من يبي قلبي يشوف ومن يبي عيني نظرها=ومن يبي همس القصايد خلف تجديف الكلام
غربتي صارت أليمه تحتوي غيمة قهرها =ما كأن اللي بناها غير ماضي والسلام
يا شموع النفس هاتي روح تستنزف قدرها =كل ما توطي لعالم ينبثق وسطه ظلام
هاتي غيمة شوق صادق فيني تستعذب مطرها =هاتي حب اللي هواهم شمس في صبح الغرام
يا شموع الليل هاتي دمعة شبت سهرها =حولها مليون عاشق صان حبه باحترام
هاتي بسمه في دلاها يرشف احساسي هدرها =من كرمها صرت ضامي وانظر العالم قيام
كل شين صار متعب حتى روحي ما عذرها =غير قاسي يوم جاها حطها وسط السهام
أي رحمه نرتجيها يوم نقطف من زهرها =والمطر لا من لفاها نطرده خلف الغمام
ما رويناها بغيث ولا شكرنا من أسرها =بل طعناها بقسوه وانتهت مثل الحطام
ايه يا دنيا تعلم كل من أمسى شكرها =ايه يا دنيا طعونك في الجسد صارت زحام