|| ~ قصة سعودية رومانسية [ أسئلك باللي خلق قلبك اكرهني ] هنـآ وحصرياً ع الود .. |~

[ماجد العساف]

/




في الحديقه الساعه 8 ونصف ..


سامي جالس ويدخت أرقيله .. والجو مره جنان


النسوان كلهم في ا لصاله المقابله لباب الحديقه ..

نوف اول ما جت تبغى تطلع وقفوها الحريم : نوف حبيبتي جدك برا
ويقول لأحد يجي ..


نوف : ماراح اطول بحاكيه شوي واجي ..

سلمى : على راحتك روحيله ..


افتحت الباب وناظرته معطيها ظهره .. ووجه للبوابه الخارجيه ..


نوف اقتربت منه وظمته من دون لا يناظرها عرف انها نوف ..


سامي : غمض عينه بصعوبه : هلا نوفه


نوف بايت راسه : هلا فيك


جلست قباله ..


نوف : وش قلنا عن هالدخان ،، ما قلنا انها ألعن من الزقاره ؟؟ صحتك
يا جدي حرام ..



سامي يتنهد ويترك الارقيله : ........


نوف بحزن باين عليها رغم انها اخفته بابتسامتها الحلوه وغمازتها ا
لمميزه : اقول جدي ..


سامي : قولي

نوف : ليه شايل هموم الدنيا على راسك ؟؟ انا احيانا اشوفك تهتم فينا
مره وتخاف علينا وتجلس تضحك معنا وما كأنا اصغر منك بأعواااااام ..
تحسسنا وكنك صديقنا مو جدنا .. تطلع تتمشى معنا وتحاول تحمينا حتى
من الهوا الطاير ..


سامي : واحيان ؟؟

نوف تكمل وبصراحه : واحيان لا ،،(نزلت راسها ) احيان احس شغلك
وشركتك اهم منا كلنا ،، احيانا احسك مو انت .. تهاوش وتصايح .. على
حساب صحتك ،، تبعد فلان عنك .. وتقرب فلان منك .. تترك فلان بستين
داهيه و تطرد فلان .. جدي انا ما الومك على شي ولا هو من حقي اتدخل
فخصوصيتك ..


انا ما عمري حاكيتك بهالوضوح لاني ما شفت منك الا الوجه الاول ..

بس قبل كم يوم حسيت ان انت واحد ثاني .. واحد اول مره بحياتي

اقابله .. جدي انا كنت ولازلت احبك ..

والله لولاك ما كنت انا كذا .. ولا كنا كلنا كذا .. بس بس انا ما احب تكون
عصبي و ... (سكتت)




سامي بألم : وظالم ؟؟



نوف : انا ما اقصد ظالم .. انا عن نفسي والله اشوفك أرجل واحد شفته
بحياتي .. مواقف كثيره مرت علينا اثبتت لي انك صابر وحقاني
وماترضى بالظلم مهما كان ،، مواقف اثبتت لي ان مصلحة الناس اهم من
مصلحتك ..



بس فيه اشياء عجزت افهمها .. عجزت افهمك لأول مره ..



سامي : نوف دامك صريحه وواضحه .. احكي على طول .. قولي ليه يا
جدي تطرد ناصر ؟؟ وليه تتخلى عن بنتك منيره ؟


نوف بخوف : ... أ



سامي : اسمعيني يا نوف .. كل الكلام اللي حكيتيه يحتمل الصحه
والخطأ .. انا مهما كنت انسان والانسان بطبعه خطآء ..


نوف : دايم اقول لبابا جدي مافيه عيوب كيف يكون كامل استغفر الله
وجلست افتش على عيوبك بس ما لقيتها لكن بالفتره الاخيره عرفت ان
كل انسان مش كامل ..


سامي يبتسم : الا قولي شفتك كلك عيوب وعجزت القى ايجابيه وحده

نوف : لا والله يا جدي بالعكس .. انت غير عن كل هالناس .. مهما كنت
ومهما سويت تبقى فعيني كبير ..



نوف وقفت : عن اذنك


سامي : نوف ..


نوف تلتفت له : قولي لألماس مافيه روحه للملكه الا اذا وافقتي انتي ..
اطلعي فوق وقررو ..



نوف تضحك بقلبها (يوو يا جدي تفكر بكل شي ،، وتربط اشياء بأشياء مالها علاقه .. ياحبني لك)





/



الماس : نوفه الله جابك .. امشي نطلع لبيتنا ناسيه جوالي هناك بحاكي
صديقاتي


نجود برجاء : لا خليكم شوي ..


الماس : بيت جدي يطفش .. احس اني بلوحة فنية راقيه مكتوب عليها
ممنوع اللمس .. ما آخذ راحتي ..



نجود : ههههه اجل جيبي جوالك وتعالي بيتنا ..


نوف : طيب ممكن احكي ؟؟

نجود : من متى تاخذي الاذن ..

نوف : احم احم . . لمو حياتي انا جبت لك الاذن من جدو .. بس بشرط
ما تروحو الا لما اوافق اروح معكم انا هههههههه



الماس تركض لاختها : وانتي طبعا راح توافقي عشان اختك حبيبتك ..
صح ؟


نوف : مممممم مادري افكر وارد لك خبر


الماس : نويف تكفين وغلاة الغالي .. تكفين وافقي لا تمني علينا ..


الهنوف : يعني ما تعرفو نوفه اكيد بتوافق . . حبيبتي انتي عمري


نوف : ههههههه اذا بوافق .. بوافق عشان هالخبله فوفا ..


الهنوف : انا خبله ؟؟؟؟؟؟؟


الماس تهمس لفوفا : خبله عادي بس اهم شي نطلع .. يلا بسرعه البسو عباياتكم .. يبغالنا ساعه عشان نمر عند الجمارك .. خالد ..

نجود : احس ماهم تاركينا لوحدنا بيرسلو حد معنا


نوف : ماهو على كيفهم .. انتو بس اخلصو


الماس ( تاخذ جوال نجود وتتصل فأمها عشان تجيب جوالها من بيتهم ..)


بتول نايمه في الغرفه الثانيه .. وراحت لها نوف


نوف : تبوله تبوله

بتول : ........

نوف : تبووووووووله .. ؟؟؟؟

بتول : مممم ها

نوف : قومي ..

بتول : ليه

نوف : بنروح للمملكه .. تجي معنا

بتول : لا تعبانه ..

نوف : امشي يا مصخك ..

بتول : طايب قايمه




نجود وهي تدخل : اقول نوفه ليه طلعتي لجدي ..

نوف تسحب لها لبرا : لما دخلت الغرفه منحرجه من اللي صار .. ناظرت
بالشباك لقيته جالس لوحده وعيونها كلها حزن عور قلبي يا نجيد والله
رحمته ..


نجود : واللي عمله بناصر .. ؟

نوف : هذاك ناصر وهذا جدي كمان .. انتي ماشفتيه كيف كان جالس ..
والله نسيت موضوعي وطلعت له

نجود: الله يردهم زي ماكانو واحسن ..

نوف تسكر عبايتها : يلا طيب ..


/




خالد : وين ؟؟


الماس : ط طالعين ..

خالد : لا بالله ؟ احلفي .. ؟ اذا ما تعرفي للساعه اعلمك ؟؟

نوره : يمكن اخذو الاذن من جدي ..

خالد ناظر نوره نظره وسكتت ..


نوف نازله من السلم


خالد : اطلعو فوق والا ارجعو للبيت مافيه طلعه

نوف : جدي برا تقدر تحاكيه .. ما كنت ناويه اطلع بس هو اصر

خالد : ههههههههه ايه غصبك ،، والا انتي ماودك ههههه

نوف ناظرت فيه وطلعت .. انقهر كيف حاكته قدام الناس .. ولحقها للباب
ومسك يدها بقوه


نوف صرخت بقوووه آلمها مرررره : آآآآه خاااالد


سامي التفت وهو بالحديقه : ايش فيه .. ؟؟

نوف اتركته وطلعت لبرا ..

سامي : وش صاير ؟

نوف : ولا شي .. بس كنت راح اطيح ..

سامي : انتبهي على حالك .. وارفعي عبايتك لا تطيحين فيها والا
تنكسرين لا سمح الله

نوف تصطنع الابتسامه : ان شاءالله

سامي : وين البنات ؟؟؟

نوف : جايين الحين ..


نجود & الماس & بتول & الهنوف & العنود طالعين مايعرفون هم
رايحين والا لا ؟؟؟




نجود لنوف : جدي نطلع والا ؟؟

سامي : واحد ماسكن ؟؟ يلا بس لا تأخرن


البنات بابتسامه وحده : باااااااي جدووو

/



بالسياره طلبو من السايق يرفع على التكيف ..


نوف تمسك يدها : الله يسامحه يدي توجعني ..

الماس : الله يكسر يده

نوف : استغفري يا غبيه

الماس : اسكتي بس ..

نجود : بنات انا غيرت رايي ما ابغى المملكه .. مشتاقه للحياه مول .


بتول بغير عادتها كانت هاديه مره : ايوه بليز ابغى الحيااه مول والله احلى ..


نوف : حتى وانتي تعبانه تناقشين .. وش رايك يا لمو ؟؟؟ انا عادي
عندي ..

الماس : لا والله ؟؟ من جدكم انتو الحين عاملين كل هالفلم عشان
صديقاتي واخرتها تطنشوني ؟؟؟



الهنوف بيدها كوفي : والله اهم شي انه مول وفيه شباب على الاقل
اناظرهم واتشمت بذاك وامدح ذاك واعجب بذاك


العنود : صادقه اختي .. ما تقول الا الصح

نوف ناقده عليهم : إلا ما تقول الا الخراب ، هذا تفكير بنت عمرها 18 سنه ؟؟؟ امحق



نجود جوالها يرن ..


نجود بتردد : أ لو !!

دانه : هاي نجيده كيفك حبيبتي ؟؟

نجود : وش بغيتي ؟؟

دانه : داقه اتطمن عليك هههههههه

نجود بقهر بصوت عالي : دانه ترا ماني ناقصتك والله لو ما انك اختي
الكبيره لأكون مسكره الجوال فوجهك ..


