اسعد جميع اوقاتكم بكل خير تاخذنا الدنيا بمشاغلها ونعود للود اتمنى ان يكون الجميع بصحه وفرحه وعافيه
مشاركه بسيطه اصافحكم بها بعد الانقطاع واتمنى ان تحوز على رضاكم ولكم الشكر مسبقا
التنسيق ابي العذر منكم لانه ما يتنسق وعسا المشرفين يشوفون حل للموضوع
الا يارياح الشوق خفي علي بشويش
ضلوعي من الاهات ماعادها زينه
على باقي امال الهوى والغرام اعيش
اجود يدين الصبر ويكف يدينه
يقول ابتعد عني وانا اقول مابه ريش
هني الندواي يوم يفرد جناحينه
وثرنا نجود بعض في حلمنا والطيش
رضينا بوضع الحب واصعب قوانينه
فيا منيت عيوني تريني صحيح اغليش
وعشقش بوسط العين بين وتدرينه
محاتيش لي عامين واكثر وانا محاتيش
ولو وصلنا حال الزمن بيني وبينه
يا كم بجت ليل البعد مقصودي الاقيش
ولكن حظي عمض لنيتي عينه
ولو ما وصلتش صدق في حلمي مفاجيش
ولا قمت صاغ الفكرلاجلش دواوينه
بمواله يناديش وكلماته تناديش
تعالي مدام الصوت جاهر وتوحينه
بكاء جفنه صدودش ولانيته يبكيش
عسا قبل مايرثي غلا الحب ترثينه
اسوق الوفاء والود لو سقتي التطنيش
واصون العهد والظرف لعيونش اهينه
لاني اشوفش مثل نجم السما ما نيش
غديتي لبسط القلب اجمل عناوينه
ومن شانش اقصى ناس في خانة التهميش
وقدم عليهم من من الله تحبينه
اذا كان هذا فعل قلبي امانه ويش
تصونين نبض الشوق ولا تخلينه
العرض الشجري
