»الموت ما هو أنك تكتفن بترابك الموت أنك تحب حي ويفارقك
مشاري: فواز ولد عمي محمد خطب ريم وبابا موافق..
ام مشاري طارت من الفرح و من غير لا تحس طلعت بسرعه ورا بنتها.. سديم كانت في صدمه وهي تقول في نفسها: اوبس مشكله....
-
-
-
فواز مشى بابتسامه لعند ابوه و موبايله بيده.. ابوه وجسار حركوا عيونهم له رغم ان الابتسامه كانت من صفات فواز المعتاده لكن ابتسامته هذي كانت مختلفه عن العاده
جسار: شنو سبب هذي الابتسامه العريضه.؟
فواز جلس جنب ابوه و مد لسانه لجسار: بيقول لباب في اذنه حتى ما تسمع انت..
جسار: فواز عن السخافه و تكلم عدل..
فواز: بابا ريم عطتني موافقتها...
محمد ابتسم وحط يده على كتفه: مبروك ياا ولدي...
جسار توسعت عيونه: خير شنوو الي صاير..
محمد: من مده و فواز يبيني اخطب له ريم بنت احمد اخوي.. و من يومين قالي انه كلمها حتى تسال ابوها و هي الحين موافقه..
جسار: بهذي البساااطه .. وانا ... مافي احترامي لي ولا دوور..
فواز بضحك: ههههههه اكيد مالك دور انا اللي بتزوج ولا انت...
جسار عقد حواجبه: فواز ليش ريم بالذات..
فواز بهدوء: عاجبتني فيها شيء..
جسار: عاجبتك ولا علشانها رغبه ايمان...
فواز: لانها رغبه ايمان..
جسار بوز وكان بجادله بس محمد وقفه: رغبته ولا رغبه ايمان.. انت مالك شغل يا جسار واتمنى تهتم بشؤونك الخاصه و تترك اخوك يقرر حياته بنفسه..
جسار رمى الكتاب اللي كان يقراه و طلع من المجلس .. فواز حرك وجهه لابوه: جسار تغير كثير يا بابا..
محمد: ادري وهذا اللي مخوفني عليه..
موبايل محمد رن الشيء اللي استغرب منه لانه كان اسم احمد هو اللي ظاهر..
محمد ابتسم: هلاو غلا يا اخوي الغالي..
احمد وهو يتظاهر بالزعل: لو كنت اخوك الغالي ما كنت اخر من يعلم برغبه ولدك في الزواج من بنتي..
محمد بضحك: والله ما كنت ادري عنه.. كلمها وبعدها قال لي...شنوو ممكن اسوي حتى ترضى عني..
احمد بابتسامه: انك تجي معي نخطب لولدك مشاري...
محمد: ههههههه يااا حليلهم.. يظهر ان جسار و فاطمه فتحوا شهيه الكل للزواج... من هي سعيده الحظ..
احمد: عواطف بنت ساره اختي..
محمد: ونعم الاختيار... بنت ساره الغاليه... اصل و جمال و حسن خلق..متى بتروح لهم؟
احمد: بكرا ان شاء الله و بعد ما نخطبها عشاءك عندي...
محمد: وليش ما يكون عندي..
احمد: هههه خلنا نتعشى الحين للخطبها و بعدها عشى الملكه عندك...
محمد : اتفقنا...
احمد: مع السلامه اشوفك بكرا..
محمد سكر الخط من اخوه وحرك عيونه لفواز اللي كان سرحان وهو يتامله وقال في نفسه بالم: هذا فواز و بيتزوج بعد يا ايمان..... بيتزوج وانتي مانتي جنبه....هل راح تتركينه ... هل تتركين زواج فواز الغالي يتم وانتي بعيده..
-
-
اليوم الثاني في بيت نواف..
نواف اشر للشغالات الخاصات بالضيافه يضيفون محمد و فواز و جسار و مشاري و احمد و ابوه جاسم..
جاسم ابتسم وهو يتامل ضيوفه: حيا الله من جانا حيال الله بالغالين..
محمد: الله يحيك يا بو نواف..
نواف: البيت منور بوجودك يا اغلى اخوالي.. والنسيب..
جسار ابتسم له رغم انه كان كابت غضبه من نواف: النور نورك يا بو ايمان..
نواف شهق: ياا حلو اسمها ويا حلو شكلها تجنن ما ادري شلون بتركها عند امها طول فتره النفاس..
احمد: الله يخليها لك ان شاء الله
مشاري رفع حاجبه و غمز له: والله و كبرت يا نواف و صرت ابو..
نواف ضحك: ههههههههه عقبالك.. بصراحه احساس غريب اول مره احس فيه.. ياا حلوها..
احمد: بعد ما يزيدون عيالك بتمل منهم و وودك تطردهم ههههههه
محمد و جاسم ضحكوا عليه و استمرت الفرحه.. ساره دخلت المجلس عليهم: خير ليش تضحكون...
محمد: هلاا هلاا ساره الغاليه... نضحك على ولدك اللي يشرح لنا شعور الابوه..
ساره بابتسامه: سنين وانا اقوله اصبر لين تصير ابو والحين لما اشوفه كل مدح بايمان ودي اذكره باللي فات هههه واضحك عليه..
كان ذكر اسم ايمان يطعن محمد و جسار و فواز كثير في صدرهم شيء راح يحتاجون وقت طويل حتى يتناسونه..
احمد حس فيهم فقرر انه يختصر الموضوع و يبدي بالشيء اللي جو علشانه..
-
العرض الشجري
