدق على جوالي ولمن رديت قالت انهم ينتظروني بالغدا قلت لها يتغدون مالي نفس .
خفت ان سميرة قالت كلام مهند لامها وابوها وريم .. احسني متفشلة ومقهورة من ولدهم .
نزلت قبل المغرب بعد مااستحميت وماحصلت احد في البيت ودقيت على هدى ترجيتها تجيني ووافقت بعد جهد ..
جلست انا وهدى تقهوينا وسولفنا وقالت لي على اخبار اهلها واخواتها .. ياكثر ماني مشتاقة لهدى وبيتنا واهلها وجمعاتنا زمان .
نفسي ارجع ديمه الأولى بدون مهند وهموم مهند .. هدى ماكفت اسئلة عني كل شوي تقول احس ان فيك شي ياديمه وانتي تدارين . .. بس انا اضحك واقول انتي مو صاحية الا بتحطين فيني شي ..!
دخل مهند بعد العشا وهدى فيه .. وناداني .. خرجت له غصب قال : من عندك
قلت له : هدى وعيالها .ورجعت عطيته ظهري ودخلت عند هدى .
شفتها لابسه عبايتها وتكلم بالجوال .
: لااااا هدى فين بتروحين
: ديمه خلاص مهند هنا مستحية منه
: الله يخليك تجلسين .. من كثر زياراتك لي . لسه ماشبعت منك ..
: ديمه وعد ازورك مرة ثانية ومن بدري بس الحين مستحيه والله
حاولت فيها بس مافيه فايدة اصرت انها تمشي . وصلتها عند الباب ورجعت شفت مهند نازل مع الدرج ولابس شماغه وثوبه قال : راحوا اهل خالك
هزيت راسي من دون ماارد عليه . .. ورحن ناديت الشغالة تجي تشيل الأغراض من المجلس ورجعت بطلع فوق .. مريت من عنده وهو واقف مكانه ويدخن .. رمى السيجارة ومسك يدي قبل مااطلع قال : كيفك الحين .؟
قلت وانا اسحب يدي منه وهو ماسكني بقوة : ماني بخير وانت بحياتي .
عطاني كف معتبر .. اقوى من أي كف اكلته منه قبل كذا . .
تشجعت وبلعت الألم غصب وطالعته شوي بعدين قلت باستهزاء : شاطر .. الحين اثبت انك قوي ..
طلعت فوق اجر خيبتي معاي .. هذا مو اول كف ولا راح يكون الأخير .. وانا مخلية مهند على كيفه .. ! ياربي اسكت عن حقي ولا انفجر وارد اعتباري ..







عدا شهر كامل لاكلمني ولاحا,ل اصلاً وانا معتبرته مو موجود .. اذا راح نزلت وجلست مع اهله واذا قرب موعد رجعته من المستشفى ادخل جناحي واقفل علي في غرفتي .. ولا اجلس عند التلفزيون وهو يدخل ياخذ شور ويلبس ويخرج برا الين الساعه عشرة يرجع ينام ..
كنت ازور خالي كل اسبوع واحيانا في الاسبوع مرتين من دون مااقول له بس اخلي عند خالتي او ريم خبر .. مرة اتصلت على خالي يجي يزورني ويشوف الجناح حقي بعد ماطلعت خالتي وريم كانوا معزومين على عشا عند ناس يقربون لخالتي ....ومهند راح مع ابوه يقابل وفد اجنبي عشان الشركه وشغل عمي .. جاني خالي ومرة اعجبه جناحنا وسهر معاي فيه الين الساعه وحده وكان بسام معاه وكثير انبسطت لمن زاروني ..وهدى زارتني ثلاث مرات .. مرة تعشت عندي وسهرت الين الساعه 2 وخالي كان معاها بس في مجلس الرجال مع عمي ومهند ..
ثلاث مرات دق علي عمي ياسر وشرح لي حبه لريم وانه يبي يخطبها بس بيشوف هي تحبه ولا لا .. وقلت له وأكدت عليه ان هذي مو طريقه وانه يخون صاحبه ويغدره واذا يبغى ريم محد بيرفضه ووعدته اني راح اكلم ريم .. بس انشغلت وانا ابغى اكلمها في وقت تكون هي رايقه وانا ماعندي مشاكل لأن مهند لازم يعرف وماحبيته يتفاجأ من الناس وانا اول من عرف الموضوع .. واحنا الحين مانكلم بعض .. يعني لازم استنى كمان شوية ..


..

بدت الدراسه وراح ابتدي مشوار جديد مع الجهد والكتابة والجد .. توسطت لريم زي ماوعدتها والحمد لله انقبلت بسهولة .. بدت اول ترم بالجامعه وهي مو مصدقه من الفرحة .. !
كنت نداوم احيانا مع بعض وأحيانا كل وحده لوحدها على حسب محاضراتنا
انا يوم السبت والأثنين والأربعاء اخرج من البيت الساعه 7 بالضبط و ماارجع الا الساعه 3 العصر والأحد والثلاثاء اخرج 8 و ارجع الساعه 12 جدولي مرة ضغط
بعد الدراسه صرت مااشوف مهند الا لمحة .. احسني بعدت عنه حتى بمشاعري .. ماادري يمكن ماكان يعني لي شي مجرد عشرة ومودة ولمن واجهتنا مشكلة صار انسان عادي وجوده زي عدمه ..

كنت نايمه بغرفتي على الكنبة تعبانه والجو مرة حر بالجامعه احس جسمي متكسر من الحر والمشي بالجامعه والرطوبة
صحاني باسلوب مرة جلف : ديمه يالله ذبحك الدلع لاشغله ولا مشغلة ولاكأنك متزوجه ومسؤولة ..
ديمـــــه كان يرفع صوته وباين انه طفشان ومعصب ويبغى يتكلم ويخاصم على ادنى سبب ..
هذا اش فيه اليوم .. ياربي من زمان ماناداني ولا سمعته يكلمني ..
كنت حاطه يدي على عيوني وهو رفع يدي بقوة قال : الدلع هذا اتركيه واذا عندك عادات غبيه بطليها وغيريها لأن فيه اشياء كثيرة لازم تتغير من اللحظة هذي .
ياربي اش ناوي عليه اليوم .. مهقولة طفش مني وخلاص بينهي علاقتنا وكل واحد يروح في حال سبيله . يالله فكه .. اختلطوا علي شعورين متضادين اولهم فرحت اني برجع ديمه الأصليه دلوعة خالها وارجع لحياتي الأولى بدون منغصات .
بس الثاني رعبني لمن تذكرت اني راح ارجع مطلقه واني خلاص راح افقد خالتي ام مهند وعمي وريم وسميرة .. افقد الناس الطيبه اللي عشت معاهم ايام حلوة .. وراح افقد مهند ..!
معقولة اني بفقده ..؟ ايوه ياديمه راح تفقدينه .. الرجل الأول في حياتي .. اول رجل يحسسني بأنوثتي وسحري وجاذبيتي .. وأول رجل يسيطر على مشاعري ويشل تفكيري ويتحكم في قلبي ..
مارديت عليه وهو ينادي وانا افكر بسرعه والخيالات والأفكار تاخذني وتجيبني قدرت افتح عيوني .. وطالعته .. امتلت عيوني دموع لمن شفته .. لحيته طالعه .. اول مرة اشوفها من يوم عرفته .. شكله مو مهند .. ياربي
بجد حنيت عليه .. قلت وانا ابلع ريقي : مهند اشفيك كذا ..؟ ليه مسوي في نفسك كذا . ؟
كان واقف يطالعني بعدين ناظر بالأرض قال : مالك دخل فيني ..!
نفس اسلوبه .. استاهل انا ..! ليه احن ولا اش علي منه .. قمت على طول ورحت للحمام وسمعته يقول : طيب ياديمه انا اللي راح اغيرك اما تصيرين زوجة وتقدرين زوجك والا والله لانسيك دلع اهلك اللي جا على راسي انا ...
دخلت الحمام وانا غير مباليه .. ماعاد يهمني اسلوبه ولا تصرفاته .. نفسي بس اخلص رسالتي على خير وارتاح .
خرجت ماشفته بالجناح كله .. صليت المغرب وجلست بغرفتي بعد ماخرجت كتبي والبحث حقي اشيك عليه واراجعه لأني خلاص تقريباً ختمته ..!
جالسه على الأرض ومتربعه .. شعري مفتوح ولابسه بيجامه صفرا وبدي سماوي .. قدامي اربعه كتب وملازم والبحث حقي اوراقه بعثرتها ورجعت ارتبها من جديد حسب ارقام الصفحات ..
تفاجأت فيه دخل علي الغرفة وطالعني بعدين رجع .. ثواني الا هو عندي اربكني وخوفني كان يناظر فيني بقلق وكأنه بيقول شي بس مو قادر .. حط يده على شعري ورجعه على ورى ومسح وجهه ورقبته بيده اليمين .. لاااا هذا متوتر وعرفت ان فيه مصيبه بيقولها بس مايقدر ..
حاولت اساعده واخرج الكلام منه : قول اللي عندك لاتتردد
طالعني بنظرة مليانه خوف .. حنان .. ويمكن حب .. الا الا حب اعرف النظرة هذي وحفظتها خلاص ... قال : ديومتي
فتحت فمي قلت : ديومتك ..؟
جلس على ركبه بجنبي واخذ راسي وحطه على صدره قال :عيونك وش فيها ..؟
: شو ..؟
: ريم قالت لي انك اذا صحيتي ماتشوفين الا بعد دقيقتين او ثلاث
وخرت راسي عنه وصديت .. وبس هذا اللي جاي عشانه صدق ماعنده سالفه قلت ببرود وانا آخذ الأوراق ارجعها في الملف : طيب عادي.. تعودت لي اكثر من سنتين وانا على هالحال ...
: من بعد العملية صح ..؟
: من بعد العملية او بعد الغيبوبة ..
: البسي الحين بوديك المستشفى
: لا ماله داعي انا خلاص تعودت .
: ديمه بسرعه البسي لاتعاندين .... كان يصارخ بصوت عالي ...ودموع ؟ للمرة الثانية الشموخ ينكسر .. وانا السبب . .
ارتجفت كلي وقمت مطيعه يمكن اني خفت من مهند او اني رافضة الصورة هذي اللي قدامي .. او اني خفت ان عندي مصيبة .
دخلت لبست بسرعه وخرجت .. رحنا للمستشفى دخلني هو بنفسه بسرعه للأشعه المغناطيسيه وسوى لي اشعه مغناطيسية وأخذني سوى لي تحاليل ووداها المختبر .. واخذني عند طبيب العيون كان مهند يجري كأنه منهبل لدرجة انه خوفني ورعبني وتأكدت ان فيني مصيبة ..
دخلني عند الطبيب اللي سلم عليه اول ماشافه وقال : عادل هذي زوجتي كان عندها ورم في المخ وسوينا لها عملية استئصلناه رجعت هنا كان ابوها متوفي وصارت لها صدمة عصبية على طول ودخلت في غيبوبة اسبوعين تقريباً المشكلة ياعادل انها اذا صحت من النوم ماتشوف على طول الا بعد دقيقتين او ثلاث دقايق شف لي وش المشكله بالضبط بالله هل هي بالنظر ولا الراس ولا ايش بالضبط ..!
هز الدكتور عادل راسه وكأنه فهم الحاله بعدين قال لمهند : انا تقريباً شخصت الحالة ويلزمها جراحه عاجلة ..
: هذا اللي انا توقعته بس فين في الراس ولا العيون ..
: 90 بالميه في الراس . . بس خلنا نتأكد .
خرج مهند بعد ماقال انتظريني هنا بجي بسرعه ...

يتــــــــــــبع....
ــــــــــــــــــــــــــــــــــــــــــــــــــ ــــ

[شوقي لوليف روحي]

عــدنـــآ............







