على ايدينك اذا تسمح تكرم بد اوضاعي
......................اذا لي خاطرٍ عند تصرف لاتخليني
لغيرك مستحيل اشكي وابين له عن اوجاعي
.....................انا ماابغى بها الدنيـا سواك احدٍ يواسيني
انا المحتار يوم انه دعى قلبي لك الداعي
................... دواعي الشوق يالغالي تبعدني وتـــدنيني
معاناتي علي تفرض اقول القلب ملتاعي
................. اجامل والمجــامل بالنهايه لك يــوديــني
تمنيتك تســاعدني افل ببحرك اشراعي
................ توقعت ان يدينك بالحقيقة تســـبق ا يديني
على ايدينك ترى للصبر وسط الجوف مرباعي
............... اشوف الهجر ولا الوصل يالغالي يــداويني
يطول الهجر او يقصر تزايد فيك اطماعي
..............مودتــنا على قلبي عزيزه ..لاتـــــعنـــيني
............................................................................................................................................................
اعالج لوعة المغرم وتكبر لهفة المشتاق
بحسن رضاي اسوق خطاي اقدم رجلي وافهقها
اهوجس من طلوع الشمس الى ماغيبة الاشفاق
ولاادري في ظلام الليل رجلي وش يوافقها
ابصبر واتصبر مانظن الصبر ماينطاق
ليقت الصبر مر ولو ينوش الكبد يحرقها
الاياكاملين المعرفه سلك الغرام ادقاق
الى صاب القلوب الله يعافينا يخرقها
انا لي صاحبٍ خده ورى الشيله كم البراق
بعرض المزنه اللي مثل شمس الظهر بارقها
خلقها الله وزين خلقها واخلاقها الخلاق
قليلٍ جنسها في جيلها سبحان خالقها
لها عين الى لدت بها تذبح بها العشاق
بها وصقين من عين المها وطول عاتقها
الى ماشفتها ضاقت بي الدنيا وصدري ضاق
وانا لو الهوى لي كان عيني ماتفارقها
احب مشاهد الغالي عسى ماهو بحب افراق
ولوراحت معه في مغرب الدنيا ومشرقها
الى جا الليل ماشفته يزيد بقلبي الدقاق
معه روحي فسلك العنكبوت الله معلقها
الى عرّض علي اقف مثل وقفة كسير الساق
وساعات الوداع اسرع من الكدلك دقايقها
انا وياه جددنا القسم والعهد والميثااق
ولكن قدرة الله سابقه محدٍ يسابقها
تعاطينا العهد في واحدٍ من عاهده ماباق
مادام انه تخاف النفس يلزمنا نوثقها
انا اعرف ناس ماتنقاد بالدنيا ولاتنساق
ولو تعطيك عهد الله وامانه لاتصـدقها
تشوف ازوالهم مثل العرب مال الله الرزاق
متى ماهب نسناس الهوى يظهر حقايقــها
..............................................................................................................................................................
قلت حظي جعل عمرك ماتقوم
.........عقب قصة ريم خلك مستريح
من عرفتك وانت اخر من يقوم
........ لاتفز ولا تعيــن اللي يطيـــح
يشهد الله ماتبكينا الهــــــموم
........المواجع بيتها القلــب الجريح
والخساره عقبها فوزٍ يقوم
........في زمنا مــايصح الا الصحيح
السوالف كلها شرهه ولوم
........والنواظر..في رجا وجهٍ مليح
والرفاقه وقتها عند اللزوم
....... ينعرف فيها الكريم امن الشحيح
يالله انك تنصر المظلوم دوم
...... لاتذله ..وسط هالكون الفـــسيـح
.................................................................................................................................................................
جازت النظره من الطرف الحنون
..................جازلي باقي حلاك وحشمتك
يوم كلن بالنظر عينه تخــــــــــون
.................شفت فيك اللي عصمها نظرتك
ياغريبٍ عن عيوني من تكـــون
...............أنت كل الزين كـــمل صـــورتك
منك انا برسم على حرفي فنـون
.............. والفنون اشكال ..وفنــك قبلــتك
العقل ماباح لي فـــعل الجنون
.............وادري انه مــاتعوض صحبتك
جازلي وصفك وانا اللي مامون
...........بس تقـــبل ماكتبتـــــــه فــدوتك
............................................................................................................................................................
آه من ليل التجافي مطوله
................ليلة العاشق ثوانيــها ليال
من يقول الشمس ياكر مقبله
..............كل شمس مــالها وجهك ظلال
بسألك باللي خذا منك الوله
.............حطه بصدري وعطــــاك الجمال
حاكني لأجل الليالي الأوله
........... آه انا بموت من ذل الســـؤال
هو صحيح انك حبيبي اللي دله
..........واستوى عنــده فراقي والـــوصال
كل جرحٍ غير جرحك باقبله
.........وكل ظلمٍ غيــر ظلمك لي عدال
.................................................................................................................................................................
حبي لك اكبر من جميع التواصيف
.......................حبي لك اكبر من كلامٍ يقالي
غلاي لك صافي ولا فيه تزييــف
......................أصفى من المي القرح الزلالي
الحب مابين القلوب الـــمواليـف
.....................سعادةٍ مابين غالــــي وغــالي
ان غبت جابك في حلا لومي الطيف
...................وان شفت زولــك كل شي صفالي
من غيرك الايام ياصاحبي صيف
..................انت الربيع اللي بنبتــــــه زهالي
دايم وانا امشي لك حبيبي على الكيف
................ آمـــر تدلل لك عـــــلي الدلالي
............................................................................................................................................................
أحبك الماء لروحي يوم يظميها
أعظم سؤال يواجهني من ايامي
وش صالحك من جروحي يوم تدميها
يامنتهى الحب كله منهى احلامي
غيرك كثير الملا عندي ولاابيها
ماشوف غير انتي بين الناس قدامي
محبتي كيف ماتدرك معــانيها
يانشوة الحب حبك مصدر الهامي
مايسعد العين غير عيون غاليها
احلف اني لشوفك دايمٍ ظامي
هايم مطاف العيون الشوق يحييها
شوفك على شان حبك والغلا سامي
العرض العادي