وش شايفه نفسك عليه ؟؟؟ اذا فيه حاجه فقلبك مضايقتك وتبغين تطلعيها
طلعيها ياختي وفكينا ترا ماقمتي عندي ولا قعدتي .. بالطقاق باي

دانه هنا انصدمت من تصرف نجود .. نجود يا حرام مهما صار بينها
وبين دانه يكون لدانه احترامها وتقديرها بحكم انها الكبيره بالسن ماهو
بالعقل طبعا .. لأن عقل اصغر واحد في العايله أكبر من عقل دانه


انسانه مصلحتها اهم شي في الدنيا .. واذا جا فيوم وتعارضت مع مصلحة احد حتى لو كان ابوها تقتله ..

[ماجد العساف]

/

،


البنات في السياره منصدمين ما عدا نوف والهنوف لانهم عارفين السالفه


الماس بخوف : نجيد ايش فيه بينك وبينها ؟؟؟ اول مره تحاكيها كذا


بتول من كثر ماهي منصدمه : تلاقيها وحده من صديقاتها لا يمكن تكون دانه اختها .. !!!



نوف تأشر لهم بيدها : اووششششششش




نجود تناظر بالسيارات اللي تمر بجنبها وبصوت مبحوح : بنات تكفون اسكتو .. بالله عليكم اسكتو



ما تسوى عليهم هالطلعه .. وش ذي المصايب .. كل شخص فهالعايله متهاوش مع الثاني ..



ليه تغيرت حياتهم زي كذا ؟؟؟؟

/





دخل سامي جوا ولقى في الصاله ابو سالم جالس لوحده ..

سامي : السلام عليكم

ابو سالم : هلا وعليكم السلام ..

سامي : وين راحو ؟؟

ابو سالم : النسوان طلعو فوق .. والعيال كلن طلع مع خوياه

سامي : ااها .. طيب


ابو سالم : تامر على شي يا عمي .. !

سامي : لا بس بغيتك بموضوع .. !

ابو سالم عرف لان سامي يبان على تعابيره مشاعره : آمرني يا طويل العمر

سامي بغصه يحاول يخفيها باللامبالاه : ياولدي انا عارف انك شايل
بخاطرك مني !! عشان موضوع ولدك ناصر .. يعلم الله اني ماارتحت
ثانيه وحده من بعد خروجه من هنا .. الكل يعتقد اني جبار وظالم .. بس
والله ماهو هذا الموضوع .. الناس تتغير يا بو سالم بين يوم وليله وانا
والله متغير من زمان متحسف اني عملت كذا فبنتي .. ابغى اقولك شي
محد يعرفه .. !


ابو سالم باهتمام : قول يا عمي ..

سامي : والله العظيم .. ويشهد علي الله اني قبل 3 سنين بعد ما صحيت
من جبروتي و لما صحى ضميري .. عرفت الله ورحت ادور على بنتي
بكل مكان والحمدلله ما طولت في البحث عنها .. طلعت لأبو تركي ..
وحاكيته واعتذرت له .. لكن هو الله يسامحه ما عفا عني ..


ابو سالم يناظر فأبو راشد وكأنه يقول له احكي يلا كمل لا توقف

سامي يكمل : الله يسامح كيف هو ما يسامح ؟؟ انا عارف ان اللي عملته
معه مو شوي والله عارف .. لكن خلاص كل انسان يغلط .. صحيح انه

استقبلني فوظيفته استقبال يشهد له الكل بالطيب والاخلاق لكنه رفض
عرضي عليه الصلح

ابوسالم : طيب ليه ما رحت له البيت ؟؟

سامي : ما قدرت .. في شي كان يمنعني .. !!

ابوسالم : وبعدين ؟؟

سامي : وبعدين طلعت منه بهدوء ولما وصلت البيت عصبت .. كيف
يعمل كذا ؟؟ كيف ما يقبل عرضي عليه ؟؟ واسفي له ؟؟؟ وبعدها كأني
رجعت لحالتي ولعظمتي .. اللي ما ترضى بالخضوع لحد


ابو سالم : اها وزعلت من ناصر لانه استقبل ولد ابو تركي في القصر
ومن دون اذنك ..

سامي يهز راسه بالايجاب ..


ويكمل : انا اتصلت بناصر وانا برا ..

ابو سالم فتح عينه عالآخر وش هالانسان الغريب اللي محد قادر يفهمه
كيف صاير ذا ؟؟؟؟

ابو سالم : حاكيته !!!



سامي : ابغى اعتذر منه ومجهز له حكي .. صحيح اني راح اصغر بعينه
وبعين نفسي .. وصحيح اني راح اكون متنازل عن عزتي .. لكن ماني
بقادر اناظر بعيونكم بعد اللي صار .. كلام ناصر صحاني بشكل ماهو
طبيعي والله كل هالسنين اللي فاتت محد حاكاني بهالطريقه .. وبدال ما اشكره عملت فيه حاجه ماهي بسيطه

ابوسالم : ناصر يا عمي ولدك واعمل فيه اللي انت تبي وصدقني مهما
صار بينك وبينه ناصر يشوفك مثاله بكل حاجه والله ان لك فقلبه معزه ما
يعلم فيها الا الله



سامي وتغير صوته : وانا ماذبحني الا هذا ..


ابو سالم : والله لو اعرف مكانه لاجيبه لك يحب رجولك .. بس المشكله
مادري وينه .. حتى انا ما يحاكيني ..



سامي يوقف على رجوله بصعوبه : انا طالع ارتاح فوق .. عن اذنك ..


/



ابو سالم قرر ما يخبر ساره بشي اتصل فيها على طول: يلا يا بنت الحلال تأخرنا مره ..


ام سالم : تبوله ما جت .. خلنا ننتظرها ..

ابو سالم : لا .. يجيبونها بنات خالها البيت على طريقهم انا احاكيها .. انتي امشي بس ..

ام سالم : على امرك .. نازله

..


ام سالم : سلمت على امها ونوره وام دانه ودانه وطلعت ..




/
/



دانه بتنورتها اللي تحت الركبه بشوي حاطه رجل على رجل وماهدت

جوالها بالمره : ماما وش يقعدنا حنا يلا تأخرنا خلي جدتي ترتاح

سلمى : وين ارتاح خليكم شوي والله اطفش لوحدي ..

ام دانه : خلاص خلينا شوي يا دانه ابوك لهالحين ما اتصل انتظري
عشان جدتك ..

سلمى : عز الله شانك يا عمري ..

نوره : انا خالد راح وتركني .. مادري ارجع للقصر والا انتظره ؟؟

سلمى : خليكم يا ناس علامكم تبون الفكه ؟؟

نوره : لا والله يا جده .. بس فيصل وريتاج لازم ينامون .. بعدين البيت
بجنب البيت بس انومهم واتطمن على عمي ابو خالد وارجع اجلس عندك
ولا يهمك

سلمى : الله يجزاك خير ويخليلك عيالك ..

نوره : تسلميلي ..

/


عبدالله : مرحبا

تركي : ياويلي على اللي يمسكك ويفضخ راسك بالجدار ،، وش مرحبا
استح على وجهك .. تارك السلام لمن ؟؟


عبدالله : لك .. ؟

تركي : متى راح تعدل الفاظك ابغى افهم ؟؟

عبدالله : بالله عليك يا تركي متى بتترك خطبك وشعاراتك ومبادئك اللي
ناظر وش سوت فيك ؟؟

تركي بابتسامه : الحين اللي عنده مبادئ صار سلبي وماهو طبيعي ؟؟؟
اذا هي كذا اجل انا افتخر اني سلبي يا بن الحلال ..


عبدالله توهق : المهم بشرنا عنك ..

تركي وهو يتمغط في الصاله : والله كل شي تمام الحمد لله انت بالسياره ؟؟

عبدالله : ايوه طالع للاستراحه .. تعال الشباب كلهم هنا ك..

تركي : من زينهم الله يخليك كلهم مصابن وتافهين .. انا ما يقهرني الا
خويك ابو راس كبير يالله لك الحمد مايبقي احد ما يتريق عليه ما شاف
حاله .. !


عبدالله : ليه حاكي عنك شي ؟؟؟

تركي : يخسى الا هو .. بس اقولك ماصخين ماهم برياجيل ..

عبدالله : يابن الحلال انت تعال الحين وجيب خوياك ترا عادي الاستراحه
مفتوحه ..

تركي : اشوف .. وارد لك خبر ..

[ماجد العساف]

/

/





نايف جالس فـ ستار بوكس ..



نايف : والله يا احمد ودي اغير سيارتي ..

احمد : عاد انت آخر همك المظاهر وش لك بالتغيير توها سيارتك جديده
ماصار لها سنتين !!


نايف : بالعكس مو هذا القصد ،، سيارتي امتيازاتها قليله .. وفيها اشياء
تغث ..

احمد : وش ناوي تاخذ ..

نايف : افكر بورش ..

احمد : يا كرهي لها .. خلك على مجنونك لا يجيك اجن منه والله سيارتك ازين و أجد منها ..


نايف : تدري وش ودي .. ! ودي آخذ اجازه من حضرتك واسافر لي شهر .. وبعدها ارجع وتروح انت شهر ..


احمد : لا يا بن الحلال .. المكتب بواحد منا ما يمشي .. لازم كلنا نكون متواجدين .. وخاصه ان تونا داخلين السوق .. خلنا نثبت نفسنا اكثر ..


نايف : اكثر من كذا ؟؟؟ يصير طمع ؟؟ لا ياخوي وارداتنا تبشر بخير
الحمد لله .. والله ما كنت احلم فيها ..

احمد : اجل اترك عنك السفر وخلك في الزواج .. واخذ اسبوع عسل ..


نايف : هههههه والله انك نذل !! اسبوع ؟؟

احمد : احمد ربك .. والله لو بيدي ما تطلع من المكتب نهائيا .. والله
ليوقف الشغل .. ونحط يدنا على خدنا


نايف: ياخي انت تكبر المواضيع مره .. ،‘ انت متى ناوي تزوج ؟؟

احمد : والله اذا عندك عروس إلي مستعد اتزوجها الحين بهالكوفي ..

نايف : ههههه وانا من وين اجيب لك ؟ شايفني خطابه !! انت اختار وتزوج وفكنا وانا عن
نفسي اعطيك شهر كامل اجازه ..

احمد : ليه ما عنك خوات ؟؟

نايف وكأنه حس الموضوع جد : اها هههههههه اشوفك تميلح عندي .. !

احمد : لا والله ما طرت فبالي الا الحين .. جد عندك خوات لزواج

نايف : ههههههههههه ماني متخيل وجهك مع وحده من خواتي .. والله
لشيبن فيك ..

احمد : لهالدرجه ؟؟؟

نايف : لا بس هن مدلعات شوي .. بعدين ماضنتي بياخذهن غير عيال
عمي !

