..هم‘ ـيِ دمع‘ ـة اميُ..

[آنِفَـ'ـآِسْ حِ'ـزْيِنةُِ... ™]

**


يالورق والحبر لا - لا تشتكي من ثقل دمي
المشاعر تلحق الهاجس وعجزت لا تديـره

كلما سطرت مابي عالورق ما شـال همـي
لين صيرت الورق والحبر في حاله خطيـره

أكتب الكلمه وأشطبها وينشف - ريق فمـي
ما وصلت بفكرتي للـي تكـن المستديـره

لا متى والهم يحكمني وكنـه صـار عمـي
أنحني له مثل منهو يشتكي سلطـة مديـره

في زمانٍ ما يقدر عزتي وأجحـف بظلمـي
ما عطاني غير شينه والخبيث ينـال خيـره

قمت أحسبها يمين ، يسار وأحكمها وأسمي
ما أبي عقل الرزين يثور ويشيّـن مسيـره

أثرني ياقدرة الله غارقٍ فـي وسـط يمـي
يطرق الموال في جوف الزمن ويدق زيـره

يبتسم وقتي بناب الذيـب وعيونـه بكمـي
إن عطيته صار واجب وإن بخلت أكبر كبيره

ما عطيته غير طيبي والقضا جاني بسمـي
نسي وقفاتي وبعد الكسـر وجـه بالجبيـره

ما تحملت الشتات اللي نثرنـي قبـل لمـي
قلت با لم الشتات اللي غدا فقـده مصيـره

أثر صكات الزمن لو جات خصت ما تعمـي
تحني الرجال حتى يذوق لوعـات السعيـره

أدري إن الموت راحه بس همي دمعة امـي
يوم تذرفها بعد موتي وتسقـي كـل ديـره

قلت بأشطب ما كتبته عالورق وإن ثقل دمي
فأستبيحك ياورق وأوعدك ذي المره لأخيره


*{شعر سعيد شايع الشواطي}


تحياااتي لكم..


همي دمعة امي..