آواه ياهم سكـن بيـن الأضـلاع
حالي عليل وداخل القلـب صالـي
ياشين فرقى اللي تعـزه ياهـزاع
ياصعبهـا تنسـاه وهـذا محالـي
قالوا توفى والخبـر بيننـا شـاع
ضاق الفضا والدمع من عيني سالي
مرحوم ياللـي قـد دفنـاه بالقـاع
في وسط قبر مابـه أيـات والـي
فرقى حمد زود همومي والأوجـاع
وآشيب عين اللي فقد عـز غالـي
حق علينا الموت ولانـي بجـزاع
وأمنت بالـرب العزيـز الجلالـي
بشوش في وجهك وسمح بالأطباع
تجلى في شوفك كل ذيـك الليالـي
حبك سطى في خافق حيـل ملتـاع
يصعب مع الأيام يمحـى ويزالـي
يالله عسى ملفـاك جنـات وسـاع
في وسط فردوس عساها المئالـي
بذكرك لين النفس للموت تنصـاع
وصورتك دايـم ماتفـارق خيالـي
العرض العادي