احمد : يعني مافيه نصيب !

نايف : علامك وكنك تشحذ ؟؟؟ هههه والله لو انها ذبيحه ما عشتك .. اذا انت جاد تقدم لهم واخطب وتوكل على الله

احمد : لا يا بن الحلال اجيب ابوي واخواني وانحرج هناك .. !

نايف : لا ياخي ماحنا من اللي تعرفهم انت .. ترانا طبيعيين مره ..
ولايمكن ابوي يحرج احد او يقلل منه بعدين وين يحصل رجال زيك ؟؟
والله لو تاخذ وحده من خواتي ان الله يحبها ..



احمد : هذا من طيبك والله يا بو راشد ..

نايف : وش فيك استحيت هههههههههههه

احمد : على هوى .. وش استحي منه ؟؟ انا عرقت يا ولد .. حسيت
الموضوع قلب جد .. انت جس النبض وعطني خبر .. تراي انتظرك تكفى


نايف : ابشر ولا يهمك ..


نايف جلس يناظر باللي يمرون .. وطاحت عينه على نوف ونجود
يتمشون بالمول

سكت شوي والتفت ورى وناظر فبتول والماس وباقي البنات .. وتأكد انهم هم ..

استأذن من احمد ووقف ..


نوف تناظر بالمحل تبغى تدخله .. والخبلات الهنوف والعنود ما يمر

بجنبهم رجال الا قزوه قز والدليل انهم شايفو نايف وهو جايهم على بعد
10 امتاااااار

الهنوف غصت بالحكي : ن ن ن نوفه نواف مهو نواف مين نايف .. نايف


نوف التفت لها بهدوء : وينه ؟؟

العنود برعب مبالغ فيه : مااااااااماااااا

نوف : وجع انتي وياها .. علامكم خايفات كذا ؟؟ ماسكم بمرقص ؟؟؟
تعدلي انتي وياها

نجود : شاكين بنفسكم انتو ؟؟ اثقلو يا البزارين

بتول جالسه على الكرسي وحاطه رجل على رجل : اسمعو عاد النشرة
الجويه بمناسبة الزحمه ..


نايف : سلآم ..

الكل : هلا

نايف : وش جايبكم

نوف : زي ما انت شايف نتقضى للعيد ..

نايف : نويف ؟؟ وفيه احد صاحي يطلع لحاله قبل العيد بيوم ؟؟ ماتشوفي
الزحمه وكنه الحج استغفر الله عن هالتشبيه .. !

بتول تلوي فمها وبهمس : شفتو ؟

نجود : والله يا نايف حنا نسينا العيد هالسنه وتونا نصحى اليوم وأخذنا الاذن من جدي ..


نايف : حتى ولو شوفي الشباب كيف واقفين .. ياناس كم مره اقوللكم فيه
مولات ارقى من كذا ..


نوف : يا نايف يا قلبي انت مو بوقته .. وربي جايين نتقضى مو
نتمشى .. بعدين انا معهم لا تخاف ..


الماس وهي فاكه الشيله عن وجهها : نايف يرحم والديك اتركنا خلنا نخلص عندنا وقت نمشي عليه .. ترا هذا ما ينحسب


نايف :يا دمك الخفيف انتي ..



احمد دخل المحل منصدم !!!!! نايف يغازل بنات !!! كيف ؟؟ ما عمرها صارت ؟؟؟





احمد دخل وقرب مره : نايف ؟؟؟؟ أنـ



نايف التفت باستغراب أهبل هذا والا ايش : وين جاي يا الحبيب أهلي
هنا .. !!



احمد انحرج مررررررره وطاحت عينه بعين الماس اللي من دون حيا جلست تناظره وكنه وحده من صديقاتها



نايف : وجع ان شاءالله الماس نزلي الغطا .. حماره انتي ؟


الماس نزلت الغطا : زعلت كيف يحرجها قدام البنات وقدام صديقه ..


احمد اخذ بعضه وطلع بسرعه (وش ذا الغباء كيف ما فكرت انهم اهله ؟؟؟ وش يقولي عني هالحين ؟؟؟ كمخه ؟؟ والا اهبل ؟؟ والا قليل اصل ؟؟؟ لا حول ولا قوة الا بالله اللي يكفينا شر اللقافه)






نجود متنحه وتناظر بنايف مصدومه اول مره تناظره عصبي (ياماما يخوف وهو عصبي )



نايف : اسمعو انا طالع استأذن من خويي وجايكم .. لا تتحركو

بتول : ما حنا بزارين حنا

نايف التفت لها كانت واقفه وراه : ولا كلمه ، حسابي معك في البيت
على هالكلمه ..


بتول خافت بس ارتاحت لما عرفت انهم راح ينزلوها فبيتها اول شي ..

[ماجد العساف]

/





طلع نايف للكوفي ..

نايف ما حاكى احمد بالموضوع لانه يعرفه اكثر من نفسه عارف انه مو متعمد ..

نايف : احمد مضطر اطلع الحين اخلص كم شغله مع الاهل وبينا تلفون ..

احمد : نايف ترا والله ما قصد ما علمتني انهم أ

نايف يبتسم : والله عارف ،، اصلا شكلك باين عليه .. سلام

احمد يضحك بقوه تذكر حاله : هههههههه سلام


/





في السياره بعد ما خلصو البنات .. وطبعا بسرعه بسرعه لان الاخ نايف
اكثر انسان عجووول فحياته يكره التسوق مع النسوان .. آخر مره طلع مع الريم للسوق وما طول كمان ..



نوف تنزل السيله في السياره : يوووه يالرياض ما ناقصها الا يجينا الثلج
وتكون كامله ..

نايف : سكري سكري الباب عشان اعلمك الثلج كيف صاير

نوف تسكره : هههههههههه نويف اول مره اناظرك عصبي كذا هدي يابن
الحلال

الماس بزعل : ايوه وزفني بقوه ،، آخر مره هاوشني فيها من ألف وتسع

ميه وحطبه .. وجاي الحين يحرجني


نايف يلتفت بالسياره يناظر بالسيارات اللي خلفه .. وساكت .. ينتظر

يطلع على الخط عشان يعطي كل وحده نصيبها ..



/

الهنوف : افففففففف ما خلصت اغراضي ..


نايف : ومن متى عمركم خلصتو يالحريم .. والله لو كل شي جاهز عندكم
لازم تطلعو حاجه جديده ..

العنود : الا انا ،، ما احتاج شي لو البس خيشه أجنن

نايف بضحك : كثري منها ههههه

نجود ونوف : هههههههههههه


العنود زعلت ..


نجود : يووووه يا نايف نصف اللي بالسياره زعلتهم اليوم !! الله يعينك


نايف يناظر نجود بالمنظره : مين غير الماس والعنود والهنوف ؟؟؟

نجود : تبوله ..


بتول متخبيه ورا نجود نست ان نايف هو اللي راح يوصلهم لبيوتهم ..
تحسب انها راح تفلت منه


نايف : اووووووو عاد تبوله ؟؟؟ ماشاءالله عليها ما تقول كلا م يغث ..
الحين انا تارك خويي وجاي معكم خايف عليكم تقولي ماحنا بزارين ؟؟ اذا انتي مو بزر مين البزر



بتول عصبت ووجها صار احمر من القهر ودها تقتله .. بس مالها الا السكوت


نايف : ومع هذا سامحتها .. تبوله حسبت لمووو ..

نوف : ماقصرت والله انك جيت معنا ..

نجود : اي والله

نايف : الحمد لله .. صراحه انا اهم شي عندي ..نجود .. (وسكت متعمد)



نجود عيونها طلعت ..



نايف يكمل باستهزاء: ونوف طبعا ..



نوف اكتفت بهالضحكه : ههههههههههههه



نايف حب يطول السالفه : ليه تضكين يا ام غمازه ناقصه


نوف : وش غمازه ناقصه .. وش احلى من غمازتي ها


نايف : والله انك مغروره يا بنت .. (رجع ناظر نجود وكأنه يدور اي حاجه
يحاكيها فيها) نجود مو فيه بنات ازين منها بس ماهن مغرورات زيها ؟؟



نجود ما تدري وش تقول : حرام عليك نويف والله مهي بمغروره .. بس
هي طبعها كذا


نايف : وحده تصلح والثانيه تشوت

نوف : ههههههه فديتك محد يرفعلي الا انتي ..



بتول فاتحه فمها بصوت خفيف : نجيد .. من متى ان شاءالله ؟

نجود بفرح باين على وجهها : وشو ؟

بتول : وشو ها .. انا اوريك ..




فجأه دق تلفون نايف ..


نايف : صوت يا بنات .. هلااااااا والله

ناصر : هلا فيك .. اخبارك

نايف : تمام الحمد لله.. بشرنا عنك

ناصر : ابد كل شي تمام .. عيدك مبارك مقدما ..

نايف : من العايدين وكل عام وانت بخيـر

نوف سمعت صوت ناصر وعرفته بسرعه بس قالت اكيد تشابه اصوات
والا ما كان سكتنا نايف ..

ناصر : كيف الاهل ان شاءالله بخير ؟؟

نايف : كلهم يسلمون عليك وينك يا ولد ما عاد تتصل زي اول ؟؟؟ لا
يكون ما انت ناوي تعايد علينا بكره ؟؟

والله ليزعلون منك



ناصر جالس على النت طفشان : والله النيه لا .. تعذر لي منهم ..

نايف : ماني متعذر لك من احد .. باذن الله راح تجي وتعايد على امك
وجدك وجدتك واهلك كلهم ينتظرونك ..



هنا قفزت بتول من مكانها ولا شعوريا : نااااااااااااااصر ..



ناصر استغرب وش جاب بتول عن نايف وصوت سياره : هذي تبوله ؟؟

نايف : ايه خاطفها


نجود تضايقت (افففف كم مره يقول بتول في اليوم ؟؟؟)

ناصر : لا بالله .. ؟

نايف : والله تونا جايين من السوق .. البنات كلهم معي .. !

ناصر : كلهم كلهم .. !

نايف : ايه كلهم .. ؟

ناصر : اها .. طيب عطني تبوله لو ما عليك امر ..




نوف جالسه ساكته .. أكيد انه زعلان .. من اول ما قالو بكره العيد يحاول

يتصل فيها بس ما ترد عليه ..

بتول : ناصر ناصر اتصل بجوالي انا نازله للبيت الحين طيب ؟

ناصر : طيب .. يلا سلام ..



/

بتول قبل لا تسكر باب السياره : مشكور نايف ..

