اهلا بالجميع رسايل اعجبتني اقتطفتها من هنا وهناك
اتمنى تعجبكم واعتذر اذا كان فيها تكرار
يابعد كل الرسايل توها
هالرساله ماكلمت عمر الطفوله
طفلة فيها السطر ياطول باله
وده يسولف غرام وهي خجولة
---------------------------------------------------------------------
ذكريـ ـ ـ ـ ـ ـ ـات
احلى سنين العمر راحت هدايا
لك يامجازي بالردى راعي الطيب
لي في حياتك ذكريات وخفايا
تبقى ولو باكر غزا راسك الشيب
والا الوفاء ماله بقلبك بقايا
عند الذي مثلك أظن الوفا عيب
---------------------------------------------------------------------
اصعـ ـ ـ ـ ـب حيـ ـ ـ ـاه
الله يااماصعب حياتي بدونك
يامااصعب فراقك على قلب مغليك
ماكنت افكر يوم افارق عيونك
الا بــعد غبتي وطالت حراويك
غبتي وانا تايه بـ عالم شجونك
وغربني الحرمان داخل موانيك
غربة جسد زادت بكثرة طعونك
والمشكله بـ موت ماني بناسيك
اكبر خطا ...نسيان من يذكرونك
اعظم وفا.... ذكرى حبيبٍ مجافيك
اكبر عناد....تخون شخصٍ يخونك
اجمل امل.... حبٍ جديد يناديك
اصعب سؤال.....اللي تجيبه ضنونك
اكبر غباء..... انك تغير مباديك
اتعس حياه.....تعيش والحزن لونك
لاصرت عم وصار حزنك بناخيك
---------------------------------------------------------------------
اخـ ـ ـ ـ ـلاص
اليوم أشوفك للغلا يا لغضي شحت
رحت وسليت وعلتي في حشايا
عز الله انك بالغلا يا لغضي رحت
شخص عليك عروق قلبه ظمايا
إذا لفى طيفك على حضرتي ولحت
اسرح مع طيفك داخلي ورايا
لا تحسب أني بعد ما رحت أنا بحت
السر يبقى سر حتى النهاية
---------------------------------------------------------------------
شـ ـ ـ ـ ـوق
اشتقت لك من بدت الناس بالذات
اشتقت لك وين انت يانور عيني
حرمت جفن يسهر الليل مابات
ارجوك رجوى لاتبيح كنيني
اشغلتني مابين هجس وسجات
وعزلت نفسي عن صديق يبيني
---------------------------------------------------------------------
مناجـ ـ ـ ـ ـاه
لا والذي سواك يااغلى الحبايب
انك حياة الروح من بد الاحباب
وانك حبيب القلب حاضر وغايب
غيرك فلا حبيت يا اعز الاصحاب
مشتاق لعيونك وسود الذوايب
ياللي حواك الزين مع حلو الاطياب
ياروح روحي راح قلبي نهايب
بدياركم ياغايتي صرت طلاب
---------------------------------------------------------------------
هــ ـ ـ ـ ـدايـ ـ ـا
أغلى هديه جت من أغلى الهدايا
تسأل عن اللي همني وعن سكاتي
تسأل عن علوم الورق والصبايا
وأخبرتها مرتاح.. لكـن أحـاتي
واللي كتبته يعلـم الله خـفايا
هـذا بلاها..يـوم تعشق بـناتي
---------------------------------------------------------------------
حـ ـ ـ كـ ـ ـ ـمـ ـ ـ ـه
يا للي تعاتبني وأنا ما تكلمت
تسمع كلام الناس والقال والقيل
ترخي لهم سمعك ومنهم تسممت
تهجر وضوح الشمس يا عاشق الليل
لو تعرف الحكمة بعقلك تحكمت
وأخذت من رأسي وأنا أعطيك تحليل
واجي أبيعك بالصراحة إذا سمت
ما ينفع المشتاق رد المراسيل
ما ينفعك كثر الندم لو تندمت
الحر يجزع ما تربى على الويل
وشلون اجمع في شتاتك تحطمت
جسم بليا روح يا واهم بالحيل
---------------------------------------------------------------------
كـ ـ ـ ـ ــرم
كل الذي سويت يمك ولا شيء
اللي عملته ياحياتي لعينك
ماابغاك تطلب مطلب لك وانا حي
من واحد غيري وانا في يمينك
واذا عطاك بغفلتي واحدٍ عيّ
قله حشا وش عاد بيني وبينك
---------------------------------------------------------------------
حـ ـنـ ـ ـ ـ يـ ـ ـن
من سكنت بخافقي عيّا يبوح ..
