راح اقولكم القصه بالكامل واحب وجهة نظر كل شخص يحصل عليه هالموقف
القصه كالتااالي
كنت جالس مع شبااب في الاستراحه بالدمام ولا واحد من الشباب عازم خويه عندنا المهم اخذنا نتبادل الكلام وجبنا طاري الجن قام الشاب وسرد لنا قصه حصلت معه هو وزوجته
يقول كنت ابحث عن شقه بالدمام والحمد لله لقيت لي شقه بحي 91 د المسمى الجديد حي بدر بسعر منااسب جد ويقول على طوول استأجرت الشقه بس بصراحه استغربت ان الشقه باقي فيها عفش الشخص الي قبلي قلت لصاحب المكتب الي انا مستأجر من عنده شيل العفش مااريده المهم اول ليله دخلت انا زوجتي شقتنا مبسوط حيل وانا بغرفة النوم الا اسمع صوت البااب ينفتح علما بأني مقفل الباب عدل والا اسمع اصوات عندي غريبه ولا بصوت ضحكه غريبه المهم جلست بغرفتي وانواع الاصوات ذكرت الله وكأني ماسمعت شي ولا بالصوت كله بالمطبخ قلت ياولد لا تصير جباان قدام زوجتك اطلع وشف شنو السالفه المهم طلعت والا كل شي على ماهو عليه رجعت لغرفتي والله اني مانمت نهائيا صليت الفجر وجلست مع زوجتي لين قرب الدوام طلعت بسرعه ورحت لدوامي ونسيت الجوال بالسياره من زود الخوف الي فيني المهم اسـتأذنت ورحت للسياره ولا القى تقريبا حوالي 36 مكالمه كلها من زوجتي وتقول تراني بالشارع مو بالبيت شفت اشياء غريبه
تبون اكمل لكم والا خلاااص
راح اكمل وصلت زوجتي ولا هي بالشارع شنو السالفه قالت بعد ماطلعت رحت لصاله والجوال بيدي وتقول انظر جنبي الا هيئة غورلاء تقول كأني ماشفته وتقول شوي الا بنتي تبكي وهي جنبي وتقول يمه بسه وشوي الا طيور في سقف البيت تقول طلعت بسرعه للشارع ماقدرت اتمالك نفسي المهم خوينا اخذ زوجته وراح لصاحب المكتب واخذ كل فلوسه الي دفعها اخوه كان مشتري له بعض الاغراض ومن قوة الخوف مااخذها معه تركها بالبيت أصر اخووه على ان يرجع للبيت وياخذ اغراضه رجع خوينا هذا وأخوه للبيت ويوم قربو للشقه واذا الباب ينفتح تلقائيا وينحاشون وربي مأخذوها الى وقتك الحااالي
البيت الان مهجور كاااملا والمشكله البيت عباره عن 4 شقق وحاط مكيفات ومن شاف البيت توقع ان فيه ناس ساكنينه وهي خدعه من صااحب البيت
اتمنى معذرتي على الاطااله بس بصراحه اعجبتي القصه وحبتي انقلها لكم واشوف ردة فعلكم لو انكم مكاانه
العرض الشجري