نايف : حياك الله ..


/



/





ساره جالسه مع ابنها آخر العنقود شبيه ناصر سعودي ..

بتول : هاي

ساره : هلا .. ليه تأخرتو

بتول : لان نايف اللي مودينا .. خليني اوريك وش جبت ..

ساره تناظر بحاجات بنتها وملابسها .. : ذوق طالعه على امك

بتول : شفـ (دق جوالها) ناصر ماما .. احاكيه بعدين اعطيك طيب ؟

ساره بفرح : طيب بس لا تطولي ..


بتول دخلت الغرفه : هاي ناصر ..

ناصر يتمغط : هايات .. ها فضيتي السوق ؟؟ ما بقيتي شي للحريم ؟؟

بتول بدلع : ناصر !! ياويلك من الله .. اصلا نايف ما يترك احد بحاله

ناصر : والله ما تستحين .. هذا و هو متعني عشانكم ..

بتول : اي متعني الله يخليك ،، ! شافنا في السوق و جا معنا

ناصر بنبره غير : اقول تبوله ؟

بتول : هلا

ناصر : نوف وش فيها

بتول : وكنها تتذكر الموقف : مافيها شي ليه ؟؟؟

ناصر : لا تكذبي علي .. اعرفك انا .. احكي مدام فتوش


بتول لازم تحكي والا بيتهاوشون مع بعض : ناصر .. نوفه انحرجت
مره .. كل يوم احسها تنكسر اكثر واكثر

وربي يا ناصر ماكنها نوف اللي تعرفها احسها مره ذبلت .. كل يوم جاي احد و عامل لها حركه زي وجهه


ناصر بعصبيه : من تقصدين ..


بتول : يا ناصر .. نوف انحرجت .. قبل شوي وقدام الكل تعرف وش نادت فارس بوجود الكل ؟؟


ناصر : وش نادته ؟؟

بتول : ناصر ..

ناصر سكت .. يعرف نوف وخجلها وانها كيف تفهم الامور .. واللي يهمها فلان كيف فكر وفلانه وش راح تقول


بتول : جدي يشوفها نغزه و سالم مسكها ممسك عليها .. و دانه لما
وصلها الخبر الكل ينتظرها متى تتشمت بنوف


ناصر يرجع شعره بيده ويتنهد بقوه سحب كمية هوا كبيره وطلعها بوقت واحد : ...

بتول : ماودي اضايقك بس حتى نوف عندي مهمه .. ما ابغاك تزعل منها
او تاخذ موقف ترا في اشياء كثيره يا ناصر نوف ما تحكيها لك .. لان
هذي طبيعتها لو انا مكانها اتكلم واقول وارد .. اما هي لا اهم شي عندها
انت لا تلومها .. يكفي انها تصطنع البسمه قدامنا بس من ورانا انا احلف
بالله انها تبكي دم



ناصر ضاق صدره مررررررره وكره انه طلع من حياتهم لثانيه وحده



ناصر بصوت مخنوق : بتول احاكيك بعدين سلام ..

ماهو غريب تعيش في يـوم [ مهجـور ]
وتعيش في همّك .. على الضيم أكثر .. !

" الأغرب " .. تعيش العمر دوم [مقهور]
وترجع بك الذكــ’ــرى على كل منظر .. ,





/

[ماجد العساف]

/




بهالليله محد ارتاح ..


سامي كل تفكيره فبنته منيره اللي رافض زوجها العرض والاسف وبناصر اللي ما يعرف طريقه دور بكل مكان الا المزرعه ..



وسلمى اللي كل يوم تحس انها راح تفقد حاسة النظر بسبب بكيها الدايم .. واللي ما يخلص



والا ابو خالد اللي يطمن الناس على حالته وهو نفسه ماهو متطمن .. يحس باحساس غريب اول مره يجيه ..


وام خالد اللي ما ترقد الليل سهرانه عليه .. تناظره كل ما ارمش والا كح والا تحرك



وخالد اللي كل تفكيره كيف يقنع ابوه ويربح هالصفقه (صالح) وكيف يكسر خشم اخته نوف ..


ونايف اللي ما يعرف الايام وش مخبيتله .. كيف ياخذ وحده تافهه سطحيه كريهه .. وهو فوق هذا يعشق اختها ؟؟


والا نوف اللي ما ارتاحت من وقت ما ناظرها ناصر آخر نظره .. النظره اللي كانت بعيونه غريبه للحين ماهي فاهمتها .. ما ارتاحت بحياتها اللي كانت تشوف انها اسعد بنت في العالم .. كل شي متوفر لها .. وفجأه فقدت اشياء كثيره .. اشياء مره غاليه .. تلتفت يمين تحس بغصه تلتفت شمال تحس بضيقه تحط راسها عالمخده وتبدا سلسلة التفكير اللي ما تنتهي ..

||~ مخنوق ! لكن ماادري ليه انا مخنوق
ضايق ! ولا ادري ليه بالحيل ضاآايق !!

ثوب الصبر من حزن الأيام مشقوق
واليا سألوني ، قلت : بالحيييييييل رايق!

احيان ، ودك ترتفع للسما فوق ..
تطيييير / تبعد ، ماتشوف الخلايق ! ~||



/

اما ابو دانه وام دانه .. ما يعرفو كيف يخلو دانه توافق على نايف . وين لهم وجه يرفضوه .؟؟؟


ودانه هايمه بعبدالله لحد الجنون .. عاشقته وعاشقه حتى السلبيات اللي تشوفها قدامها .. وعلى تتحول لايجابيات اتوماتيكا ..



اما نجود الله اعلم بحالها .. اختها راح تهدم حياة نفسها وحياة نجود
معها .. اذا حكت راح تخرب حياة الكل .. باستهتارها الي ماهو غريب
عليها .. لكن نجود جالسه تنتظر اللحظه اللي تناظر فيها كل شي ينهدم
قدام عينها وهي جالسه تبكي وتندب حظها .. ما توقعت حبها لنايف يكبر
كل يوم .. وكل دقيقه تعجب باخلاقه وروحه اكثر من الدقيقه اللي قبلها ..
وتشتاق له حتى وهو موجود ..

|| ~ أحسب السالفه ‘‘ نظرهـ ’’ و احسب ان الغرام ’’ اعجاب ‘‘
الين ان صرت بـ غ ــيآبـهـ / اضيق بـ داخل ثيابي .,. ~||





اما ساره تجلس كل يوم على هالشباك .. احساسها يقول ان ناصر راح
يدخل زي كل يوم يبوس راسها ويحط راسه وينام من التعب ..



وبتول ما قدرت تنام من التعب .. كل ثانيه تقوم وتاكل من هالمهدئات
وترجع تنام ربع ساعه وترجع تقوم .. غريبه حالتها !




/

الكل كان يحسد محمد وسعد .. يفكرو بأن لو يرجعو صغار كل واحد منهم
اكبر هم عنده انه يشتري اللعبه الفلانيه او يستعير اللعبه الفلانيه او كيف
يلعب بهاللعبه .. !


بس الواقع .. كل ما كبر واحد منهم سنه كل ما زاد همه ضعفه مليون
مره ..




وهذي هي الحياه !





هذي هي الدنيا متاهات واحزان ** كلن يدور راحته ما لقاها
!

[ماجد العساف]

يتبع الفصل الحادي عشــر:


/

يوم الأحـد .. عيد الفطـر المبآرك .. السآعه 6 صبآحآ ..



لك الله ، كل ما أضحك ألاحظ هـ الجروح تزيد
تصدق ضحكتي صعبه علي , وسهله بـ إيدينك ..


أقول إن الأمل : باكر, يجي بكره ، بجرح جديد
ورغم كل السنين اللي مضت لي .. { تكرم سنينك }


أنا ما جيت أبي منك , بعد جرحك .. تفك القيد
أبيك تحس في قلبٍ ... رفض ينساك ويدينك


إذا يرضيك تستقبل بدوني فرحتك بـ العيد..؟
شسوي بـ قلب متعود يشوف العيد ، في عينك


إذا عادي الزمن يضحك على جرحي وإنت بعيد ؟
على هذا البرود اللي تعيشه... الله يعينك...!


[ استهلت نوف العيد بهالأبيات وارسلتها لـ ناصـر .. ]

حست انها لايقه مره .. وعبرت عن احساسها وكل مشاعرها ..





:

( وفي مزرعة ابو سالم )

في المزرعه .. ناصر كاشخ وطالع شكله يجنن .. بالثوب الابيض اللي
يعكس طيبة قلبه .. وشماغه الراقي .. وشكله اللي باين عليه الغنى ..
عطره تشمه المزارع اللي بجنبهم ..



عزيز كعادته جاي من اقصاه كاشخ مره .. بس طالع شكله عادي عند
ناصر وهذا اللي مجننه ..


سحب جواله وقرر يحاكي نوفه زي كل عيد .. لازم قبل الصلاه
يحاكيها .. واحيانا يحاكي لمو بعد اذا كانت بجنبها ..

بس هالمره اتصل فيها وماردت وطلع يلبس .. ولما رجع لقى المسج
وفتحه ..

جلس ناصر وكأنه اول مره يوصله مسج من نوف .. هالأبيات حسسته
وش كثر نوف مجروحه بسببه ..

يقول فقلبه انا ما جرحتها .. بس كل شي حوله يأكد له صحة الحكي ..
إن ناصر جرحها من دون ما يشعر ..



تنهد سحب هوا كثير ملا فيه صدره .. واتصل فيها بس طلع مغلق !!

أرسل لها : نويف يا قلبي مادري وش اقولك .. ! بس والله اللي قاعد
يصير ماهو بيدي .. اذا انا طلعتي من البيت جرح بالنسبه لك ! انا مستعد

اعالجه وارجع .. لكن تأكدي اني خسرت كرامتي ..

يا نويف سميه اللي بتسمينه لكن والله وجودك معي بحياه وحده وبلد

واحد وبمنطقه وحده هذا العيد بالنسبه لي .. نويف لا تضايقي حالك انا

طلعت من البيت ما طلعت من حياتك .. حسسيني اني عايش معك ..

توصلني اخبارك اول بأول وعارف وش المصايب اللي تجيك والكلام اللي

يوصلك .. بس وش العمل ؟؟ اقسم لك بالله كل ما يجيني علم بأن احد

ضيق صدرك يضيق صدري على طول وكن احد يطعني من داخل .. أحس

بضيقه لا يمكن تكون طبيعيه .. اصبعي عورني من الكتابه حرام عليك ..

