دحـيـــم حصيصه
حدثت هذه القصة عام الف وتسعمائة وحطبة عندما تحركت جيوش المغول لقتال الاتراك تحديدا قبل الحرب العالمية الاولى وبعد الحرب العالمية الثانية >>افلقني ان عرفت التاريخ
والان هيّا بنا نتعرف على ابطال هذه القصة
دحيم: ذلك الشاب الطموح الملئ بالحيوية والنشاط والدلاخة والمفعم بروح الفكاهة والدباشة في آن واحد، والذي يبلغ من العمر 24 صيفا حاراً، نحيل الجسم أفطس الانف اشعث اغبر، حتى ان بعض مدرسيي الاحياء يأخذونه لشرح أجزاء الهيكل العظمي للطلاب، دحيم طالب مجتهد يدرس في تمهيدي/ب ليلي..
هواياته: تنحيش قطاوة الحارة والكتابة على جدران الحمامات.
أبودحيم: رجل كبير طاعن في السن تقلبت فيه الحياة وذاق من مرّها وحلوها الى ان اصبح ذلك الشايب المخذرف ( المهذري )، فيوم تجده شيخ وقور حكيم ويوم اخر تجده واحد من مراهقين وبزارين الحارة..
هواياته: التزحلق على الدربزين والمراسلة وجمع الطوابع.
أم دحيم: عجوز شمطاء ( قشرا ) لها ظفيرتين تستخدمهما في صد كيد الاعداء، ام دحيم يستخدمها اهالي الحارة في تخويف اطفالهم اذا سوّو شطانه..
هواياتها: المصارعة الحرة مع قليل من الجودو والكاراتيه.
حصيصه: فتاة دبّة في ثاني ثنوي لها كشه تحجب رؤية الافق، لها قدرات خارقة في الدلاخه والكماخه وجميع انواع واصناف الغباء تجده فيها، ولا ننسى ان وزارة الزراعة صورت شوشتها كشعار لأسبوع الشجرة...
هواياتها: تربية الحيوانات حيث تستخدم شوشتها في تربية الحيوانات الصغيرة والحشرات الزاحفة.
أبوحصيصه: شايب كبير انتهى به العمر وتقطعت به السبل الى ان اصبح في البيت كأنه تمثال حي، فتارةَ تجده منسدحا على بطنه وتارةَ تجده مستلقيا على ظهره..
هواياته: يدردب ( يشرب كثيرا ) من هاللبن صباح مساء، حتى ان العلماء اكتشفوا بوادر ظهور ديود بقرة فيه.
أم حصيصه:عجوز متصابيه (يعني تسوي حركات بنات) كانت عارضة ازياء في دار فوزياتشي ( لصاحبته فوزية) وأيضاً في دار سان حوران ( لصاحبته حورية )..
هواياتها: تلطخ خشتها بكل انواع الاصباغ والبويات العالمية.
ولاننسى ان بيت ابو دحيم يصيرون جيران بيت ابوحصيصه، كما ان ابو دحيم يمتلك مزرعة على الطريق الدولي.
&&&&&&&&&&&
في الصباح الباكر ومع اصوات زقزقة العصافير وعند بزوغ شمس الصباح وانتشار اشعتها في السماء وتخللها للغيوم >>متعوب عليها
يبدأ المسلسل اليومي لعائلة ابودحيم
فهاهو ابودحيم يوقظ>>يمديكم
دحيماً
ابودحيم: دحيم و صقه.....قم قامت عليك عصاقيلك...
دحيم: هااااااه يبااه؟؟ طيب طيب خل اكمل الحلم بس باقي اخر شي...
ابودحيم: ووجعت(ن) تكسر عظامك...قم للمزرعة كمل شغلك..لأخلي العصا يشتغل على ظهرك...
وبعد طول عناء استيقظ >>ترا اخت يوقط
دحيم ونزل تحت وشاف امه
قالها: صباح الخير يماه..
قالت: هلا والله..صباح النور والاحساس والطيبه>>رايقه العجوز
اقعد وانا امك على بال ما اسويلك الفطور...
بعد شوي نزل ابو دحيم يصارخ: دحييييييييييم وينك يامال اللي ؟؟
قال: انا بالصالة..
ابودحيم: وش تسوي ؟؟.....دحيم: ابد جالس اقلبهن....
قال: قلبك عبد قل آمين مارحت للمزرعة يامال الطاعون..؟؟
بعدها ذهب دحيم للمزرعة وهو مكسور الخاطر ملعون الخيّر...
هذا هو حال بيت ابو دحيم كل صباح.
