ياصاحبي جيتك ..

[نوره بنت الزلفي]

قصيده عاطفيه بسيطه ,, لعلها انشاء الله ترتقي لذائقتكم الادبيه ..
/
/
/
/

ياصاحبي جيتك من النقص والزود ..//.. لا والله إلا من ورى الخشم جيتك
,,,,
بامر الغلا يالغالـي تقودني قود ..//.. دايـم وانا عيني على باب بيتك
,,,,
ذاب الكحل من دمعـة عيوني السود ..//.. ودايم وانا مابين ليتك وليتك
,,,,
ليتك تشوف دموعي وليتك تعود ..//.. وليتك تقّدر رجوتي لأ رجيـتك
,,,,
ويآما ويآما رآحت عهودِ وعهود ..//.. يآكيف تنسـاني وانا مانسيتك
,,,,
ياما كتبتك لأعذب الشعرِ مقصود ..//.. وياما على بيض الدفاتر بكيتك
,,,,
وياما تبعت آلشوقِ لآهبت النـود..//.. ويامـا على ريح الهبايب شكيتك
,,,,
أشتقت لك لين اصبح الشوق بآرود ..//.. شب فخفى قلبي وانـا مالقيتك
,,,,
وينك ترى قلبي من البعد مضهود ..//.. سريـت عني للغياب وسريتك
,,,,
جف الحبر والشوق باقي وموجود ..//.. وانقلبت الصفحه وانا ماسليتك
,,,,
اسمَع صدى صوت وتناهيد ورعود ..//.. ليش افقدك ياصاحبـي لأبغيتك
,,,,
زرعت لك في عآلم احساسي اورود ..//.. واسقيتها دمع البكا واحتريتك
,,,,
بالله ترجع مابقى حبر وصمود..//.. حتى الورق يشتاقلك لادعيـتك
/
/
/
/

بقلم اختكم .. نوره