(يا سهل الحكي : ) )كل عام وانتي بخيـر وعيدك مبارك ياالغاليه ..
محبك الشاب الوسيم ..
ناصر

أرسلت له :

دايم تفارقني قبل حزة العيد ..
وأقول صدفه .. و هالشي "وارد"

توي عرفت المسأله بكل تأكيد
ما يجتمِع عيدين في وقت واحد..!!

يا ناصر .. انت تشوف الشهر كنه سنه وانا اشوفه دهر .. جدي اشتاق
لك .. كلنا اشتقنا لك .. العيد ما يسوى من غيرك .. انا ماني بزعلانه
ولا حزنانه عليك دامك موجود معنا .. اما الضيقه فـ هي تجي وتروح
عادي .. تساهيل من ربك ..

وانت بصحه وسلآمه ،، ومن العايدين ..

(انتظرك لا تطول)








ناصر ارسل لها : نويف فديتك اذا اتصلت عليك ردي لا تعاندي .. والا
والله لأتصل بـ لمو أو نجيد او او او

[ماجد العساف]

/


/


في المزرعه

ناصر بصوت عالي وبابتسامه عريضة : عزووووووووووووووز ..


عزوز : هلا ..

ناصر : تكفى خلنا نلحق على الصلاه .. ما بقى الا 10 دقايق ..

عزوز : عادي نصلي في المزرعه

ناصر : عاد انا من جاي أطلب؟ .. انا رايح اذا بتجي تعال والا بتركك


[ ناصر حس ان بهالفتره اللي جلس فيها مع عزوز حبه كثير وكأنه

يعرفه من سنين كافي انه ولد خالتي
فتح له قلبه وقاله اسراره و صار ميانه معاه مررررره عرف وش يحب
وعرف وش يكره طلعاتهم مع بعض كل يوم طول هالشهر .. حس انه
اكثر من صديق .. لكن للأسف من يقدر ؟؟؟ مفهوم الصداقه عند الناس
انمحى وماهو اي انسان تأتمنه على سرك او نفسك او اهلك .. مهما كان
هالشخص قريب منك او اقرب لك من ملابسك .. أحيانا ما تجينا الجروح
وتعلم على قلوبنا الا من اعز واقرب ناس فحياتنا وبهاللحظه الجرح
صعب معالجته بأغلى الأدوية .. ولو مر عليه سنين طويله ]




/




( قصر ابو خالد )

الماس جالسه بجنب نوف على سريرها بغرفتها البينك ..

الماس : نوفه نوفه قومي ..

نوف : هااااا توني نايمه لمو ابعدي

الماس : الساعه 11 وما عايدنا على ماما وبابا واخواني .. قومي ..

نوف : اتركيني انام .. ،، قوميني بس لا جيتي تلبسين للغدا عند جدي ..

الماس : اف منك


الماس تحممت وطول وقتها في الحمام تغني .. ( مش قادره استنى يوم
كمان ارجع بقى متشوقه حبيبي حلم عمري لحضه لقى ...... )


وصوتها عالي مره ..


طلعت ولابسه بيجامه برمودا وبدي كت نزلت بالاصنصير : هاااااااااي
عيدكم مبااااارك جميعا ...


ابو خالد وام خالد : هلا ووالله من العايدين ياعمري ..

باست راسهم وجلست تفطر معهم ..

الين ما جا خالد ونوره وعيالهم من فوق وبعد السلام والمعايدات ..

خالد : وين نوف ونايف ؟؟ ماهي عادتهم ..

الماس : نوف نايمه ..

ام خالد : ونايف طالع للصلاه بس مارجع يقول مر صاحبه ... وجاي على الغدا

خالد : يطلع ولا يعايدنا ؟؟ الحمد لله على العقل بس ..

الماس : انا مبسووووطه اليوم مادري ليه ..

نوره : وراك لابسه بيجامتك .. وين كشختك

الماس : والله عجزانه .. قلت اخلي كشختي مره وحده لبيت جدي .. فـ
حطيت ميك أب خفيف ولبست هالبجامه الجديده وش رايك فيها ؟؟

نوره : كلك حلا وربي ..

الماس : عيونك الحلوه .. فيصل تعال نطلع للحديق ..

فيصل ما صدق .. : يلاااا



:

( قصر ابو دانه )

دانه : اهلين عبود كيفك

عبدالله مبسوط هي اللي اتصلت .. : هلا فيك .. تمام انتي اخبارك ؟

دانه : الحمد لله بخير ،، عيدك مبارك يالغلا..

عبدالله : عساك من العايدين .. وكل عام وانتي بخير يا قلبي ..

دانه وكنها تقول مو وقتك يا فوفا : عبدالله احاكيك بعدين باي ..

الهنوف تدفش الباب برجلها : البس هذي والا هذي ؟؟؟

دانه : يلبسك جني قولي آمين .. انتو فهالقصر محد عنده ذوق ؟؟؟
كشخه عالفاضي ؟؟؟

الهنوف بـ بلاهه : ايش فيه ؟؟

دانه : ايش فيه ها ؟؟ اطلعي برا وسكري الباب ..

الهنوف ببراءه : طيب ما عايدت عليك !

دانه بتأفف وغرور : انا اجيكم واعايد عليكم كلكم بعد ما اكشخ برا
الحين .. يالله صباح خير

الهنوف وكنها ترجع لهبالها : ميتين عليك حنا .. كش



/

الهنوف تدفش الباب على نجود ..

نجود والغرفة كلها ظلام : ميييييين

الهنوف تولع النور : البس هذي والا هذي .. ؟؟؟

نجود تبعد اللحاف عنها وتجلس على السرير : أشوف قربي .. ما
اناظر عدل ..


الهنوف تقرب اكثر بغباء .. : ها شوفي ..

نجود تسحبها من شعرها بقوه وتصعدها السرير وتجلس فوقها .. : انا
ما تشوفيني نايمه الحين ؟؟؟ جعلك تطلعين ملطا ان شاءالله انا وش
دخلني ؟؟؟ ها


الهنوف : آه ظهري يا غبيه ..

نجود : يعني بس هذا اللي ناقصك وتطلعين حلوه ؟؟؟ ان لبستي هذي والا
هذي الجيكره جيكره


الهنوف : آآآآآآآآآآآه يا غبيه والله جد ظهري كسرتيه يالبطه

نجود تبعد عنها : انا بطه ؟؟ الله يرحم .. انحاشت للحمام وسكرته وهي
تضحك

الهنوف : والله ما اخليك والله لأعلم نايف بهالسالفه وما اكون بنت امي
وابوي يا نجيد يا خروف ..

نجود ميته من الضحك و حاطه اذنها على الباب . :
هههههههههههههههههههههه

الهنوف : اضحكي اضحكي .. والله لاخلي وجهك احمر اليوم .. تشوفي ..


نجود تفتح الدوش : ترا اتروش ما اسمعك هههههههههههههه يالبالونه ..


الهنوف راحت للعنود وجلست تناظر فاختها اللي لبست وكشخت
وخلصت ..

الهنوف : اقول العنود مالي الا انتي .. مع ان ذوقك مش ولابد بس محتده عليك

العنود : افا فوفا انا ذوقي ما يعجبك ؟؟ جربي حضك وشوفي .. ؟

الهنوف : يلا .. قوليلي البس هذي الكعب الأسود المسمار ،، او البس بالورينا ؟؟

العنود بتفكير : امممممممم انتي فيك طول ماشاءالله البسي بالورينا ازين ..

الهنوف : انا بعد اقول كذا ،، ابعدي خليني اخلص . (دخلت غرفتها اللي قبال غرفة العنود وسكرت الباب)

العنود بقلبها (ههههههههه هبله اي شي اقوله تصدقه ،، ماتدري اني ما
اعرف وش الطبخه ولا ادري وين الله قاطني ههههههههه )

/





نجود تلف الفوطة على شعرها الطويل (امممممم اتصل بنوفه واشوفها )

نجود قافله الباب خايفه من الهنوف .. تضربها وتجيب لها عاهه
مستديمه لأن لعبها مره ثقيل ..


نجود : هاي نويف عيدك مبارك

نوف وهي نايمه : ــــ

نجود : يمال العافية نايمه ؟؟؟

نوف تقول حكي ماهو مفهوم زي حكي النايمين دايم تأتأه

نجود : الوووووو

نوف : ........

نجود : الله يخلف على امن جابتك .. باااااااي

/

[ماجد العساف]

/

( قصر ابو سالم )


بتول : ما ابغى اروح يعني ما ابغى اروح

ساره : والله اني جايبه بنت خبله .. عشانك متهاوشه مع الخادمه مانتي برايحه لبيت جدك ؟؟؟ وش يقولون


بتول حساسه مره : ماما جننتني ،، كل يوم اتهاوش معها ماهي بحاله ..

ساره : طيب حنا وش دخلنا ؟؟ جدك وش دخله ؟؟؟ البنات هناك
ينتظرونك وانتي جالسه هنا ؟؟؟

العن شكل عدوك اختك هي عشان تزعلي منها ؟؟؟

بتول : اجل رجعيها مكان ما جبتيها .. ما ابغاها .. كذا مزاج

ساره : خلاص احاكي سالم يرجعها .. البسي الحين حطي مكياجك .. !!

بتول بنشاط : اووووووووكي ماما



/

ام سالم : الو ؟

سالم : هلا بالغاليه ؟

ام سالم : انت وينك ؟؟ عايدت علينا انا وابوك وطلعت ؟؟

سالم : رحت مع الشباب وجاي على الغدا ليه ؟؟

ام سالم : مافي شي بس بغيتك اذا رجعت من الغدا تاخذ الخادمه وترجعها المكتب .. ؟

سالم : راما ؟؟؟ وش سوت ؟؟

ام سالم : لا ماهي براما .. مليكه ..

سالم : ليه طيب .. ؟ توكم جايبينها بسم الله

ام سالم : ما تفهم بقره ،، وكل يوم تتهاوش معها بتول ..

سالم : بنتك يمه ماهي طبيعيه مادري وش شايفه نفسها عليه ..

ام سالم : هذي هي وش حلاتها مع راما ..

سالم : لان راما مربيتها ومشيتها على السراط المستقيم عندنا صار لها سنين ههههههههههههه

سالم : لا تقول عن اختك زي كذا .. بتوديها والا كيف ..

سالم : لا وش بعد ؟ أكيد بوديها شيجلسها دامكم ما تبونها ؟؟؟؟


سالم : الله يعطيك العافية و يخليك لنا .. لا تأخر على الغدا

سالم : ابشري ..