انا كنت ساكته ماتكلمت وتكلمت الممرضة قالت : دكتور تبدا الفحص للمريضة الحين ولا بعد مايرجع الدكتور مهند ..!
: لا خلينا نبدا الحين مهند راح يشوف الأشعة وحييجي حالاً .. والتفت لي ممكن مدام ديمه تجين هنا على الجهاز
رديت عليه بعد تردد وخوف حسيت ان مهند مصدر امان لي بهاللحظة .. حسيته مكان خالي ناصر اذا رحت لأي طبيب لأني ماعمري دخلت على الطبيب لوحدي ..!
: سوري دكتور ممكن نستنى مهند ..؟
: على راحتك اختي .
استنيت حوالي عشر دقايق وهو يكتب في الملف بياناتي وماكلمني ولا رفع نظره لي .
دخل علينا مهند وهو قلقان ولمن شافني قرب مني قال : الحمد لله راسك تمام ومافيه شي .. بس بنسوي لك عملية بسيطه .. لأن العملية الأولى اثرت على مركز النظر وماانتبهنا .
قام الدكتور وحطني قدام جهاز النظر وجلس يفحص عيوني بأجهزة اول مرة اشوفها على كثر مافحصت نظري .. قال زي ماتوقعت لازم جراحه .. وفي اقرب وقت لو تأخرنا كان ممكن تؤدي لأضرار بالغة .
خرجت مع مهند برا غرفة الكشف والتفت علي وانا خايفة ومرعوبة قال : لاتخافين العملية سهله وماراح تتعدين عشرة ايام بالمستشفى
: لامهند ماابغى .. خلني كذا عادي انا من زمان بهالحالة ماصار أي تطورات
: ديمه لازم تسوينها .. لاتحاولين مافيه مفر وبأقرب وقت .
: مممممم طيب مو اليوم
: لاياديمه آسف مابتخرجين من المستشفى الا بعد ماتسوينها
: مهند الله يخليك لا مو اليوم
: ديمه حبيبتي والله خايف عليك مااقدر اخليك تطلعين الا بعد ماتسوينها
جلست ابكي احسني مصدومه من اللي يصير لي ومقهورة لأني اكره المستشفى وماابغى اجلس فيه يوم واحد .. وخايفه ..
قلت وانا ابكي : مهند بكلم خالي
قال بحنان : انا ادق عليه ولو انه ماله داعي يعرف الحين بتقلقينه وبس .
: لا بكلمه انا وابغاه يجي الحين معاي
: ديمه ماتثقين فيني ..؟
: ها ..؟ لا مو عن كذا بس هذا خالي ناصر
: اوكي اتصلي عليه وانا بروح اجهز اوراقك
اتصلت على خالي وانا ابكي وحسيته انقهر
:ديمه وش فيك
: خالي انا بالمستشفى تعال عندي
: ليه بالمستشفى فيك شي
: لا بس مهند يقول لازم اسوي عملية عشان عيوني
: تشطيب
: لاااا
كنت ابكي بخوف قال : طيب طيب لاتخافين انا جاي عندك وقفل خالي
كنت خايفه اني انعمي ولا يصير فيني شي ..وخايفه
جا مهند ومسك يدي وهو يكلم خالي اسمعه يشرح له حالتي ... قال انا ماقهرني غير من يوم تزوجنا وانا اذا صحيتها تجلس كم دقيقه ويدها على عيونها وياما خاصمتها اخيراً طلبت مني اذا صحيتها مااستعجل عشان تصحي لأن فيها طبع ماتفتح بسرعه ولولا ريم اختي اللي نبهتني كان ماعلمتني ديمه ولا قالت لأحد ... المشكله ياناصر اقول لها ليه ماتكلمتي قالت ماابي احد يشيل همي يكفي اللي سويته فيهم ومعاناتكم معاي اول بالعملية وثاني بالغيبوبة ..!
قفل مهند من خالي بعد ماقال له اذا وصلت اتصل علي ...!
دخلني غرفة خاصة وبعد شوي جات الممرضة وأخذت تفحصني تقيس الحرارة والضغط وتكتب عندها .. ذكرتني بأيام الورم الله لايعيدها ..شفت الدكتور عادل اللي نزله مهند من بيته عشاني وهو يدخل قال : مهند زوجتك متى آخر مرة اكلت .. التفت علي مهند قلت : الصباح بالجامعه
: الصباح ياعادل
: اوكي حلو اجل الحين نبدأ العملية
دخل عندي خالي وانا حضنته وقعد يلومني ويعاتبني : هذا كلام ياديمه تخبين مشكلة زي هذي عشان ماتقلقيني ماتدرين لو صار لك شي اني راح اموت ولا يجيني جلطة
: لاتقول اموت ولاتقول الكلام هذا
: طيب اعصابك ديوم مو حلو تسوين العملية وانتي تبكين
: خالي والله خايفه انعمي وانا الحين مافيني شي
تكلم الدكتور عادل اللي قاعد يشوف الملف حقي وماالتفت لي : العملية نتيجتها مضمونه بإذن الله واذا مانجحت ماراح يضر نظرك شي
حسيته طمني اشوا ..في الليل لبست لبس العملية ودخل علي مهند بالبالطو حقه على اساس بيدخل مع مهند .. شفت وحده دخلت علينا قال مهند : وفاء انتي روحي وازهمي نادية بدالك
قالت معترضه : بس الدكتور عادل طلبني ومو من حقك تفرض علي شي يادكتور مهند ..
دخل الدكتور عادل قال له مهند لو سمحت ياعادل ابغى نادية بدال وفاء
: ليه
: طلبتك بس
: اوكي وفاء روحي ونادي نادية
: دكتور عادل الدكتور مهند ماخذ مني موقف ومو من حقه ..
قاطعها : المريضة زوجته رجاءً لاتسببين للدكتور والمريضه ازعاج
شهقت وفاء كأنها مستغربه لمن شافتني قالت :آسفه وطلعت على طول
شفت مهند يناظرني ويبتسم .. بجد شكله يسحر .. وأكيد اكثر من كذا ممرضة معجبة بمهند ومحد بيلومهن ... قرب مني و قال : ديومتي ليته انا اللي هنا ولا انتي
قلت له وانا منزله راسي : لاتدعي على نفسك
جا خالي عندي بعد ماطلع يكلم قال : حبيبة خالها كيف مزاجها
: اذا انت مرتاح اني اسويها خلاص انا مرتاحه
: اكيد مرتاح عساني ماافقدك والعملية بتطمني عليك اكثر
: اجل توكلنا على الله والله يستر .. خالي اذا صار لي شي سامحني .. ماانتظرت خالي يرد والتفت على مهند قلت بصوت واطي :مهند ..
: هلا ياعمر مهند
: اذا صار لي شي سامحني لاتزعل مني
: حضني مهند قدام خالي قال : صار لك ولا ماصار لك ماعمري زعلت منك لأنك ماتغلطين انتي اللي سامحيني عشان اذا صحيتي بعد شوي اكون رايق
: اذا صحيت افكر .. لكنك اذا ماصحيت تراني مسامحتك ...
: هههههههههههههههههه لا بتصحين وبتفكرين ويتسامحيني قلبك كبير ..
دخل الدكتور عادل قال : يالله يادكتور مهند بننقل زوجتك لغرفة العمليات ..
مسكت يد مهند قلت : من اللي بيسويها انت ولا هذا ؟
ضحك مهند وانا ادري ومتأكدة انه مرتبك بس يبغاني اهدي قال : هذا اسمه الدكتور عادل بعدين انا اللي راح اسويها لأنه تخصصي بس دخلت عادل معاي عشان ممكن استفيد منه في مسألة العيون والنظر .
هزيت راسي وانا محتارة وخايفه من دون ماارد .. بعدها نقلوني لغرفة العمليات وانا مو مستوعبه للحين اللي قاعد يصير لي يارب رحمتك بس







سويت العملية .. كنت اعيش جو رعب وخوف مااقدر اوصفه .. دخل علي مهند وانا قاعده مافيني شي وبعد ساعه الاقيني بالمستشفى وبغرفة العمليات ..الحمد لله عدت العملية على خير ونجحت ..!
مرت عشرة ايام علي وانا بالمستشفى بدايتها كانت خوف وقلق وبعدها دقة في كل حركاتي راسي احركه بشويش الكلام بشويش المشي حبه حبه كل شيء بهدوء وممنوعه من الانفعال والبكا والضحك والكلام الكثير يعني حصار ودقة بكل شي ...
كانت خالتي ام مهند تجلس معاي وأحيانا ريم وغالباً مهند يجلس عندي وخالي طبعا يوميا يطلع من المدرسة يجي عندي الين المغرب ويروح ..احيانا يجيب هدى واحيانا يجي لوحده .. واخوالي ماجد وسامي زاروني كذا مرة وخالتي فادية كمان جات مرة هي ولمى بيوم واحد ..
طلعت من المستشفى لبيت خالي بعد ماطلبت مهند وماوافق الا بعد الحاح مني
صرت انام وافتح عيوني على طول هذا اهم شي ..والحمد لله بديت اتحسن ..
صار مهند اذا يبغى يزورني اروح عنده للمجلس وكل مرة يجي فيها يقول يالله امشي للبيت بس ارجع اقول مااقدر ومااستغني عن هدى وهناك ريم بالجامعه وانا مستحيه من خالتي ماابغاها تخدمني لأنها ماراح تعتمد على الشغالة تخدمني اعرفها ...!

طلبته كمان اجلس عند اهلي لين اخلص امتحانات يعني بعد اسبوعين في البداية زعل وعصب قال: ديمه تراك زودتيها ..!
: بكيفك كنت ابغى اعيش عروس اذا رجعت ماعندي لاكتب تشغلني ولا اختبارات ولا شي بس انت حر .. خلني ارجع لغرفتي و24ساعه اذاكر
ضحك مهند وقال بخبث : ممممم افكر بس ترى بشروط
ابتسمت بخجل قلت : خلاص اللي تبغاه بس تخليني الحين .
مسكني بشويش مع اذني قال : بخليك واضغط على قلبي واصبر .. والاربعاء مو الجاي اللي بعده وانا عندك آخذك نرجع لبيتنا .
: اوكي اتفقنا

