البوفيه

[جوال بدون شريحة]

السلام عليكم ورحمة الله وبركاته

حياكم الله نفر نفر

بس لحظة اصبرو شوي خلوني افرش السجاد الاحمر واجيب دهن العود



المهم انتم مصممين تسمعون السالفة ولا براحتي

لان اصابعس عسى الله يسلمكم متعنفطة ومايلة من كثر ماكنت احاول استخراج شي سقط في خشمي
ولي ساعة وانا احاول استخارجه ولكن كل المحاولات بائت بالفشل الفاشل

ولذلك انا عارف ان فيه واحد فيكم مو مقصر بيجي ويعاونني على خشمي

بس من هو ياترى اللي بيكون قدها وقدود وبيصفق صدره ويقول انا لها وانا اخو شيخة

<<<<<<< قلب الروم مهايط

المهم المهم لاتشرهون علي الدعوة على ماقالو مزوح تجي وتروح

عموما في احد الايام بينما كنت ذاهبا الى المدرسة وبعد اكل وجبة الاطفار مع الاخوياء وصقيقي الموقر ابو داحم

والفطور كان يتكون كبدة وتحمل 43252 سعرة حرارية

وبيض مقلي بالشطة والجبن ويحمل 34214 سعرة حراية وهو مفيد للصحة جدا

خصوصا لاصحاب ضرس المراهقة

المهم مالكم بالطويلة

قال لي ابو داحم وحنا بالوفيه ها جوال ماشبعت وانا اخوك قم مشينا ورانا استاذ مدحت يحترينا

<<<<<< يحتريكم والله لو انكم مخترعين نظرية فيثاغورس

المهم انا ماكان ودي اعطل صقيقي عن دراسته فقلت قمزنا

وطلعنا من البوفية ومادرينا الا هذيك الصرخة اللي اهتزت لها جنبات المكان وكأنما صاروخ ديسكفري يخترق طبلات اذانينا

وكان راعي البوفية شفيق يقول الحسااااااااااااااااااااااااااااااااااااب

طبعا مثل العادة سجل بالدفتر ياشفيق وانا اوعدك ان شالله بماكينة بروستد جديدة اول ماينزل الراتب

<<<<<<<<< جوال انت تو ماكنت تقول انك رايح المدرسة وش جاب الراتب

مالكم بالطويلة الهندي وصرفناه باحدى الطرق اللي قام خويي الفطين ابو داحم باختراعها وكان قاص احد اظافره وحاطها في سندوشت البيض حقتي

قال لشفيق : افا والله ياشفيق حاط اضفرك وحنا حاطين كاملة ثقتنا العمياء فيك ونحسب اننا نتغدى في بوفية زي الناس والعالم واثاريك بدال ماتقطع لنا طماط تقطع لنا اظافر

<<<<<<<< جوال معليش اسمعني بس انت تقول فطور وش جاب الغدا

المهم

وطلعنا من البوفية بعد هواش دام لمدة ربع ساعة من الصراخ والطقاق والمطاقق

وحنا في الطريق على سيارة ابو داحم الدتسن غمارة

قال لي الا ياجوال انا عندي سر ودي اقوله بس اني خايف انك تفضحني

قلت ابد يابوداحم هات اللي عندك خويك ذيب واعتبر من يوم افتح باب الدتسن بيطير الكلام

وماعاد اذكره

يعني سرك في بير بس اخلص علي تكفى وش عندك

قال لي خويتي نورة امس اتصلت علي وتقول لي اشحن لي دحومي

وانا صراحة محتار بين امري وكأنما على راسي طير وابي رايك يالصقيق الوفي

انا حسيت بكلامه كأنه يقول جوال معك سلف خمسين ريال لانه لو بيرفعني فوق وينفضني نفض
مالقى معي ولا خمس ريال

المهم قلت يابوداحم يقولون الثقل هيبة بعدين ترى اول من عرفت خشتك وانت مغير ذابحني

يامتعرف على هدي ياعلى حصة ياعلى مشاعل ولا عمري سمعتك تقول لي دقت علي فلانة

خذها كلمة قالها جوال واعتبرها حكمة وانا عمك

(( في هذه الاثناء ترسم الفرشاة زبيرية احدى لوحتاتها على وجنتي من يد ابوداحم ماشيتا مليونين من الكيلو مترات))

انا صراحة ماكان ودي اخرب علاقتي مع دحيم لاني عجزان صراحة اتزاعل معه ويقطني في نص الطريق ويقول كملها مشي وخل عمامتك تنفعك

وصلنا للمدرسة وطبعا بعد ماتاخذ لك اثنين عصا سفري في يدك وكم تفلة ونعلة ساقطة سهوا على راسك
ولا على ظهرك