،
،



ام سالم : راما اخذي سعد وطلعيله ثوبه الجديد .. ورتبي اغراضه حتى يلبسها بسرعه ..

راما : اوكي مدام ..

ام سالم تناظر بفارس اللي نايم على الكنب ..

ام سالم : فارس ترا اشوفك ما انت نايم .. قوم البس لا تأخر

فارس بصوت باين توه قايم من النوم : أتأخر على ايش .. أبطلع مع خوياي

ام سالم : خوياي ؟؟؟ عز الله قروي ..

فارس : ههههههههههه وش يقولون اجل يالحضريه !! عاديه الكلمه مافيها شي ..

ام سالم تتبخـر : مايصير تطلع وانا امك وش نقول لجدك ..

فارس : جدي جدي جدي .. ! طيب ليه اخوياي ماهم ملتزمين بهالشكل
مع اهلهم ؟؟ بأي وقت يجون وبأي وقت يطلعون ؟؟


ام سالم : لأن مافيه احد معطيهم وجه زي ماحنا معطينك وجه

فارس : افا


/


/



في شقه ابو تركي ..

رجع ابو تركي وتركي من برا ..

تركي يبوس راس امه : عيدك مبارك

الجوهره تركض وتبوس ابوها : كل عام ونت بخير يا احلى اب في الدنيا

ابو تركي بفرح : عساكم تعودونه جميع . الله يستر عليك يالجووهرره

تركي يزين شماغه : الا وين سويره ؟؟؟؟

الجوهره : ترقع فنفسها هههههههههه

تركي : تصلح ما افسده الدهر . هههه

ساره وهي كاشخه : هههههههههههههه جعلكم اللي ماني بقايله .. تحشون فيني ؟؟؟ هذا وانا اختكم


تركي يسلم عليها : عيدك مبارك .. ماكنا نحكي عنك انتي الغاليه ..


ساره نعومه مره .. حتى شكلها ما يعطي 24 رغم بساطتها الا ان
ملامحها و ذوقها مره ناعم عكس الجوهره اللي لما حد يشوفها يقول
هذي لا يمكن تكون من عايله متوسطة الحال .. طالعه في العيد قمر اكثر
من اللي هي عليه .. بفستانها بلون روتانا .. وكان لتحت الركبة ..
ورافعه خصل من شعرها بنعومه ..

الجوهره بزعل : يبه احنا كاشخين وين راح نطلع ؟؟ لايكون زي كل عيد
نجلس واناظر فبعضنا .. ؟؟


ساره : يعني تبين تروحين ؟؟؟ من عندنا يا حسره نزوره او نعايد عليه ؟؟؟

تركي : دام سفرتي بكره انا ناوي اطلعك انتي والجوهره نتمشى العصاري
كذا او المغرب ..

الجوهره باستغراب : وين ؟؟؟ وين بتسافر ؟؟

ابو تركي : قرر يروح انتداب لتبوك وراح يرجع بعد شهر ماهو مطول ..

تركي : ان شاءالله

الجوهره حطت يدها على قلبها : كيف ؟ تسافر وتتركنا ؟؟؟

ابو تركي : انا عندكم يالجوهره .. وهالانتداب راح يزيد من ضعف راتبه 4 مرات .. حرام خليه يروح


ساره : ايوه وحنا ندبر حالنا هالـ كم يوم ..

الجوهره : وليه انا آخر من يعلم ؟؟

تركي : خلاص عاد هذا انتي دريتي .. ها وين قررتو ؟؟؟



/


نوف صحت فجأه من نومها وسحبت المنبه وناظرت فيه إلا الساعه 12
الظهر !!

نوف تبعد الغطا عنها : ياويلي ما خلصت .. ياويلي ..

اخذت دوش و طلعت حطت الميك أب وكان مره اوفر مبين جمال عيونها
أكثر ،، وحطت البلشر خفيف وبعده الروج الزهري ..

نادت على البنت اللي جايه من المشغل ..

نوف واقفه بشورتها خلف باب غرفتها : تعالي هنا

البنت : جالسه انتظر هنا ساعه ..

نوف : انا راح ازيدك ان شاءالله تو ما صحيت ..

البنت : اوكي

نوف : اسمعي ابغى تسريحه ماهي اوفر ابيها ناعمه .. ومابيك ترفعين
شعري وسوالف البف ومادي ايش ..
ابي شي جديد

البنت : انتي شعرك طويل واسود ماشاءالله يعني راح يساعد .. راح اعملك حاجه جديده ..


الماس جهزت وخلصت وجلست مع اهلها في الصاله اللي تحت ..


ابو خالد : كح كح .. نوفه وينها .. وش فيها ذا العيد !!

ام خالد : بنات يا راشد .. لزوم يتأخرو ..

ابو خالد : عايدتي على امك ؟؟

ام خالد : اي والله اتصلت فيها اليوم .. وكان عندها اخوي وعايدت عليه وعلى مرته مره وحده ..

نايف بيده الفنجال : وش لونها الحين ..؟

ام خالد : والله يقولو ليلحين على كرسيها .. الله يشفيها ..

الماس : يمه ليه ما تجي عندنا .. انتي بنتها ولازم تقومي فيها .. مو مرت ابنها

ام خالد : والله قايلتلها بس هي ما تبغى وش اسوي .. انا ودي تجيني اليوم قبل بكره !!


(ام خالد شريفه .. ما عندها الا امها اللي في الجبيل واخوها الصغير وزوجته وبنتهم الوحيده ام 10 سنوات)


نوف بعد ما انتهت وتعطرت ولبست نزلت لتحت بيدها عبايتها وشيلتها ..

كان شكلها مره حلووو كانت بدلتها فيها الوان روعه متداخله فبعض ..
الوان كلها حيويه ولابقه لفترة الصيف ..


نايف : بس بس وصل الحلا كله

نوف تبتسم : السلام عليكم

الكل وقف وعليكم السلام

نوف : عيدكم مبارك بابا وماما ..

نايف : كل عام وانتي بخير

نوف : وانت بصحه وسلامه نويف

الماس ضمت نوف مره : عيييييييييييييدك مباااااااااااارك يالغلاااااااا

نوف : ههههههه فديتك لمو توني شايفتك .. بوسه تكفي ..


نوف ناظرت بخالد وقربت منه : عيدك مبارك بو فيصل ..

خالد باسها : من العايدين .. (رفع لها رتوجه وباستها)


نايف : نويف جاهزه ها ؟


نوف بجديه : ايه ،، خلنا ننزل بيزعل جدو كذا


طلعو من بيتهم ودخلو قصر جدهم اللي يبعد خطوتين عنهم ..

الماس وهي تمر على الحديقه اللي بينهم .. : نوفه ليه لابسه عباتك ؟؟ طلعتيني شينه عند اخوانك


خالد بيده الزقاره : نوف وراك لابسه عباتك ؟؟ رايحه لبيت جدك انتي ..
نوف : ما عليه نسيت جبتها معي ..


نوف بهمس لألماس : هههههه انا مو لابستها طواعه انا عارفه ان راح
نطلع العصر فقلت مالي نفس ارسل خادمه و هـ العفسه .. قلت مره
وحده ..


الماس : اها على بالي عندك سالفه



/




دانه : افففففففففففف بابا خلني اروح لحالي ترا القصر بجنبنا وش
السالفه .. ؟ اول مره هي ؟؟

ابو دانه : انتظري شوي .. ما هي حلوه يقول انك جايه قبلي والا قبل امك ..

دانه : يا بابا ماراح نخلص هذي نجيد ما تخلص ..

الهنوف & العنود : طفشناااااااااااااااااااااااا يلاااااااااااااااااااااا

الريم : فجرتي اذني انتي وياها ، مافيكم صبر ؟؟؟؟

اما دانه تناظر بالساعه : انا طالعه اناديها ،، اذا تركناها على راحتها
والله ما نوصلهم الا على العشا ..





/


نجود في غرفتها دقيقه ترقص على الموسيقا ودقيقه تحط كحل .. دقيقه تكمل الرقصه ودقيقه تحط المسكره ..


والصالونه اللي جايبتها من المشغل تناظر فيها وتحمد الله على العقل ..

ام دانه تدخل : هيه نجيد .. ياويلك من ابوك .. انتي ما عندك حيا ؟؟ منقعته تحت ؟؟؟

نجود تركض تلبس جزمتها : يلا ماما انتي روحي وانا اجي بعد 10 دقايق .. بس 10 دقايق ..

ام دانه : والله ان تأخرتي عن 10 دقايق .. لنطلع ونتركك


نجود : اففففففففففف هذا وانا ناويه اذا بقى وقت أعايد على اصحابي على الماسنجر ،، مالت على وجهي ..

ام دانه : اتركي عنك المازنجر وانزلي لأ أقتلك


الصالونه : مدام نجود انا عندي شغل وجالسه انتظرك .. ؟؟

نجود بعصبيه : وش اسوي يعني ؟؟ اقطع نفسي انتظري بس ابغى تعديل
بسيط ..

الصالونه : بس انا انتهيت من التسريحه من زمان !!

نجود تدخل غرفة الملابس : قلت لك تعديل بس انتظري البس واجيك ..

الصالونه كرهت حالها .. تقول ياليتني رحت القصر الثاني ازين ..




/


ناصر بالقهوه .. جالس مع عزوز ..


ناصر : تدري عزوز .. اول مره اجلس بهالمكان حزة العيد .. بهالوقت
أكون (بتفكير) ممممممم راكب سيارتي .. وجالس اتعطر بالعطر من فوق
لتحت .. وبجنبي ابوي وورا تبوله و سعودي ...

وبالسياره اللي بجنبنا سالم وفارس .. وامي .. ابوي يجي معي لاني ما
اسرع زي سالم .. يقول سواقتك راكده .. اما امي تركب معه تجامله
فديتها مع انها تكره السرعه



عزوز : عاد انا عكسك كل سنه اعايد على اهلي واطلع مع اصدقاي وما اجيهم الا الفجر ..


