العودة   منتديات الـــود > +:::::[ الأقسام الثقافية والأدبية ]:::::+ > المكتبة الأدبية
موضوع مغلق
   
 
أدوات الموضوع تقييم الموضوع انواع عرض الموضوع
قديم 08-04-2007, 01:48 PM   رقم المشاركة : 1
غريب طب الشرقيه
( ود فعّال )
 





غريب طب الشرقيه غير متصل

Icon3 جعل الحزن مايدق اجراسكم...و..لا تحرمون هادي من دعواتكم

أهدي اليكم هذه القصيده المليئه بالحزن

وهي تحكي قصة

هادي بن سعود بن كدمه آل الشريف الحبابي أخ الشاعر من الرضاعه مسجون في سجن ظهران الجنوب منذ

ما يقارب 16 سنة بقضية قتل اخيه أبن عمه/ هادي بن مهدي بن فرثان آل الشريف الحبابي

هناك مساعي مبذوله في قضيته عسى ان تتم على خير ،

والكلمات للشاعر ::سعيدالحازبي القحطاني



في سجن ظهران زرت اخوي ابن كدمه وانا وهادي سعـود بحسبـة اخوانـي

جينا زيـاره ومعنـا بالرضـاع امـه في قلبها شوق مـدري هـم وحزانـي

وساعة وقف قامت اتناديـه وتضمـه من زود حب الضنا في قلبهـا الحانـي

ومن زود شوقه يـون وقـال يايمـه انا علـى شوفتـك بالحيـل ولهانـي

وقامت تنوح العجوز وسلهمـت يمه ودموعهـا كنهـا هـمـال ودانــي

صاحت وناحـت وزادت بالبكـا همـه ويقول يامـه كفانـي هـم واحزانـي

ثم انكسر ناضره مـن همـه وغمـه بين الرجاء ولأمل واليـاس حيرانـي

ثم وقف رضا(ن)لها تواضع وحشمـه وقبل يديها ودمعـه فـوق الاوجانـي

ثم التفـت يمهـا فـي خاطـره كلمـه واقفا موادع وهـو مكسـور جنحانـي

ثـم كبلـه حارسـه بالقيـد واختَمـه وامه تنادي بلهفـة شـوق واشجانـي

ونت وناحـت عليـه ونادتـه بسمـه وقفا موادع وهـو راضـي وزعلانـي

وحملني امانة(ن) تبـرا بهـا الذمـه قال انت ياخوي في ذمتـك ورعانـي

ورحت اتفقد عيالـه ثـم لقيـت امـه والحزن في صوتها المشحوب ينبانـي

ثم صار لي موقف الا صـارت مطمـه من موقف صـار واحزنـي وبكانـي

جوني عياله وكل(ن) مـن ملـى فمـه يقول بابـا سنيـن طـوال ماجانـي

وانا اشهد(ن) كل حي يحن لـه دمـه من بعد هذا حصل لـي موقـف ثانـي

جتني فتاة(ن) خطاهـا تمشـي بهمـه ثم اعثـرت وانثنـت قـدام تنصانـي

وعن راسها فرعت ثم طشـت اللثمـه وتطيـح وتقـوم مضيومـه وتنخانـي

قلت ابشري والعسـر والله مـا همـه الظاهـر ان القـدر للمـوت ودانــي

قالت ياعم اين ابوي اللي ولـد عمـه غرابه ابوي ابن عمه وهـو الجانـي

اشكي عليك الزمن ياعـم مـن ظلمـه خالاني اعيش فـي حيـره وحرمانـي

ياعـم تكفـا تلـف الشمـل وتلـمـه ابغاك تفـزع وتنخـا قاصـي ودانـي

قلت الردي جعلها تبكـي عليـه امـه ونتي نخيتـي وانـا بانخـا كحيلانـي

بانخا ابن فرثان صقـر وكـره القمـه وانخاه بسمي وبسم شيـوخ قحطانـي

وادخل على ربنا اللي يكشـف الغمـه وادخل على هادي ابن معيض لاهانـي

وانا دخيل الحضـن والبيـت والذمـه وادخل على الحي واللي وسط الاكفاني

يامارد(ن) للظوامي صافـي(ن) جمـه واللي ورد له ما صدر منـه ضميانـي

الحكـم لله وحكمـك بيـدك وسـمـه لرضاك ما ننكـره لـو كـان ماكانـي

والعاقـل اليـا بـلاه الله كبـر حلمـه يهـون الكايـده ياوجـه سنحـانـي



تحياتي

غريب







قديم 12-04-2007, 08:25 AM   رقم المشاركة : 2
¦ღ.. مياسه..ღ¦
( وِد ماسي )
 
الصورة الرمزية ¦ღ.. مياسه..ღ¦
 






¦ღ.. مياسه..ღ¦ غير متصل




0
0
0


اضغط على الصورة لفتحها بصفحة مستقلة







× غريب طب الشرقية×



الله يفك حبسه ويجلي باسه ويفرح أهله وناسه ... ومن هم في مثل حاله ..؟!
الله يعطيك ألف ألف عافيه على نقلك الرائع ..؟!


من الأعماق نشكرك ... وماننحرم من جديدك ..؟!


ودي ووردي






التوقيع :
|



فمان الله يآحلوين ونلتقي فيكم على خير

موضوع مغلق

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:35 PM.




 


    مجمموعة ترايدنت العربية