عن خفايا القلب لو كانت ثقال
و أنت ما أنت ناوي عني تروح ..
دايم تمشي معي كنك ظلال
من عرفتك صرت أناني وبك شحوح ..
صرت أشحك عن خفوقي بالوصال
لا طرت لي ذكرياتك والمزوح ..
شدني لك هاجسي والقلب مال
---------------------------------------------------------------------
وفـ ـ ـ ـ ـ ـ ـاء
حرام انك تعذبني حرام أرجوك لاتقسـون ..
طريق الحب ضيعّني وأنا التعبان ياعيني
أنـــا ما ظنتي ناسي أفكر كيف لو تنسـون ؟ ..
واليا منك نسيت أرجوك لا ترجع تراضيني
أعيش بدنيـتي عانـــي لكن حبي لة ملعون..
يـبيع و يشتري بالقلب وأنا الدنيا تواسيني
حسافة ضاع من صبري أبي كل العرب يدرون..
بـأول حب حبيتـة ذبحت القـلـب بيـديني
---------------------------------------------------------------------
شـ ـ ـ مـ ـ ـ ـوخ
بغيب عنك وابتعد واعتبرني ..
يوم مضى واللي بقى ذكرياته
ولا من وله قلبك وبالك ذكرني ..
وش ينفع حب مضى يوم فاته
بعض السوالف كبرها ما قدرني..
ما احد ٍ عن الثاني وصي بحياته
واللي يقول انه بطيبي غدرني ..
يموت ما حقق معي أمنياته
ما دام قربي واضح ما عثرني ..
على الخطا شوفي صعيب التفاته
لو الزمن والكون كله خسرني ..
ما أهين قلب ٍ شامخٍ في صفاته
---------------------------------------------------------------------
مجـ ـ ـ ـ ـ ـروح
ليتك دريت بغيبتك وش حصل لي
ليتك سمعت القلب عاتب نديمه
الشمس تحرقني وانا اشوف ظلي
لا لا تنقض بي جروح قديمه
عين شكت لليل من بعد خلي
وعين تهل الدمع هتان ديمه
لو ان حبي لك مجرد تسلي
ماقلت : ياربي علينا تديمه
بعدك عن عيوني جفا او تغلي
ملكتني باوصافك اللي عديمه
---------------------------------------------------------------------
معانـ ـ ـ ـ ـاه
اضحك على نفسي عسى الحل قدام
وحاولت اسليها بشتى الطرايق
بنيت لي بيت من اوهام واحلام
بيت جمع بين القلوب العشايق
غمضت عيني والخبر عند الايام
والصدر من كثر الهواجيس ضايق
هذي ثمان سنين للسر كتام
ويلومني من لا يعرف الحقايق
يالايمي بالحب والله ما انلام
ما لمتني لوك بقلبي توايق
من اول وقتي صفالي ولادام
واليوم بدل جنته في حرايق
---------------------------------------------------------------------
نـهـايـ ـ ـ ـه حـ ـ ـ ـب مؤلـ ـ ـ ـمه
عذبتني شك وغيره وتخويف
ولا طحت انا منهو نصحني نصيحه
نهايتي وياك من دون توصيف
بين الرجا والياس عقبك طريحه
عيبي عطيتك حب من دون تكليف
واني معك عند المواقف صريحه
تختار غيري لك من الناس وتعيف
واغض طرفي وانكر اني جريحه
جدول غرامك جف في لاهب الصيف
واقول بعد الحب ربي يبيحه
---------------------------------------------------------------------
غـ ـ ـ ـ ـدر
خلوه يقفي يوم غره شبابه
الوقت ياما غر غيره ولا طاب
