سلام سلام
كيفكم شباب وصبايا
بما اني احد اقوى الاعضاء من ناحيه المقالب والنذاله الغير طبيعيه ( طبعا لا يتساوى معي الا تومي )
وبما انني احد كبار رؤساء عصابه النذاله العالميه ( بالمشاركه طبعا مع تومي )
احب اقولكم بعض مقالبي لبعض اصحابي
وحبيت انكم تشاركوني في عمل هذه المقالب وتحكو احلى مقلب عملتوه لاحد من الناس عشان نفيد ونستفيد
طبعا مقالبي تكون سريعه وحلوه في نفس الوقت
ويتم الافصاح عن المقلب في نفس اليوم يعني ما اترك الواحد يتعلق لمده طويله
بمعنى اخر
كل واحد يكتب احلى مقلب عملو لاحد
بسم الله نبدأ
احد المقالب اللي سويتها في بعض اصحابي ( حاليا )
توظف واحد جديد عندنا في العمل
وطبعا لازم اي موظف نعملو مقلب
المهم
الولد كان مرتبك شوي وغير متأقلم مع الوضع ونشيط شوي
بعد ما انتهى الدوام وطلعو اغلب الموظفين
وانا وشركي الاخر عملنا حركه
جلس شريكي مع الموظف الجديد
وقلتهم انا خلاص بامش واروح البيت
ورحت بعيد عنهم ودخلت مكتب
وقمت فتحت خط خارجي ( تلفونات المكتب سنترال ) واتصل على مكان عملي
وبعدين حطيت تحويله الموظف الجيد
ورد علي
قمت اتكلم باانجليزي
المهم
تكلمت معاه عادي على انو عندي مشكله
بس المشكله اني ارمي كلمه صح والباقي كلو غلط ( يعني مو انجليزي ) بس بشكل سريع وكانو انجليزي وبشكل عصبي
طبعا الموظف الجديد ارتبك زياده وحس نفسو مو فاهم
طبعا قاعد يصرف وطبعا ما يبغى يبن لصاحبي انو مو فاهم انجليزي ( هو يعرف بس مسكين شك في عمرو من الارتباك )
المهم
صرت اقول
( اي هاف بروبلوم وذ ماي كوميبوتر منشكسني مكسنيبخه شسكميكخه شسيهخه
اند اي كانت كخهشسيكهخت شسخهيتبخشه خهحشستيبخحهت
دو يو اندرس ستاند ماي بروبلم مشنسيبكمنش منشسيبكمشنتسيب )
طبعا هو حاول وحاول
وانا امسك نفسي من الضحك
وكل ما يحاول
انا اسب بالانجليزي واوسي نفسي معصب
المهم لين طفش الموظف الجديد وناول السماعه لصاحبي وقالو
ياخي هادا مادري ايش يقول شوف ايش يبغى
طبعا صاحبي يمسك السماعه ويسوي نفسه انو فاهم
ام ام ام اوكي اي ول فكس ات فور يو
وبعدين يلف على الموظف الجديد ويقول له
غريبه ما تقدر تفهم منو
كيف تقول انك تعرف انجليزي
وبعدين يقفل
واتصل مره ثانيه واغير صوتي
واسوي نفس الحركه
لين الموظف الجديد ما يحس انو من جد ما يفهم
وطبعا بعدين في نفس الوقت
واخر اتصال
اضحك واقوله
هيهيهيهيهيهي
ماتعرفني يا ......
طبعا يسب ويلعن لين يقول امين
وانا اضحك واموت من الضحك انا صاحبي
------------------------
اتمنى المقلب عجبكم
ونشوف المقالب حقتكم
ورايح اقولكم كمان مقالبي الثانيه
على الله يعجبكم
تحياتي
أبيكم تقلولي مقالبكم الي سوتوها او الي سوها عليكم هع
(ملاحظه (منقووووول بالعربي ملطووووووووش يارب يعجبكم)
مقالب الاعضاء(شاركو معنا)
العرض الشجري
