يسولف عن الضيقة وانا كلي ألم وأحزان ...
وأنا من وين ما ناظر بعيني شفت ضيقاتي ...
يسولف لي عن الضيقة وأنا عنوان للحرمان ...
دخيلك لا دخيل الجرح لا تكشف معاناتي ...
دخيلك لا تشجعني أسولف وأكسر الكتمان ...
تعبت من السكـوت اللي تعود يسكن بذاتي ...
عليم الله مافيني شبر يضحك فرح وأشجان ...
وأنا لو جيت ابضحك لك أجيك أضحك بدمعاتي ...
حياتي شعرن وشاعر وجمهوري بقايا انسان ...
ونقادي زمن قاسي ولا يفهم كتاباتي ...
أناظر للبشر حولي أحد يضحك أحد طربان ...
وأنا صعبن علي أضحك أسايرهم بضحكاتي ...
عجزت أكذب علي نفسي بفرحة مابها ألوان ...
وحزني ماعجز عني بدا يرسم نهاياتي ...
طريقي صعب و جروحي كثير وداخلي ضميان ...
أبي لو يوم واحد أحاول أجمع شتاتي ...
أنا قصة تبعثرت وتطايرت بزمن خوان ...
تعلمت أخسر البسمة وأداري عضة شفاتي ...
أبكتب لك وبالخط العريض وريشة الفنان ...
أنا الخسران توقيعي وأنا الخسران بصماتي ...
أكمل لك عن الضيقة اكمل لك عن الأحزان ...
تأكد لو بكمل لك تصيح وتطلب سكاتي ...
ممار اق لي
العرض العادي