الله حسيبه يوم هو رد بابه
من دون لا يشرح ولا يكشف اسباب
لايحسب اني غارق في عذابه
والله ما جاء له على بالي حساب
لابارك الله كل قاع وطى به
كان اوله غدار واخره كذاب
خلوه يحرق زهرته في غيابه
خلوه يحسب كم جمع له من احباب
من لا نشد عن ضيعته في شبابه
لابد يبكي ضيعة العمر إذا شاب
---------------------------------------------------------------------
حـ ـ ـ ـ ـرمـ ـ ـ ـان
يا ماخذ ٍ حبي خرافات ومزوح
وانت الذي قلبك من الود خالي
فاضن دموعي واصبح السد مفضوح
حكم القدر والله مالك ولا لي
هذا نصيبي و أنكتب لي على اللوح
أقاسي الحرمان وابقى لحالي
---------------------------------------------------------------------
حـ ـ ـ ـ ـزن
يـــاصـــاحـــبـــي وان شــــــلـــــــت لـــــــــــــك فـــــــــــــوق مــــاطــــيـــــق
فـــــــأنـــــــا لــــحـــــالـــــي جـــــــيــــــــت وأرحـــــــــــــــل لـــــحـــــالـــــي
وهـــــــيـــــــن مــــــــــــــرده يـــنـــتــــهــــي كــــــــــــــل هـــالــــضــــيــــق
وأقـــــــــــــــــــول لــــــلــــــمـــــــره الأخـــــــــيــــــــــره تــــــعـــــــالـــــــي
---------------------------------------------------------------------
قصه غـ ـ ـ ـ ـ ـرام
جتني تبي الفرقا وانا اقول لحظات
قبل الوداع الصعب لا تجرحيني
قبل نتفارق كلميني بكلمات
قولي احبك بالامل واعديني
ودي اكلمها على شي بالذات
ودي اعاتبها وقلت :اذكريني
قمت اتذكر كل شيء لنا فات
قصه غرام مامحتها سنيني
ياما سهرنا في دجى الليل مرات
بين السعادة والوفا هايميني
يشهد على حبي دموع غزيرات
اهلها يوم العرب نايميني
بسكات انهينا جميع العلاقات
ويوم الرحيل المر يالله تعيني
---------------------------------------------------------------------
اطـ ـ ـ ـلال حـ ـ ـ ـب
درات الايام والذكرى بقت
مامضى ننساه والذكرى تدوم
ياحبيب الامس لو عيني بكت
لو شكى قلبي من احزان وهموم
المحبه مع ليالينا مضت
مابقى منها سوى اطلال ورسوم
والخفوق الي نطق اسمك سكت
لاتحسب انه بعد موته يقوم
ماوفيت بحب روح لك وفت
قاسي قلبك وانا قلبي رحوم
اخر شموعي على غدرك طفت
لاترجى شمس تكسيها غيوم
ياحبيب الامس قصتنا انتهت
مامضى ننساه والذكرى تدوم
---------------------------------------------------------------------
عـ ـ ـ ـ ـزاء
راجع بعد ما صار ذكرى ونسيناه
يبي غلاه العام والقلب ناسيه
راجع يهد اللي تعبنا وبنيناه
في غيبته ما يذكر احزان ماضيه
مع صفحة النسيان حنا طويناه
دامه سراب اشواق من كان يرجيه
منه انتهينا يكفي اللي عطيناه
ولا لقينا من عطانا رجاء فيه
راجع لدنيانا بعد ما نعيناه
من مات قلبه حقه اني اعزيه
