™°ˆ*¤§x§¶ تفضلواااا* هنا إهداءات الأبيات بين الأعضاء* تفضلواااااا¶§x§¤*ˆ°™ - الصفحة 10

~¤§¦ريشة إحساس¦§¤~ · 24-04-2006, 01:43 PM

مطعون قلبي في الهوا كله جراح
دواه عندك عالجه لاتزيده
طعنات ماهي منك سكاكين ورماح
من سيف حبك من مسافه بعيده

لحاني الود

حاني الود · 26-04-2006, 10:57 AM

يسلم قلبك مثير

^
^
قـلــبي عشـق ليـل السهارى .. عشانـك

دايم وهــو يــذكــرك فـي ســهــرة الليـل

يــشــتاق لــك قــلب ٍ تـغــــذى حـــنـانـك

كيــفه معك اعظم من الكيف بالهيــــــل

ليت الـزمن يـازيـــــن يــقــرب اوانــــك

واهنـا بشوفك من فضل عادل الــمــــيل

خذنـــــي معك بـجلس .. مكاني مكانــــــك

لين آخر المشوار مااشكي معك ويـــــل

وبــنـسـى بــقربـــك كــل هــم بزمانـك

ونـبعـث شــعور الــحب فــي كـل تحليل

وتبعــد هـمومي لمسة ً .. من بـــنـانــــك

يــابـــدر فـي دنياي يا نـجمـــة ســــهيـل

انــا المـولع بــك وشـاني بــشـــــانــــــك

ولـك بالشــعر ســجلت قيـل باثر قـــــيل

وان قلت لي هــاالحظ عاكــــــس وخانـك

شــرايك بحــظ ٍ عــنتـــه الـمشــــــــاكـيل ؟

.. لك يامثير مع باقة ورد

~¤§¦ريشة إحساس¦§¤~ · 02-05-2006, 11:33 PM

صح لسانك .. وسلم بنانك

لو يـــــمـــوت الشــوق بقلـــوب البشر
مــــا يمــوت بخافــــقي شوقي إليك

خــــذ مســــافة

" يــــوم ، أسبـــــوع ، شهــــــر "
وإعرف إنّي طـــول عمري محتريك

بيننا الأيــــــام وأحكــــــــام الدهر
وراح تعرف وش كثر شوقــي إليك

لحاني الود مع باقة ورد مغفلة بشذى البنفسج ..

فقـ الحـب ـيد · 08-05-2006, 11:29 AM

....................................... !

فقـ الحـب ـيد · 13-05-2006, 06:50 AM

................................. !

ياهلي شوفوا حالي راح مني عدم ؟.؟ والسبب صاحبي اللي بشكي حالي عليه

داعج العين رماني وصابني أب ـسهام ؟.؟ صاب قلبي وحطم حالتي لاتجيه

أول حبيب اللي قلبي يبادله بالغرام ؟.؟ اليوم تكبر عليا.. ياناس ماأبغى أبتليه

حبيبي حبه في قلبي دايم الدوم دوام ؟.؟ ساهر الليل لجله النوم مابهتنيه

يوم كنا حبايب طارق الباب دوام ؟.؟ اليوم خانني حبيبي والله ماأرتجيه

من نساني نسيته لو على البال سلام ؟.؟ لو بحبه ذبحني وقرب الموت بيه

قطعت حبل الموده وأنهيت كل الخصام ؟.؟ خلاص حبك محيته في القلب لا ماتجيه

حاني الود · 15-05-2006, 10:05 AM

احتياجي لك سبـب خوفي عليــك

أتعبونــي حيــل وأتعبـت السهـــــر

كل هـذا بعـد عسى الله يهديــــك

لاتهـــل .. ولاتـلـــوح .. ولاتـمّــر

إنت مافكرت باللـــــي يحتـريــك

كيف يسلى عنــك واللحظة دهر

إنت بس اكــذب علي وقـل أبيــك

لا أعزم النجمات وأهدي لك قمـر

آه منك وآه من هـاذي وذيـــك

خطوتي ودروبها شـوك وجمـر

كل ماجيـت أنتهي منك أبتديــــك !!

