00000000 جــنــون شـــاعــــر 0000000
طلب مني شخص 00 قافيه معينه 0 وهي الالف والتاء مربوطه بالالف والواو والياء0
من باب التحدي00 من باب التعجيز00 من باب المزح 00000000
و لا أستطيع ذكر أسمه 0 بناً على رغبته 0
المهم أنا رديت عليه بهذه الابيات المتواضعه أضعها بين أيديكم 0
وهي للمعاني أكثر من أي شي 000
الفكره المبهمه 00 ثم التحدي 00 ثم الفخر 00 ثم عزه النفس 00
[poet font="Tahoma,4,white,bold,normal" bkcolor="black" bkimage="backgrounds/2.gif" border="solid,7,white" type=0 line=200% align=center use=ex length=0 char="" num="0,black" filter=""]
لا جيت أبقهر علتي تفزع الذات=وإن جيت أبفضح فكرتي شفت غاوي
أدخل على الله من تفاسير الابيات=لامن قراها إن العماوي عماوي
كلمة قفى يركض بها كل شمات=يفرح لها راعي الحكي والحزاوي
حسب أعتقاده يجرح الحس لا مات=غير الخلا يا مبلشة كل غاوي
ومن لا تجي له جحتة بالسهلات=ينزح وراه ولا يذوق المناوي
ومن لا تعلم في حياته بما فات=ماعاد ينفع فيه طبٍٍ مداوي
ومن لا يوفق في المحاري والازمات=والله ما أعده لي رفيقٍ مخاوي
ولولاي أسج الرجل في بعض الاوقات=وآساير عنآوقتي وأسج الخطاوي
وأخذت من وقتي تجارب وعبرات=وماني من طعون الزمان متشاوي
وأشوف أنا في تالي الوقت ميلات=والوقت لا من شان ما هوب ياوي
هذي صروف الوقت روحه وجيات=وأقدارها حطت على الكبد لاوي
راعتني الدنيا على حين غرات=وقد قالها قبلي بخيت العطاوي
وش عاد لو جارت على بعض الاوقات=و وش عاد لو راحت حياتي فداوي
أثبت ليا كثرت علي المهمات=وأصبر على جور الزمن والبلاوي
وأرسي كما ترسي السفن في المحيطات=وأشهر كما الحر العديم النداوي
وأرقى على روس الطوال المنيفات=ومن يعشق العليا يدوس المهاوي
ولا أنثني وقت اللقاء والملمات=وماأذل لو كثرت على الدعاوي
أنا من اللي مجدهم باالسجلات=ستر العذارى مزبنين الجلاوي
عجمان يوم إن الحرايب ملاقات=يوم الجهل نعمي العيون ونداوي
لاجاء نهارٍ فيه هوشه وهدات=بأسيوفنا تفري اللحم والكلاوي
لا طوحن بيض العذارى بالاصوات=نطعن لعينا لابسات الغطاوي
يشهد لنا في ماضي الوقت وقفات=نارد حياض الموت هي والحراوي
ويشهد لنا تاريخنا بالبطولات=أهل العزاوي مبعدين الهقاوي
ونعم في كل القبايل والاجات=مجال التفاخر بالفعل والحماوي
والحر يفهم لو برمز ألاشارات=وكلٍ على ماقيل عنده عزاوي
والمرجله قولٍ وفعلٍ وصملات=تبغى لها قرمٍ بعيد الهقاوي
والذيب ما يسرح مع العنز والشاة=والحر حر وألا الغطاوي غطاوي
والمزح له حزه وللجد حزات=ولا ألتفت في أهل الحكي والحكاوي
والصمت حكمه بس في بعض الاوقات=مرٍ أكحلها ومرٍ أداوي
وألا لو أبغى فيك جبت المطمات=وأنزحك مثل الغريب الخلاوي
وأعرف ترى ما هيب دومٍ سلامات=يانجم ياللي في دجى الليل ضاوي
وأحذر ترى ما قدمك ألا المتهات=وأفهم ترى ماانتب على اللعب قاوي
قلته وأنا شاعر معي صك وأثبات=وأنا على بدع المثايل هواوي
ماأتعب على وزن القصايد والابيات=أعزف على حروفي لحون وغناوي
أعدها مثل الذهب والجنيهات=وأصيغها صوغ الخطب والفتاوي
تجي معي دايم واذا يوم ما جات=كتبت للبيوت القصايد نعاوي
والشعر لي كيفٍ وللكيف لذات=ماهوب كيف أهل الحكي والقهاوي
أصخًره ساعاتٍ واطًوعه ساعات=وأدلعه مثل الهنوف السحاوي
كيفي وأنا بندر من الجزل مشهات=الشعر مغرم بي وأنا فيه هاوي
ولامن غشتني نفحة الشعر ماابات=أسري مع حروفي وحيدٍ خلاوي
لاشك وين الصبر هيهات هيهات=والله يعينك يالخفوق الشقاوي
صغت المشاعر بالقصايد والابيات=وأنا علي بشتٍ طويلٍ حساوي
[/poet]
العرض العادي
