قلوب مهجوره

؟ فلسفة شاعر ؟ · 22-07-2009, 11:27 PM

صباح الخير يا غايب عن عيوني كثر ماغليك

صباح الغصن واطياره ربيع وارض ممطوره

صباح الخير كثر ما هجرتني وانا ابيك

صباح(ن) ما يليـــــــــق الا بطلتك وحظوره

صباح الجوري اللي ذبل من تجـــافيك

فقد لونه على هجرك فقد روعة عطوره

صحيت اليوم من نومي وفجأه مرني طاريك

وعلى الذكرى جلست ابكي حزين وفاقد شعوره

تذكرت الزمان اللي رحل يومه جمعني فيك

وليال الصيف والنسمه وقمرها ساطع(ن) نوره

وهبتك خافق(ن) ينبض على حبك تغذى فيك

وضميتك بوجداني مثل برواز للصوره

حرمت عيون لعيونك لجل حب(ن)خدعني فيك

وعطيتك عالمي كله ورضيت امرك ودستوره

حسبت اني وسط قلبك تمناني مثل ماغليك

ونسيت انك وهم كاذب غيابه يشبه حظوره

تطمن عشت من بعدك ولاني بالهوى راجيك

شموخي وعزتي ترفض انادي قلوب مهجوره

..... هذه الابيات من اغلى قصايدي واتمنى ان تنول اعجابكم ورضاكم ...... وسلامتكم

علي اليافعي · 22-07-2009, 11:58 PM

قصيدة في منتهى الروعه
تستحق الغلا لأنها مصاغة من المعدن النفيس صح الله لسانك ودمت بود

؟ فلسفة شاعر ؟ · 23-07-2009, 12:03 AM

تسسسسسسسسسسلم يا علي اليافعي واشكرك على مرورك اللذي عطر متصفحي

العضو العضو · 23-07-2009, 12:53 AM

تطمن عشت من بعدك ولاني بالهوى راجيك

شموخي وعزتي ترفض انادي قلوب مهجوره
يعطيك العافية أحساس صادق لوماترجيه ماتذكره وتقول فيه هالأبيات

العـ راعي ـليا · 23-07-2009, 05:27 AM

صح الساانك ولا هنت

وحيّااك الله معنا بالود على الرحبِ والسعه ..

وااافيه من راااس وااافي لا عدمناك .

ننتظر الجديد ..فلا تُطِيل .

تقبل تحيّتي وتوااضع مروري .

دمت بوود ‘