[c]هذه القصه تتحدث عن يوم من حياة صويلح وحصيصه...واخوياهم...المدرسي
لاتفوووتكم
طلاب الفصل....وحسب ترتيب طاولاتهم بالفصل...
طاولة المدرس
هاني - لؤي حصيصه - فطيمة
محماس - صعفق جبران - فتحية
رانيا - خالدين صويلح - فيحان
مدحت - شليويح
الحصة الاولى
دخلت المدرسة الرشيقه الطويله..ذات الخشة المستديرة..وصاحبة اللكنه القصيميه..ذات لتغه حجازية..متعدد الوظائف..الآنسة سعاد..مدرسة مادة التاريخ..
سعاد : يالله ياطلاب...قيام اشوف...وانت ياشليويح قم اشوف..ورني طولك..
قام كل الطلاب..بينما كان صويلح..قاعد يقوم فيحان من النوم : ابوفحن قم الله ياخذك لا توهقنا..
شليويح : ياربييييييييه وش تبين انتي والله ماقوم..ابلشتونا طابور الصباح..ماغير اقوم واقعد ( متأخر عن الطابور)
سعاد : ماتسمع الكلام انت ؟ يالله قوم اشوف..لا اطلعك برا الفصل..
وتمتم شليويح بعدت كلمات : .....ياخذك.....ياعنز...ياجعل تمسطين من فوق بعير ويلحسك بليس......اطلعك اجل...ياجعل يصدمك قلابي بمخرج عشرة ومايردك الا مخرج تسعه وسبعين ..
سعاد : ايش ايش...ماني سامعة ايش قاعد تقول..
صويلح : يقولك اليوم مطر يا ابله..
شليويح : ياتسذبك...انت لا عمرك تلقف لا اقوم احوس شوشة حصيصه..
حصيصه : هيه انت شليويح..ترى خشمك مايل على جنب..لا تخليني اجي اعدله لك..
سعاد : بس انتي وياه...ايش المسخره هذي...شوفوا الولد المؤدب فيحان...قاعد يذاكر الدرس اللي راح ناخذه..مو كذا فحوني.؟
فيحان : ايوه ايوه ..كذا يا ابله...بس تراي ناسي الكتاب...وذا كتاب الفقه وقاعد انقل الواجب..( ابو فحن يتمتع بالصراحة المطلقه )
سعاد : آه لا خلاص مو قادرة اتحمل..ايش هالفصل..اللي يجيب الهم..كأننا قاعدين بمبارة الهلال..
خالدين : احم احم..
رانيا : اهم اهم..
شليويح..كان يناظرهم بطرف عين...ووده يذب عليهم..بس فيحان ماقصر حيث قال : خالدين مشكلتك مسوي فيها شخصية..وانت والله لا شفتك احسبك الحلاق حقنا..
صويلح : ياعمي اي حلاق...ياخي تشوف ذاك ابوخشه تنقلب ويطلع لك وجه ثاني الي بكتاب الأنجليزي...ياخي يذكرني فيه..
سعاد : عماااااااااا انتا وياه...
خالدين : ابله ايش هذا....ذا القراوى قاعدين يقولون كلام مدري ايش
للمعلوميه خالدين العاقل حق الفصل ودايمن رانيا تحتك فيه ..
رانيا : خليك منهم ياعسل انت..
شليويح : ياشيخ اروح فلافل مع رانيا....اغدي صندوق خيار...اصير علبة هندسة لعيونك رانيا..يابعد خشمي...اروح صورة في
علبة سن توب ..
سعاد : شليووووووووووووووويح .... يالله قوم وارفع يدينك فوق..
شليويح : معصي...وانا ابو شلح....مابقى الا ذي..
صويلح : ياعمي قم بس لا تستاثم فيك ذي..تراه هي اللي تسقي نخل حوشهم..يعني لو تلزخك مع جبهتك والله ان تدوخ..
حصيصه : هيه صويلح..وانت وشدراك انه تسقي حوشهم ..هاه ؟؟( صويلح ..يمارس هواية الويقان على حوش الجيران )
صويلح : كح كح...حصيصه..معي علك ابوجني..تبين اعطيك ؟ ( يلعب عليها )
فطيمة رافعه يدها...للأبله : ابله سعاد...يالله ابدي الحصة..تراي متحمسه ودي اعرف وش صار على صلاح الدين..بعد المعركه
صويلح : فطيمة قومي اطلعي برا ..
فيحان : صلوحه..ياخي شف ذا الدلخه..انتي هيه..صلاح الدين..يتقاطع مع خريص..وش معركته لا اقوم اكب العصير حق الفسحه..حقك
(فطيمة ماتقدر تعيش بدون عصيرها)..
سعاد : انت فحوني..اهجد شاطر..ايوه فطيمة..الحين راح نكمل....يالله هاني..قوم سمع لي الدرس اللي راح..
هاني : حاضر يا ابلتي العزيزة سعاد..
لما انتهى هاني..من الدرس اللي راح..
سعاد : ممتاز هاني..ياليت كل الطلاب مثلك..
صويلح : وش الي ممتاز...والله لو هو حصيصه لا قامت من النوم
صويلح على باله يتغزل في حصيصه..
حصيصه : ابله سعاد...الحين..صلاح الدين..كم كان عمره..يوم يموت..؟
صويلح : وانتي وش عليك..ياملا منيب..قايل..
فيحان : اقول يا ابله..سعدون مدري سعاد...الحين ذا الصتيمتين اللي مرتزين بوسط الفصل..وشو ( يقصد محماس وصعفق )
محماس : انت يافيحان..علامك ماتعض لك على شحمه وتاكل لك تراب لا امسك بالطلعة والفعك..
فيحان : انشالله..تامر امر..انت ياقمر..( لا ابد مهوب يخاف )
شليويح : اقوووووووول هييه انت محماس..ترى بتجيك علبة الهندسه مع جبهتك..لا تنفخ على عيال حارتنا..
سعاد : بسسسسسسسسسسسسسس خلاص..لا اشوف احد يتكلم......وانت صويلح...وش قاعد تكتب..وريني..
صويلح : لا منيب..موريك..
سعاد : طيب.طيب....( واخذت منه الدفتر بالغصب...ووجدته قاعد يرسم حصيصه )
سعاد : صلوحه...اذا جت حصة الرسم اقعد ارسم..بعدين اذا بغيت ترسم ارسم شي حلو ويستاهل..مو ترسم..اشياء مرعبة..
سعاد : يالله اليوم انتهينا من الدرس..
هاني : ابله سعاد...ما رأيك تعطينا واجب..نختبر مذاكرتنا فيه .؟؟
حصيصه : ياجعل يختبرونك بجهنم انشالله..
صويلح : ياشينه ذا الدافور...ودك تمسكه وتعلقه ميدالية..
فطيمة : اهي اهي ..شلون ابحل الواجب...اليوم بنروح لعزيمة..
فيحان : اقول انت ياهاني..بكرا تجي حال واجبين...واحد لي وواحد لك..والا والله مايرجع لك شريط الكورة حق السوني..
شليويح : هاني..اختار...تبي ماصورة والا خشبة ؟ ( ناوي يجلده )
سعاد : شاطر ياولدي ياهاني...يالله حلو كل الأسئلة اللي بنهاية الدرس...يالله اشوفكم بكرا..
فطيمة : ابله سعاد ابله سعاد...لو سمحتي..
سعاد : ايوه ؟
فطيمة : ممكن توقيعك ؟
فيحان : والله لو هي جينيفر لوبيز الزغبي ( ملخبط بين المغنيات )
تحياااااااااااااتي .........
[/c]
العرض العادي