ناصر بمزح : آآآآآه الله يرحم الي انا اعايد مع عزيز واقابله طول اليوم


عزوز : ههههههههههههههههه



( عبدالعزيز ضحك قدام ناصر اللي كان يقصد الموضوع من باب النكته لا
اكثر ،، لكن عزيز حطها فقلبه وما قدر يبلعها لأنه انسان شاك بنفسه ولا
عنده ثقه بحاله ،، وكذا الانسان لاصار مريض ،، يعتقد ان الكل حاط
عليه ويحكي عنه بقصد بدون مزح )



/


بتول : ماما عطشانه

ساره : ليه ما شربتي قبل لا تطلعي من البيت ،، بعدين هذا بيت ابوي قريب

بتول ترجع جسمها على المرتبه : افففففففف


سالم : امر البقاله ؟؟

ساره : لاااااا ماهي بزر تتحمل .. انتو من جدكم ؟؟؟ القصر هذا هو قدامنا

سالم : وش اسوي عاد فبنتك .. عامله حالها ترفه .. وما تتحمل ..

ابو سالم : خفف يا سالم خفف وانا ابوك

بتول بصوت مخنوق وفجأه قالت : ووووووووووووووووووين ناصر ؟؟؟ والله ما صارت عاد ..

ساره بألم : بتول ماما لا تخربي مكياجك .. اخوك راح يجي انا حاسه ..

ابو سالم : مشكله والله بعد لو ما يعايد اهله .. يصير من دون احساس ..

سالم : الغايب عذره معه يا جماعه ..

/


ناصر : على وين .. ؟

عزوز : انت راح تجي معي ؟

ناصر : على وين طيب ؟؟

عزوز : الاستراحه .. هناك الشباب ..

ناصر : لا ماني مشتهي .. ودي اجلس هنا لوحدي .. اجيكم المغرب ان شاءالله

عزوز : يا ولد تعال تجلس هنا ايش تعمل .. ؟

ناصر : والله مالي بهالروحه توكل على الله انت .. انا حتى خوياي
مارديت عليهم .. رح انت ..


عزوز : على راحتك سلآم ..

[ماجد العساف]

/




فبيت الجد سآمي ..

.

.


.


عايدو على بعضهم .. وكان موجود بيت ابو خالد وابو دانه ..

سآمي : وينه ابو سالم ؟؟؟

فواز ابو دانه يناظر بساعته : دقيقه ويكون عندك

بهاللحظه دخل بيت ابو سالم ..

فواز بابتسامه : هاه وصلو..


بعد السلام ..

جلسو المضيفات اللي يجو دايم مع البوفيه .. يقدمو العصاير والبارد
وانواع الحلويات والفطاير والقهوه والشاي ..

الماس للمضيفه : بليز مدام قيف مي فريز جوس .. ؟

المضيفه : اوكي مدام ون مينيت

فارس : يعني اسمعو تراي اعرف احكي انجليزي .. ؟

الماس بغرور : ليه في حد الحين ما يعرف يحكي انقلش ؟؟؟

فارس يقلد طريقة حكيها : ايوه اللي جالس بجنبك ..

الماس : والله عاد انت عربي يالله يالله .. تبغى تعرف انقلش ؟؟ لا لا
صعبه مره

فارس : آه على من يمسكك وطراقات ..

الماس بابتسامه : ما تقدر هههه ،، تبوله تقوم عليك

بتول : بالعكس انا معاه ،،

الماس : ابغى مره وحده ما تكوني فيها نذله ..

بتول : فارس وش له تخز المضيفه

فارس : لا بس اعطيها نظره .. عادي يعني .. شكلها غريب

بتول : خلي عينك قدامك لا اعلم خالد




خالد جالس بجنب نوره و نجود ..

خالد : نجود وين نوف .. ؟

نجود : عند عمتي جوا .. في المطبخ ..

خالد : اها .. طيب وش عامله بشعرك انتي ؟؟؟

نجود تمسك تسريحتها : ها . ؟ وش فيها ؟

خالد : مادري .. كنك حايسته حايسته وجايه .. من الغبي اللي عاملها
لك .. ؟

نجود بخوف : جد خالد ؟؟؟؟

خالد ضحك وطلع يدخن : هههههه

نجود : بالله نوره مو بحلوه ؟

نوره : الا والله تجنن مالك دعوى يمزح

نجود طلعت لنوف ..


نوف بالطبخ يشرفو على البوفيه هي وامها وعمتها ساره ..


نجود بهمس لنوف اللي جالسه عالكرسي : نوفه تعالي بسرعه

نوف : وش فيه ؟؟

نجود : تعالي بسرعه ..



نوف ونجود برا المطبخ بالممر الطويــل ..

نوف : وش له مطلعتني ؟؟ والله لو شي سخيف لأكون قاتلتك

نجود : بالله نويف تسريحتي مسخره ؟؟؟

نوف : هههههههههه ايوه

نجود : وش ايوه ؟؟؟ مسخره ؟؟؟

نوف : ايوه يعني كملي هههههههه من قالك هالحكي ؟ ههههه

نجود : يا غبيه لا تضحكي زي كذا .. خالد اخوك

نوف سكتت : لا يمزح يمزح ..

نجود : وش فيك عصبتي توك شحلاتك .. طيب هو قالها بجديه

نوف تركتها وراحت للمطبخ : لا ما عليك هو مزحه كذا


/

الريم جالسه هي ونايف وسالم وسوالفهم وضحكهم الكل يسمعها


نجود رجعت وجلست بالقرب منهم ..


نايف يلتفت لها : نجود تعالي اجلسي ..

نجود قامت وكنها مو بمهتمه ..

نايف : اسمعي نجيد .. اقول للريم .. انا عاملها خطة رجيم تمشي
عليها .. وهي تقول لا جسمي ما يحتاج

وش رايك انتي .؟

نجود ودها تضحك بقوه هههههههههههه شكل نايف ما يعطي انه يحكي
بأمور الريجيم ..

نايف : وش فيك كنك بـ فمك ضحكه ؟؟ ههههههه شكلي ما يعطي استشاري ؟؟

نجود : لا ما اقصد بس انا كنت اقول لها زي الكلام ..

سالم : بسئلك نجيد .. وش رجيمك انتي ؟

نجود رفعت حاجبها وناظرته .. يمكن لو السؤال من نايف تقبلته اكثر ..
بس سالم لا ماهي بقادره تبلعه


سالم : بس اسأل لان جسمك ماشاءالله مره مضبوط ..

نايف مايدري ليه انقهر .. كيف يحكي مع البنت زي كذا .. هو حس انه عيب ..

نايف التفت لسالم : خير يا بو الشباب حنا نحكي عن ريومه .. من جاب
طاري نجود ؟

نجود : عن اذنكم ماما تناديني ..



سالم : جدددددددددده

سلمى وهي ماره على الصاله : هلا

سالم : متى يخلص البوفيه ، جعت انا .. شوي وآكل كتف نايف .. ؟؟

سلمى: ههه شوي ويجهز ..


الريم : نايف كيف تجلس معي وانت عمرك 24 ؟

نايف : ما فهمت كيف يعني ؟

الريم : يعني دانه وسالم مثلا ما يجلسو معي زيك مع ان هم اعمارهم
قريبه منك يعني 22

نايف : اها فهمت قصدك ،، يمكن انا ما احب اجلس مع الصغار .. لكن انتي غير .. الجلسه معك مره حلوه ..

اصلا اكثر بنوته اجلس معها من جماعتنا هي انتي .. ليه مضايقك انا


الريم : هههههه لااااااا بالعكس .. اصلا انا فرحانه .. والله انت احيانا
احسك زي اخوي ،، اي شي اطلبه منك تعمله لي .. ياليتك اخوي

نايف : ههههههه وش دعوه انا اخوك اصلا .. (وكمل بغصه )وبعد كم شهر اصير زوج اختك ..

الريم بصدمه : مين دانه او نجود ؟؟

نايف قلبه يقول نجود لكن لسان حاله قال : دانه

الريم بحزن : ليه

نايف : وشو اللي ليه ؟

الريم : ولا حاجه .. فتحو البوفيه ..

نايف مسك يدها وطلعو ..


،،



سالم : انا افتتحه ابعدو

سلمى : عليك بالعافية .. يقال انك تحب الاكل بس ماهو باين

بتول : فديته اخوي جسمه رياضي ..

فارس ياكل التبوله : ههههههههه تبوله جالس آكلك .. ابغى اطلع حرتي

بتول : ههههههههههه حط حيلك فيها لأنك ما تقدر علي ..


سالم : والله مادري كيف تحبو السلطات ... يا ناس فيه احد يعشق الرز زيي ؟؟

الماس : انا احب الرز .. بس 8 ملاعق آكل ..

سالم وقف عن الغرف : كيف ؟؟ شمعنى 8 ؟؟ يعني 8 لقمات ؟؟ فار ؟؟


الماس : ايه .. لزوم الدايت ..

سالم : امحق دايت .. انا افتتح الرز بـ 10 لقمات .. بعدين استرسل ..

الماس : هههههه عليك بالعافية ..


جلسو على الطاولات .. اللي قبال البوفيه في الحديقه الكبيره ..
الجلسه طالعه مره تجنن مع الديكورات والمفارش ..


دخلت نوف آخر وحده للبوفيه .. مالها نفس للأكل لكنها راحت للفتوش .. ولا اخذت غيره ..

(ناصر ما يحب الا هالسلطه)




ناظرت بأي طاوله تجلس ؟؟؟

هناك جدو و بابا وعمي فواز وعمي سلمان

وهناك عمتي ام دانه و ماما ونوره وخالد ونجود ..


وهناك فارس وتبوله والماس ودانه


والهنوف والعنود جالسين مع سالم .. وعمتي ساره


افففففف كل طاوله فيها واحد غثيث مافيه الا عند جدي .. بس وش يجلسني مع الشياب


نوف بابتسامه : مرحبا

سامي : نوفه عندنا يا هلا والله

نوف بجنب ابوها وجدها : هلا فيك ..

سامي : وراك ماجبتي الا سلطه اناديهم يجيبولك ؟؟

ابو سالم : البنات كذا يا عم لازم الريجيم .. بتول عورت روسنا بهالرجيم ..

نوف تضحك بدلع : ههههه

ابو خالد : نوف يا يبه هالحين مهي زيها اول ..

سامي باهتمام : ليه ؟؟


نوف تناظر بأبوها ما تدري وش راح يقول ؟؟

ابو خالد يكمل وهو يناظر بنوف : نوف اول طول اليوم تضحك وتلعب
وتجي وتروح .. وتجلس عند امها وابوها وسوالفها ما تمل منها .. لكن
الحين والله انها بالغصب تضحك والله مادري وش جاها .. احيان اقول
لخالد تكفى ودها المشفى اخاف فيها شي ..

