;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;;;;;;;;;;;
دخلت للصاله بنشاط وابتسمت بحيويه وهيا تشوف اخووهآ جالس ع اللاب تووب ومبين انو رايق ..
حلا: صباااح الخير
نواف : هلا والله صباح النووور ..
جلست جنبه بدلع : كيييييييفك ياقلبي انا ..
نواف : هههههه بخير ياحلووه انتي شلونك ..
حلا تلعب في خصلات شعرها : بخيررر ..
نواف استغرب ورجع نظره لللاب : اييه وش مصحيك من بدري ؟
حلا : اممم ابد ولا شي بس قلت جمعه واتعبدلي شوي قبل الصلاه ..
نواف ابتسم : تقبل الله
حلا : منا ومنك يااارب .. الا وين حمودي ؟
نواف : مابعد قام ..
حلا : اهااا الحين بروحله ..
نواف : وانتي ماترتاحين الا اذا ازعجتي احد بهالبيت ..
حلا : ههههههه لا بس عشان يلحق ع الصلاه ..
نواف : توو الناس استريحي بس .....
حلا ماردت وجلست تطالع التلفزيوون ..
مرت ببالها افكاار امس الي حارمتهااا النوم ..
بان عليها الانزعاج والاعتراض على كل شي قاعد يصير ..
تنهدت بصوت مسموع >> مو معقووله ننحرم من الي نحبهم عشان دستور هالعائله الغبي .. اذا انا الله ماكتبلي نصيبي بفيصل .. نواف يقدر يحارب عشان الي يحبهاااا .. بس ساره وش ذنبها .. ياما انتظرته وحلمت فيه .. ياما حكتلي عن امنياتها معاه ولهفتها لليوم الي يجمعهم بيت واااحد ....... يارب رحمتك انت اعلم بلي فيه الخير بس لا تحرم نواف من سعااادته هذا كل دنيتي << ..
نواف وهو يدقها : ووين رحتي ..؟!
حلا تأوهت بضيقه : ماني عارفه وش اقوولك ..
نواف ترك اللاب توب والتفت لها : وش فيه ؟!
حلا طالعت فيه بحزن : جوود ؟!
نواف بخوف : وش فيهاااا ؟!
حلا : مافيها شي بس ......
نواف بقلة صبر : بس شنوووو ؟!
حلا ارتبكت : نواف ... حرام ينجرح قلبها وتنحرق مشاعرها كذاااا ..
نواف ؟؟؟؟؟؟؟!
حلا كملت وعيونها في عيونه : انت عارف وش اقصد .. وادري انك تحبها مثل ماهي تحبك ومتميه بحبك بعد .. بس ليه يصير معكم كذا ؟!
نواف ماستغرب ولا تفاجأ بلي قاله هو اكثر واحد متاكد انه عيونه فاااضحته لو ايش مايسوي ..
وهذي اخته توأم رووحه تحس بلي فيه من نظراته ..
حلا بجديه : ليه ماتكلم ابوي ؟
نواف : اااهـ ياحلا وش اقووله .. انتي شفتي يوم كلمه محمد وش سوى اجل انا وش بيسوي فيني ..
حلا : طيب حااول ع الاقل مايصير تستسلم بهالسهووله ..
نواف تنهد من قلبه : خليها على ربك ..
حلا بضيقه : بس انا لازم اقوولها ..
نواف بصدمه : وش تقولين ولمنو ؟!
حلا بتردد : لازم جود تعرف انه مالها مصير معاك حرام تتعلق فيك اكثر من كذااا ..
نواف بصوت عالي : لااا لا تقولين لها ولا شي .. ( كمل بهدوء ) ابي اتهنى بحبها ماابي اخسرها الحين والله محتاجلها ..
حلا بينت الدموع بعينها بس حاولت تداريهم : حرام تسوون كذا بانفسكم .. انت غاوي عذااب وبس ؟!
نواف : حلا تكفين قفلي الموضوع الي فيني مكفيني ..
هزت راسها وسكتت .. وهي تحس بنار تشتعل جوااتها ..
تتمنى تسوي أي شي بالدنيا عشان تجمعهم سوى وتسعد قلب اخوها حبيبها وصديقتها المقررربه ..
