لا ترتجي مني مواصيل واعلوم ،،،، هذا قراري كان تبغي مردي
ماقبل عتب منك ولا اقبل اللوم ،،،، مات الغلا يامبيح اليوم سدي
ماتنفع الطلبه ولا حبة اخشوم ،،،، لا لا تحاول وصل الغيظ حدي
من باعني بعته على أول السوم ،،،، حتى ولو حبه ملك كل ودي
زمن عزني يبقى معي شخص محشوم ،،،، أبادله نفس الغلا ابكل جدي
ومعك أحكمتني صدق عادات وسلوم ،،،، ورثتها من سلم أبويا وجدي
لي عزةٍ تشمخ معي دايم الدوم ،،،، أعزها لو أصبح الوقت ضدي
وانت انحكمت ابسلم النذلين ورخوم ،،،، ناسٍ على النمه تجيب وتودي
لا عزةٍ تمنع ولا عندك اعزوم ،،،، مالك ثقه يا ناقص اليوم عهدي
مثلك معي ما ظن يبقى له إلزوم ،،،، لملم شتاتك واعتبرها تحدي
اخذ الخبر وصامل الهرج معلوم ،،،، يحرم علي امصافحك كف يدي
سلامتكمــــــ ،،،،،،،،،،،،،،،،،،،،،،،،،
يحرم علي امصافحك كف يدي
العرض العادي
