السلام عليكم والرحمه
هذي أبيات شعريه في قبيلة بني خالد لطشتها لعنوووون كل من يقول أنـــا خـــالــــــــــدي
حنا بنــي خــآألــــد كسـابـة الطـيب *** تشهـد لنا العـدوان قبـل القـرابـه
حنا هـل الميقـاف وقـت المواجيـب *** تاريخنا من عصر دور الصحابه
حنا هـل التـقـديـر بيـن الأجــانيـب *** عند العـرب نحظى بقدر ومهابـه
حنا ليـا هـلـت دمـوع الـرعــابـيـب *** نقـدم على المـوت الحمر مانهابـه
حنا ليا صارت حقـوق ومطـالـيـب *** ناخـذ ولانـوخـذ نـهار الـطــلابـه
حنا ليـا عكـر صـافي المشـاريـب *** نطفي ظما العطشان مثل السحابه
حنـا ليـا هـلـت سـمـوم اللـواهـيـب *** ربـيـعنـا يابـخـت مـنهـو حظـا بـه
حنـا ليـا مــن كـشـر أنـيـابـه الذيــب *** مانحسب حسـاب لقنيـب الذيـابـه
حنـا حمـاة الخيـل والفـطر والشيـب *** يـوم الليـالـي المـاضيـه ينغـزابـه
حنا الدوا لجروح عطب المضاريب *** لاطـاح بالـميـدان ينـزف صوابـه
حنـا مقـر الـراي عكـف الأشـانيـب *** وصغيرنا بالراي يحسب حسابـه
حنـا ليا صـاح المنـادي لـه نـجـيـب *** يفـرح ليا سمـع الـمنـادي جوابـه
حنـا منـازلـنــا بعـالـي الـمـراقـيـب *** من الحسـاء لحدود تدمر وطابـه
حنـا لضيف الجار عز ومعازيـب *** نـجـود بالمـاجـود حـزة غـيـابـه
حنـا سيوف الحق بين الأصاحيب *** تـزداد فـيـنـا بالـشـدايـد صـلابـه
حنـا وهبـنـا عالـم السـر والغـيـب *** شـجـاعـة ماهـي مـع كـل لابــه
والنعـم في كل القبـايـل عن العيب *** أفعـالهـم بالمـجـد حـافـل كتـابـه
أقـولهـا مـن دون شكــه ولاريـب *** شـاعـر وأمجـد لابـتي بالنيـابـه