---------------------------------------------------------------------
نـ ـ ـبـ ـ ـره حـ ـ ـ ـزن
ان كان غيري في دروبه غدى به
ماأظن مثله عن دروب الخطا تاب
يا صاحب كانت دموعه عتابه
واذا طرق همس الهوى مسمعه ذاب
في نبرته صوت الحزن في الربابه
تغري قلوب وتسبي اذان وألباب
صحيح حسنه مالقى طرف عابه
وان مر في عيني شكت غض الاهداب
والله ماادري وين حظه رمابه
لكني ادري وش ودّى ولا جاب
---------------------------------------------------------------------
حـ ـ ـ ـب مـ ـ ـبـ ـ ـاح
رحتي وراح الامل ويّا الطموح
وراحت الاحلام ادراج الرياح
يوم رحتي ما بقى بالجسم روح
مابقى غير الجسد والعمر راح
جسم ناحل شايلٍ هم وجروح
ذنبه انه حبك الحب المباح
حب واضح بالشرف كل الوضوح
لابس تاج البراءة والوشاح
صرت بعدك للسهر خلٍ نصوح
السهر يرقد وانا اسهر للصباح
---------------------------------------------------------------------
فـ ـ ـ ـرقـ ـ ـ ى
فمان الله يا خل يحسب انه وصل لاقصاي
وانا مثل البحر نفس البحر ما يلحق اقصاايه
فمان الله برحل وادوس الخطر بخطاي
ولو اني من اسبابك سهرت وكثرت خطايه
يا خل يوم شاف الجرح صد وفي يديه دواي
تركني من دون ما ينقذ حياتي شح بدوايه
فمان الله عزمت الرحيل ورافقت عداي
وحطوا علم فوق علوم تدري كلها اعدايه
ابيك ان صغروني في نظرهم تحترم مبداي
تعرف اني لا شح الزمان اشرب بيمنايه
تعرف اني على كل المواقف عالي مبناي
عليهم عالي بالفعل عدواني ومبنايه
ابيك بلية الفرقى تفز وتحتضن ذكراي
وتبكيني اذا اشتد الغرام وذقت فرقايه
فمان الله يا اخر من سكن بالقلب وسط حشاي
وشب النار واوقدها حريق بداخل حشايه
---------------------------------------------------------------------
شـ ـ ـعـ ـ ـور صـ ـ ـعـ ـ ـ ـب
صعب أوصف شعوري يوم طيفه طرى
بس عـني قـيل أني ضحكـت وبـكيت
كنت له عن سـموم القيض ظل وذرى
كـنت هـاقي بيعطيني كـثر مـاعطيت
اسهـر وعينة دايـم تـهتني بالكرى
في حـنايا خـفوقي لـه مـراح ومبيت
لو يقولـون توة فيك حـس ودرى
لـو يقولـون من وقتة لقـى مـا لقيت
لو يقولون حـالة في غـيـابي برى
يـقطع الـيـأس مني دام أنا مـاشفيت
كانـها أثـرت به كم قصيـدة قرى
كيف عاد لو يدري عن اللي كتبت ومحيت
---------------------------------------------------------------------
يـ ـ ـ ـأس
عايش بذكراك ماادري وين اروح
مثل طيرٍ عاش مكسور الجناح
بدل الله قلبٍ من اول مزوح
في فؤاد ٍ ما يعرف الانشراح
انتظر يومي متى روحي تروح ؟
يمكن القى بالممات الارتياح
---------------------------------------------------------------------
طـ ـ ـعـ ـ ـ ـون
أسمع طعونك بخفاقي تنوح ..
ما قوت بجدها خل الهزال
من يقول ان كان مالي بك طموح ..
