مراحل نمو البنات!!

[شايب دمه خفيف]

أولا: مرحلة الولاده


البنت في بطن امها تسوي مشاكل وترفيس وتشويت وتتعرفط وتسوي حركات بهلوانيه وبعدين تولدها امها وهي تبكي وعلى فكرة صراخ البنت اذا انولدت يسمعه اللي باخر الدنيا لسانها طويل من يوم تنولد بعكس الولد اذا طلع من بطن امه يطلع باحترام وبلطافه ماشاء الله علي



ثانيا مرحلة الرضاعة


البنت تتعب والدتها بشكل رهيب و الولد في المرحله هذي طيب و حبوب و يقنع
بالقليل و البنت ما تقتنع ابد ،،،


ثالثا مرحلة الحبو


البنت اذا وصلت مرحلة الحبو لازم تكلبشها او تربط رجولها بسلاسل لان البنت اذا حبت حطت رجلها ويالله عاد دورها تلاقيها يا متكرفسه مع الدرجه والا غاطسه في البانيو الله يكرمكم والا شايفه لها صرصور وقاعده تفحط وراه تلاحقه .....




رابعا مرحلة المشي


هذي اخطر مرحله توصلها البنت وانصحكم ما تخلونها تدل مكان البقاله او مكان محل الالعاب لان من هذي الاشياء تبدا البنت تحب الاسواق والله يعينك اذا ما سمعت نصيحتي ....... انت جرب وخلها تروح معك للبقاله مره وشف وش بتسوي لك اذا بغت تشتري حلاو او لعبه ومارضيت توديها <<<<<< صدقني تكرهك بحياتك



خامسا مرحلة دخول المدرسة


المرحله هذي خطيره جدا .... صحيح البنت تروح للمدرسة تتعلم القراية والكتابه لكن فيه اشياء جانبيه بعد تتعلمها مع القرايه والكتابه راح تسالوني وشهي وكيف انا اقول لكم .....

البنت تروح للمدرسه ولازم انها تختلط ببنات ثانيات وبعدها تجي البنت الثانيه رابطه بكله ورديه لازم البنت تقلد عليها وتزعجك الييييييين تشتري لها مثل خويتها بالمدرسه يعني من هذي المرحله تبدا تقلد على البنات





سادسا مرحلة المراهقه




وهذي المرحلة تبدا دلاخة البنت .... مدري ليش اي بنت توصل لمرحلة المراهقة تصير دلخه ومخها يكون ضعيف افهمكم كيف؟

البنت حساسه جدا في جسمها وفي مشاعرها .... يعني لو تدف بنت وطاحت تكسرت حتت حتت وايضا لو قلت لها كلمه اهانة ولو كانت بسيطه او حتى مو قصدك تجرحها يعني انت تمزح , البنت ماعندها تفاهم على طول تزعل ...
حتى لو تمزح معاها في الماسينجر و تضحك على طول تزعل بدون سبب


أما

الدلاخه في انها تصدق اللي يمدحها او يتغزل فيها ,, البنت تصدق على طووووول


سابعا مرحلة العشرينات ( الشباب )



المرحله هذي مرحله حلوه مره للبنت لانها في المرحله هذي تبدا تعدل من اوضاعها وتصير راكده وتبدا تعقل شوي شوي .... بس المشكله ايش ؟؟؟

ان في هذي المرحلة تعرفون البنت يكثر خطابها يعني مضطره انها تكشخ بكل عزومه او مناسبة والام توديها معها لاي مكان تروح على شان تقول عندي بنت اللي يبي يخطب لولده ترا هذي بنتي يهيهييييييييييييييه

البنت اذا انحرفت في المرحلة هذي تنحرف بعنف والى الهاويةواذا التزمت التزمت بشده ..... وايضا في هذه المرحلة تظهر مواهب البنت اللي تخيط والا فنانة في تفريك الصحون والا محترفة في كنس البيت :والا اختصاصها غسيل وكوي يعني مواهب حلوه ......




ثامنا مرحلة الزواج




وهذي المرحله هي بداية تعاسة الرجل .. ماتجي الرجال المصايب الا من هذي المرحلة ,, يدخل البيت تستقبله الحرمه بريحة بصل او ثوم او يديها فيها صابون توها طالعه من المطبخ والا تستقبله وهي تزاعق عليه وتصفقه بوجهه بذيك الورقه اللي مكتوب فيها ( بصل ..... خيار ... ثوم .... جبن شامبو ضد القمل )<<<< على فكره هذا كله تمهيد وبعده تكتب ( مجلة سيدتي ... خاتم ذهب ... شنطة جلد سحلية .... فستان طلبيه اغلى شي ... تغيير اثاث الغرفه ..... اثاث جديد للصالة .... ولا تنسى تمر الصراف تجيب لي خمسة الاف باروح للسوق <<<<<< بعد كل هالطلبات وبتروح للسوق




