..₪.. سجـّــل دخولك للمنتــدى ببيــت من الشعــر ..₪.. 3

[المحتار-]

الصمت في بعض المواقف غنيمـه
أحيان تلقى حاجتك داخل الصمت !!
والكلمه اللي فـي صداهـا أليمـه
العذر منهـا يجرحـك .. لاتألمـت
لاجتك من غالي وعشـره قديمـه
يموووت ظنك بالرجاء .. ماتكلمت !

[ρùℓşέ]

تبكينا ظروف الوقت وحنا في زمان ابكم..
غموض لف عالمنا وكل اللي حوالينا..

انا ما ابكي غموض الوقت انا ابكي مرار الهم..
انا مدري هي الايام والا فعل ايادينا..

انا ماقدر اقول الاتكفى يازماااان ارحم..
ترانا يازمن نضحك وقمه الألم فينــــــــــــــــــــــا..

[المحتار-]

اعتراني شوق ليل ومع هزيعه صمت خـوف
والسكوت وصمت موج يهدّ حيـل المستمـع
شوق عارم لو اطيعه ؟؟ مايردّه غير جـوف
يحتضنك بصمت مطبق من سهولـه يمتنـع
والسكون بجدّ هاااادي والظلام يموت شـوف
والظروف ولو تعصّـب ؟؟ بالأخيـر بتقتنـع

[عشق نجد]

اعذريني لـو سألتك : في حياتـك مـن أكون ؟
..............أدري إحساسي بـ حبك ما له بقلبـك مجال !

وأدري إن الوهم يرسم لي على حبك ظنون
.............وانك أبعد من أماني العمر .. وحدود الخيال !

آه لـو تدري عيونك عن معناة العيـون
............لو تشوف النور لكن .. تلمسه صعب ومحال !

إعذريني لـو سألتك .. لو تحديت السكون
...........الفضول اللي دفعني أحلم بـ شمسك ظـلال !

جيت أسولف عن جراحي كيف ماترضى تهون
...........ما دريت اني سألتك بالخطا .. نفس السؤال !

[Ŗờờ7 έήŠấń❥]

من طاوع الدنيا على ماانت شايف
.................. مايهتـــني باله والا ارتــاح مــنـها

[Ŗờờ7 έήŠấń❥]

الجروح تروح في ظرف ساعـه
.................. وجروح تبقى لين تقضي على الـروح

[عشق نجد]

كتبت للغيمه من الحُب, أبيات
............... وهلّت عبايرها, مطر يحتويني

قالت : حنين الوقت كلّه ملَذات
............... ما فات خَلّه لا تقول : احتريني

الموت أقرب والآسى بالمسافات
............... وإحنا عشقنا البعد .. آنا وعيني

لو يشتكي [ قلبي ] كثير المعاناة
............... أبسألك: وش بين جرحي وبيني

[ملآمح]

انا عرفت الوله من قل جياته
وجايز يعرف الوفى لاحس في غدري

بالرغم من كثر غلطاته وزلاته
ياطول بالي عليه وياوسع صدري

وان هب شعري على كل اتجاهاته
ماكن فوقي سما ولا الثرى حدري

اتخيله ساكت ويحكي معاناته
وان قلت وشلون صارت قلت لك مدري

عيوني تسولف وتشرح لي سكاته
وياحي رقة سوالف رمشه الخدري

بس علمه كان ماراجع حساباته
ترا يحسب حساب الدمع من بدري

خيانة احبابي ووقتي وطعناته
لو نزلت دمعتي مانقصت قدري

ولاصار ناوي على فرقاي وحياته
ماعاد تلمح عيوني وجهه البدري

انا عرفت الوله من قل جياته
وجايز يعرف الوفى لاحس في غدري

[صادقـ الاحساس]

ياصاحبي الدنيا حكايات وعلوم.. قصص عجيبة تذهل الي قراها..

الدنيا لو تضحك معك دايم الدوم.. خلك فطين ولايهمك رضاها..

كم واحد تبنى له أمال وحلوم.. يفني وغيره يهتني في بناها..

ياما أفرحت قوم وأحزنت قوم.. وكم أعشقت عين وخانت غلاها..

ياصاحبي شفت أمس شف حالنا اليوم.. دنيا تقلب يكفي الله بلاها..

اليوم لامنه بغت عيني النوم.. تنكدت روحي وعافت كراها..

ماكل من علا بالأصوات مفهوم.. وماكل روح تلتقي في مناها..

وماكل من يشكي معذب ومحروم.. وماكل من يضحك همومه نساها..

بحرالحياه إن صرت ماتعـرف العوم.. يرميك في غبه بعيده مداها..

من راح يستسلم من أحزان وهموم.. يموت حي وحاجته ماقضاها..

واجه هبوب الوقت بإيمان وعزوم.. لابدماربك يهدي هواها..

وأصبر إذا شمسك حجب نورها غيوم.. الغيم بتفرق ويشرق سناها...

[Ŗờờ7 έήŠấń❥]

ياحلو الأيام لو ترجع على كيفي
...... ماكان قلبي شكا فرقا مواليفه

كانوا بقربي ولا يحتاجوا تكليفي
...... واليوم راحوا ودمعي صعب تكليفه