الصدفه اللي جمعتنا على خير
مدري وش اللي يحصل ان فرقتنا
لكن امانه لاعصتنا المقادير
وظروفنا عن جمعنا شتتتنا
صوني جنابك عن جميع المحاذير
حسب السلوم اللي علاها نبتنا
وتجلدي بالصبر ياانقى الغنادير
كان الليالي للجفيا حدتنا
واخذي حسابك لليالي المعاسير
لاسنت رماح القضا وانحرتنا
قصر الهنا دونه تدق المسامير
مع كل بوابه نجي قابلتنا
والوقت عيى لايجيب التباشير
وايامنا لو ودها قربتنا
كنت احلم اعوضبك كل المخاسير
مير الحظوظ اقفت وعنها حدتنا
بحر الحياه اغرق جميع البوابير
ولا عاد باقي غير نبض افئدتنا
.
.
.
.
.
.
العرض العادي
