يمـــه وجودك نور ومفارقك ياس
تزهربك ايامي وسود الليالي
صوتك يمر بخافقي مثل الانفاس
واتنفسه ويطيب قلبي وبالي
احيان احس اني مميز عن الناس
ميزتــي الحرمان في فقد غالي
انتي وطن للحب وانواع الاحساس
لا يابعد هالعالم اول وتالي
من غيبتك بس اضرب اخماس باخماس
واقيس جرح البعد واقفل خيالي
خطاك نقص الحال والسقم والباس
والشر هموم السنين التوالي
جاني خبر ياشمعة القلب والراس
في طيحتك وارخصت نفسي ومالي
ليت المنيــه كاس واشرب من الكــاس
ويصير نقص الحال عنك بحالي
ليت السنين اخشاب ونضيع الفاس
واعطيك عمر مايجيه الزوالي
وليت الغلا بالقرب والبعد ينقاس
وافديك يايمــه عمي وخالي
متى على الله يجلي الهم والياس
ويصير وقتي نور وانتي قبالي
العرض الشجري
