هلا وغلا بالجميع
........................................
الأولى:
تلاقي الوحدة ماشيه وفاتحه فمها (مفهيه) ليش مادري الظاهر إنها
تستمد طاقتها من استنشاق الهوا أو يمكن لها مآرب أخرى لا أعرفها
الثانية..:
مشية البنت اللي تمشي وهي مكتفه أيدينها تحس من مشيتها
إنها ماتبي تتدخل في شوؤن الغير ومالها شغل بالعالم
الثالثة :
البنت اللي تمشي وحاطه يدها على خصرها مادري وش تبي ؟
يعني كأنها بتنط في رقبة أي وحده وبتعطيعها ذاك المخمس المحترم
نصيحة إذا شفتوا وحده كذا تمشي لا تمشون قدامها ولا جنبها بس امشوا
وراها و إذا عندك هوشه تراها للفزعة وطوله اللسان<< هذي شرانيه
الرابعة:
البنت اللي تمشي وناسيه إن يدينها يتبعون لها يعني
جسمها في كوكب ويدينها في كوكب ثاني<< يعني من جنبها ما تدري ويين الله حاطها فيه
الخامسة :
البنت الرقاصة
يعني اللي ترقص في مشيتها مادري سبحان الله ربي عطاها
الهز الطبيعي من دون أدنى ضرب
على الطاولة تقوم ترقص على بالها الحفلة بدت .... !!!!!!!
السادسة :
البنت اللي طول ماهي ماشيه محتضنه دفاترها وكتبها تقول
هاذي تحضر ماجستير ...أرفقي بعمرك تري العمر يخلص والدراسة ما تخلص
السابعة :
اللي تمشي وتسولف ويدينها تسولف معاها حتى العالم كله
يدرون أنها راحت المكان الفلاني أمس بصراحة عيوني تحول
من كثر ما طالع يدينها وهي تروح يمين وشمال
الثامنة :
البنت اللي تمشي وكأنها تعد شي في الأرض طول ماهي ماشيه
ورأسها في الأرض حتى لو شفتها ما عرفتها لأنك ماقد شفت
ملامحها مادري كل هاذا عشانها مستحيه
وبدووون زعل
انواع مشيت البنات .... من اذكاء وحدة لغباء وحدة!!!!!!
العرض العادي
