»الموت ما هو أنك تكتفن بترابك الموت أنك تحب حي ويفارقك
فواز كان اهدا منه بسرعه رجع قرا العقد من جديد و التفت له: و نواف شنو يستفيد من ارسال العقد لنا,,
جسار: علشااان يقهرنا و يورينا ان ايمان مثل امها!!!
فواز: ونواف شلون عرفنا هنا و مو في الفندق...
جسـار استغرب من كلامه: كلامك ..
فواز بثقه: صحيح..هذا وانت المحامي .. المفروض امور مثل هذي ما تغيب عليك يااا شارلوك هومز...هههههههههههه
جسار تنهد و اخذ العقد يقراه من جديد: العقد مزيف... اقدر اقول جذي بعد ما قريته على الراحه بس الغضب اعماني اول ما شفته..
فواز: السؤال هو من اللي عنده مصلحه يعطينا هذا العقد,,
جسار: يظهر يا جسار ان عندنا اعداء اهدافهم غير بكثير عن اللي تصورناه وهو الفلوس.. الاعداء هذوول هدفهم ذبح ايمان..
فواز: ضروري نرجع الكويت بعد ما ترجع ايمان...
جسار: انا ناوي نرجع بس مو على طول حتى ما يقول جدي ان السبب هو سفرها مع نواف .. بتحجج بدراستها...
فواز بابتسامه: اصلا بعد ما شرينا البيت محد راح يشك بموضوع ان محنا ناوين نوريهم وجهنا بعد...
جسـار : المهم ترجع ايمان بالسلامه... وبعدها نقنعها بالرجعه..
فواز: وتتصور انا ليش جيت لهنا...
جسار بضحك: ههههههه لانك الوحيد اللي يقدر يقنعها و يعرف يتعامل معها..
-
-
في غرفه حابسه عمرها من يوم كامل كانت ايمان حاسه بملل و قرف كثير من نفسها شلون رضت على عمرها تجي مكان مثل هذا و مع واحد مثل نواف هو اصلا كان ينفرزها بتصرفته لكنها كانت تجبر نفسها انه زين وممكن يكون انسان مسلي مثل جسار و فواز ..
ايمان تاففت للمره الالف قبل لا يرن موبايلها كان رقم نوف .. انقهرت و ما كانت تبي ترد بس قالت لازم تعرف الحقيقه منها: نعم..
نوف انصدمت من طريقه رد ايمان منها: هلا امون شخبارج..
ايمان بعصبيه: ماني زينه شننوو تبين..
نوف زادت صدمتها: ايمان شنوو فيج انا نوف ما عرفتين؟؟
ايمان: الا عرفتج بس ليش داقه علي...
نوف: كنت بتطمن عليج و اسولف معاج بس يظهر انج تعبانه خليها وقت ثاني...
ايمان: وليش وقت ثاااني نخلي كلامنا الحين يااا نوووف..
نوف ماتت من الخوف من كلام ايمان: ايمان قولي لي شنووو فيج انا مسويه شيء؟؟
ايمان: قولي شنوو ماا سووويتي يااا نووف... انا غلطت غلط حياتي لما اعتبرت توام روحي و كل شيء اعلمج فيه ولا عمري فكرت اخونج او اخدعج...
نوف زاد خوفها اكثر: ايمان انا ما عمري......
قبل لا تكمل ايمان قاطعتها: لا تكذبين اولا كان زواجج من عامر و سفرج معه و اللي عذرتج فيه مثل ما كنت دايما اعذرج لكن انا لايمكن اسامحج على سالفه كوكي ابدااا!!
نوف حست ان رجولها بردت من الكلمه اللي سمعتها بتوتر جلست على الكرسي اللي كان جنبها: ايمان.. نواف قال لج...
ايمان: يعني تعترفين باللي صار...
نوف: اي اعترف..
ايمان: ليش خبيتي عني يااا نووف.. ليش ما قلتي لي الحقيقه !!!!؟؟؟ ليش؟؟
نوف بالم: انا بقولج اللي صار كله واترك لج حريه القرار..
ايمان بتافف: كلي اذان صاغيه..
نوف قالت لايمان كل شيء صار بينها و بين نواف في يوم اللقاء و الكلام اللي قاله لها و ليش هذا ما قالت لها و السبب و هو انها ما حبت ان اخر انطباع يصير عن البنت اللي رافقتها ايمان طول سنتين في المنتدى تكون وهم و كذب و ما تكون مثل ما تصوره ايمان مع كلام نوف هدت لكن ما كان الهدوء اللي يعطيها المجال تسامح نوف في هذي اللحظه...
نوف: ايمان وربي ما كنت ابي اكذب عليج... انا لما شفت نواف في المطعم معج انهبلت خفت ان كل شيء ينكشف و ساعتها تزعلين .. كنت بقولج بس لما شفت الموضوع عدا قلت احسن و ما يحتاج افتح شيء انتهى..
ايمان بعد ما زفرت: والعقد؟؟؟
نوف: خفت تساليني كيف كوكي الفقيره تقدر تشتري هديه بهذا الثمن قلت اعطيج اياه بعيدن احسن ...
ايمان ما ردت على نوف:...............
نوف ايمان: انتي لحد الحين زعلانه..
ايمان بتنهد: اكلمج بعيدين نوف...
نوف: ايمان .. انا ماراح انام الا لما تقولين انج سامحتيني... ارجوج..
ايمان من غير نفس: مع السلامه ياا نوف..
نوف: ايمان..
طوووووووووووووووووووووووووووط
نوف صارت تبكي بعد المحادثه و انهارت على يد الكرسي .. عامر دخل وشافها وسط ازمه البكاء..
عامر بخوف: نوف حبيبتي ليش تبكين؟؟؟
نوف رمت نفسها في حضن عامر: اهي اهي ... ايماااان ايمااان زعلانه مني...
عامر بصدمه: ايمااان زعلانه منج ... مستحيل!! ايمان تحبج ومهما زعلت منج اكيد بتسامج...
نوف: بس هذي المره السالفه كبيره اكيد ما راح تسامحني...
عامر: ما راح اسألج شنو هي المشكله لكني اعرف ايمان و اعرف شكثر تحبج و اكيد مهما صار بتسامحج سواء كان الحين ولا بعد مده..
نوف وهي تبعد عنه: الله يسمع منك ياا حبيبي......
بعد شوي انتبهت نوف ان عامر كان موبايله معه: كنت تكلم احد؟؟
عامر: اي الوالد تسلم عليج كثيييييييييييير بس.. اللي مستغرب منه شيء ثاااني...
نوف: شننووو صااير..
عامر بتنهد: عمي اسامه مكلمه و سال عني و بعدها سال عن هند وان كنا معطينها احد...
نوف ابتتسمت: وشنو قالت خالتي؟؟؟
عامر: قالت لها الحقيقه وان ما عندها احد له... جان يقوول الله يكتب لها الرزق في القريب العاجل...
نوف: تتوقع عمك اسامه بيخطبها لواحد من عياله..
عامر ابتسم: ما ادري.. بس عيال عمي اسامه.. بصراحه ما ينردون مناصب و اخلاق و غير كل هذا من لحمنا و دمنا..
نوف: الله يرزقها و يوفقها و يكتب لها الخيــر..
عامر ابتسم لها و سحبها من جديد لحضنه: اميييييييييييييييييييييين
-
العرض العادي