نوف حطت الملعقه على الطاوله وبلعت اللي بفمها بصعوبه .. وناظرت
على طول بجدها .. وكنها تقول (وربي حكي ابوي صحيح بس كيف لاحظني .. هذا وانا امثل عليهم اني طبيعيه .. )


سامي : افا يا نوفه وش ردك يا باابا

نوف بابتسامه وكنها تسرقها سرقه : ههه مافيني شي بالعكس .. بس
بابا يبالغ شوي .. (تلتفت لأبوها) بابا جلساتي معك خفت لاني اطلع مع
نجيد والبنات ..
صحيح مسلم .. لكن : الهَم كافر..
كل ما بغيت أضحك يهددني حزني..

الضيق وآفي .. والحزن حيل وآفر..
والجرح أكثر شي .. شفته يحبني ..





ابو خالد يهز راسه وكنه يحاول يصدق غصب : كل شي جايز



/

[ماجد العساف]

/
/



تغدو كلهم ودخلو لجوا


البنات جلسو كالعاده اللي تضبط فمكياجها واللي تزيده ..


نوف و هي جالسه تناظر بالبنات دق جوالها

نوف : هلا

ناصر : هلا فيك نويف كيفك ؟

نوف : تمام ..

ناصر : كل عام وانتي بخيـر

نوف : وانت بصحه وسلامه

ناصر : وش فيه صوتك ؟؟؟

نوف : ولا حاجه .. ناصر ؟

ناصر : عيونه

نوف : ترا جالسه انتظرك متى تدخل


ناصر : نوفه

نوف وكنها عارفه وش عذره المعتاد : هلا يا ناصر

ناصر : انا برا في الحديقه ..

نوف بصدمه على فرحه على سعاده : احلف ؟؟؟

ناصر : والله ..

نوف تركت السماعه مفتوحه وركضت للشباك .. بعيونها فرحة العيد
وكنها توها واصله .. عيونها دمعت لما ناظرت فيه معطي الفيلا ظهره
وجالس فمكانهم المعتاد على الطاوله ..


نوف ركضت ونزلت على السلم و فتحت الباب بسرعه

ناصر ظل جالس بمكانه ..

نوف بهدوووووء: ناصر

ناصر وقف وابتسم لها ،، نوف ذااااابت من الفرحه ما تدري وش تعمل ..

مد يده ناصر وصافحها
نوف استغربت الحركه ومسكت يده البااااااااارده واللي رفض يتركها ..

نوف باحراج : يدي ناصر ..

ناصر : نسيت .. ،، كيفك يالفاره ؟

نوف : انا فاره ؟؟


ناصر : ايوه ،، يقولي ما تركتي شي ما كلتيه بغيابي .. شوفي كيف سمنانه ..


نوف تناظر فجسمها اللي ضعف مرررره : من جدك ناصر ؟؟


ناصر يجلس على طرف الطاوله : لا والله يا نويف انك قاضيه منتهيه .. وراك خافه زي كذا ؟؟ لمو تاكل أكلك ؟؟ والا نايف ؟؟

نوف : ههههههههههههه لا بس صايره ما اشتهي شي ..


ناصر : يا حلوك يا نوف والله لك وحشه .. شهر وكنه سنه .. والله

مشتاق لك لدرجة ان فيه احد فوقي يقول طق راسها بالجدار ليما ينقسم نصفين

نوف فاتحه عينها ويدها بخصرها تستغرب من روحهه الاجراميه : واهون عليك ؟


ناصر بتفكير : مممممممم على حسب .. اذا مزعلتني ! اذا راضي عنك !

نوف : والحين ايش ؟؟


ناصر :الحين جاي اسئلك وش هاللبس ؟؟ بالله عليك طالعه كذا عند اخواني ؟؟

نوف : ناصر وش فيك ؟؟ اخوانك اخواني ..

ناصر يضيع السالفه وكنه يقول مو بوقت غيرتك يا ناصر : طيب طيب


نوف توقف فرح : تعال ناصر لجوا يلا


ناصر تغير وجهه : لا لا انا متفق مع نايف نطلع مع بعض للمول وناخذكم معنا ..


نوف : ناصر .. ؟

ناصر وهو مركز عينه بعينها: هلاا

نوف : ما نبغى مول ولا نبغى نتمشى .. ارجع انت اول .. انت وعدتني ...

ناصر وكنه ضارب الدنيا بالجدار يوقف ويزين شماغه : نوفه يا قلبي انا

ما همني احد كثر امي وانتي .. سلمت عليكم وانا الحين طالع .. نتواعد

مع نايف في المول ان شاءالله ( مسح على شعرها بسرعه ومشى للبوابه)


نوف تبكي : ناااااااااااصر ؟؟؟


التفت لها ناصر من بعيد ..

نوف جلست على الكرسي بقوه وبكت : ابغى اروح معك !!! (وبصوت
مخنوووووق ) تكفى


ناصر رجع لها : نوف لا تصيري بزر .. اذكري ربك .. اقولك حاجه
تطمنك .. ؟؟ كل ما افتح جوالي اناظر مكالمات من جدي .. بس ما اتصل
فيه .. كنت قايلك لازم هو اللي يتصل .. لكن الحين كرامتي ماني قادر
عليها ابغى ارجع بس ماني قادر


نوف وكنها مصدومه من الشخص اللي قدامها

وقفت ومسحت دموعها : طيب يا ناصر لا ترجع .. بس تذكر انك وعدتني واخلفت بوعدك .. وتذكر ان جدي هو اللي ترجاك وانت رفضك عشان نفسك ونسيتنا حنا ..

وراحت لباب القصر تركض ..



ناصر تنرفز حب يهديها و هي الحين زعلانه اكثر : نوووووووف .. !





/


نجود والبنات على الشباك وكنهم يتابعو فلم مصري ابيض واسود ..

دخلت عليهم نوف مصدومه .. : وش تسوون ؟؟

نجود : وش قالك ؟؟؟

نوف دخلت الحمام : مالك دعوى ..

نجود : افا


العنو د: هههههههههه احسن


نجود : شفتي ضحتي اللي يسوى واللي ما يسوى علي ؟؟


الهنوف : يا عيني على السلام .. لا وما رضى يترك يدها

بتول ماسكه لموو : آآآآآآآه شفتي عيونهم ؟؟؟ ياويلي على اخوي .. وربي هالاثنينه يوجعو قلبي ..



/


ناصر عالجوال : قلت لك جيبها .. واذا حكت بالطقاق فيها ..

نايف : ماهو خوف يابن الحلال .. لكن دانه مادري كيف صايره ؟؟ ان قالت له سببت لك مشكله ثانيه ..

ناصر : وانا عاد ابغاها عناد .. ابغى اشوف تعلمه ولا لا ؟؟

نايف : اعزمها معنا ..

ناصر بالسياره راجع للمزرعه : ايوه ..

نايف : على راحتك .. المهم موعدنا الساعه 5 .. !

ناصر : تم ..

/

نوره بهمس : خالد خالد


خالد : هلا ..

نوره : تكفى ابغى اروح لأهلي الحين .. مره طولت عليهم .. !

خالد : انتظري شوي يا عمري .. واوديك لهم وتنامي عندهم مره
وحده .. خليك عندنا الحين .. !

نوره : لا لا ما ابغى .. والله لهم وحشه ..

خالد : على راحتك بس انتظري اخلص فنجالي ..

نوره بسعاده : اجل انا سابقتك عالبيت ..

/

سآمي في الصاله .. مع عياله ..

ساره : يبه اطلع ارتاح ..

سامي : انا مرتاح كذا ..

ابو سالم : اتركيه على راحته ..


نوف ونجود ك السلام عليكم ..

الكل : وعليكم السلام ..

سامي : وين النيه ان شاءالله ؟

نجود: طالعين مع نايف يقول يبغى يمشينا ..

سالم : وليه ما عزمني ؟؟

نوف تصرفه : عارف انك تبغى تطلع مع اصدقاك



نوف : تامرون بشي ؟؟ نايف في السياره ؟؟

الكل : سلامتكم ..


وجو وراهم بتول ولمو الهنوف والعنود جلسو سوالف من فوق لي باب
السياره .. لا سلمو عليهم ولا حتى استأذنوهم .. ذابحتهم السوالف
والضحك..

دانه جالسه بالحديقه محد عزمها .. ومقهوره مره ..


نايف بعد ما ركبو كلهم .. : نوفه وين دانه .. ؟

نوف : وش دراني عنها ؟

الهنوف : بالحديقه لوحدها

نايف : ليه ما جت ؟

العنود : ههههههههه كحد عزمها .. اصلا نسيناها ..

نجود مستغربه ؟؟ اول مره يسأل زي كذا ..


نجود : اطلع اناديها ؟

نايف : لا خليك مرتاحه اناديها وارجع ..

/

دخل نايف الحديقه وناظرها من بعيد ..

نايف : وراك جالسه هنا امشي اطلعي معنا ..

دانه : صبآح الخير !! توكم تعزمون ؟؟

نايف : وش فيك منتفخه ؟؟؟ ما قررنا الا قريب ..

دانه : مالي نفس اروح

نايف : امشي يا بنت الحلال .. كلها كم ساعه وراجعين ..


دانه تفكر : ....


نايف : ها ؟ ترا السياره شغاله ؟؟


دانه بغرور : اجيب عبايتي واجي ..

/
/



دانه اول ما وصلت تذكرت ان نوف راح تكون راكبه قدام بالمرتبه
الاولى .. فـ عزت عليها نفسها تكون بالخلف .. انقهرت مره ..

(انا اكبر منها كيف تتجرأ وتعمل زي كذا ،، يعني عشانه اخوها ؟؟؟ )

نايف طلع يعدل اشياء في الخلف ..

وجلست دانه تناظر بنوف بحقد واضح .

نوف ما قدر تتتحمل فتحت الشباك : خير مدام دانه وش فيها عيونك طلعت ؟؟؟

دانه بدلع مصطنع مرررره : نايف ؟

نايف : هلا

دانه : ابغى اجي وراكم بالسياره مع السواق طيب ؟

نايف :افا ؟؟ سيارتي موجوده وتطلعي مع السواق ؟؟

دانه : ما اقدر على كذا تحس مره زحمه ،، !

نايف : ههه وين الزحمه الجيب مره واسع ماشاءالله ..

خليك في المرتبة الثانيه مع نجود و تبوله ..

دانه وكنها تقول افهم يا حمار .. : لا لا ما ابغى


نايف فاهم عليها : يلا الحقينا مع السواق ..


دانه انقهرت كيف ما نزل نوف .. اففففففففففففففف

/