مشتاق لك بس ماقدر على لقياك
مشتاق أشوفك ياحبيبي لو ثواني
القلب يحبك حيل وعجز ينساك
وعيوني من فراقكم كل يوم تعاني
بروحي ياروحي وبكلي افداك
حبك يمشي بدمي وسط شرياني
قلي كيف اتحمل بعدك وفرقاك
وانت لك بالقلب قيمة وشاني
ماقدر اعيش الدنيا بلياك
احس اني كل يوم عليك ولهاني
ماحب قلبي ولاارتاح الالسواك
كأني اعرفك من قديم الزماني
قلبي في غيابك وبعدك ناداك
مستحيل أحب غيرك واحد ثاني
الله ابدع بخلقك بالزين كساك
كامل والكمال لله مافيك نقصاني
مملوح والحلا باين في محياك
في وصفك يعجز عن النطق لساني
سبحان منه بالزين حلاك
أنا اشهد ان الله بحبك بلاني
تعال شف بصدري شكثر غلاك
تعال نقضي الوقت حبايب وخلاني
يفز قلبي كل مااسمع طرياك
فزة حبيب على حبيبه شفقاني
العرض العادي
