ينتهي الليل وينعاد
والقمر يكتب لي موت وميلاد
والسؤال من عيني لعينها
ليه ناويه البعاد
في عيونها غموض والشفايف صابها السكون
حاولت تحبس الدمع و ما طاوعتها العيون
انزلت على الخد ثلاث دمعات
لاهي حزن ولا هي فرح
كل دمعه اسمع صداها آهات
مع برد الشتاء
اثر كل دمعه على الخد جرح
أول مره أعجز أقرأ عيونها
ما أذكر أني أحترت في دموعها
ناظرت الدمعه الأولى منتظر منها الجواب
وعيني تكرر سؤالها ليه ناويه البعاد
قالت يالمسكين انا دمعة غدر
اعتبر غدري عليك حكم القدر
قلت ما أصدق من حبيبي الغدر
اللي زرع الوفا ورود وشجر
ما أصدقك...... لا ما أصدقك........ ما أحد(ن) يغدر باللي يحب
وارحل من دمعة هدب لدمعة هدب
مسافه طويله ومع كل خطوه جرح وندب
جيت الدمعه الثانيه
وجروحي من الأولى داميه
منتظر اجابه لحيرتي وافيه
ليه ناويه البعاد
قالت أنا دمعه بثوب الحزن من داخلي ساخره
اضحك على اللي عيونه بالليل ساهره
أكذبك يالدمعه الساخره
ما أصدقك.....لا ما أصدقك ........... ما أحد(ن) يلعب باللي يحب
و أرحل من دمعة هدب لدمعة هدب
المسافه تطول ومع كل خطوه جرح وندب
جيتك يالدمعه الاخيره
لك خذتني خطوتي الاخيره
أقتلي فيني الحيره
ليه ناويه البعاد
قالت صدقني انا
أنا دمعة جرح ذبحها العنا
حبك بين ضلوعي انبنا
لكن الضروف ضدنا
برحل وانت حبي و حبك أنا
ما أصدقك ....... لا ما أصدقك ...... ما أحد(ن) يرحل عن اللي يحب
جف دمعها و أبتدأ دمعي
والحيره زاد بعدها أبعاد
والسؤال بعد صداه بسمعي
ليه ناويه البعاد
العرض العادي
