-------------------------------------------------------------------------------- الفرق بين المرأه في السنه الاولى من الزواج والسنه العاشره تشير الساعه الى 6:30 صباحا تودع زوجها وهو طالع للعمل وتقول له بالسلامه يا حبيبي الساعه 11 صباحا تتصل عليه في العمل وتقول له حبيت اسمع صوتك بس يا عمري الساعه 3 العصر تستقبله وهو متشيكه وانواع الترحيب وهو داخل للبيت وتقول له الغدا جاهز يا حياتي ..تحب احطه لك الحين ؟ الساعه 5 العصر تصحيه من النوم بغنج وتقول له اعمل لك شاي يا حبي ؟ الساعه 6 المغرب تسبل عيونها وتقول بكل خجل يا ريت يا حبيبي .. يعني لو ما عليك كلافه .. يعني اذا تقدر توديني شوي لبيت اهلي اذا كنت تقدر يا عمري وقبل ما ينطق بكلمه ( اذا ما تقدر خلاص مو لازم ) وطبعا يضيع هو في نظره من عيونها ويوديها لاهلها ولو انهم ساكنين في السويدي وهو ساكن في العليا الساعه 8 بالليل تتصل على الجوال وتقول ( اشتقت لك يا عمري .. يا ريت تمرني ونروح للبيت ) وطبعا هو عارف وش بيجيه في البيت فيطمر ويقول للشباب اسف والله يا شباب راسي مصدع ولازم امشي الساعه 10 بالليل تجلس وهي تلعب بصابيعه (تطقطقهم) وتقول ( الله يا حبي تتذكر ؟ تتذكر ايام الخطوبه لما كنت تعمل المستحيل عشان تشوفني ..وانا يا ما كذبت على ابوي وقلت له اني طالعه مع امي وانا اصلا متفقه مع امي عشان اطلع معك ) وبعدها هات يا يغنج وسواليف بهمس عن ثلث ساعه الساعه 11 بالليل الوصول الى هذه الصفحه غير مسموح … بأمر من ملك الود…….الخ بعد مرور عشر سنوات الساعه 6:30 صباحا هي في سابع نومه الساعه 11 صباحا هي برضه في سابع نومه الساعه 3 العصر تستقبله وهي نافخه خشتها وتقول ( شف لي حل مع ولدك علي هذا ..حتى الان ما حل الواجب .. وسوير الله ياخذ عمرها انشاء الله شاقه مريولها في المدرسه …عطني فلوس لازم اروح اشتري لها واحد غيره … وصويلح يبي علبة هندسه تو انه يقول لي يوم ان الاختبار صار بكره … وترى موضي تكرفست مع الدرج وهي كانت في المشايه … والظاهر انها تعورت …كله من هالشغاله الله يا خذها ….اسمع يا انا يا هالشغاله في هالبيت ….ابيك اليوم تسفرها ما ابي اشوفها وابيك بسرعه تقدم على وحده ثانيه ….وما ابيها تصير حلوه …..يا ويلك لو صارت حلوه …..وبعدين شغالتي ابيك تشرط عليها اذا سفرتها ما عاد تشتغل عند احد ….عشان ما تقول اسرار بيتنا للناس الي تشتغل عندهم ( ما تدري ان اسرار بيتهم كلها عند الجيران من لسانها هاللي وش طوله ) و …و …..و الساعة 5 العصر هي تفك هوشه بين سوير واخوها ويصحى هو على صوتها وهي تهاوش وتدعي عليهم بجميع الامراض الخطيره الحديث منها والقديم ( جعلكم للطاعون …جعلكم للحمى …جعلكم للوادي المتصدع …جعلكم للحمى القلاعيه …والايدز ..الخ ) الساعه 6 المغرب هو جالس يشرب الشاهي وهي تقول ( نبي نروح لامي بتجيهم بنت خالة جد ولد عم ابوي ..وبعدين نبي نروح نشتري للبنت مريول ..وبعدين بنت عمي والده ولازم اروح اشتري لها هديه من باتشي و ابي امر على المشغل ..وبعدين حطنا عند اختي في الشفا من زمان ما شفناهم ………….. وفي هاللحظه فكر هو انه يشتغل ليموزين احسن له الساعه 8 بالليل تتصل على الجوال ( وينك فيه ؟ وبعدين وين بتروح ؟ ومنهو الي معك هذا ؟ ووش بتسون ؟ ومتى بتجي ؟ لا ما فيه الساعه تعال الساعه 10 ) الساعه 10 بالليل جالسين هي وياه عند التلفزيون ..اخيرا هدوء ..والعيال نايمين ..والجو جميل ..وفجأه تطالعه وهي ماده بوزها وتقول ( الحين امك وش عندها اليوم ما ترد يوم اني سلمت ؟ هاه ؟ ) ( والله ما ادري كان سالتيها ) ( واختك وش هالحركات الي مالها سنع …ليش عازمه الجيران وكل حريم اخوانك الا انا ؟؟؟ لكن هين والله لاسوي عزيمه وما اناديها …اصلا هي ما زارتني في المستشفى يوم اني ولدت وانا فاهمه قصدها ..لكن هين ..والله لو تحب السما ما نيب زايرتها اذا ولدت ……وبعدين بنات عمك وش عندهم نافخين عمرهم ؟؟ على ايش ابي افهم ….على جمالهم الزايد اللهم لك الحمد بس ) تسكت شوي بعدين تقول ( وبعدين اختك نوره يوم انها تقول ان علي ولدي يشبهني ما يشبه ابوه وش قصدها هاه ) ملاحظه : علي هو اشين اخوانه انا فاهمه قصدها وتراها اذا ما بطلت هالحركات والغمز واللمز تراني ابسمعها كلمتين واخليها تحترم نفسها …..لا وذاك اليوم تقول اخوي محمد ( الي هو الزوج ) حلو مره و3 من حريم الجيران قد خطبوه لبناتهم ….من زينك بس ما ادري وش لاقين فيك ) . يسكت وما يرد , تسكت هي ثم تقول ( وبعدين اخوك شاري لحرمته ساعه قيمتها عشرين الف ريال ) يرد ( طيب وش المشكله ؟ ) ( وانا ليش ما تشتري لي ..والا انا ما استاهل ..ولو هي يعني احسن مني … بلاك ما شفتها ..شينه وطبايعها شينه وحتى طبخ ما تعرف تطبخ ) ( خلاص اشتري لك ساعه ) تعصب وتقول ( ايه تسكتني بهالكلام ….والله لانت شاري ولا شي ) ( وش تبيني اقول يا بنت الحلال ؟ ) تقوم وهي تبكي خلاص ما ابي منك شي ! الساعه 11 بالليل هي زعلانه ونايمه مع العيال وهو يلعن اليوم الي تزوج فيه ******************** همسه..عبر البريد الغــنــــى في الـغــربه وطـــــن والــفــقــر في الـوطــن غــربــه ******************** ودمتم احبتي ((ســـاعي *** البـريـد))
طيب شو رايك نقلب الادوار وش بيصيييييييييييييير ؟؟
ساعي البريد مشكور اخي على الموضوع الحلوووووووو *r تحياتي لك
اعذب تحيه لك صمت الهوى .... والف شكر على مرورك .... اما عن نقلب الادوار بيطلع نفس الشيء العكس صحيح يسلمووووووووووووووووووو
اعذب تحيه لك صحراء القلب ..... ويسلمووووو على هالمرور الزووووء (بالمصري) (( لاااااااا تدقق )) >>> ترى زميله محاسب مصري ...وكل يوم اتصبح بوجهه بس حبوب >>تلاحض طلعت عن موضوع الرد ..... يسلموووو وووووووووووو وهم يسلمووووووووووو 7 7 7 7 7 7 7 7 7 7 7 7 وبعد يسلمووووووووووو
هههههههههههههههههههههههههههه يعني اولها عسل وعاشرها بصل بس صدقني اذا كانو الثنين متفاهمين بيمشون انشاءالله لو 100سنه ولا اذا كانو كبريت عز الله انهم من اول ليله بيتطلقون هههههههههههه
مرحبا كلامك صحيح اتكلم عن تجربة مو انا عشتها لكن ناس أعرفهم .... بس برضه نقول مو دائما بيصير كذا الكلام عالزوجين......إذا كان فيه التفاهم والإحترام والحب بتكون الحياة جميلة ورائعة .... تحياااااااااااااااااامايااااااااااااااااااااااااتي
اعذب تحيه <<<< قرررر ,,قووووشه>>> ..يسلموووو على المرور الي هو شي مثلك .. بس دج يؤ وش دج اقصد جد الحياه لما تكووون بتفااااااهم يطلع كل شي حلوووووووو مو بس حلووووو الااااا زي الووووز بس عاد وين هالايام .. ولك تحياتي
اعذب تحيه ...ماااااااااااااااااياااااااااااااااااااتي ..... يسلموووووووو على المرور مادري شقول ورد عطر شنو بعد مقصر بس دج يووووه ماسكه دج اليوم ....>>>اقصد جد >ايوه جددد ..تمام زبطت هالمره ... لا جد مايا صحيح كلامك مو دايم تصير مع الزوجين بس اكثر شي ..محد دقق اشوى ..ووووووووووووووو تحيااااااااااااااااماياااااااااااااااااااااااتي وهم لك تحياتي