تحيه طيبه .. السلام عليكم ورحمة الله
الاعزاء يامنتدى همس القوافي .. اشتقت اليكم
وعشان اكون صادق معكم وماتقولون " كذوووب "
اقول لكم .. وحشتوني
لا جديد غير ان الدفه لازالت مستمره .. والمحاولات المتواضعه تكسب الغالي من تواصلكم
ليس هناك محطه اخرى سوى الود .. او حياة الجد التي اخذت الكثير .. هانت ابشركم
احببت ان اضع بين ايديكم اخر ماكتبت شاكرا لكم مقدما قراءت صفحتي التي تستنير بكم
مانطول عليكم
"قصيـــدة شكـــر "
[/quote]
كيف ابتدي واحكي اللي معي صار = صدفه لقيت حالي قدامها موجود
حاولت اغير وجهتي والقدر سار = وحظي على دربه وكأني مقيـــود
ماودي اعترف وافضح الاسرار = وعسى النظر ماباح بسر مجحود
خيال سبحان اللي خلقها باختصار = كيف اوصّف حسن ماله حــدود
استرجع النظرات ولكني أحـتــــار = ارسمها والا ابقى بنظرتي مفقود
بحر العيون اللي بها كل بحـــار = يتوه ومنهو غرق مـــا يعـــــــود
يازين ياللي تآسر كل الانظـــار = من شوفتك توبت انا من الصدود
كم لي وانا عندي استفسار = من متى مثلك له وجود بوجود !
جاوب وخذ اللي بقى من اسرار = ومن عيني خذ لك اصــدق ردود
يا محيي بي حلم كــان منهار = صحيت في قلبي احساس موؤد
من بعد صمتي لك أكتب أشعار = قصيدة شكــرٍ على غيــر مجهود
معجب وقلبي لك هديه وتذكار = لجل ابتســامه يضحك لها الوجود
وانا انتظر شوفك لو هو على نار=وبناظرك .. كن النــظر غير مقصود
ابراهيم بن محمد اليامي
[/QUOTE]
العرض العادي