مرت اسبوعين وماباقي شي عن مناقشتي للرسالة خلاص اسبوع وأناقشها وارتاح من هم الدراسه كلها وأعيش حياتي مع مهند
مهند تسلل لقلبي ومشاعري واستولى عليهم ..وانا استسلمت له لأانه اقوى مني وانا ضعيفة قدامه ..!
..
كانت نتايجي كلها امتياز وفل مارك .. وآخر يوم بالاختبارات كان مهند عندنا من الساعه 3 العصر قال لي اجهز اغراضي وان اهله مسوين لي عشا الليلة وعازمين جيرانهم وقرايبهم عشاني ...
رحت جهزت اغراضي وورجعت لبيتنا اول مادخلت الجناح حتى مانزلت عبايتي مسكني مهند وسحبني ناحيته وحضني بقوة وحنان ،، خلاص مااقدر اقاومه
قال بصوت وااطي : مشتاق لك ياديمه
رديت عليه تقريباً بنفس الصوت: مهند
: عمر مهند وروحه
: انت ماتحبني
: من قال مااحبك ياديمه .. آآآآآآآآه بس انا ياديمه غرقان لين شعر راسي ..
دق الباب علينا ومهند لسه حاضني على صدره احسه كأنه بيدخلي بين اضلاعه من كثر ماهو لاف يدينه عليّ وحاضني بقوة ...!
: الباب
: اتركيه يعني واحد توه شاف زوجته من شهر ونص وش يبون منه الحين ..
: طيب يمكن امك بتسلم علي
: شوي تنزلين عندهم خليني اشبع منك
دق الباب بقوة وكأن اللي وراه معصب وحيكسر الباب ..
ارتخت يدين مهند ورجع ورى جلس على الكنبه قال : افتحي
فتحت الباب لقيتها تتوقعون من ..؟
نورة عمة مهند .. ماطالعت فيني قالت وين مهند ..!
: هنا وش بغيتي .. كان يتكلم ببرود وهو جالس على الكنبه ..
:مهند ياولدي محد يرضى يشوفك تعيش مع وحده مريضة وتقضي عمرك كله معاها .. ياولدي نبي نفرح بعيالك ونبيك تعيش مع وحده صاحية مو كل يوم بمستشفى
كنت واقفة اتفرج وابتسم لمهند احسني بنفجر من الضحك صدق تفكيرهم سخيف
التفت لي مهند وابتسم قال تعالي ديمه وجيت جلست بجنبه قال : هذي ديومتي ياعمة تسوى بنات الدنيا ليه تفاولين عليها
: مافاولت عليها بسم الله علينا اول اقول امراضها بالجسد واثرها مريضة بعقل زود على جسدها
: هههههههههههههههههههههههههههههههههه استغفري ربك وتكفين عمة اطلعي وسكري تراني ماشفت ديمه من شهر وخربتي علينا الله يسامحك
سمعنا صوت خالتي ام مهند تضحك : هههههههههههههههههههههه مهند يمه لاحق على ديمه
رحت بسرعه لخالتي وسلمت عليها سلمت على راسها ويدها وأخذتني عندها قالت : قوم يامهند ديمه خلاص باخذها معاي وانت انزل للمجلس تحت
: هههههههههههههه يمه الله يرضى لي عليك خذي عمتي وانزلي تحت واحنا نلحقكم بعد شوي ..
: ههههههههههههههههه لاحقين الحين فيه ناس هنا يبونك
: من
: ياسر ويبي يشوفك انت وديمه يقول ادق على جواله مايرد علي
: اوووه جوالي بالسيارة مانزلته والله
التفتت خالتي عليّ وضحكت : اجل احد معه ديمه ويتذكر شي
: ههههههههههههههههههههههه اذكري الله
: لااله الا الله ماشاء الله تبارك الله قوم يمه الرجال لوحده في المجلس
: يالله جاي
خرجت خالتي بعد مااخذت يد نورة اللي كانت ساكته ومفتحه عيونها تبحلق فينا وكأنها معترضة على مهند وحركاته ..
وقف مهند قال : هذا وقت عمك
: ههههههههههههههههههههه على قولة خالتي لاحقين
غمز لي بعينه وقال : لاحقين ياديوم لاحقين ..يالله البسي وانزلي لنا
: استناني انا لابسه اصلاً
: يالله
خرجنا مع بعض وسلمنا على عمي جلسنا معاه الين اذان المغرب خرج مهند يجيب القهوة واستغل عمي الفرصة قال : ها ياديمه كلمتيها ..؟
: عمي والله ماصارت فرصة تعرف اللي صار لي واليوم بس رجعت من بيت خالي وعد اكلمها لك اليوم ..!
: الليلة بعد العشا تردين لي خبر ..
: اوكي ولا يهمك
بعد ماوعدته خرجت لقسم الحريم لأن عندنا جيراننا دوبهم وصلوا .. رحت قابلتهم ومهند طول الليل يشتغل يودي القهوة ولايروح يجيب اغراض من برا لأن السواق ارسله عمي مشوار بعيد ولسه مارجع .
راح مهند وجاب سميرة عندنا اعتذرت مني كثير لأني ماقابلتها من هذيك الليلة بالرغم انها جات كذا مرة بس مانزلت لهم وهي ماحاولت تجيني تقول مالها وجه مني ومن مهند بس عذرتها وحسستها ان ماصار شي وان مهند اعتذر مني وانتهى الموضوع .. بعد شوي نادتني بالمطبخ وجيت انا وريم عندها قالت: ديمه بكرة ابغاك تجين عندي في بيتي تراك مادخلتيه للحين .
: راح ازوك بإذن الله بس ماعليه مو بكرة استني علي كم يوم ولاخليها بعد مااناقش رسالتي عشان ازورك وانا مرتاحه
: اوكي اجل بعد الرسالة عشان نحتفل فيك
: لا لا خالي وعدني يسوي لي حفلة كبيرة
: خالك يسوي واحنا نسوي بس بطلب ابوي ومهند يخلون حفلتك عندي ابي اهل مصعب وجيراني يشوفون زوجة اخوي وبفتخر فيك
: تسلمين لي ياسمورة ..
تدخلت ريم قال : اقول ديمه
: هلا
: تراك مديونه لي
: ليه مااتذكر انك سلفتيني ههههههههههههه
: هههههههههههههه لاحبيبتي عمليتك هذي انا السبب فيها
: اوووه صحيح ذكرتيني كيف قلتي له
: جاني معصب وزعلان ولمن سألته قال ديمه طفشتني اذا صحيتها لازم اقف على راسها ساعه عشان تفتح عيونها واذا قلت قومي قالت اناصاحيه شوي واقوم قلت له زوجتك عندها مشكله بعيونها من بعد العملية ماتشوف بسرعه اذا صحت .. التفتت على سميرة وكملت : ولو شفتيه ياسميرة نط الدرج بخطوتين من كثر ماهو خايف عليها .
ضحكت سميرة :ههههههههههههههههههههههههه الله يسعدكم عاد مهند متعلق بديمه من يوم شافها ببيت خالها قبل يخطبها المرة الأولى لمن رفضته ....تتذكرين ياريم اش قال لنا ..؟
: شو ..؟ شافني ..؟ متى ..؟ ماقد شافني الا بأمريكا وليلة الملكه حرام عليكم
:هههههههههههههههههههههههه الا قال لنا شفتها مع ريم بالمرسم
تدخلت ريم : تتذكرين لمن رحنا للمرسم حقك وسلوى معانا مو شمينا ريحة دخان
:مممم ها اعتقد ايوه ايوه تذكرت ..
: بهذاك الوقت كان واقف بالحديقة يدخن ونكبتي عفش اخوي وحتى لمن رحتي لامريكا كان يكلمنا عن حالتك واش سويتي ومرة قلت له .. الله يستر على حبيبة القلب لايصير لها شي ثم مانشوفك .. قال فاولي خير حسبي الله على ابليسك لو صار لها شي الظاهر اني بلحقها ..
قالت سميرة : من جد ياديمه مهند يحبك بجنون من هذيك الأيام ولمن رفضتيه زعل قال ماني متزوج بس لمن رحتوا عنده بأمريكا اتصل على امي قال والله والله ماياخذها غيري لو كلفتني عمري كله . كانت امي تسأل هدى باستمرارا اذا انخطبتي ولالا خايفه على ولدها ههههههههههههه
: يو يو يو اجل مهند صدق يحبني ماقد قال لي على هالسوالف
قالت ريم : تعرفين الرجل الشرقي لازم يكابر مايحب يعترف بالحب
قامت سميرة تشوف ولدها اللي ماسكته الشغالة برا قلت لريم : ريومه فيه ناس مكلميني عليك ووو
لااااا شفت ريم ابتسمت وتغير لونها.. ضربتها بشويش على يدها قلت : حمااارة تعرفين انه يموت عليك ..
ضحكت بخجل قالت : هههههههههههههههههه .. ها .. ؟ مين ..؟ مو فاهمه عليك .. !
: هههههههههههههههههههه لاوالله ..؟ المهم وش اقول لعمي المسكين اللي طفشني له شهر وهو يقول كلميها آخر شي قبل شوي كان زعلان مني .
: مممممممم ماادري خليني افكر .
اخذت جوالي ودقيت على عمي وبسرعه رد علي بصوت واطي قلت بسرعه : والله ياعمي البنت تبي تفكر بس اتوقع اتوقع انها غرقانه الين راسها ..!
: وشو غرقانه في من ..؟
: هههههههههههههههههههه في واحد اسمه ياسر .. يصير عم ديمه وهو مجنون فيها .
: ههههههههههههههههههههههههههههههههه الله يسعدك ياديمه .. هه هذي بنت اخوي اللي صدق يالله يالله مع السلامه .
: هههههههههههههههههههههههههه اوكي مع السلامه .
قفلت معاه قالت ريم اللي سمعتني : ها اش قال ..؟
ناظرتها وانا مفتحه عيوني قلت : اذا فكرتي وقررتي اقولك مو الحين .. بعدين عيب وغمضت بعيوني وانا اضحك .
: ضربتني ريم على كتفي بشويش وهي تضحك وتقول اوريك ياديمه هذا المعروف اللي بتردينه لي .
قاطعتني خالتي اللي جاتنا وقالت : ديمه تعالي للحريم العشا لك وانتي قاعده بالمطبخ .



قـــــــرآئـــــه ممتـع ـــه حبــآيبــــي ^_^
ـ’ــ،’ــ’ـــــــــــــــــــــــــــــــــــــــــ ــــــــــــــــــــــــــــــــــــ

[شوقي لوليف روحي]

وهـــذآ البـــآرت مـــن شــآنكـــم............










طنشت نورة اللي ماكفت عن المرض والمرضى والأورام وكيف الناس تهتم في المريض شفقة ويراعون مشاعره حتى ماينجرح ... كل كلامها موجهته لي وانا صابني برود مريح لأعصابي بشكل محد يتصوره .. جات منيرة عمة مهند الثانية وجلست بجنبي قعدت تسولف معاي وتكلمني عن الجو وكيف جو ابها مقارنة بجو جده هالأيام قالت اذا تخرجتي خلي مهند ياخذ اجازة اسبوع وروحوا لأبها .
: ياليت والله حتى انا اشتقت لخالتي سارة وبناتها وبنات عيالها
: عاد هم يحبونك ومتعلقين فيك
: الله يسعدهم مرة طيبين ويدخلون القلب ...
: ديمه والله مالنا وجه من نورة وبنتها بعد اللي سونه معاك في بيت ساره
: لا حبيبتي لاتشيلين هم نسيت الموضوع كله انا
: قلبك كبير ياديمه وربي بيعطيك على قد نيتك ان شاء الله
: تسلمين والله انتي اللي طيبة ونيتك صافيه .

الغريب ان فاطمة مارمت علي ولا كلمه ولا كلمتني .. بس شفتها تكلم ريم واحنا بالمطبخ وهي برا تقول : ريم المريضة هذي عندك ولا راحت للحريم ابغى اشرب من المطبخ وماابي شوفها .
ضحكت لريم وردت عليها ريم : احترمي نفسك يافاطمه ولاتنسين انك في بيت ديمه واحمدي ربك انها ماطردتك .
سكتت ورجعت وماتكلمت .. الله يستر منها .
كنت اطالع فاطمه لابسة تنورة لونها زيتي وبلوزة تفاحي هالمرة اشيك بكثير من قبل .. يعني صارت تهتم وتلبس شي حلو .. وحاطه مكياج ثقيل مطلع عيونها احلى ..
اشرت لي خالتي ورحت عندها قالت : مهند مصدع بالمرة روحي جيبي له بندول دق علي يقول ابي حبوب .
رحت بسرعه اجيب له البندول وجبت له كاس ماء لقيت فاطمه قدامي كأنها تنتظره ودقيت على قسم الرجال طلع لي مهند على طول قلت تجي تاخذ الدوا ولا ارسله عليك مع ولد منيرة قال لا بجي آخذه
دخل مهند وفاطمة بالصالة قال : اووووووووووووووووف انا ناقص وجع راس
قلت له بدلع : اخس عليك يامهند تشوفني وتقول انا ناقص
طالع فيني وعيونه باين عليها التعب بس ابتسم وقال :مو انتي اقصد البلوة اللي وراك
: طيب الف سلامه عليك وماتشوف شر وياليته فيني ولا فيك
حط يده على فمي قال : الله يسلمك ويخليك لي وابتسم قال بتعافى ولا يهمك وترى لاحقين .. وغمر لي بعينه وهو يضحك .
استحيت انا منه قلت : خلاص ارجع اخاف تتعود على فاطمه بس
: هههههههههههههههههههههههه اخيراً شفتك تغارين علي
: هههههههههههههههههههههههه امسك خذ دواك ولاتتوهم مرة ثانية .
: هههههههههههههه حط يده على راسه قال : طيب اتوهم انا .. قولي لامي ان العشا جا .
: حاضر
رجع مهند وانا رحت عند خالتي اشرت لها وجات عندي قلت لها ان العشا جا
وراحت للمطبخ بتقول للشغالة تحضر السفرة والسلطه والخضار والعصاير واللبن والفاكهه
تعشينا وراحوا الناس الا فاطمة قاعده وكل شوي رايحه جاية من المطبخ للصالة ياربي ماتمل هذي .
دخل مهند وعيونه حمرا وباين انها كثير تعبانه .. قال :بطلع فوق الحقيني
: اوكي بسلم على سميرة واساعدها في اغراضها والحقك ..
: يالله استناك ... قالها وهو ماسك راسه مرة مصدع .... الله يستر اكره الصداع وألمه وكل اللي يذكرني فيه
سلمت على سميرة وقلت لخالتي وريم تصبحون على خير كنت بطلع لمهند حرام اتركه وشكله كذا بس ناداني عمي ورجعت له قال : خذي هديتك مني انا والجوهرة وتراها ذوق الجوهرة وهي بمناسبة خروجك من المستشفى .. كانت علبة مغلفه اخذتها منه وسلمت على راسه .
قلت :الله يخليكم لنا .. صدقني الهدية مولازم اهم شي رضاكم عني وهو اكبر هدية ..
: راضين عنك يابنتي وعسى الله يرضى عليك ويوفقك ويسعدك
: الله يطول بعمرك اسمح لي بطلع عند مهند تعبان ومصدع بروح اشوفه
: ايه شفته مصدع حتى ماتعشى
: طيب عن اذنك ياعمي
: خذي راحتك يابنتي

====================






طلعت لمهند فوق ولقيته حاط يده على راسه ونايم ماحبيت ازعجه تذكرت لمن اصدع زمان انسب حل لي اني اروح انام واذا صحيت يكون خف هذا طبعاً بدايات الصداع قبل يتطور الله لايعيد الشر ...!

دخلت بدلت ملابسي واحترت فين انام عنده ولا بغرفتي ...مممممم لا لا بروح لغرفتي مستحيه من مهند اش بيقول وانا نايمه عنده .. فتحت هدية خالتي وعمي كانت خاتم الماس نعوم ويجنن باين انه غالي وقيمته ماتقل عن سته الاف ..!
صحيت الساعه 6 ودخلت الغرفه باخذ شرشف الصلاة حقي ابغى اصلي وماحبيت اشغل النور على مهند اللي غاط بنومه خفت ازعجه ويصحى بدري .. مشيت بشويش فتحت الدولاب بس دق جوال مهند .. دق دق كنت بروح احطه صامت بس شفته تحرك ومد يده للجوال وفتحه وبالغلط فتح السبيكر
: همممممممممم الو
: هلا دكتور مهند ... كان صوت بنت
: هلا من معاي
: ههههههههههه ( بغنج ) ماعرفتني ..؟
: هممممممم لا ماعرفتك من ..؟
: انا وفــاء ...
: اووه هلا وفاء من اعطاك رقمي
: اخذته من دكتور عادل
: خير ياوفاء فيه شي متصله من بدري كذا
: لا بس حبيت اصالحك واعتذر منك واعزمك على كوفي وفطور اذا ماعندك .. اش رايك نتقابل بالكافتيريا بالمستشفى
: مممممممممم خليها مرة ثانيه احسن
: لاتكسر خاطري من البارحة استنى الصباح يجي عشان اكلمك .. وبصراحه يامهند ممممممم ولا اقولك بلاش ..ههههههههه
: بصراحه شو ..؟ قولي ياوفاء
: زوجتك موجوده
: لااعتقد مو هنا
: ههههههههههههههه حلوة اعتقد ليه موعايش معاها ..؟
: لا مو عايش معاها قولي اللي عندك ..
كنت اسمع وانا ارتعش ابغى اخرج واهرب ومااسمع شي يضايقني .. بنفس الوقت ابغى اعرف نهاية الكلام
: هههههههههههههههههههههههههههههه ياعمري عليك اجل ماعندها ذوق والله
: طيب قولي لي بصراحة شو واتركي زوجتي عنك ..؟
بصوت واطي وقرفني كثيييير : ممممممممممم بصراحة مشتاقة لك .. لأني ممممممممممم
: لأنك شو ..؟
: عاد افهمها انت لاتحرجني هههههههههههههههههههه يلا استناك تجي للكافتيريا اوكي ..
: طيب آخذ شور والبس واجي
: هههههههههههههههههه شور الهنا
قبل مايرد مهند تحركت انا وقلت : مهند اقفل السبيكر تراك فاتحه احسن تسمعها لوحدك
فز مهند من السرير وقفل الجوال بسرعه وانا دخلت الحمام احسني ابغى استفرغ جلست بالحمام نص ساعه واستفرغت .. سمعته يدق الباب علي اكثر من نص ساعه ومارديت عليه ..

