في داخلي ( جمر ) لكن ما يدفيني
................ من يشعل النار في صدري( ويدفابي ) ,
من ( يجمع الغيم ) بيدينه ويسقيني
................ واصب عيني لعينه واحطب اهدابي ,
من ياخذ النوم من جفني ويسريني
................ ويعلق الصبح قبل اصحى على بابي ,
تعبت اوطّن بقلبي شخص ينفيني
................ تعبت اهجّر حمامِ حب محرابي ,
تعبت اقطّف حروفي من بساتيني
................ والناس تعجب وانا مانلت اعجابي !!
يا اول الحب وينك او انا ويني
................ تغيب عني كأنك تعلن اغيابي !!
من غبت عني وانا والله ما ابيني
................ ضيقت خلقي وضآآآقت فيني اثيابي !!
اعد عمري الحقيقي واحسب سنيني
................ لقيت عمري معك ما جاوز اتعابي !!
طلبت قلبي وقلت ابشر ومن عيني
................ واعطيتك اللي تبيه وقلت بسبابي :
يبذربي الحب من صغـره ويجنيني
................ الين شفتك زرعت الموت بترابي !!
حريتي معك ! لكن عطنـي ايديني
................ اخفي بها حزن متسلطن بهدابي !!
محتاج انـآآآم ودخيلك لا تصحيني
................ الا على انفاسك اللي تشبه اطيابي ,
العرض الشجري
