تابع
[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=" glow(color=white,strength=5)"]
لا تكتم اسرار الغلا ما بقي اسرار = كل عرف من عيني انك حبيبي
لك صورة ما تختفي وسط الانظار = ترقد على حضن الهدب ما تغيبي
يا غيمة اشواق الوله عطر الازهار = الجرح في قربك حبيبي يطيبني
…………..
اشتقت لايامك و جيت انشد الوقت = وين الحبيب و ضحكته و امسايته
ليته يوسع خاطري لا تضايقت = مثل الكفيف ان قربوا له عصاته
ما هى زعل لاشفت وجهك و دنقت = العين تخفي عن نظرك عبراته
…………..
من يقول اني بنسيانك نويت = وان تناسيتك يذكرني التعب
مستحيل انساك لو حتى قويت = وان قويت نسيانك صعب
في دقايق غيبتك ياما بكيت = ياما لعيونك تجاهلت العجب
كنت ادور فيك عيب وما لقيت = وان لقيت العيب يعجبني عجب
**********************************
امانه الله عليك ان غبت عن عيني = لا يصير قلبك مثل قلب البشر جافي
مع كل دمعه تذكر عشرة سنيني = ومع كل بسمة تذكر قلبي الغافي
الهم .. لحظة انك تخليني = واقولك ترى الهم زايل ما دمت لي وافي..
............
أشره عليك وتحسب إني مجافيك وأغيب عنك وتحسب إنه تغلي ...
ما هو جفى يا صاحبي يوم ما أجيك مالي بغيرك يابعد كل من لي ...
لاوالذي سواك محد يجاريك غلاك ما خلا لغيرك محلي ...
........
يهزني الشوق و روحي تناجيك = تسيرنيٍ على اللي يوده مزاجك
هذا أنا قلتها عسى ربي يخليك = حطني على درب ألوفا, تاجـــك
..........
تخيل
لوتفارقنا .. وعشنا في هوانا اغراب
لو تناسيتك .. وقلبك صار ناسيني
لو تباعدنا..وكل شوق جمعنا ذاب
تخيل
ويش يصير الحال مابينك ..ومابيني
تخيل
لوخلا هالكون ..ولا يسكن ثراه احباب
تخيل
لوتجي صدفه ..عيونك يوم في عيني
حبيبي
للوصل سبه .. وللفرقى .. كثير اسباب
وانا صابر على ظلمك.. وجرحك صار ..مشقيني
تخيل
لوجرحتك يوم .. وجرحك بالهوى..ما طاب
لو تدورني.. تبيني.. ماتلا قيني
تبي .. تبكي ..تبي.. تشكي
تبيني .. والأمل بغياب
صرخت بصوتك العالي
من الضيقة .. تناديني
.. تخيل ..
........
أنا الذي من شوف الأحباب محروم،، = والله يكافي شر زلات الأقـــــــــدام...
قبل أمس مع حبيبي سواليف وعلوم،، = واليوم تطويني هـــواجيـــس وأوهــــام...
أضحك ضحى أمس وأبكي ضحى اليوم،، = <<يا سرع دورات الليالي والأيام>>
......................
صحيح انك معي غالي وتملك قلبي ووده = صحيح انك أمل عمري واحبك حب ماله حدود
وانته الحب تدري به وتعرف جزره ومدَّه = يفوق الوصف والمعنى وشعري والحروف شهود
......................
صورتك في قلبي وفي ناظر العين = عيني تشاهدها على كل لوقات
حبك تملَّكني من سنين وسنين = ما غيّره صرف الزمن والمسافات
......................
أرقب وصالك كل ساعه وكل حين = يا من ملكت الروح والقلب بِسْكاتْ
حزت الغلا والحب بالطيب والزين = واصبحت وحدك مالك القلب والذات
......................
عطني غلا واعطيك عمري وحالي = حبٍ مخلّد ما حلم فيه مخلوق
يا شاغل احساسي وعمري وخيالي = يا من لقلبي بلسم الجرح والعوق
......................
[/poet]
العرض العادي