خرجت من الحمام ودخلت غرفتي .. شفته وراي بس قفلت الباب قبل يدخل ..!
سمعت باب الجناح تسكر اكيد راح للمستشفى وبيقابل الممرضه التافهه ...
كانت الدنيا بعيني اضيق من ثقب ابرة احسني غبيه وتافهه اني سمحت لنفسي اهتم فيه ولا اغار .. شو اغار انا بس مقهورة عشان كرامتي اللي داسها وماعبر وجودي بحياته هذا وانا خلاص كسرت جميع الحواجز اللي كانت بيني وبينه ولو البارحه مانام كان سلمت له نفسي برضا وطيبة خاطر .. وعشنا حياتنا كأي زوجين ..!
قمت لبست وقررت اخرج عند لمى ولا اروح لبيت خالي .. لالا مااقدر اروح لخالي وانا بحالتي هذي ومع الصباح .. وانا مارجعت من عنده الا البارحه مرة صعب . .
نزلت لقيت خالتي اللي قابلتني قلت لها : صباح الخير يمه كيفك اليوم
: بخير يمه انتي كيفك وفين رايحه واليوم خميس
: لمى صاحبتي اتصلت علي وتعبانه شوي بروح عندها
اتصلت بالطريق على لمى اول ماسمعت صوتها بكيت
: همممممم هلا ديمه
: لمى .... وجلست ابكي واحاول مااخلي السواق يسمعني
: ديمه عمري اش فيك ؟
: الله يخليك انا خرجت من البيت عشان اشوفك الحين زوجك فيه
: ممممم تعالي ماعليك منه بندخل للمجلس وهو الحين نايم
: لمى الله يخليك البسي بمر عليك نروح أي مكان مااقدر اجيك وزوجك فيه
: اوكي البس الحين بس قوليلي اش فيك بالضبط
: لمى تعالي وأقول لك
رحت عندها وعلى طول خرجت لي وانا بحالة ماانحسد عليها ماكنت ادري ايش اقول لها بالضبط اقول كل اللي بقلبي هذي لمى صديقة عمري .. رفيقتي من صغري لليوم .. افتح لها قلبي ولا ابقى على العهد اللي اخذته على نفسي ولااقولها عن اللي بيني وبينه ..
... كنت ابكي وهي تحاول تهديني قالت :ديمه ادري ماتبين تقولين اسرارك انتي ومهند لكن اذا فيه مشكلة لازم تتكلمين .
ماعاد فيني اكبت اكثر من كذا احسني راح انفجر ..
هزيت لها راسي بأيوه ..
حضنتني لمى وانا اطلقت العنان لدموعي وقهري وحزني خليتهم يعبرون بطريقتهم .
ماكنت اقدر اتكلم والسواق يسمعني قلت خلينا نروح أي مكان.. قالت لمى للسواق روح للكورنيش.. جلست مع لمى قدام البحر ماني في حال احد .. كانت لمى كل شوي تتصل على فيصل وتقول له بجلس مع ديمه لأنها تعبانه وطبعاً فيصل يدري اذا الموضوع فيه ديمه لايمكن يقدر يناقش لمى فقال لها خلاص متى مابغيتي تجين كلميني وانا بروح لاهلي اتغدى عندهم ... وباخذ ديمه معاي ...
قلت للمى اني سمعت وحده تكلم مهند وباين انها اول مرة تكلمه بس شكلها تحبه وهو انبسطت وجاراها بالكلام وآآه يالمى قال كلمة جرحتني بموت من مهند .. ماسألتني لمى اش قال لانها حست اني ماابغى اقول ..
حاولت لمى تهديني وتقول ان الشيطان يسبقه بالتفكير بس اكيد بيفوق ويرجع لك .. قلت لها انه حاول يلحقني ويتكلم معاي ومااعطيته فرصه .. قالت انه اكيد يحبني ومايبغى يزعلني .. والمشاكل عادي تصير بأي حياة .. و الرجال عادي يغلطون .. وأنهم مايفهمونا في البداية عادي .. بس صدقيني ياديمه مع الوقت نقدر نغير تصرفاتهم ونتأقلم معاها
.. حاولت لمى تهديني وننسى الكلام في الموضوع هذا ...
جلست معاها الين الساعه اربع العصر بعد مارحنا لمطعم وتغدينا ..
سكت بعد نوبة بكاء وفيضان دموع .. بس الحمد لله ان لمى موجوده بحياتي ولا كان يمديني انفجرت ولا صارت لي حاله نفسية ..!


====================
====================





رجعت للبيت وحصلت خالتي قلقانه علي قالت ليه ماتردين على الجوال
قلت لها انه كان صامت وصديقتي تعبانه شوي وعندها مشكله .. ماصدقتني خالتي وشافت وجهي باين اني تعبانه واني بكيت كثير .. بس صديت عنها ورحت للجناح حقي ..
طلعت ولقيت مهند جالس مابدل لبسه قاعد يستناني
حاول يلحقني وقفلت الباب في وجهه واخذت لي شور وبدلت وخرجت لغرفتي وهو جالس بالصالة حاط راسه بين يدينه بعدين قام خرج
نمت بغرفتي بعد ماقفلتها صحيت بعد العشا اذاكر ومارحت للغرفه ولاادري هو موجود ولا لا . دق باب الجناح قمت وفتحت كانت ريم جايبة لي ساندوتشات وفطاير مرسلتها خالتي علي
قلت لها : ريم الله يخليك مرة مو مشتهيه وعندي مذاكره الين راسي وبكمل البحث
طالعت ريم بوجهي قالت : ديمه وجهك مصفر وباين انك تعبانه لايكون حامل
: شو حامل انهبلتي ؟
: ليه انهبلت
خفت انها تفهم شي قلت : مااقصد ريوم بس لاتقولين كذا ماابغى احمل وانا ادرس
: ديمه والله باين عليك التعب دقي على مهند خليه يجي يوديك مستشفى
: لاياشيخه مافيني الا العافية ولاتقولين سيرة الحمل لاحد لأني ماني حامل
: يابنت ماتدري
: الا ادري وواثقه
: طيب براحتك تبين شي امي مزعجتني تقول مهند يقول ودوها اكل ..
: لا والله اكلت مع لمى بس بجد عندي مذاكرة ريوم وانا بنزل بعد شوي عند خالتي وعمي اسلم عليهم
: اوكي يلا سلاام
: سلام

رجعت لغرفتي وقفلت علي وقعدت اذاكر الين جات الساعه 12 ومانزلت
طلعت بحثي هذا هو مستقبلي خلني اراجعه لايضيع مستقبلي مهند ومعاكساته ..وتفكيري فيه ..
نمت فجر الجمعه بعد ماقرأت سورة الكهف .. وصحيت الظهر صليت قبل يرجع مهند من المسجد ورجعت لغرفتي وشفته يدخل مع الباب بس قفلت قبل يقرب من الغرفه ..
دق علي مهند وناداني
: ديمه افتحي الله يخليك .. ديمه تراني تعبان افتحي بكلمك وبعدها قرري اللي تبغين ..
طنشته ومارديت عليه ابداً ... كملت نومي وصحيت وانا ميته جوع .. دخلت المطبخ وسويت لي ساندوتش جبنه وأخذت لي كاس عصير ودخلت غرفتي مرة ثانية وقفلت على نفسي .. مر الجمعه كله من دون مااخرج والحمد لله ان اهل مهند ناس متفهمه مخليني على راحتي ومحد يجبرني انزل او آكل معاهم دايماً يقولون خذي راحتك واذا ريم قالت لي ليه ماشفناك ولا ليه ماأكلتي معانا تخاصمها خالتي تقول خليها براحتها ودايماً خالتي تقول فكري براحتك ولا تفكرين بوجودنا هنا ..!
الله يسعدها لو غيرها يمديها تحسب لي غلطة وزلة ..
يوم السبت الصباح قمت من بدري وشفت مهند نايم بالسرير .. عديت من عنده ودخلت الحمام اخذت شور سريع وخرجت أخذت ملابسي ورحت لبست بغرفتي حتى زبطت شكلي على مراية الحمام الثاني ونزلت للسواق بسرعه .. حصلت خالتي بطريقي صبحت عليها بالخير .. كان باين عليها ان وضعي مو عاجبها بس مابينت قالت : يمه تعالي افطري قبل تروحين مااكلتي شي من امس
: تسلمين يمه ماني مشتهيه الحين بعد شوي آكل بالجامعه
: اجل الله معاك ويسهل لك امورك
: تسلمين يمه الله يخليك لنا
مر اليوم كله بالجامعه وانا كئيبة .. كل بنت تقابلني تقول سلامات تعبانه ..؟ وانا ارد عليهم اقول شايلة هم الرسالة لأني قرفت من كلمة مريضة وتعبانه وماابغى اتبلى على نفسي يكفي اللي شفته ..
كان تلفوني يدق علي رقم غريب مو عارفته .......... يمكن ماتصدقون لو اقولكم ان رقم مهند للحين مااخذته لأني مااحتجت ادق عليه وهو مادق علي ابداً من بعد ماغيرت رقمي الأولاني بسببه ...
احسني مرهقه طول اليوم .. رحت انا وزينه صاحبتي للكافتيريا .. ماقدرت آكل وتمنيت ان لمى معاي اليوم بس مااقدر اخليها تجي مستحية من زوجها ...
عدى الاسبوع كله ورحت لخالي يوم الاربعاء جلست الخميس والجمعه لأن يوم السبت مناقشة الرساله .. ناقشتها مع الدكتورة ابتهال القيس واللي مدحتني وقالت لي بنهاية المناقشه: اضمني الامتياز ياديمة وانتي مرتاحه .
الحمد لله كنت ابغى افرح ورجعت عند خالي لمن قلت له كلام الدكتورة انبسط وارتاح كان شايل همي اكثر مني بس لاحظ اني مو مبسوطه ولا فرحانه .. رجعت لبيتي مع سواق خالي .
مر اسبوعين على نفس الحاله ومارحت فيها لبيت خالي يمكن لأني ماابغى احد ينتبه اني متغيرة ونحفانه كثير .. ويمكن لأني جلست عندهم ثلاثه ايام الاسبوع اللي راح ...وهالمرة مستحيه من اهل مهند لايقولون كل اجازة وهي في بيت خالها ..
مهند ماكلمته ولا عطيته مجال يفتح فمه معاي .. امه وابوه شكلهم حاسين ان فيه شي بينا خاصة اني اذا شفته دخل قمت بسرعه وطلعت لجناحي ولا اكلمه بالمرة ..
مر اسبوع ثالث بعد مناقشتي للرسالة ورابع على اللي صار .. كنت جاية من الجامعه تعبانه وقرفانه الجو مرة حر اليوم اربعاء ماجيت الا الساعه ثلاث
رحت لغرفتي على طول لقيت الباب متقفل ... اوووووف .
رحت لغرفة النوم لقيته نايم ولاهمه .. اخذت لي ملابس ودخلت الحمام واستحميت ولبست قميص قطني لونه بنفسجي فاتح واسع الين تحت الركبه وبدون اكمام .. لبسته لأني قرفانه من الحر والجو وهذا مرة مرة مريح ... رحت فتحت الدرج اللي بجنبه ادور على المفتاح ماحصلته وخرجت من الجناح بعد ماحطيت الفوطة على شعري عشان لسه فيه مويه.. رحت لعند ريم لقيتها بتنام
قلت : قومي سولفي معاي طفشانه ..!
: ديمه مافيني اقوم واليوم اربعاء بنام عشان اسهر .. روحي لزوجك سولفي معاه وصالحوا بعض اشكالكم كذا مو حلوة ..
رميت عليها المخده الصغيرة ... قلت الشرهه مو عليك علي اللي بقولك اخبار حلوة عن بعض الناس ... رفعت اللحاف عن وجهها وقمت تركتها وهي تناديني ..!
رجعت للغرفة وشلت المنشفة من شعري .. خليته مفتوح ووقفت بالصالة محتارة اش اسوي .؟.. شفت مهند واقف عندي ويتأملني ..! كانت عيونه تعبانه وفي يده سيجارة .. شكله مانام
وقف قدامي قال : لا اشوفك لابسه كذا قدامي ..ولا لاتلومين الا نفسك ..!
مارديت عليه وجيت ابغى اعدي من عنده بس مسك يدي قال : عطيني فرصة اكلمك وسوي بعدها اللي تبغين .
:.................
:ديوم رمضان كريم وانتي قلبك كبير
سحبت يدي منه من دون ماارد عليه : ..............
قال بقهر وتوسل : لمتى بتصيرين كذا ؟
صديت عنه ورحت دخلت الغرفة قلت : الين اوصل لقراري باقتناع
لحقني للغرفه وقال : وشو قرارك ..؟
: كلها كم يوم وتعرفه .
وقف قدامي قال : متى يعني ؟
: ماحددتها لسه .. ولو سمحت بعد
خطرت في بالي فكره اني اروح لبيت خالي وافتك من مهند خاصة اني مارحت له الاسبوع اللي راح وكمان بكرة رمضان لازم اقضي اول يوم عندهم .. لبست بنطلون جينز وبدي اورنج وأخذت كتبي وشنطة الجامعه واتصلت على السايق قلت له يستناني برا بروح عند خالي عاد هو وداني كذا مرة يعني يعرف بيت خالي خرجت مالقيت مهند ... فين راح هذا وكيف اقول له اني بروح لبيت خالي .. اوووه هذا وقت خروجه ...؟
اخذت عبايتي وكتبت ورقه ورميتها على الطاولة قلت فيها: انا عند خالي ناصر .. وبكرة ماني جاية ..
نزلت عند خالتي اللي استغربت اني اروح الحين
قلت لها : اسمحي لي خالتي بروح عند خالي ابغى اقضي اول يوم عنده
: الله معك يمه وسلمي لي على هدى وامها اذا شفتيها
: الله يسلمك .
رحت عند بيت خالي وفتحت الباب بمفتاحي كان البيت خالي مافيه احد كلهم نايمين وطلعت لغرفتي .. اشكثر احب غرفتي .. ذكرياتي ،أيامي الحلوة ،ودموعي ،وأفراحي ،وصاحباتي ،وديمه الدلوعه المدلله .. حبيبة خالها ناصر .
دق جوالي نفس الرقم اللي كان يدق علي بالجامعه ومارديت خفت يكون مهند وماابغى اكلمه حطيت تلفوني صامت ونمت .... الحمد لله نمت نوم من زمان مانمته .. بعيد عن الضيق والطفش والكآبة .. ومهند وعنجهيته واهانته لي وجرحه لكرامتي ولأنوثتي واستحقاره لي ...! بعيد عن كلامه الحلو وضحكته اللي تخربطني وابتسامته اللي تسحرني .. ومن دون مااشوف عيونه اللي تاخذني لعالم غريب يطمن ويخوف بنفس الوقت ..
صحيت المغرب حصلت 22 مكالمه لم يرد عليها لنفس الرقم يوه هذا مليون بالمية هو مهند .
بس من فين جاب رقمي معقوله عنده من زمان ولا دوبه اليوم اخذه من جوال ريم ..!
قفلت جوالي وارتحت ..
نزلت لقيت هدى قاعده على التلفزيون وعيالها على تلفزيونهم وخالي مو موجود
صرخت هدى اول ماشافتني وقامت سلمت علي احسها مخنوقه بتبكي لأني رجعت لها الأيام هذيك وانا عندهم قبل مااتزوج ..!
ناديت بسام وأسامه وياسمين وجوا عندي جري كنت جايبة لهم علبة جواهر جالكسي لأني معودتهم اجيب لهم شي وانا جاية واليوم كنت مستعجله وجبت علبه الشكولاته