قال لي دحيم اصبر خلنا نروح الحمام وانتم بكرامة نبي نشيك على اللوك

انا وقتها كنت ابذل قصارى جهدي لمعرفة كلمة لوك لكن بلا جدى ولاحياة لمن تنادي

وماكان ودي اسال ابودحام عن معناها لاني ماودي اتفشل

وكان ابوداحم دايم يسئلني جوال انت بالضبط ليش عايش

اكتفيت بالسكوت لان سؤاله كان في محله

دخل علينا المرشد ومسكني في زاوية ويقول لي جوال اعترف انا اعرفك زين طبخ يدي

وش قاعدين تسوون بالحمام لحالكم


قمت اطقطها له حلوف اني كنت اشوف اللوك حقي وبضبط اموري عشان اقابل المدرس بشكل حلو

قال طيب اصبر شوي ويمسك ابو داحم ويقول له وش سويت مع جوال

وهو الثاني مسيكين ماقدر يمسك دموعه

لكن كنت احمد ربي انه صاح لان السبب في خروجنا من هالمأزق المكار هو دموع ابوداحم

دخلنا الصف وسلمنا والمدرس بصوته المليء بالرعب والوحشية

قت لك نيلة انت وهو متأخرين ليه

اصلك حشرة يازفت الطينة اخس تفي على وقهك ياملعون الصلايب
انسبر انت وهو يالله ومش حسئلك عن الواقب لاني عارف حضرتكم مكتسبين خبرة اربع سنين ومش في حاقة المزاكرة


قعدنا انا وابوداحم وبراء الاطفال تعتري وجوهنا وهو يسألني بكل براء جوال ياخي حنا وش مسوين بدنيانا

يعلن المدرس عن اطلاق مساحة ثقيلة النوع في متوسط وجه ابو داحم حيث وضعت في وجهه علامة

تؤكد وصول المساحة بسلام الى وجه ابوداحم



هذا حال بعض الطلاب في بلدنا بس حبيت اجيبها بطريقة حلوة وطريفة

<<<< اي حلوة واي طريفة انثبر في الزاوية بس

اتمنى لو تعطونا رايكم لانها بالنسبة لي مرآة تعكس لي مقدار ماامتلكه من موهبة

##تنبيه بسيبط## اللي بيجامل لايكتب لي شي لاني بجد ابي اراء صريحة


جمتم ولاهنتم

عافاكم جميعا


استغفر الله واتوب اليه

[nada]

<<<< ماكسر خاطرها الا شفيق و دفتره

خلاص بسدد عنكم


ياهلا و مرحبا فيك ... و الف شكر على المشاركه

[جوال بدون شريحة]

هلا ندى هلا هلا كلولولولولولولولولولولولوش اخيرا احد رد

شكرا على مرورك الكريم ولو اني مااخذت رايك لكن حياك الله


الف شكر وتقدير


استغفر الله واتوب اليه

[ميــ قمر14ــشو]

ههههههههههههههههههه
ههههههههههههههههههه
ههههههههههههههههههه


من جد هذا حال بعض الطلاب عندنا ,,, بس تدري جوال لو تفطر صبة أحلى ,,, تعطيك تسطيلة ما بعدها تسطيلة ,,, تفطر من هنا وتروح تدقها نومة على الطاولات على طوووول



بس تعال اعترف وش كنتوا تسوون بالحمام انت وأبو داحم




مشكووور أخووووي على هالموضوع الجميل ,,, والموضوع جميل جدا وهادف وأسلوب طرحه حلو ومرح ,,, الموضوع للتثبيت ,,, وننتظر جديدك ,,,

[ركود ركود الزعيم موجود]

مشكووور اخوي واللة يعطيك العافية.

[جوال بدون شريحة]

ياهلااااااا فيكم ويامسهلااااااا

شرفتونا وانورتونا

ياهلا ياهلا نوركم طفى الكهرباء

<<<<<< صدز من قال انك تسذوب يالعيار


حياكم الله جميعا ولاهنتو عافاكم


استغفر الله واتوب اليه

[عشوٍق الوٍد]

يعطيك العااافيه على المووضووعـ

تحياتي واشواقي

عشوق الود

[سلــggggم]

مشكوووووووووووووور اخوي على البدايه المضحكه وننتظر المزيد والمضحك

[جوال بدون شريحة]

سلوم وعشوق الود

ماعلمتوني انكم بتجون كان جبت الكوفي ميت وقمنا بالواجب

<<<<<< اكتب ردك وانثبر ولايكثر

شكرا على مروركم الكريم المليئ بالعطر الكمبودي الذي كل مادخلت هالصفحة

عجت رائحته في انفي وخشمي

لاهنتو ويعطيكم العافية

استغفر الله واتوب اليه