قالوا علامك شارد قلت مغبون ----- برخيص بعت القلب لاهل الدلالا
قلبي غدا ببلاش والعقل مرهون ------- للي تضاهي البدر وقت الكمالا
ودي بقرب اللي به القلب مفتون --------- الزين ما ينعاف كانه حلالا
صبري نفد كل المخاليق يدرون --------- واخاف من عقب الصلاح الضلال
وش حيلتي في اللي به القلب مجنون -------- غرو سباني بالحلا والجمالا
يا عاذلين القلب تكفون بالهون -------- ما عاد لي قلب (ن) يطيق الثقالا
يا زين صالحني ترى الصلح مسنون --------- طيفك قبل له في الضمير اجتوالا
أما ترد القلب والعقل وشلون -------- ترضى هواني كيف يا صاح لالا
قال الغضي وشلون يا الي تعدلون ------- قلبي خذيته قبل من دون مالا
يا ليتكم باسراري اليوم تدرون -------- همي يزيد هموم دون اعتدالا
قلت انتظر لا تذبح القلب بطعون -------- والنار شبت في الضمير اشتعالا
تكفون يا اهل الخير تكفون تكفون -------- من يجمع الخلان زين الفعالا
من يجمع الخلان وابليس ملعون -------- من يجمع الخلان شرق وشمالا
بالجاه والا المال في الجيب مضمون ----- لو يطلب المحبوب وزن الجبالا
أباطلب الي دبر الخلق والكون --------- والي على عرشه عظيم الجلالا
وان كان خلي ما حصل صرت مدفون -------- ترحموا من دون قيل(ن) وقالا