===============
يــــــــــــــــــــــتــــــــبـــــــع
===============

[شوقي لوليف روحي]

بــآقــــي التكمــــلــــه...................









انبسطت مع هدى وسولفنا بس كل شوي تقول ليه نحفانه وليه وجهك كذا لايكون حامل وانا احلف لها اني مو حامل .. وكنت بقلبي اقول تراني زي مارحت من عندكم ..
دق مهند على بيت خالي وردت هدى قال انا مهند وابغى ديمه لو سمحتي
جات هدى بتعطيني السماعه وبسرعه فزيت ورحت لغرفتي اشرت لها قلت قولي مو هنا طلعت لغرفتها وشوي ترجع
استغربت هدى وعرفت ان فيه شي وقالت له اني مو هنا .. بعدين قالت لي : ديمه مسرع الزعل .. دوبكم في بداية حياتكم
: اسكتي ياهدى الله يخليك لاتفتحين مواضيع زي هذي معاي انا جاية ارتاح عندكم .
دخل خالي علينا على الساعه 12 وسلمت عليه وكان فرحان فيني بس خاصمني عشان وزني اللي نزل ووجهي يقول باين انه تعبان وسألني اذا انا حامل ولا لا وأكدت له لا
.. .. قال : اجل برجع لك وزنك اليوم وبكرة اذا بتجلسين عندنا
: ههههههههههههههه كل عام وانت بخير ورمضان كريم .
: اوه نسيت ههههههههههههههههه وانتي بخير وصحة وسلامة بس ماعليه الوعد على السحور والفطور .
يازين الحياة في بيت خالي بالرغم انو مافيه الا انا وهدى وخالي والعيال دايما يلعبون عند التلفزيون ولا في المراجيح برا في الحديقه ومع الشغالة ..


اليوم الخميس جلست اذاكر لحد ماحسيتني طفشت نزلت المغرب افطرت وجلست مع هدى الين اذن العشا بعدين رحت فوق صليت العشا والتراويح ونزلت مرة ثانية تحت لقيت خالي معاه صينية القهوة رايح للمجلس وسألته فيه احد عنده قال لا مافيه ..
دخلت المجلس وانا لابسه برمودة جينز كحلي وأطرافه لونها رمادي وبدي لونه ابيض وكت كان لبسي مبين ان وزني نازل بس المهم اني شياكه هذا اللي يهمني والنحافه علي حلوة .
دخلت ورى خالي وشفت مهند قاعد اوف ... ليه قهرني خالي يقول مافيه احد .
طالع مهند فيني وعرف اني مادريت عنه لأنه بين علي متفاجأة ولأني رجعت على طول للصالة من مااكلمه .
الحين بنخلي كل الناس تعرف ان بينا زعل .؟ ياربي ماكنت ابغى كذا .. ليه يجي هو .
لحقني خالي قال : تعالي ليه رجعتي ؟
: ها..؟ خليتكم تاخذون راحتكم
: الحين زوجك من امس ماشفتيه تدخلين وترجعين حتى السلام ماسلمتي ولا قلتي له كل عام وانت بخير ..
: خالي الله يخليك لاتقول تعالي عنده او كلميه
: ليه ..؟
: لاتسألني ليه بس لاتجبرني على شي ولاتعصب
: اوكي هذا بيتك ياديوم والزم ماعندي راحتك .. بس لمتى ماتبين تقابلينه ..؟
: بكرة الجمعه ارجع انا مع السواق بس ابي ارتاح عندك اليوم ..
طالعني خالي بقلق قال : بقول لمهند انك بتجلسين عندي لبكرة .. بس ياديمه تدرين انه مايرضيني انك تزعلين ولا تتضايقين من دون مااعرف وش فيك بالضبط .. ترى يمكن اساعدك انا .
: ادري ياخالي الله يخليك لي .. اذا ماقدرت اواجه مشاكلي انت ملجأي بعد ربي .. وصدقني مابينا شي لدرجة اني اكبر الموضوع مجرد اختلاف بسيط واذا اعصابنا هدت بنرجع زي اول .
طاعلني خالي وهو يبتسم قال : عاقلة ياديمه وماخيبتي ضني فيك .
بادلته الابتسامه وقلت : ههههههههههههههه صنع يديك .
رجع خالي للمجلس وهو يضحك .. اووه الحمد لله .. كنت خايفه من خالي وردة فعله بس تفهم موقفي عسى الله يخليه لي ..

راح مهند وسهرت مع خالي اللي جلس عشاني وماخرج .... عاد هدى كانت بتحتفل عشان خالي جلس بالبيت وماراح يسهر مع اصحابه .. وتفاجأنا بجية خالي سامي اللي ماعاد يجي لجدة زي اول لأنه اذا جا لبيت خالي ناصر غالباً يكون برا وهو يستحي يدخل البيت ومافيه الا هدى زمان لمن كنت فيه كان عادي يجي وانا اقابله واجلس معاه وحتى لو ماقابلته اسم ان فيه محرم له في البيت .. سلمت على خالي سامي وكان مرة فرحان انه حصلني هنا
قال وهو مصافحني ولسه مافك يدي قال : والله ياديمه اني ادعي ربي الاقيك هنا
: بس انا زعلانه منك ولامرة تجي تشوف بيتي .
ترك يدي وراح يجلس بعد مانزل شماغه قال : بجيك ان شاء الله .. المشكله استحي من اهل مهند لاتنسين انك معاهم في بيتهم ومو حلوة كل شوي طاب عليكم وفيه بنات وحريم ..
جلست عنده وقلت : لاتخليني اقول لمهند ننقل واروح في بيت لوحدي عشان تجيني واخرب فرحة اهله لمن سكن معاهم .
: لا لا لا بالعكس احسن تكونين عندهم واذا على جيتي وعد اجيك بس اذا طلعوا اهل مهند قولي لي اجيك لو من الطايف .
: هههههههههههه تسلم لي ياخالي
طالعني بتدقيق قال : وش هالتغيير ؟ ليه جسمك كذا ووجهك اصفر ؟
: الزواج يغير ..!
: اللي اعرفه انه يغير للأحسن
: الحمد لله بس تعرف مسئولية ودراسه
: الحمد لله انك بتخلصين وتبيضين وجيهنا ..
: عاد اهم شي تحضر الحفلة ترى خالي بيسوي لي حفلة كبيرة
: اكيد بنحضر حفلة بنتنا .. بس ترى ناصر كلمني يقول بسويها في قاعه
: لا لا اذا بيسوي حفلة كبيرة في الاستراحه ولا في البيت غيره لاوالله .. بلا قاعات وبلا بهرجة زيادة .
: اول شي ناصر فرحان لك .. ثاني شي انتي تستاهلين من يتكلف عشانك .
: الله لايحرمني منكم ياخالي انتم عطيتوني اللي ماحصلنه اغلب البنات عند اهلهن
قاطعني قال : تدرين ليه .؟
: ليه ؟
: لأنك انتي اللي فرضتي محبتك واهتمامنا فيك ومافيه بنت اليوم تلاقينها مثلك
: هههههههههههههههه الله يخليك لي بس والله فيه بنات احسن مني بمليون مرة
دخل علينا خالي ناصر قال : شفت ياسامي كيف نحفانه البنت حسبتها حامل وبتجيب لي حفيد ويقول لي جدو بس هي تقول لا .. مسح على راسي وكمل .. ماتبي تكبر خالها ماادري ماتبي تفرحه ..
انحرجت من خالي سامي لأن خالي ناصر عادي اكلمه في أي موضوع كأني اكلم ابوي ولا امي .. لكن خالي سامي استحي منه في المواضيع الخاصة زي هذي
ضحك خالي سامي وقال لمن شافني انحرجت وحب يغير الموضوع بطريقه ثانيه : ههههههههههههههههه يارجال مااتخيل شكلك واحد يقول لك جدي من بدري .
ضحكت وقلت : عيالي راح يقولون لخالي يبه مالي دخل
ضحكوا خوالي مني وقال خالي ناصر : عاد مهند بيذبحني يكفي انه يغار عليك مني . تبينه يغار على عياله معك ..
قال خالي سامي وهو يضحك : ههههههههههههه الله يعينك بيحقد عليك من قلب .

كنت افكر واقول في نفسي .. يووه ياخالي ماتدري عني ولا تدري ليه ماحملت للحين خلها على ربك بس ، يمكن اصير كذا دايما ويمكن ارجع لبيتك واترك مهند وانا زي مارحت من عندك ..
تسحرت مع هدى وخالي سامي و خالي ناصر تسحروا مع بعض .ونمنا بعد الفجر ...... جلست يوم الخميس في بيت خالي ورحت مع هدى لأمها مرة مشتاقه لها من يوم ماتزوجت ماشفتها وبجد واحشتني ...
سلمت على خالتي ام صالح ولاحظت ان وزني نزل .. قعدت تخاصمني ليه نحفت وشكلي متغير .. تعذرت لها بالاختبارات والرسالة كانت متعبتني كثير والحمد لله هانت ... بس مامشت عليها لأنها قالت : من يوم عرفناك ياديمه وانتي عندك دراسة واختبارات وشادة حيلك .. بس انك ماتاكلين زين .
.