&&&&&&&&&&
فلنتقل معاً الى بيت ابو حصيصه
في الصباح الباكر ومع اصوات زقزقة العصافير...و...و...الخ الخ ( نفس الصباح حق ابودحيم )
تأتي ام حصيصه وتجر حصيصه مع شوشتها وتسحّب فيها ممرات واسياب البيت الى ان تجدعها في الحمام.. بعدين تجي تسدحها بالصاله وتجيب المكنسة الكهربائية وتجلس تستشور شعرها..وطبعا تتأخر عن المدرسه..
وياويلي ياحصيصه ماعمرها حظرت الثلاث حصص الاولى بسبب كشتها...
بعد ذلك تذهب الى المدرسة شابصة الراس والشعر وتلبس عبايتين وحده لشوشتها والثانيه لها
واحيانا اذا مالقت تاخذ رواق الخيمه وتروح فيه للمدرسة...
وهذا هو حال بيت ابو حصيصه كل صباح
&&&&&&&&&&&&
وفي أحد الايام وبينما اطفال الحارة يلعبون كورة في الخارج اذا بأحدهم يكسر لمبات سور بيت ابودحيم والذي يفصل بيتهم عن بيت ابوحصيصه..
حينها صرخ ابودحيم صرخةً مدويةً: دحييييييييييييييييييييم وصقه رح صلح لمبات السور....
فذهب دحيم وتسلق السور حتى ان رجليه تتدودل ( اي تتدلى ) من جهة بيت ابوحصيصه...
في ذلك الوقت كانت حصيصه مطلعه شوشتها من الشباك علشان يلين شعرها الشابص عقب الاستشوار..
واذا بها ترى سيقان دحيم تلك المكسوة بالشعر الاشقر الخفيف فتقع في قلبها تلك العصاقيل (حب من اول ساق)...
وبالصدفه وفي اليوم التالي تكرر نفس المشهد وكانت حصيصه تراقب سيقان وعصاقيل دحيم وقلبها يخفق وهي مندمجة وهايمة في بحر الخيال...
حتى أنها في أحد الايام في الافطار كانت تغمس شابورة وبقصم فتخيلتها سيقان وعصاقيل دحيم فإذا بها تندمج في الاكل بشراهه فقالت لها امها: وش تسوين ياللي ماتستحين؟؟؟...قالت: يماه احب السيقان...
فصفقتها امها صفقةً(ن) تناثر بسببها نص الكائنات الموجوده في شوشتها...
وأصبحت هي من يكسر لمبات السور ودحيم المسكين كل يوم يغيرها...
الى ان انتبه دحيم في احد الايام الى طرف شوشتها من الشباك فتعلقت في قلبه تلك الشوشة..
وبدا يجدع (يلقي) عليها الحصى كنوع من المغازل وهي تبادله بزبيريات ابوها...
الى ان ذهب الى امه مسرعاً...
يماااااااااااه يمااااااااااااااه....قالت: سم ياوليدي..؟؟ قال: يماه ابي اتزوج من بنت الجيران حصيصه..
فاستبشرت الام خيرا وتشققت خشتها من الوناسة...فذهبت وكلمت ابودحيم الذي ابدى اعجابه وسروره بالفكره...
وقال: خلاص وانا ابوك باتسر(اي في الغد) نروح ونخطبها لك...
.....وجاء باتسر.....
اخذ ابودحيم ابنه دحيم وذهبا الى بيت ابوحصيصه وبعد الانتهاء من الشاهي والقهوه والسواليف البايخة...
قال ابودحيم: انا جايك يبوحصيصه بموضوع...قال: امر...قال: حنا طالبين القرب منكم ونبي ايد بنتك..
قال: وش تبون بيد بنتي..؟؟؟....قال ابودحيم: ابد والله نبيها تغسل المواعين..نبي ايد بنتك يعني نزوجها لدحيم ولدي..
قال: ايييييييه...ياهلا والله ومسهلا هذي الساعة المباركة..
وحنا ماحنا بلاقين احسن من دحيم علم واخلاق وصلاح>>>ايه هين بس
قال: بس هو جامعي..؟؟
قال ابودحيم: ايه هذا هو جاء معي...
قال: وش هي شهاداته...؟؟؟
قال ابودحيم: عنده بكالوريوس في تلقيح وخرف النخل وعنده ياطويل العمر ماجستير في سقي الزرع
وهذاه يحظر دكتوراه في How To Milk A Cow....
قال ابوحصيصه: مشاء الله خلاص نشاور البنت...
راح لحصيصه قال: هاه وش رايك؟
قال حصيصه: اييييه يباه ابيه وابي سيقانه...
وتصفقها امها صفقة(ن) طيحت النص الثاني من الكائنات الموجوده في شوشتها...