لايمي بك من هبالة للهبال
صدق ما أنت بناوي عني تروح..
يا هلا بالشمس دام انك ظلال
لا نويت ترحل تناديك الجروح ..
وش تبي بي فكني يا ابن الحلال
---------------------------------------------------------------------
اخـ ـ ـ ـلاص عـ ـ ـاشـ ـ ـق
كل العمر وش يساوي لو عليّ يـطري ..
منظر خويه مخاوي صـاحبٍ غيره
وإلا أصغر إخوانه صارت طفلته تجري ..
وإلا أمه ودمـعـها لاجيب لـه ســيره
والاه لامـن ذكرته تـنـبـض بــصـدري..
يـومه يقول السعد بانت تــباشـيـره
ولابــاقـي إلاشـهر وتــكـونـي بأمـري ..
حليلةٍ لي عـقب هالبعد… والحــيره
أبـكـيه والـلي يـّهد الـحيل في صبـري ..
الـذكريات.. وحكايا الحب.. والغيره
أرفض لغيره أكون ولكن وش عـذري ..
وأنا ألمح بكل عين ٍ ( منتي صغيره)
لـيـته قـبل مـا يـفـارقـني حـفـر قـبـري ..
أكون للـقبر أهـون مـن حضن غـيره
---------------------------------------------------------------------
الرحـ ـ ـ ـيـ ـ ـل بـ ـ ـ ـلا صـ ـ ـ ـ ـوت
يمر العمر في قربك وأحس ان العمر لحظات
ليا مني بغيت اصد شوقي لك يعنيني
وصلت آخر محطاتك وقالوا لي قطارك فات
على آخر أمل جيتك وتاهت بي عناويني
غريب وتايه بحبك وصبري يرفض الخطوات
وعلى بعد المسافة بيننا داخل سكنتيني
دخيلك لا بغيت تروح روح وخلها بسكات
تراك أنت الوحيد اللي غيابه حيل ينهيني
---------------------------------------------------------------------
حـ ـ ـ ـب متـ ـ ـمـ ـكـ ـ ـن
لا تحسب انك رحت والله ما رحت
حبك مكن بين الضلوع الحنايا
اسرح مع الذكرى وأسافر به وسحت
وارجع على الواقع وزايد عنايا
يالعنبو اللي كل ما جيت لك فحت
الجرح ينزف وأنت داي ودوايا
إذا ذكرت اللي مضى بيننا نحت
نوح الكسير اللي عظامه شظايا
يوم ترفعني واشيلك إذا طحت
يوم المواصل بيننا والهدايا
---------------------------------------------------------------------
كـ ـ ـ بـ ـ ـريـ ـ ـاء
ما عاد تفرق روح لا صرت بتروح
تبي الصراحة يمكن البعد خيره
ما عاد أجامل اخذ الهرج بوضوح
والهرج يغني قلتة عن كثيرة
مسموح لا والله ماانت بمسموح
اللي يغش القلب هذا مصيره
ما عاد لك بالقلب غاية و مصلوح
قلبي بديره وأنت قلبك بديره
خلاص كافي امتلأ ..قلبي جروح
علاقتي وياااااك صارت خطيرة
امثالك اكبر من مشكله تتعب الروح
لازم نحسب الأوله و الأخيرة
الحر لا منه جزع همل اللوح
ما عاد يرجع لو تصيح وتديره
هذا كلامي كان ما يعجبك روح
تبي الصراحة يمكن البعد خيره
---------------------------------------------------------------------
العـ ـ ـ ـيـ ـ ـن بالعـ ـ ـ ـ يـ ـ ـ ـن
خــلـك على حـــرص.. لاتآمــن أبد غــــدري
لكن ما هوب عادتي أكون أنا البادي
يـامــاتحـمـلت ولـكـــن… .ما نفع صــبري
ويا ما تكـسّر بقو…عـنادك عنادي
أخلصت وأخلصت…… وأنت تعرف وتدري
وأهديت لك ليل شعر.. عيون وسهادي
بس…. أتضح لي.. بأنك بالهوى.. بدري
الحـب ساكن بوادي… وأنت…. في وادي
---------------------------------------------------------------------
ثـ ـ ـ ـ ـ ـقـ ـ ـ ـ ـه
لولا غرامي ما صحى فيك الإنسان ..