تاسعا مرحلة الامومه


في هذي المرحلة تبدا المشاكل الكبيره بين الحرمه وزوجها ..... يعني الرجال اللي عنده عيال كثير هذا اقف له وقفة احترام وتقدير لانه صابر على زوجته ... في المرحلة هذي تلاقي الرجال يحاول يهرب من البيت كثير لكن وين ينحاش الحرمه وراه ورا والله ان تطلعه من تحت الارض وين ما يروح تلاقيه ..... اذا جلس الابو في البيت تلاقي وجهه احمرررررر من المنافخ على البزارين واذا طلع من البيت ينشرح صدره ويرتااااااح ... لاحظو ابائكم اذا هم بالمجلس كيف تكون نفسيتهم اكيد زفت .... مثلا الابو يجلس مع حرمته ويجيك ولده الصغير يلعب بالكوره عنده ويمزعه بجبهته بالكوره ويتصعفق عليه بريق الشاهي والابو يعصب والام تقول ماعليه توه صغير خله, احر ماعنده ابرد ماعندها واذا كان يبي يسولف معها يلاقيها متعلقه بسماعة التلفون ومعها كيس فصفص وتقشم على براطمها وتملا الصالة قشام واذا خلصت الرجال يبي يكلمها وهي تقول بكنس الصاله <<< لاحووووووووول


*a

تحياتي



شايب دمه خفيف في الخدمه*t

[شيخ الشبااااااااااااب]

هع هع هع هع حلوووووو

وانتضرر جديدك

يسلموووو

[مـلك الشوق]

مشكـــــــــــــــــــورحبيبي

[شـباب$الرااشــد]

حلوووووووووووووووووووووه *8 شايب دمه خفيف كفيت ووفيت وننتظر جديدك

[$عاشقة المستحيل$]

اذ كانت هذي هي مراحل نومنا

اجل انتوا ايش

خلو الطابق مستوووووور

بعدين البنت احن على اهلها من الولد مو تقولون تجنن امها

تحياتي

[شايب دمه خفيف]

لاتخافي يا
$عاشقة المستحيل$
المره الجايه افضح في الاولد


شايب دمه خفيف في الخدمه

[نـســايـم ليــل]

:D :D :D :D

شــايب بيني وبينك موضوع حلو..


بس لا تعيدها مره ثانيه:D :D

يسلمممممووو,

[nada]

(البنت في بطن امها تسوي مشاكل وترفيس وتشويت وتتعرفط وتسوي حركات بهلوانيه وبعدين تولدها امهاوهي تبكي ... )

بلا نصب لأنهم اثنينهم نفس الشي ,, واللي مايبكي لما يطلع من بطن امه =

انه مووووووطبيعي وفيه عله<<< اجل عكيذا انتم علل من لحظة ولادتكم;( !!

**********

(البنت اذا وصلت مرحلة الحبو لازم تكلبشها او تربط رجولها بسلاسل لان البنت اذا حبت حطت رجلها ويالله عاد دورها تلاقيها يا متكرفسه مع الدرجه والا غاطسه في البانيو الله يكرمكم والا شايفه لها صرصور وقاعده تفحط وراه تلاحقه ..... )

الطفل اللي مستوى ذكاؤه عالي ويفهم هو الطفل الحركي اللي يحب يلعب

بالأشياء و يكتشفها , اما الغبي فهو اللي مكان مانقطه نلاقيه<<ثور الله في

برسيمه:D و من هالمنطلق نلاقي البنات كثيرات حركة نظرا لذاكائهم العالي ,,

اما الاولاد فمكانك سر و يخب عليهم بعد*q

**********

(سادسا مرحلة المراهقه




وهذي المرحلة تبدا دلاخة البنت .... مدري ليش اي بنت توصل لمرحلة المراهقة تصير دلخه ومخها يكون ضعيف .... الخ)

وبنفس هالمرحله تبدا دلاخة الأولاد <<< و يالها من دلاخه#g

ملاحق ورا البنات << و على استعداد لتقبل الاهانه منهم<< لتبلد الاحساس!!

تضييع للدراسه و المستقبل و اهتمام بالتفاهات من كوره و غيره

تفحيط و تضييع لحياته و حياة اهله معاه و الخ من حركات دلخه جدا*×1

**********

(سابعا مرحلة العشرينات ( الشباب )



المرحله هذي مرحله حلوه مره للبنت لانها في المرحله هذي تبدا تعدل من اوضاعها وتصير راكده وتبدا تعقل شوي شوي .... )

للأسف دلاخة الاولاد ماتزال مستمره في هالمرحله!!9

**********

(ثامنا مرحلة الزواج


وهذي المرحله هي بداية تعاسة الرجل .. ماتجي الرجال المصايب الا من هذي المرحلة ...... الخ)

الزواج قسمه نصيب ,, وياما بنات بدأت فصول مأساتهم في اول يوم من

زواج مع رجال الله المستعان=هالكلام مايتعمم على كل البنات

لأن كل الرجال و الحريم فيهم الزين و الشين , اما الاستهزاء بالمرأه لمجرد

الضحك و اعتبار الزوجه موضع سخريه فهذا مو مقبول ابد,, و كل واحد له

حقوق و عليه واجبات,,و الرجال اذا مالبى طلبات بيته اجل مين يلبيها!!!

و هالطلبات مو للمرأه بلحالها و لكن للبيت كله,, و هالبصل و الثوم عشان

الرجال ياكل كبسه و الخ:D و المرأه هالكائن الرقيق تتحمل عشان الرجل و لكن

بالأخير مافي تقدير<<< عموما الرجال مايملي عينهم الا التراب*e


وووتحياتي*3

[احبه حييييل]

ابي اعرف الشباب وش مفكرين نفسهم كل واحد تقول ملاك يمشي على الارض
خلوها مستورة مانبي نطلع فضايحكم

[بنوووته]

لاااااااااااااااااااااااااا ...
ممكن يااااااا حلووووووووو...
تكتب عن مراحل نمو الشباب...
بنوووته قمر!!*