[poet font="Simplified Arabic,4,black,normal,normal" bkcolor="transparent" bkimage="backgrounds/7.gif" border="outset,6,gray" type=2 line=200% align=center use=ex length=0 char="" num="0,black" filter=" glow(color=white,strength=1)"]
السلام عليكم ورحمة الله وبركاته
اقدم لكم هذه القصيده المتواضعه
اللتي اتمنى ان تكون مرضيه لذائقتكم الشعريه
حــــكـــايــــتـــي
فرق بين الصبح والليل الطويل=فرق بين بدايتي ونهايتي
فرق بين الحب والحب الهزيل= مثل مابيني وبين مرايتي
ماضحك لي خاطر الحظ البخيل = منتهي من قبل اشوف بدايتي
دام انا ويّاك ونراعي سهيل= ويش رايك تستمع لحكايتي
لي ثمان سنين والخافق عليل = تهت فيها ماعرفت هدايتي
ضاع عمري بين حط وبين شيل=ضاع عمري في مهب غوايتي
ماتت اللي كانت الحلم الجميل= طفلةٍ عاشت بظل عنايني
طفلةٍ كانت تسمّى سلسبيل= كانت احلامي وغاية غايتي
مستحيلة تنتمي للمستحيل= بس كانت لي وتحت وصايتي
كنت اغنيها قصيد وتستخيل=كان نظمه حرفتي وهوايتي
يوم ماتت مابقى بالحال حيل=وانتهى حكم الهوى بـولايتي
سال دمعٍ ماحسبت انه يسيل= جيت مستسلم ورافع رايتي
شلت حمل الحزن والهم الثقيل = شلت ذنبي ماعرفت جنايتي
لاتكدّر ياعسى عمرك طويل= انتهيت ولا انتهيت روايتي
ماجرى في دنيتي ماهو قليل = من حياتي بس اخذت كفايتي
عبدالله العقيلي
ياليل ياعين
[/poet]
العرض العادي