ولولا وجودي ما حلى لمثلك وجود
ولولا حناني ما تمايل بك أغصان ..
عقب المحل صحراك غدران وورود
وأنا الذي لولاي ما عشت في أمان ..
ولا عرفت لغربتك قبلي حدود
لولاي قربك ما حلا لغيري وزان ..
وأنت الذي ما كان لك قبلي عهود
أنا الذي طوعت لأيامك أزمان ..
نظمتها لعيونك أفراح وعقود
---------------------------------------------------------------------
نـ ـ ـ ـ ـكـ ـ ـ ـ ـران
الله يسامحك انا ماني مسامحتك ..
يكفي من الهم والاحزان ما جاني
الناس قالوا ترى ريناد ذابحتك ..
والله يعلم من اللي ذابح الثاني
أنا أشهد اني هبيله يوم صارحتك ..
ما كنت اظنك بتجحدني وتنساني
مديت لك راحة اليمنى وصافحتك..
وغنيت لك اجمل اشعاري من الحاني
اهديتك الحب من عمري ومازحتك ..
وخليتك اغلى من احبابي وخلاني
روح في طريقك ترى ماني مبايحتك ..
لو جبت انا اسمك عسى الله يقطع لساني
---------------------------------------------------------------------
هجـ ـ ـ ـ ـران
كانك نويت الهجر قبلك نويته
قربك غدى في ناظري مثل فرقاك
ما عاد ابي وصلك وحبك نسيته
غيرك كثير وراحة القلب جفواك
ما والله احدن في حياتي رجيته
لا تنتظر لحظة اجي واترجاك
حبك رحل عن خافقي ما بكيته
لا تحسب اني ميت ٍ فيك واهواك
قلبي امرني بالجفا ما عصيته
واكبر دليل اني من الوم بجفاك
اسمك وسط قلبي تراني محيته
ما بغاك انا ما بغاك ما بغاك ما بغاك
---------------------------------------------------------------------
مـ ـ ـواسـ ـ ـ ـ ـاه
تبسم يا مبكيني ترى راعي الوفاء ما مات
ترى ما مت وجروحك بروحي عايشه فيني
عيونك مصدر همومي ودمعك زادني لوعات
ويكفي وسط قلبي جرح في ضيقي يسليني
أنا أنسى دمعتي بعيني واجيلك امسح لك الدمعات
أواسي عبرتك وادري بعمرك ما بكيتيني
ليامني بغيت اضحك صدى الضحكة رجع ونات
ولوم الناس من شانك ولا كنك مشقيني
تصدق لا ذكرتك نسيت الحزن والآهات
أسج بلحظتك أنسى كلام الناس وسنيني
---------------------------------------------------------------------
رجـ ـ ـ ـ ـاء
أنـهيت مسـتقبل حيـاتي بقولك
ترى هوانا ما احتمل ينتهي فراق
شف حل ثاني واقضي العمر حولك
تكفى تراجع واجمع قلوب تشتاق
أموت وأحيـا في ثواني وصـولك
وشلون حالي يوم تفريق الأشواق
وش ينـتظرني يوم يشمت عذولك
لا , لا تكابر تنهي أحلام مشتاق
كلي أمل ترسل بشايــر رسولك
صوبي وعانق فرحتي بين الأحداق
مـادام عيني كـل لحظه تـطولك
كيف أتـجاهل موقفٍ فيه عشاق
---------------------------------------------------------------------
وداع صـ ـ ـعـ ـ ـب
مجبور اودعك واخفي حزني وغبني
واحاول اضحك اذا جتني العبره
واقاوم الجرح مااخليه يغلبني
غصب على القلب تخفي ونته صبره
ليتك على صفحة النسيان تكتبي
وتخلي الحب صندوق الصدر قبره
واحاول انسى لو النسيان يتعبني
لكن وشلون ابنسى قلبي بكبره
---------------------------------------------------------------------
غـ ـ ـ ـ ـرور
على ايش مغرور بك الصد يا فلان ..