وين ماصديت لك وجهــه وخبــر

يالمفارق وش بقى ؟ غير أرتجيـك

دام باقــي للرجاء فيني عمـــــر

عانقتـنـي عبرةٍ عــذراء تبيـــك

كيف بجحـدها وهي ذنـب وعــذر؟!

كلمات اعجبتني بصوت عبدالمجيد

واهديها لـ : دلع نجد ومثير وجروح القدر واسير الشووق

ولكل من يعزني

حانـي الــود

>>ترفق بحــالي<< · 16-05-2006, 07:01 AM

~¤§¦ريشة إحساس¦§¤~ · 17-05-2006, 03:13 PM

في ضميري شوق
وفي عيني وله
وفي فؤادي حب لأجلك يحمله
لو يحول البعد
مابيني وبينك
ماتغير لو تطــــــــــول المسأله

إهداء إلى حاني الود

سهرتني ياحب برتاح · 19-05-2006, 09:40 AM

ياليت طيفك لا طرا لي على البال
دخلت في بالي عليك ولقيتك

لكـــل اعضــــاء الـــــــــود

حاني الود · 26-05-2006, 03:04 PM

اهلا بنسيم هب من صوب اعربـــي // نسنس وهيض مزملي والحانـــي
وتذكـــرت نفســــي مـــزار احبيبـــي // في ليلــة يهنـــــا بهــــا الولهانــي
رأسه على زندي وهو فــي منكبـــي // صدري بصدره والهــــوى ذنانــي
يـــا ليلـــــة فيهـــا توفـــر مطلبـــي // اقنع بها لـو هــــي تعـــود ثانـــي
ليمن ذكــــرة احبيبــــي زاد تعبــــي // لجلج فـؤادي ورتكبـت احزانـــي
والدمع من عيني هتــــوف يسكبـــي // من لاعج باقصى الحشـــا يقلانـــي
أبكي حسف والجرح في قلبي غبــي // صاطي وباطي فـ الضميـر اضنانـــي
حاربت نومي والمقـــــاة ومشربـــي // ومعيشتـــي ضنــكـــا ولا تهنانـــي
ما فيه خوف ولا رحم لـي شطبــــي // داف الصبر في راحته وسقانـــي
والوجد عاملنــي وحالـــي ينسبــــي // ساقمت من وجدي على خلانـــي
لاعب بقلبي مثل ما لعـب الصبــــي // حبه وفي غــي الهــــوى يغلانـــي
يحكم عليـــــه دون حــــق واجبــــي // شرواة وصـــف قالـــه الهزانـــي
يا ناقتي والا لعصـــا والا اشربــــي // والا اصبري عالكود والحرمانــي
ونا على حكمه أموافـــــج مذهبــــي // به معتــــرف وانا الذي غلطانـــي
لنه حبيـــــب فـ المــــلا مالـــه وبــــي // ياخذ مثل مــن قايــــد الغزلانـــي
له جادل فـــوق المتــــون امسببــــي // كنه شليل مـــن ســــواده جانـــي
والوجه كالقنديـل والخـــد اذهبــــي // والعين عين الشــــادن الجفلانـــي
وشف تشافــي علـــت المتصوبــــي // من سلسبيل ينعــــش العطشانـــي
والصدر كالديبــاج فيــــه امركبـــي // نهديـــن جعــــد كنهـــن رمانـــي
نابي ردوف امعزل مثــــــل الدبـــي // عض الصبا عوده عويـد البانـــي
ليمن مشا تجف الخطــــا ومر تبـــي // شبه القطا توح اقدمـــه متوانـــي
ما يا طفوق بالكــلام ايهـــــذر بـــــي // صمت خصاله رازحـه لوزانـــي
هو مطلبي ومنه مصابــي وسببــــي // مالي عــزا دونـــه ولا سلوانـــي
ما دمت حي فــــي هـــواه امعذبـــي // ون مت طلبولي منــه سمحانـــي
والختم صلا الله على طــه النبــــي // خير البرا يا الهاشمــي العدنانـــي

الاهداء لدلع نجد ومثير وابعاد فكر