;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;
غاطســـه في نوووم عميـق .. مو حاسه باي شي حوولهـآ ..
مآنآمت الا الفجـــر ..
حاولت تفتح عيونها على صوت المنبـــه .. بس شيطان النوم اقووى منهـآ ..
دخلت عليهـآ امها وهيا منززعجه كثيرر : جووود جوووووووود قومي ..
جود : .......................
قربت لعندها بعصبيه ورفعت اللحاف : وبعدين معك كل يوم على هالحال .. لا صلاه ولا عباده بس نوم وطلعاااات ..
جود تأففت : يمه ابي انااام تكفين ..
ام جود : نامت عليك طوفه ان شاء الله قومي تحرركي صلاة الظهر ..
تتقلب ع السرير بانزعاج : ماشبعت نوم اتركيني ...
ام جود تنهدت : لا حول ولا قوة الا بالله وش اسوي فيك .. بنت وحده ومطلعتلي عيني حسبي الله على ابليسك ..
طلعت من الغرفه متضجررره من تصرفات بنتهااا ..
رفعت راسها عن المخده بكسل : يالله جسمي مكسرررر ..
نزلت من السرير وهي تتثاوب ..
اخذتلها شاور وتوضأت وصلت .. ونززلت تفطر ..
بمرحها المعتااااد : صباااحك سكر يااست الحبايب ..
ام جود طالعت فيها ورجعت تكلم سعود : كل يمه بالعافيه ..
جود قربت وباست رااسها : فديت الزعلان ياناس ..
ام جود ماهتمت ووجهت كلامها لسعود : وش تبي ؟! من هذي ... صحتين حبيبي ..
جلست جنب امها وبدات تاكل ميته جووع : ادري تحبين تتغلين علي بس يحقلك ..
سعود : جود .... ليه تزعلي ماما من يوم مانزلت من عندك وهيا متضايقه بسببك ..
جود باست راس امها مره تانيه : وووهـ ماعاش الي يضايقها ست الكل وانا اقدر على ززعلها ..
ام جود بابتسامة رضا : ياشينك والله ماقدر ازعل عليك بس وش اسووي ..
جود : هههههههه ادري ..
ام جود : عاد ومتى ناويه ترتبين نومك وحياتك ..
جود : اممم زوجوني اول ..
ام جود : هههههههههه شين وقوي عين بعد انتي خلصي الثانويه ذي الي مادري متى بتتخرجين منهااا ..
جود : يووه يمه خلاص لا تنسد نفسي على هالسيره ..
سعود : كسلانه ..
جود : طالعه عليك ..
سعود : والله اني اشطر منك حتى ماما ماتززعل مني مو زيك ..
جود طلعتله لسانها : اسكت بس ..
ام جود ابتسمت بحنان : الله لا يحرمني منكممم ..
جود حست بغيره بس ابتسمت : امين ولا منك ياااارب ..
سعود بتردد وفضول اطفال : ماما ... انا حقعد عندكم كتير ؟!
ام جوود : على طوول ياقلبي ليه تسال ؟!
سعود : بس فين بابا .. ليه مارجع ياخدني ..
جود التفتت لامها بسرعه تشوف ملامحها الي انقلبت فوق تحت ..
وحاولت ترقع السالفه : ايييه هههههههه يعني مو مبسوط عندنا ؟!
سعود : الا بس هوا وحشني مرررره ..
جود ابتسمت بحزن : هو ماتركك .. بالعكس جابك عندنا عشان تنبسط ويصير عندك اخت حلوه مثلي ..
سعود : انتي مو حلوه وانا ابغه بابا ..
جود >> ياربي وش هـ الورطه << : معليه حبيبي اتحملني شوي الين مايرجع ابوك ويااخذك بس هو مشغول شوي ومسافر ..
سعود ماقتنع بس فضل انه يسكت ..
اما ام جوود .. فكانت في قمة الحززن .. ماتدري وش تقوله ولا كيف تجااوبه ..
بس هذا امانه برقبتها ليووم الدين وبتكون له الام والاب وكل شي ..
جود ملاحظه كل التغيرات الي حصلت لامها والالم الي بين في عيوونها ..