سهرنا عندهم وجا خالي تسحر في بيت عمه ابو هدى وبعد الفجر رجعنا لبيت خالي .
طلعت لغرفتي وقرأت سورة الكهف ونمت ..
قبل المغرب كنت صاحية وجلست اقرأ قرآن الا دخل علي خالي قال :مهند بالطريق جاي ياخذك واستحيت ارده اذا بينكم شي قولي لي بس اذا مابينكم شي يستاهل انك تجلسين كم يوم روحي معاه وبلاش تردينه مرة ثانيه .
قلت وانا مقهورة وماحاولت ابين لخالي : اوكي ياخالي اللي تبغاه يصير ..بجهز اغراضي واروح معاه .
ياربي كنت مرة مبسوطه في بيت خالي جا هذا بينغص علي لو ماكنت زعلانه منه بس كان ارتحت هناك لأن عمي وخالتي وريم ناس تنحط على الجرح يبرى ..
قمت لبست نفس لبسي اللي جيت فيه من بيتي .. ومهند برا مادخل قال خالي اطلعي له يقول مستعجل ....
خرجت بسرعه وركبت السيارة قلت : السلام عليكم
: عليكم السلام
شفته يلف بطريق مو طريق بيت اهله
: فين رايحين
: بنفطر برا
: مايحتاج نروح البيت احسن
: مو بكيفك
: مهند اذا سمحت بنروح للبيت او رجعني لبيت خالي
خلاص خلاص نروح للبيت ولو انك بتحرجيني مع اهلي لأني قلت لهم ماراح نجي على الفطور
: مايهمني اجل رجعني لبيت خالي وافطر انت برا بعدين تعال خذني نرجع لبيتك
: بيتك ..؟
: بيتك بيت اهلك بيتكم كلها واحد
: ليه ما تقولين بيتنا ولا بيتي
: والله بيتي اذا حسيت فيه بالراحه والأمان وضمنت انه راح يكون فعلاً بيتي ساعتها اقول بيتنا ولا بيتي
: اوووف اللهم اني صائم ..
: لااله الا الله محمد رسول الله .... قلتها بصوت واطي وصديت عنه ناحية الشباك
: ديمه
: نعم
: لمتى طيب
: لاتحاول تفتح معاي مواضيع عقيمة ..
: لابفتح وماراح يتسكر الا وانتي راضيه عني
طلعت مصحف صغير من شنطتي وجلست اقرأ .. وهو سكت ماتكلم
دخلنا عند اهله لقيت ابوه جالس في الصالة وخالتي وريم يحظرون الفطور بغرفة الطعام بسرعه نزلت عبايتي وسلمت على عمي ورحت اسلم على خالتي وريم قالت خالتي : وين اللي بيفطرون برا اشوفهم غيروا رايهم
دخل عمي ومهند وراه .وانا رديت بسرعه : والله ياخالتي مهند قال اش رايك نفطر برا بس بصراحة ماحبيت افوت الفطور معاكم لاتنسين انه اول رمضان اقضيه عندكم .. وهو ماصدق اقول بنفطر مع اهلك على طول وافق
: ههههههههههههههههههههههههههه الله يحييك يمه وماابرك منه الشهر اللي تكونين معانا فيه
: الله يخليكم لنا انتم بركتنا وخيرنا ومانرتاح الا معاكم .
تكلم عمي : والله ياديمه انتي خيرنا وبركتنا تعالي يابنتي اجلسي خليهن يحضرن الفطور
كان مهند ساكت وماعلق باين انه تعبان يمكن مني ويمكن عشان مادخن .. نادى ريم :ريم هاتي التمر الحين مو اذا اذن نقعد ننتظر حضرتك
قال عمي : انت لو تترك هالعلة عنك كان تعافيت وهدت اعصابك وانتظرت على مهلك مو تاخذ لك فنجال وتمرة وقمت تجري كأن فيه احد يطردك
: بتركه ان شاء الله بس دعواتك يبه
: الله يهديك وانا ابوك ويفكك من شر هالعله ويستر عليك
: الله يخليك لي ويجعلك ذخر
جلسنا كلنا خالتي مقابله لعمي ومهند جلس بجنبي وريم قابلت لنا
سألني عمي عن اختباراتي قلت اني قدرت اقدمها في رمضان لأن علاقتي بالدكتورات كويسه وقلت لهم ان عندي ظروف وابغى اقدمها
التفت مهند علي وهو يوخر الكرسي بيقوم عشان يطلع يدخن
: وانتي شو ظروفك حتى تقدمين امتحاناتك وماتختبرين مع الناس
التفت له وانا ابتسم : طفشت من الدراسه وهمها خلاص ابغى ارتااح وماعاد فيني استنى لبعد رمضان لأني اساساً مذاكرة ومختمه كل المواد قلت اختبرها قبل الاجازة وارتاح
تكلم عمي : متى اول امتحان عندك
: بكره ويوم الاثنين والسبت الجاي والاحد ..
: ماشا الله تبارك الله اربع مواد بس
: ايوه دعواتكم بس لي .
خالتي وهي تبتسم : الله يوفقك يمه ويسعد قلبك
: ويخليك لنا يمه ويطول بعمرك
رحنا صلينا المغرب ورجعنا نكمل فطورنا .
رمضان عند بيت عمي غير حالتي النفسية وطقوسه كأنها فتحت شهيتي للأكل وصرت اكلم مهند عندهم لأني ماابغى اضيق عليهم او اخليهم يشيلون همنا
جانا مهند وجلس بجنبي وريحته كلها دخان .. قال بصوت واطي اذا افطرتي اطلعي فوق ابغاك .
الله يستر منه اش يبغى هذا مني اكيد بيفتح معاي مواضيع مالي خلق اسمعها
جلسنا لحد مااذن العشا وطلع عمي للمسجد ومهند قال باخذ لي شور واروح للمسجد اشر لي وانا قمت معاه على طول ..
دخلنا الجناح حقنا ..
: ديمه
: مهند روح تحمم والحق ابوك للمسجد بقعد اذاكر الله يخليك لاتكلمني بأي شي الين اخلص امتحاناتي
: وبعد الاختبارات
: بعد مااخلص يصير خير
: اوكي بس لي شرط
: شو
: تتركين المحراب اللي تنامين فيه وتجين تنامين بغرفتك ..
: شو ..؟ لا لوسمحت بنام في المكان اللي ارتاح فيه .
: وقربي مايريحك ؟
تنفست بعمق ماابغى اتكلم معاه ولا اجادله بس لازم اتحمل واسايره لحد مااخلص اختباراتي من دون ماينكد علي ..
قلت : ماقلت كذا بس خلني على راحتي
رجعت للمغاسل اللي برا على الصالة وجلست اغسل يديني عشان اهرب منه بس .
سمعت الحمام حق غرفتنا انقفل ارتحت شوية ورجعت للصالة.. احسني مرتبكه وافكر كيف افتك منه .. هذا الحين اكيد يقول لي خمسه شهور وبديت بالسادس ماكأني متزوج ..!
قلعته يحسن اسلوبه معاي وتصرفاته بعدين يبشر باللي يبغى .
خرج من الحمام لابس شماغه وثوبه وقرب مني كان عطره يخترقني كلي قال :شوفي بعطيك فرصة بس والله وورب البيت لو ماصرتي حرمة سنعه لتشوفين شي عمرك ماشفتيه تراني دلعتك وخليتك على كيفك بما فيه الكفاية .
بصراحه خفت منه وقعدت ارتجف قلت وانا معقدة حواجبي : طيب طيب اللي تبغاه بس روح صل الحين







مر اسبوع وانا وياه مانكلم بعض الا عند اهله حتى هو ماصار يكلمني زين ولايلتفت فيني اذا كنت بالجناح .. بصراحه انقهرت منه وهو يدخل يسوي نفسه ماشافني ويتجاهلني كثير وانا اصلاً صرت اتعمد ماالبس الا اشياء عادية تنانير جينز طويل ولا جلابيات اذا نزلت عن اهله .. واذا صرت بجناحي البس بيجامات طويلة بكم طويل قطنية وعادية ..!
وشعري دايما ارفعه شنيون فوضوي ومااحط ميك اب ابداً .. كل هذا عشان ماالفت نظره هذي الأيام ويشغلني عن مذاكرتي ...
صليت التراويح وجلست بفتح لي كتاب اذاكر فيه بس مالي خلق مذاركة والحمد لله انا مختمة وحافظتها كلها يبغا لي مراجعه اخيرة قبل الامتحان على طول وخلاص . .اخذت لي كراسة جديدة اشتريتها قبل فترة من المكتبة بس مارسمت فيها شي لسه وأخذت قلم رصاص مشتهية ارسم .. ..
مافي راسي شي معين ارسمه .. بس رسمت اطار ولقيتني ابدا رسم كأنه شي يملى علي وانا لاشعورياً ارسم ... !
خططت العيون ، الرموش ، الحواجب ، الجبين ، وخط الشعر من الجبين ، الأنف .. الشنب .. لو بحلف لكم اني ارسم بسرعه مجنونة وبإتقان رائع محد راح يصدقني .. طلع لي وجه مهند .. وكأنه يناظرني .. كان وجهه اسرع لوحة رسمتها بحياتي .. وبالقلم الرصاص .. حتى تفوق على خالي ناصر اللي كنت ارسم صورته بكل مكان حتى بدفاتري زمان بالمدرسه اذا كنت طفشانه في الحصة ولا ماعندنا استاذة... لدرجة اني صرت متعودة ارسمه لاشعورياً وبسرعه . بس مهند اليوم تفوق على خالي ناصر رسمت وجهه كامل ورسمت يده وفيها زقارة ودخان خارج من فمه .. هذي هي صورة مهند في الغالب .. اهلكه الدخان الله يفكه منه قريب ومن غير شر ومكروه ...!
كنت مرة طفشانه ورسمت بصفحة ثانية شمعة تذوب .. كتبت تحتها
حين يقتل الخوف الأمان
وتنتهك القسوة الفرح
لتحيلها الى شروخٍ من خوف

هذه انا بيده
ديمه


ماادري ليه كتبت كذا يمكن لأني حبيت اعبر عن نفسي ويمكن لأني واثقة ان مهند ماراح يشوف الكراسه لأنها بدرج المكتب اللي صار لي ..

الصفحة الثالثة رسمت بحر ورسمت وحده تشبهني بشعرها وجسمها تمشي فيه بسرعه ظللت الصورة ورميت الكراسة لأني مااحب ارسم من الواقع اطفش لكن الخيال اذا رسمته اطول واستمتع فيه ..
يوم السبت في الليل بعد ماجا مهند من المسجد دخل عندي وانا على سجادتي اصلي التراويح في الصاله .. وجلس على الكنبة وقمت نزلت شرشفي لأني خلصت صلاتي وطبقته مع السجادة .. وجلست على الكنبة الثانية ..
ناظر فيني بتمعن وانا لابسه بيجامه بيضا قطنية بكم طويل وواسعه وفيها رسوم بالأوسد على الصدر .. ادري اني كثير متغيره عن اول بدءاً بوجهي وشعري وعيوني وانتهاءً بجسمي اللي نحل كثيير .. وهذا بشهادة اهلي واهل مهند وزميلاتي بالجامعه وام هدى واخواتها وكل من شافني .
قال بهدوء اتوقع انه مصطنع : سبحان الله اللي غير شكلك وحالك ، الحين انتي ديمه ماغيرها ؟
ابتسمت بسخرية قلت : الزمن مايخلي احد مثل ماهو . ووقفت على طول اخذت السجاده وحطيتها بمكانها بجنب المكتبه .. ابغى اهرب منه وادور شي يشغلني عنه ..
وقف مهند ومسك ذراعي بيده قال : يعني بتقولين ان التغير اللي صار فجأة من الزمن ولا من الحياة هنا .
: والله انت ذكي وتقدر تفهم شو اقصد بالضبط ..
نفضت يدي منه بقرف ووخرت عنه رحت للغرفه .. وجود مهند معاي وبمكان واحد ولوحدنا صار يخنقني ..
سمعته يقول : اها ... مكبوته وبصوت واطي .. حتى شكله مافتح فمه .
رحت اشوف شكلي بالمرايه كان لوني اصفر لأني ماآكل كثير كلها لقمتين على الفطور والعشاء يادوب ملعقتين شوربه والسحور آكل فاكهه ولا سلطه والدوخه عاملة معاي العمايل باين ان عندي فقر دم ..خلاص بكرة آخر اختبار لي بالجامعه وافتك من هم المذاكرة ولازم انتبه لنفسي اول شي بروح ازبط شعري عند الكوافيرة .. ثانياً : بنزل السوق بشتري ملابس يمكن تغير من حالي .



يتبـــــــــــــــــــــع
.........................................

[شوقي لوليف روحي]

يوم الأحد بالليل لساتني مانمت من امس .. كنت مواصلة ورجعت من الجامعه الساعه خمسة لأن الدكتورة تأخرت ماجات الا بعد الظهر ومااختبرت الا الساعه 3 وعلى بال ماخلصت ومشوار البيت وصلت الساعه خمسه على طول دخلت المطبخ مع خالتي وريم وسلمت عليهم وانا فرحانه اليوم آخر يوم لي في مرحلة الماجستير بفضل الله .
اتصلت على اخوالي كلهم وبشرتهم اني خلصت امتحان يعني تخرجت بس باقي لي النتايج والوثيقه وانا الحمد لله ضامنه اني راح اجيب امتياز مع مرتبة الشرف وان شاء الله تكون الأولى ... باركوا لي اخوالي ووعدوني بالحفلة بعد العيد على طول ...
دقت عليّ سميرة وهي تعاتبني وزعلانه مني كثير تقول ليه ماجيتي زرتيني وانتي قد وعدتيني .. عاد انا نسيتها مع المشاكل اللي صارت واختباراتي .. قلت خلاص بكرة او بعده بالكثير بجي انا وخالتي وريم نسهر عندك وراح اعطيك قبلها خبر اذا اخذت راي مهند وحسيتها رضت .. سميرة اعزها كثير ومااقدر على زعلها ..
افطرنا مع بعض كلنا كان مهند اكثر شخص مهموم في الجلسه وكل شوي يقرب مني يقول اكلي . وانا اسوي نفسي ماسمعته ولا اقول بشويش : شوفني آكل ..
تكلمت خالتي قالت : مهند خذ لك يومين اجازة وروح انت وديمه للحرم خذوا لكم عمرة ..
ارتبكت من خالتي اكيد ملاحظة علينا انا مو متفقين وتبغانا نروح للحرم نهدي اوضاعنا .. ونريح انفسنا بالجو الروحاني وذكر الله وطاعته في الحرم ..
ابتسمت لها وطالعت بمهند وهو بدوره ناظرني حسيته تفاجأ اني ابتسم .. شفت في عيونه لمعة غريبة من زمااان عنها ,, آه يامهند انت السبب في الحالة اللي دهورت حالنا .. قال : اذا تقدرين الحين يالله نمشي .
سبقتني ريم وقالت : لا حرام مهند ديمه لسه مواصلة مانامت من امس
طالعني قال : اجل نامي الحين والفجر نروح وانتي شبعانه نوم
قلت : خلها بكرة احسن نروح واحنا مرتاحين
حط يده على يدي قال : اوكي اتفقنا
عورني قلبي ياناس .. صحيح ان مهند قاهرني ويغلط في حقي بس لمن شفته الحين وهو يدور على أي خيط يدله على طريقه جديدة يراضيني فيها حسيتني اشفقت عليه وعرفت انه حريص على استمرار حياتنا مع بعض ومايبيها تسوء اكثر من كذا .. بس لو يعدل اسلوبه وتصرفاته ..!

