ّّ صينية دجاج باللبن ..على الطريقه المكسيكيه ّّّ

[ّّهمس الجليدّّّ]

صينية دجاج باللبن ..على الطريقه المكسيكيه

المقادير:


جهزي لتتبيل الدجاج ذوبي مكعبين

ماجي في شوي ماي حار

في بادية علبة لبن صغيرة حطي الماجي المذوب على اللبن

وشوي فلفل احمر مجروش وبابريكا بودر وفلفل اسود وشوي

ملح وخلطية شيلي منة شوية على جنب في كوب

في بايركس رصي الدجاج المقطع بالجلد

وصبي فوقة اللبن بالماجي

بشري علية 5 فصوص ثوم

قطعي بطاطس وجزر وفلفل رومي على الدجاج

لفية بورق المنيوم وعلى الفرن

وعقب 45 دقيقة تقريبا ارفعي القصدير ليتحمر الوجة

بالعاافيه على قلووبكم ،،،


ملطوووووش ومجرب لعيونكم ^_ ^

،،،

[أم فارس]

بسييطة وشكلها لذييذة،، بس وش الصوص البرتقالي اللي حطيتيه فوق البطاطس والجزر قبل ما تلفيه بالألمنيوم؟

مشكورة يا عَسَل والله يعطيكِ العافية

[ملكة الرومنس]

يعطيك ربي ألف عافيه
طرح رآئع وتواجد مميز ننتظر مزيد من العطاء
ودي وتقديري

[ّّهمس الجليدّّّ]

اقتباس المشاركة الأصلية كتبت بواسطة أم فارس بسييطة وشكلها لذييذة،، بس وش الصوص البرتقالي اللي حطيتيه فوق البطاطس والجزر قبل ما تلفيه بالألمنيوم؟ مشكورة يا عَسَل والله يعطيكِ العافية

ياقلبهااا ها الموضوع انا ناقلته من منتدى بنفس الصور هاااي

ويوم جربته عندي بالبيت صرت مثلك مو عارفه فـ حطيت الماجي على اللبن
واخذت منه كوب على جنب وتبلت الدجاج باللبن والماجي علشان لاحظت انه لونه ابيض
بالصوره الثالثه وحطيت له بهاار حلووها الاضافه هااي من عندي ، ^_ ^

وكوب اللبن اللي رفعته حطيت عليه فلفل احمر مجروش وبابريكا بودر وفلفل اسود وشوي
ملح وحطيته على البطاطس والفلفل وطلعت حلووه ^_ ^


العفوو حبيبتي ويعاافيك ربي ياقلبهاااا
تسلمين على ها المرور الحلوو عيوني

[ّّهمس الجليدّّّ]

اقتباس المشاركة الأصلية كتبت بواسطة ♪♥̊۾ـﻠﮕـةﭐلر̉و۾ـنسے̊♥♪ يعطيك ربي ألف عافيه طرح رآئع وتواجد مميز ننتظر مزيد من العطاء ودي وتقديري

يعاافيك ربي ملوووكه

منورتني يابعدي والله

[شمس القوايل]

يعطيج العافيه همس الجليد ع الطرح والمجهود

عساج ع القوه

ننتظر جديدج القادم

[ّّهمس الجليدّّّ]

اقتباس المشاركة الأصلية كتبت بواسطة شمس القوايل يعطيج العافيه همس الجليد ع الطرح والمجهود عساج ع القوه ننتظر جديدج القادم

[مهــ(M)ــا]

وش هالحركاات همووووسه ماشاء الله شكل الطبخة خطيييييرة

لازم اذوقها من ايدينك

تسلمي حبيبتي على الطبخة الحلووة كحلاوة رووحك ♥

[ّّهمس الجليدّّّ]

اقتباس المشاركة الأصلية كتبت بواسطة مهــ(M)ــا وش هالحركاات همووووسه ماشاء الله شكل الطبخة خطيييييرة لازم اذوقها من ايدينك تسلمي حبيبتي على الطبخة الحلووة كحلاوة رووحك ♥

صرااحه رووعه وانا جربتهاا مره ثانيه ،والخلطه اللي على الوجه زودت

لهاا ملعقة صلصه وضبطت اكثر خاصه في التحمير ^ ^

ابشري من عنوني الثنتين انا كم مهااوي عندي

فديتك يابعدي والله

[القمه]

ما فيه اسهل من كذا ^^
مشكوره على الوصفه الحلوه
الله يعطيك العافيه

.
.