ما كان بك يا هيه شي من الزود
قبلي حياتك عشتها كيف ما كان ..
خالي من الخلان مفلس من الفود
واليوم تجزاني على الطيب نكران ..
وتكافئ المعروف هجران وجحود
عّود على ماضيك يا هافي الشان ..
ما أنت على اللي يرتبط فيك محسود
---------------------------------------------------------------------
مـ ـ ـ ـ ـزاجـ ـ ـ ـي
متى ذكرتيني علشان تنسين
خليك مره صادقه وانصفيني
في وقت واحد تكرهين وتحبين
أنا تعبت استحملك واعذريني
حب سرق من عمري ايام وسنين
مثل الهوا ما يمسكنه يديني
---------------------------------------------------------------------
اللامـ ـ ـ ـبـ ـ ـ ـ ـالاه
مغرور عديني مع الوقت مغرور
بس اني انهي شيء بينك وبيني
مثلك بشر عندي معاناة وشعور
واحس وانتي ماتحسين فيني
مليت مالي في حياتك ولا دور
ياكود بان لو كان قلبك يبيني
سويت ماسويت مرغم ومجبور
تبكي وهي تمحيك حتى يديني
---------------------------------------------------------------------
امـ ـ ـنـ ـ ـ ـيـ ـ ـه
إذا جـاكم (خبر موتــي) على الله بس لـو تبــــكون ..
أنا مابي غريب الناس يبكي وأنت ناسيني
حبيبي لا تعاندني ترى بعض الغـرام جنــــــون ..
مريض الحب من حبك ولاأدري كيف تشفيني
أناماهمني طيبك وأنــا مابي زكـــاة و عـــون ..
أعيش برحمة الرحمن الين الموت يأتيني
---------------------------------------------------------------------
ايـ ـثـ ـ ـ ـ ـار
لاشفت دمعك على خدك يعذبني
جبت القلم ثم نزفت الدمع من حبره
لاجيت اسلم عليك الكف كهربني
ماعاد بيدي لها بالحشا دبره
تبقى حبيبي لو البعد يرعبني
والكسر بيدين خلاق الملا جبره
قولي بعد وش بقى بالناس يعجبني
والكون عقبك بعيني زي عين ابره
---------------------------------------------------------------------
حـ ـ ـ ـب حـ ـ ـتـ ـ ـى المـ ـ ـ ـوت
كانك نسيت الود وشلـون بنساك ..
معك ابد ما أنسى ابد ذكرياتي
لا,لاتـظن أنــي مع الغير بســلاك ..
الغدر ما هو يا حبيبي من صفاتي
كل الوجـود انــساة لاصرت ويّاك..
تصور انك كل شئ بحــياتي
أفـرح بذكــرك كيف لوصار لقياك..
تصفالي الدنيا وتضحك شفاتي
حبك تجسّد في حياتي وذكراك ..
طول العمر باهواك حتى مماتي
---------------------------------------------------------------------
حظـ ـ ـ ـ ـوظ
يا قلب لا أشكي لك ولا تشتكي لي
وش فايده شكواك مانيب محظوظ
انا السبب والا انت وين البديلي
وين البديل اللي عن الغايب يعوض
انا سبب موتي وذبحي خليلي
انا تخيرت الطويله عن الروض
__________________
باامانة لطشتها من احد المنتديات بدون محد يدري
كل الشكر
العرض العادي