قام عمي من عندنا عشان يروح للمسجد بعدين رجع قال : تذكرت صح ..! مهند اجل العمرة كم يومين .. بكرة ابيك تروح لأبها ..!
طالع مهند بعمي قال : ليه ؟
: روح جيب رانيا بنت اخوك .
التفت انا لريم قلت : مين رانيا ؟
: رانيا بنت فواز اخوي .. عاد ماقدرت تقابلك لأن بيت امها بعيد مرة عن بيت عمتي سارة لمن رحتي لها ... حتى انا ماقدرت اشوفها . ولاقدرت تجي .. بس امي وابوي مروها قبل نرجع لجده . ..
: اوووه صحيح قال لي ابوي الله يرحمه عنها . .. ماقد جبتوا لي سيرتها .. !
سمعت خالتي تتكلم ودموعها في عيونها : يابعد قلبي يارنو اكيد طفشانه متعودة علينا والله مابغيت اتركها بس وش نسوي بالظروف
رجعت اسأل ريم : عند امها ؟
قالت : هي من صغرها عندنا بس جينا لجده وامها بغت تتجنن تقول ماابيها تروح لجده بعيد عني .. عاد رانيا قالت بجلس عند امي فترة الدراسة واذا جات الاجازات اجي عندكم .
قلت : اها ... طيب الاجازة لسه مابدت ..
قالت : تقول عادي ماباقي الا كم يوم والبنات بيعطلون من بدري .. طالعت بمهند وكملت : وتقول ان زوج امها يطفشها ويسمعها كلام
قال مهند : ليه ماقلتوا لي من زمان عشان اجيبها
تكلمت خالتي اللي باين انها مرة متأثرة : تبي مدرستها تقول مااقدر افارق مدرساتي وزميلاتي ..
قلت انا : ياقلبي عليها ياليتكم تجيبونها هنا وبدال المدرسة الف مصيرها تتعود على المدرسة اللي هنا وتحبها ..
ردت ريم علي : صادقه والله بس امي وابوي مايحبون يرفضون لها طلب ابداً
: الله يخليهم لها ويستر عليها
: آمين
قام مهند زعلان ومقهور انه بيروح لأبها خاصة بتوقيت زي هذا .. وأخذ شماغه قال لأبوه بتوضا والحقك ..
لحقته وهو عند الباب بعد ماتوضا وناديته بصوت واطي لأني قررت اتغير واغير الحياة مع مهند .. خلاص آخر اسلوب راح اتخذه ويمكن هو الاسلوب الوحيد اللي يخلي مهند انسان مختلف ..
قلت له : مهند
ماطالعني وقال وهو يرجع كم ثوبه على يده : هلا .. تبغين شي ؟
تنهدت وانا اتمنى انه يكون رايق عشان مااتكدر ..واتراجع عن قراري اللي اتخذته قبل شوي ..
قال وهو يحط شماغه على راسه بعد مالبس طاقيته : بسرعه تبغين شي ولا اروح وشوي اجي نتفاهم على كيفك الصلاة راحت علي ..
: لا بس بقولك اني بروح للسوق انا وريم مع السواق .
: مالقى يطلع السوق الا اليوم .. هذا وانتي تعبانه وماتقدرين تروحين للحرم وتبين تنامين ..؟
: عاد ناقصني اغراض وبروح للمشغل وبما انك بتروح بكرة لابها بنروح لسميرة لأني وعدتها ازورها قريب .
: طيب طيب بكيفك لو بتروحين للنجوم روحي الله معك ... كم تبين فلوس ..؟
: ماابغى شي معاي فلووس تكفيني ..
فتح محفظته ورمى علي الف ريال قال : هذا اللي في محفظتي واذا رجعت بسحب لك الف ثانيه ..
: لا خلاص هذي تكفي
شكله عصب علي عشان قلت ماابغى فلوس منك ..راح للباب ومارد علي .. وانا وانا بدوري شردت لايتكلم علي وطلعت فوق صليت العشا والتراويح وجيت ريم قلت لها تروح معاي قالت : تكفين ديمه اكره السوق خاصة برمضان .
: ريم الله يخليك ماعندي غير الله ثم انتي قلت لاخوك انك بتروحين معاي
: خذي امي معاك
: بروح للمشغل وخالتي ماتحب تتأخر على عمي ومستحيه اسحبها معاي بالسوق وأخرها .
: اذا فيها مشغل خلاص موافقه بس بشرط
: شو ..؟
: اقص شعري واصبغه وو
: مو الحين استني قبل العيد ووعد اوديك عند ليليان تزبط لك قصة تعجبك .. عشان فيه مناسبات جاية خاصة فيك وغمزت لها بعيني
استحت ريم قالت : موفاهمه عليك .. وضحي ..
: ههههههههههههههههه ياحليلك ياريم وانتي مستحيه .
: بنت قولي احسن لك ولا مااروح
: طيب بقول لك وامري لله .. عمي كلمني قال بيجي يخطبك بعد العيد
عضت ريم على شفتها اللي تحت قالت بحيا : مسرع
: ههههههههههههههههههههه الله يسعدك ياريوم ويهنيك .. يالله البسي خلينا نروح بدري ..
رحنا للسوق اول شي .. أخذت لي بناطيل شموا وجينز وتنانير وبلايز واكسسوارات ورحت لنعومي اخذت قمصان نوم خيال وريم معاي تشوفني ومستغربه وكل شوي تقول : بنت انتي .. ولا العروس تاخذ اللي اخذتيه واللي يشوفك يقول زواجها بعد اسبوعين ..
: ههههههههههههههههههه انا دايما عروس بس امشي
: ديمه والله انك مسرفة دوبك قبل اربعه شهور مجهزة من الى وانا متأكدة ان عندك ملابس جديدة ومالبستيها للحين ..
: هههههههههههههههه اليوم جايبتك عشان تتعلمين كيف تجهزين كلها كم شهر وتصيرين عروس .
: ههههههههههههههههه لا والله فقرت اهلي
خرجنا من نعومي ورحت عند ليليان لأني مكلمتها قبل وحاجزة عندها .. صبغت لي شعري بني وخصلت لي أطرافه بذهبي مرة طلع روعه خاصة اني بيضا وملامحي اصلاً يناسبها أي لون على قولة ليليان .. قصيت شعري مدرج من الأمام ومن ورى قصيت اطرافه على نفس قصته الأولى بشكل مدرج من اكتافي الين اسفله ولأن شعري ناعم وكثيف كان المدرج عليه مرة حلو ..
رجعنا للبيت وانا احسني منهكه ومرة تعبانه استنيت مهند مارجع ونزلت عند خالتي سألتها فين راح قالت راح للمستشفى عنده حالة طارئة وهو اصلاً معصب وزعلان من مشوار ابها .. وقالت انه عصب لأني تأخرت ..!
تمددت عند خالتي بمجلس الحريم وانا مواصله عديت اربع وعشرين ساعه مانمت ..
: ديمه يمه روحي جناحكم نامي
: لا ياخالتي تبغين ولدك يموت ولا يموتني مو يكفي اني تأخرت برا .. خليني هنا متى ماجا اصحى ..
: يابنتي كملتي يوميين مانمتي وبتنتظرينه ؟
: بنام هنا ساعه واذا جا تكفين خالتي لاتنسين صحيني .
: ابشري يابنيتي

///////////////////////////
///////////////////////////





















لنتابع بقية الأحداث الشيقه


نمت بسرعه من كثرة التعب ماصحيت الا مهند على راسي يقول :قومي يالله ولا تعودتي على نومة الكنب
فتحت عيوني بصعوبة : همممم مهند متى جيت ؟
: لاوالله ؟.. اصلاً انتي تدرين اني رحت ؟ ولاتدرين عني ولا حاسة بشي ؟
قمت تعدلت وجلست وقعدت الف شعري وامسكه بالشباصة قلت له : الحين انت ليه معصب كذا ؟
: ماقلت لك ماتدرين عن ولا انتي حاسة بشي
: لاتكلمني بالاسلوب هذا لو سمحت مو راضي بالعيشه معاي فيه حلول تريحك واذا ماتعرفها قول لي وانا اعطيك ..
تنهد وقال : قومي قومي تسحري بس بلا دلع
قمت مارديت عليه ورحت عند خالتي لقيتها بالمطبخ قلت : صباح الخير ياخاله ليه ماصحيتيني لمن جا مهند مو موصيتك ؟
: هلا صباح النور والسرور .. والله ياديمه كنت ابي اصحيك بس هو رفض قال انك تعبانه مانمتي لك يومين
: اجل ليه معصب ؟
: ماعليك منه تلاقينه شافك بالشكل هذا وتحسر انه برمضان هههههههههههههههه
ابتسمت لخالتي : الله يسامحه نكد علي لمن صحاني
: رحت غسلت ورجعت لخالتي وحلفت علي اني اروح للصاله لأن ماعندها شغل الشغالات خادماتها
رحت للصاله بعد مامريت المرايه فتحت شعري وزبطت شكلي ... كنت راضية عن نفسي بالرغم اني ماحطيت مكياج بس الحمد لله انا مو محتاجه .. جلست عنده ووجهي على التلفزيون .
قال وهو يدخن بشراهه : نعيما
رديت عليه وانا ماالتفت له : ينعم عليك
: طالعيني
التفت عليه لقيته يناظر فيني بتأمل
: لاتناظر فيني كذا لو سمحت
: ليه ؟ مو زوجتي ؟
: اوو صح نسيت اني زوجتك
مسك يدي ولفها بقوة كان حيكسرها وكل شوي يلتفت وراه اذا احد جا عندنا ولا لا قال : اتركي اللهجة هذي عنك ترى مافيني صبر عليك .
: أي مهند اترك يدي .. انا اللي ماعاد فيني اتحملك
: اتركها هاه ومافيك تتحمليني وانا ..؟ وانا ياديمه تتوقعين فيني صبر عليك ..؟
نزلت دموعي وفك يدي قال : انقلعي من وجهي الحين
: بنقلع بس تذكر انك اللي تغلط كل ماحاولت اقرب منك
: هه تقربين .. تقربين بمشوارك للسوق ولا للمشغل وجلستك لآخر الليل وترجعين تحطين راسك وتنامين .
: تدري ليه رحت للسوق ... روح اسأل ريم ليه رحت للسوق وايش اشتريت عشانك .. والمشغل مو عاجبتك روحتي له ..؟؟ بعدين نومتي لأني رجعت وماحصلتك ونمت تحت عشان اصحى اول ماتجي ووصيت خالتي وأكدت عليها اذا رجعت تصحيني حرام عليك يامهند فكر بعقلك ولاتتهور تخرب على نفسك بنفسك .
: آآآآآآآآآآآآآآه ... قالها من قلبه وبقووة ...
قمت وطلعت فوق وانا ابكي ومقهورة وقابلت خالتي
بعد ربع ساعه دق باب غرفتي ومارديت عليه سمعت صوته من ورى الباب : ديمه قومي تسحري
: ماابغى اتسحر ولا ابغى اشوفك او حتى اسمعك .. مهند انت اقرفتني خلاص اتركني
: ديمه افتحي الباب لااكسره
: اكسره واكسر راسي ماعاد يهمني شي
سمعته باب الجناح انقفل ورحت جبت لي كم بيجامه وملابس داخلية عندي بغرفتي قررت مااعطيه أي فرصة يشوفني او حتى يكلمني .. وقفلت علي وقررت انام وماني متسحرة خلاص عادي لو اموت مايهمني مهند زودها وطفشني ..
دقت علي ريم قالت :ديمه قومي تسحري معانا امي تقول اذا مااكلت ماراح تاكل
: ريم روحي الله يخليك ماابغى اكلم احد وماني ماكله شي انا تعبانه وقرفانه من كل شي
: افتحي لي الله يخليك
: ريم ماابغى ازعلك خليني بحالي
خرجت ريم وانا بكيت بدال الدمع دم .. كانت هموم الدنيا على راسي .. مهند متقلب كل يوم حال .. انا للحين زعلانه من حكاية الممرضة ..وهو مافكر يراضيني .. والحين جايني يتكلم علي اذا يكرهني ليه مايخلني ارجع لجنتي في بيت خالي ويفكني من جحيمه
سمعت صوت خالتي عند الباب عاد خالتي مااقدر اطنشها فتحت لها الباب وانا ميته بكا وعلى طول حضنتني بعد ماخرجت لها ماابغاها تشوف غرفتي وملابسي وبطانيتي وكتبي
قالت لي بحنان : لاتبكين ياديمه .. حتى هو ندمان وزعلان ويلوم نفسه
: خالتي مااقدر اتحمله خلاص طفح الكيل ولدك متهور ويبي الدنيا على كيفه .
: صدقيني ياديمه .. مهند ولدي واعرفه زين يمكن يكون متضايق من شي بس اللي انا واثقة منه انه يحبك يمكن انه مايحب يبين
: ماابي حبه اذا مايبينه لي ويحترمني ياخالتي . ماابيه . خلاص انا تعبانه والله تعبانه وصابرة وساكته عشانك وعشان عمي وخالي .. بس ماعاد فيني .
: طيب الحين كلي لك شي عشاني لاتصومين على جوعك
: ماابغى شي وتكفين خالتي لاتجبريني اعرف نفسي لو اكلت غصب راح ارجعه
: لاحول ولاقوة الا بالله الله يهديك يامهند
حطيت يدي على راسي وجلست قلت : خلاص اتركيني الحين وروحي لعمي تلاقينه يستناك والفجر بيأذن ماتسحرتوا ..
: الحين بخليك بس بتجين على الفطور زين ..؟
: يصير خير
نمت بعد ماصليت وقرأت قرآن وانا منهكة وتعبانه وجيعانه وصحيت على اذان الظهر على طول قمت صليت وجيت باخذ لي شور اوف حصلت الغرفة متقفله .. شو فيه هذا مقفل الغرفة مو صاحي ..
خرحت من غرفتي عند ريم كانت نايمه صحيتها اسألها عن مهند : ريم قومي شوفي اخوك فين ؟
: يووه اليوم متخاصمين مسرع تتصالحون ..
: قومي من قال تصالحنا
: اجل اش تبغين فيه
: هو فين تدرين ؟
: ماادري بس سمعت ابوي يقول رحلتك الساعه 11
: يوووه قومي طيب اعطيني روب .. اخوك قفل الغرفة وراح .. ابغى اتحمم
فتحت عيونها بعد مارفعت اللحاف عن وجهها وقالت : من جد قفلها ؟
: ايوه بس لاتقولين لاحد حتى له هو
: طيب وسميرة وعزيمتها لنا
: بقول لها مهند مارضى خليه يستاهل
: بتكلمه وبيقول لها خليها تروح
: لا ... لاتدري اني موجايه لين تروحون لها
: ياحلوة عيب سميرة مسوية العشا عشانك
: اوكي اكلمها انا

