في الحقيقة حاب اقص عليكم حكايتي مع سمك القرش ...
في يوم من الايام نزلت الحريضة كنت ابي اتمشى واتسبح واشم هوا وحمام شمسي وحركات كنت ابي خوي
معي بس ماش كلهم مشغولين اللي معزوم واللي عنده اختبار واللي واللي .... المهم اخذت العفش والعدة وشلتهم انا
بنفسي العدة هي الاتي : ( خيمة , مركى , سيكل مقاس 20 , كمبيوتر, فحم , حافظة قهوة , وحافظة شاي ( كتبت على
حافظة الشاي لولاك ياسكر ما شربتك يالشاي لاجل لا يتغلى علينا الشاي ) , جوال , سروال سباحة , كورة ,
منوبولي ... الخ الخ الخ طبعا كل ذا انا شايله ورا ظهري ما كان معي سيارة كان فيها خراب في الكهربا وديتها جاوه يزبطه ...
المهم وصلت الحريضه ووصلت البحر نزلت عفشي ونزلت الخيمة ونصبت الخيمة وكان الوقت عالمغرب ... صليت
المغرب والعشا جمع وقصر ... جا الظلام قمت شبيت النار وكل ما شاب الا وتجي موجة قوية وتطفي النار كل ما
اشب تجي موجه وتطفيها مع ان الجو كان معتدل وما كان فيه رياح ولا شي استغربت انا المهم تركتها ودخلت
الخيمة لعبت منوبولي لحالي ولعبت ورق بس طشت قلت ياولد والله ما حقها الا النت ... رحت جبت الكمبيوتر
وشغلته ودخلت (((( منتدى الود )))) وفليت امها قعدت ليين الفجر ... صليت الفجر ونمت ووقت على اني اقوم الساعة 8
الصباح .. المهم ما قمت الا الساعة 9 ونص استغربت قمت اشوف الجوال الا هو مغير في توقيته قلت يمكن من
السهر ما دريت قمت افطر وشربت شاي من حافظة ( لولاك ياسكر ) ولبست الشورت ونزلت للبحر ما امداني اقول
بسم الله الا وذاك واشوف واحد بيغرق قمت انا ومسوي نفسي سوبر مان ابي انقضه واطمر في البحر الا وهو قرش
ماسك عصا وحاط اعلاه يد انسان ..
قلت للقرش خخخخخخخخخخخ الله يرجك وش ذي المزحه قال تعرفني لاجل
امزح معك ؟ قلت افاااا وش دعوا اخوي اخويا قال بلا اخويا بلا هم وترا انا اللي كنت اطفي النار امس وانا اللي
غيرت توقيت الساعة ... قلت ليه ( وكنت معصب ) قال مزاج قلت خلاص بابا عيب روح عند ابوك قال اقول اذلف
بس .. قلت له ياديين محمد هيا فكنا وربي لو عصبت راح تندم .. قال يمه خوفتني الحقوني ياقروش الحقوني
يمه ( يقولها بكل استهزاء ... هو قالها وللا ما قالها مسكته مع زعنفته واعطيته هد على جبهته الا وهو دايخ اخوه
كان معه هرب عند ابوه وقله قال ابوه ليه ما فزعت مع اخوك قال والله ما اقدر مركب تركيبة اسنان تعبان
والله ...
تركته ورجعت الا واقابل اخوياه قالوا وش فيك عليه قلت هو بدا والله.. واحد منهم يقولها وهو
ماسك خيط ويخلل اسنانه ( يصرف هو ووجهه )
غلط علي وانا ما ادري سرقوا على الكمبيوتر .. وش صار طلع القروش اخوياه ما همهم القرش اللي ضربته همهم
يشغلوني ويتركون الدلفين يسرق ( مسكين الدلفين مأدب ومحترم لكن دشروه عيال البحار ( عيال الشوارع ) ..
المهم اخذت السيكل واطمر في البحر وألحقهم وأمسك الدلفين الا وهو يبكي يقول والله مو أنا هم الي قالوا لي
اسرقه طبعا الدلفين يترجاني يقول تكفى لا تضربني انا مسكته من اذنه وقلت له وين الكمبيوتر قال تلاقيه عند
مسبح ابو القرش اللي ضربته المهم رحت مسبح ابو القرش اللي كان يهايط علي قال ليه ضربت الولد قلت والله
ياوالد هو اللي بدا علي قال الله يقلعك ولعني وتفل في وجهي انا طرطعت مسكته وغرقته في المسبح واغرقه
واغرقه لييين مات طبعا وانا اغرقه كان فيه قروش يشتغلون بحفريات بالبحر واحد منهم يقول الله يستر وش اللي صاير فوق عند مسبح ( الشيخ مقرش ) ؟
وأخذت الكمبيوتر ومشيت وقلت ابوها تمشية على ابوها رحلة واخذت الاغراض والعفش وطلعت أبها ورجعت للبيت
منقوووووووووووووووول
العرض العادي