قالت بمرح : سوسو وش رايك نروح الفيصليه اليووم ؟!
سعود : الفيصليه ؟!!!!
جود : ايه هذا مول مره كبير وفيه العاب وكل شي راح تنبسط ..
سعود بفرحه : طيييب ..
ام جود : ماشاء الله وانا ؟!
جود : انتي الكل بالكل ياغااااليه ..
سعود : ماما ليه ماتجي معانا ؟!
ام سعود : لا حبيبي مشغوله شوي وصديقاتي جاييني اليوم .. روح مع اختك ..
جود : يلا خلص وغير ملابسك .. بعد العصر طالعين ..
;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;
دخلت لغرفتهآ وهيا كآتمـه دمووع الظلم والقهرر بعيوونهآ ..
ارتمت على سريرها وتركت لدموعها تنهمر بدوون توقف .. تعبر عن احساسهـآ ومشااعرهـآ المكبووتـه بدآخلهآ ..
قالت بصوت عالي كله قهـر : اكرررررهك ياحقير ليه تسوي فيني كذااااا ليه .. والله حرام الي قاعد يصير معي .. يارب استر علي ياااااارب ..
هدأت شويه واخذت جوالها بإيد مرتجفه .. دقت عليه وهي تدعي من قلبها انه يحن عليهآ ويررحمها او حتى يصدقهااا ..
وبمجرد انه رفع السماعه تكلمت : فيصل ..
فيصل تنهد : هاه غرام وش سويتي ؟!
غرام بصوت مخنووق : والله حاولت مارضى وربي سويت كل الي اقدر عليه ..
فيصل بعصبيه : يعني شلووون ؟!
غرام تبكي : والله مادري .. ( قالت بتردد ) طيب كلمه انت ..
فيصل بطفش : اذا كلمته بقووله ع الحقيقه وتستحملين مايجيك ..
غرام بخوف : لا لا تكفىى فيصل لا تقول شي ( زادت دموعها ) والله اني مظلوومه حرام عليك ..
فيصل >> ادري انك مظلومه والله ادري بس مو بيدي .. ابيها احبهاااا مستعد ابيع الدنيا عشان اكون بقربها << ..
استغربت سكوته الي طوول : وش اسوي ؟! والله مو راضي ..
فيصل : حاولي مره واثنين عندك الين بكرا لازم كل شي يخلص سمعتي ؟؟!
غرام بقلة حيله وصوت اقرب للهمس : بحاول ..
فيصل ببرود : مع السلامه ..
سكـرر منها ورمى نفسه ع الكنبه .. مو عارف ايش يسوي ؟!
هوا اكثر واحد يدري انو بـهادي العائله الاوامر تنقال والكل ينفذ .. مصيرهم بإيد اهاليهم ..
ومابيد احد يسوي شي .. اذا هوا الرجال مايقدر يوقف بوجه اهله .. كيف هي البنت الضعيفه ..
مهما كان يكرهها ومهما كان يتمنى حلاااا ويحبهااا .. لازم يفكر بطريقه ثانيه ..
لازم يترك الانانيه ويضحي .... يضحي بقلبه وبسعااادته عشان لا يغضب اهله وربه ويظلم غرام الي مالها ذنب وهي زيه مجبورهـ ..!
قام توضأ وصلى العصـر ودعى ربه يزيح همه ويوجهه للصواااب ..
** في نفســـه **
مآبيدي شي .. حااولت والله حااااولت ..
لازم ارضى بمصيري .. وانسى كل شي .. بنساها وبنسى حبي لها .. ومع الايام بتعود على غرام وبحبها غصب عني ..
ليه اظلمها واعذبها وهي مالها ذنب بلي صاااار ...
وحلا بعد لازم ترضى بقسمتها من هالدنيا .. احنا مو لبعض ..
بنتظر رد غرااام الاخير .. والله كررريم والي فيه الخير يكتبه ان شاء الله ..
قام عن السجاده وقلبه يرجف .. اول مره بحياته يحس انه ضعيف ..
ماله أي كلمه ولا أي قووه انه يعمل شي او يغير شي ..
حتى ابسط حقوقه محروم منها .. واكبر قرار في حياته ممنوع من إنه يقررهـ ..
;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;
العرض العادي