*******************

*******************










دقيت على سميرة اللي رحبت فيني وقالت انها تستناني الليلة
: سموورة بجد آسفه مااقدر اجيك اليوم
: ليه ان شاء الله
: ممممممم بصراحه مهند قال لاتروحين لين ارجع
: عادي اكلمه
: هههههههههههههههه لا الله يخليك اصلاً هو قال اذا قلتي لسميرة بتتصل فيني دبري لها عذر
: بسم الله علينا اشفيه مهند
: مممممممم خلاص بعدين انا اقولك ليه قال كذا .. بس الله يخليك لايدري اني قلت لك انه هو اللي مارضى
: ولايهمك ديوم بس بتجيني مرة ثانيه
: اكيد اذا ربي شاء وأراد
: نزلت افطرت مع عمي وعمتي كنت لابسه نفس لبسي الفجر بنطلون جينز طويل وبلوزة صفرا كم طويل وماسكه علي
سألت ريم اذا مهند اتصل ولا لا قالت انه ماراح يجي الا بعد خمسه ايام يقول يبغى يغير جو ...
ارتحت وحسيت شهيتي انفتحت للأكل افطرنا وجلست مع ريم على التلفزيون وعمي وخالتي راحوا لمكه بيصلون التراويح وبياخذون عمرة يعني مابيرجعون الا على السحور الله يجيبهم بالسلامه

كنا نقلب من قناة لقناة وانا فكري مع مهند بصراحة على كثر ماهو قاهرني على كثر ما انا افكر فيه وشاغل بالي كثير ... قالت ريم : ديوم تراني قلت لمهند انا رحنا للسوق واشتريتي من مانجو ونعومي
: ليه سألك هو ؟
: ايوه قال اش اشتريتوا وعلمته
: لايكون قلتي اشترت قمصان نوم
: ههههههههههههههههههههه لا استحيت بس قلت راحت لنعومي اللي يشوفها يقول عروس وتجهز ..
كنت متحمسه ابغى اعرف ردة فعله قلت : ايوه شو قال ؟
: ماقال شي ابتسم وقام باين انه متضايق لأنه زعلك
مارديت على ريم قعدت افكر بردة فعل مهند واحساسه لمن عرف اني نزلت السوق عشانه هو ..
مرثلاثة ايام ماجا ولا فكر يدق علي وانا اصلاً مقفلة جوالي تحسباً لأي اتصال منه

دخلت الجناح حقي ورحت باخذ لي ملابس كلها بالغسيل ماحصلت الا شورت قصير وبدي قصير مبين بطني من تحت ماادري كيف جا مع البيجامات هنا شكلي من السرعه لقطته بالغلط بس يالله مهند مو هنا .... وانا محد يدخل عندي ..
الحين الساعه 1 وريم وخالتي راحوا معزومين عند ناس يعرفهم عمي بيتسحرون عندهم وانا مارضيت اروح تحججت اني تعبانه ابغى انام والحقيقه كيف اروح بدون ملابس او حتى عباية ...
كنت مرة طفشانه .. التلفزيون مسلسلاته كثيرة وكلها مشاكل وانا مو ناقصه ... فكرت انزل للحديقه بس اخرج كذا وبلبسي هذا مرة صعب حتى روب ماعندي ..
مافيه الا اني ارسم وأعبر عن طفشي وأكيد راح ارتاح اذا رسمت .
اخذت اللوحة حقتي ووقفت عند المغاسل حقت الحمام لأن المكان واسع وقريب من الحمام يتغسل كله اذا عدمته بالألوان
قعدت ارسم عليها خططت الخطوط الأساسية رسمت خطوط عشوائية .. وقعدت الونها احيانا اذا كنت محتارة ايش ارسم ماتجي في راسي الفكرة لحد ماابدا تلوين بعدين ابدع في دمج الألوان وفكرة الرسمه وتطلع مبهرة
بعد مالونت البدايات جات في راسي فكرة صراع البر والبحر طبعا تقدرون تتخيلون الوان البحر وهدوءها وجمالها مع امواجه الهايجه وقوة البحر وغدره ..والوان البر وفتنتها سواء صحراء او اشجار .. البحر يعطي احساس بالقوة والجبروت والعمق والبر يعطي احساس بالاتساع والراحة النفسية .. فكرت ادخل عليها شكل مهند من بعيد كأنه ورى ضباب ..بس تراجعت ..
كنت مرة مندمجة بالرسم اتوقع لو ينفجر البيت ماانبهت له
التفت على الصوت كانت الأرض تلف فيني وانا اناظر في اللي قدامي فجعني متى دخل وكيف دخل ماسمعت الباب لمن انفتح .. ولا اوف من وقفته قدامي وهو يطالعني كذا ..
كان متكي على الكنبة وهو يبتسم لي ويناظر فيني من راسي لرجولي
لا ياربي .. تذكرت لبسي .. لفيت ابغى شي البسه .. ياربي والله رجولي احسها ترتعش بطيح خلاص .. الشورت مرة قصير .. والبدي قصير بطني باين شافني متخربطه وقرب مني بس كنت اسرع منه ودخلت الحمام
غسلت يديني عن الألوان وغسلت وجهي عن الصدمه ولو بيدي غسلت مشاعري وأفكاري من مهند .. وقفت شوي بعدين خرجت لازم اخرج بروح لغرفتي آخذ لي لبس غير هذا .
اول ماخرجت كان واقف يتأمل اللوحه بعدين التفت لي قال : ليه انتي هنا مارحتي مع اهلي ؟
: لوسمحت افتح لي الغرفه باخذ ملابسي
: أي غرفه ؟
: أي غرفه بعد غرفتك باخذ لي ملابس منها لأني لي اربعه ايام مقيده بكم لبس وماقدرت اخرج
ضرب على راسه بقوة ورمى نفسه على الكنب بعدين حط راسه بين يدينه
رفع راسه قال : ليه ماكلمتيني ؟
: يعني بترجع لو اكلمك ؟
قام وهو يبتسم وقرب مني قال : ولا ماتبغين تكلميني ها ...؟
قربه يربكني وأنفاسه تحرقني وانا تخربطت كثير : هـ هـ اا ت المفـ المففتــ ااااح
: وتدخلين معاي ؟
: لااااا .. ومستحييييييل .. ولو سمحت هات المفتاح ابغى ابدل وأنزل اتسحر .
مسكني من عند اكتافي بقوة قرب فمه من اذني وقال بهدوء : حقي باخذه الليلة واذا تقدرين تسوين شي سويه .
: خلاص خذ اللي تبيه بس راح تكلفك كثير خصوصاً انها بتكون آخر ليلة لي عندك .
: اوف تهددين ؟
: لا هذي آخر فرصة لك مني اذا ضيعتها فأنت الخسران ... وهالمرة يامهند كلامي جد تفضل خذ اللي تبي بس صدقني انها بتكون المرة الأولى والأخيرة ..!
لفني عليه وحط وجهه في وجهي قال : ديمه اش قاعده تقولين انتي
: اقول لك قراري اذا اخذت شي غصب عني ماراح اجلس معاك ليلة وحده ولو قلت لخالي عن ايامي معاك كسر يدي ولا ضربك لي في فرنسا وانا عروس .. ولا الكم كف اللي اكلتها منك بدون سبب .. ولا حركاتك مع ممرضاتك .. هذا غير التجريح والتلطيش بالكلام .. صدقني لايمكن يخليني اعيش معاك يوم واحد وانت تعرف خالي ناصر كويس وتعرف خالي ماجد وخالي سامي ...
: طيب واذا اعتذرت منك ؟
: ماابغى اسمع منك شي .. بتعتذر عشان مصلحتك مو عشاني .. انت واحد اناني ماتفكر الا بنفسك وصورتنا قدام اهلك واهلي والناس ..
: طيب ديمه هدي نفسك وانا شاريك انتي لو تبين اصبر سنه صبرت بس اهم شي لاتتهورين
: ممكن تفتح الغرفة لأني مقهورة منك لي اربعه ايام وانا مستحيه انزل للناس بالبيجامات
راح وفتح الغرفة بعدين رجع لي قال : ديمه والله ماكنت اقصد
طنشته ودخلت الغرفة اخذت الروب حقي بعدين خرجت اتصلت على المطبخ قلت للشغالة جهزي قهوة وشاهي حطيها بالصالة مستر مهند يجي الحين
جا مهند قبل اروح لغرفتي ووقف قدامي شويه يتأملني وانا صادة عنه ومكشرة .. ورافضه وقوفه قدامي .. بعدين وخر عن طريقي من دون مايتكلم ..!
اخذت شور ولبست جلابيه ناعمه لونها موف وماسكه على جسمي وفتحت شعري اللي انسدل على ظهري بشكل روعه حطيت قلوس موف وتعطرت ونزلت تحت لقيته جالس يدخن وشكله على قد مايخوف على قد مايكسر الخاطر .. لقيت القهوة بالجلسة الثانيه اللي دايما نجلس فيها اذا ماعندنا احد .. جبتها عنده وصبيت له قهوة قلت : تسحرت ولا لسه ؟
نفض السيجارة في الطفاية قال : تسحرت بس روحي شوفي رانيا فوق بغرفة ريم
: نايمه ؟
: لا مااعتقد تقول بتنتظر اهلي
طلعت فوق ودقيت باب غرفة ريم ..
: ادخل عمي
دخلت وانا اضحك : السلام عليكم
: اووه ديمه حبيبة عمي ههههههههههههههه هلا والله
سلمت عليها كانت بنوته عمرها يمكن 16 كلها حيوية وجمال ..!وباين انها طيوبه
قلت لها تنزل تحت عندنا وعلى طول جات معاي
قالت : متى يرجعون امي وابوي
عرفت انها تقصد جدانها قلت : خلاص شويه ويوصلون
: ماشاء الله عليك ياديوم اثاري عمي مهند صادق لمن قال انك فتنة وآية من الجمال
: ههههههههههههههههههههههه اجل يقول كذا عمك
: ايوه ازعجني وهو يكلمني عنك
: ههههههههههههههههههههههههه خلاص بقول له لاتجيب سيرتي عند رنو عشان ماتزعجها
: لا والله مو قصدي بس هو طول الوقت يكلمني عنك حتى شوقني اشوفك
: ياقلبي يارنو باين انك عسولة .. وتو مانور بيتنا بوجودك


++++++++++++++++
يــــتـــــبــــــــــــــــــــــع
++++++++++++++++