وجاء اليوم المنتظر
(( ليلة زواج دحيم وحصيصه ))
وعندما زفوا دحيم لحصيصه وجلسوا في الكوشة بدأ الطقاقات يطقون ويغنون (نفس الطقاقات اللي وصلهم سنفور نحيس)
عقبها استنزل دحيم وبدأ يناقز ويتنكّس في الصاله ورقص مصري وهو رابط الشماغ على خصره
حتى رقصت (على وحده ونص) خلاها (ثنتين ونص)...
المهم خلص الزواج واستانسوا وانبسطوا
وأم حصيصه تدعيلهم يالله يارب تصيرون احسن كابل(zoujain)...
&&&&&&&&&&&&&&
تحذير:
&&&&&&&&&&&&&&&
ليلة الدخلة
مـــــــشــــــــفر؟؟؟؟؟؟!!!!!!!
راح دحيم لابوه قال: يباه....قال: وحطبه وش تبي..؟؟<<<مثل ابوي اذا طلبت منه شي
زواج زوجناك وش تبي بعد؟؟....قال: لا بس يباه نبي نروح لندن شهر عسل..
قال ابودحيم: وشو..؟؟
دندن..؟؟ اييييه تروح مع ذنبي..مابقا الا انت تروح تدندن هناك...
رح وانا ابوك المزرعه وتسدح انت وهالمهبوله هناك وفكنا من شرك...
وذهب دحيم الى المزرعة مكسور الخاطر كالعادة...
وفي جوٍ من الرومانسية مع زوجته حصيصه وهما في المزرعة وحدهما...
ومع اصوات الابقار ونهيق الحمير وصهيل الخيول ورائحة الخرفان...
بدأ دحيم وحصيصه يلعبون غميمه وانوار المزرعة كانت مصكرةً
حتى في النهاية تعب دحيم وداخ ونام...
يوم قام الصبح وأثره نايم تحت ديد البقره وهو مبسوط بالليل على باله انها حصيصه...
&&&&&&&&&
على طاري البقره
في بقره كل ماجاء راعيها يحلبها رفسته...راح للقاضي وشكاها
جاء القاضي وناداها.. قال انتي ليش كل ماحلبوك رفستيهم..؟؟
قالت: ترضى واحد يلمس ديودك ياخي..؟؟
&&&&&&&&&
ومرت الايام والشهور والسنين
وهم احسن كابل على قولة ام حصيصه
وبعد خمس سنوات من الزواج
ام دحيم: حصيصه تعالي وانا خالتس ( خالتكي)...
حصيصه تركض جايه من المطبخ هي وشوشتها..
حصيصه: نعم ياخاله...قالت: وراكم ماجبتوا عيال الى الحين عسا ماشر..؟؟
حصيصه مستحيه: والله ياخاله مدري وهجت للمطبخ...
ام دحيم: دحيييم وانا امك تعال..
دحيم: نعم يماه..؟؟....قالت: وراكم ماجبتوا عيال الى الحين...؟؟؟
دحيم: يماه تونا...قالت: وش توكم.. ترا لكم خمس سنين الحين.. انت تعرف تجيب عيال..؟؟
مـــــشــــــفر !!!!!
...انتهى...
قام بأداء الادوار
The Cast
دحيم: توم كروز
حصيصه: سنفوره من السنافر
ابودحيم: دليقان عبد الصمد
ام دحيم: عشبه
ابوحصيصه: شنتر بن عداد
ام حصيصه: هوت تشوكلت
الدكتور: كرتون اندومي
بقرة المزرعة: عنز حقت بدوية تربي غنم< تجيد تقليد دور البقره>
تم التصوير في استوديوهات هوليوود فرع حائل – صديان
خلف دوار الساعة
***********
مايستفاد من القصة<الزبده>
1- اذا وصلك ايميل من سنفور طيار على طول امسحه خصوصا اذا كنت مراهق. >>> خلاص شفرنا المقطع هذا
2- الحب كالسلاح اما ان تصيد به او تجرح به نفسك <<< مرفع
3- لاتحزن على مافات....فالخبز يتفتت الى فتات.
4- استعمل الشموع والسهاريات في غرفة النوم خصوصا اذا كنت متزوج.
5- مجموع القوى الخارجة يساوي مجموع القوى الداخله>>>>. قانون نيوتن الثاني
6- تأكد من الغرفة قبل الدخول من الباب.
تأليف واخراج وسيناريو وحوار
المنسي....>تعباااااااااااان اه >> من قلب
ملاحظه / اللى يبغي يفك التشفيره ،، يقراء مايستفاد من القصه رقم خمسه ويطبقها على القصه وينفك التشفير.
دحـيـــم و حصيصه قصه من الباديه !!!
العرض العادي
