تعب قلبي من الاصحاب وحارت فيهم ابياتي
احد صادق وأحد كذاب وأحد يفرح لزلاتي
أحد يجرح بلا اسباب وأحد بلسم جراحاتي
ووحدك اجمل الاحباب ووحدك صرت في ذاتي
ولك وحدك فؤادي ذاب ولك وحدك تحياتي
ـــــــــــــــــــــــــــــــــــ
ـــــــــــــــــــــــــــــــــــ
ـــــــ
الطيب بحر ساحله ماله حدود
قاعه عميق ومتعب كل غطاس
والجود ظل في قفا الشمس ممدود
ما ينعرف حده وعناه ينقاس
ومن جمع الثنتين لا شك محسود
وانا اشهد انك جامع در والماس
ـــــــــــــــــــــــــــــــــــ
ـــــــــــــــــــــــــــــــــــ
ــــــــــــ
كم من صديق عن صديقه تخلى
هذا نسى حبه وهذا مفارق
الا انت حبك بالضماير تولا
واخذ على قلبي عهود وثايق
واستبشر الخاطر بحبك وهلا
بشرى السجين بيوم فك الغلايق
سوالفك من سمعها ما يملا
ينسى العنا والهم لو كان ضايق
ـــــــــــــــــــــــــــــــــــ
ـــــــــــــــــــــــــــــــــــ
ـــــــــ
غلاك الاول ما تغير لهلحين
مازلت غالي يا بعد كل غالي
مهما نغيب ايام وشهور وسنين
يبقى رصيدك بالحشا دوم عالي
لا ما تغيرنا على اعهد باقين
باقين مهما غيرتنا الليالي
ـــــــــــــــــــــــــــــــــــ
ـــــــــــــــــــــــــــــــــــ
ــــــــــــــ
يا رساله سابقي ركب السحايب واسبقيه
وادخلى جوال منهو غايب عني وإفتحيه
سطري له من رسالات الحبايب وشوقيه
إشعلي حامي اللهايب بس لا تحرقيه
بلغيه إن فيه من بين الحبايب شخص يعشقه ويهواه ويمووووووووووووووووووت
العرض العادي
