في حضرتك كني مدينه بها ناس
وفي غيبتك كني بليا مدينه
حلم الوصال أشعل على الشاطي احساس
وريح الحضور أزكى من الياسمينه
يوم الفراق أقسى من الهم والياس
حزنٍ يكابدني ليالي سنينه
قربك يسليني بلا حد وأقياس
وبعدك يزلزني بوقته وحينه
شربت بحر الشوق كاس على كاس
وأشعلت مابين الضلوع المتينه
وثارت لك الاشواق بالشعر هوجاس
أرسم لآمالي معاني ثمينه
أحيان ياتيني للأفراح نسناس
وأحيان أبات الليل روحي حزينه
بيت الغلا باني جداره على ساس
بالعز والاخلاص ماهو بطينه
وباب الأمل مفتوح من غير حراس
وبدر الدجى نوّر دروبي جبينه
كان البحر يعلو على كل غطاس
الريح ما تعكس مسار السفينه
هذي حقائق واقعي صوت وانفاس
أظهرتها من بعد كانت دفينه
وأسمعتها حي على كل الأجناس
موت القهر من لا تُجمل يمينه
ياللي حضوره فيه ميزه عن الناس
مدينةٍ تسعد وتشقى مدينه
العرض العادي
