مساء الخير جميعا .. انشالله الكل بخير <<أقول خلصناأحسن لك
ماأبغى أطول عليكم .. الموضوع خلقه طويل وماله داعي المقدمات
المهم .. الموضوع ومافيه إني صارلي فتره طويله أتابع مايكتب عن بنات وشباب السعوديه استنتجت شي خطير <<لا ياشيخ؟
على فكره ترا الموضوع لامقلع ولامنسم يعني لاتتفائلون كثير بس مهم جداً ويهم كل شاب وبنت سعوديين وياليت تقرونه كلكم <<ياكثر كلامك ماتعرف تختصر؟
المهم الاكتشاف الخطير اللي أنا داخل اكتب عنه هو كالتالي<<متعوب عليها كالتالي
شباب وبنات السعوديه عندهم عقدة نقص أو احتقار للذات .. مدري بالضبط بس بصراحه اللي لاحظته إنه أغلب المواضيع اللي في هالمنتدى وغيره من المنتديات تتكلم في سب السعوديين لأنفسهم .. أدري مافهمتم بس أبفهمكم بالغصب <<حلوه ذي!!!
يعني بصراحه كم مره قريتوا هالموضوع أومواضيع شبيهه له (مواصفات الشاب السعودي والشابه السعوديه )
الشاب السعودي:ـ
كرشته كبيره .. قصير أو طويل وعصقول .. ماتعرفين وجهه من مقفاه
البنت السعودية:ـ
ريحتها خايسه .. وجهها كله خشم .. ركبها سود << الأخيره ذي بالذات إذا أحد قالها أحس ودي اتوطى فبطنه .. عيوني تطلع وتصير حمر واللي حولي على طول يطلبون المطافي .. وش ركبها سود ورجوله متشققه؟؟ خير؟؟ ضبان؟؟ <<ياناس الدنيا تغيرت
إلى متى واحنا مغمضين عيوننا؟؟ يعني بالله يالبنات بتفهموني إنه هذا رايكم بشباب السعوديه؟؟ <<صفقوني إذا هذا رايكم من قلب
ولا عاد انتم يالبنات هذا رايكم فينا؟؟ <<اقص ايدي إذا صدق
لاجد والله خلوني أبدا بالبنات .. وبماإني بالجامعه <<اكشخ .. أقولكم بصريح العباره والله شي يقهر .. البنات شي خيال هناك .. قسم بالله إني أشوف أجسام وعيون و ... <<أو خليني ساكت أحسن
تدرون ليش شي يقهر؟؟ لأن بناتنا ملكات جمال والله بعضهم أدوخ إذا شفتها .. دلع وأنوثه وجسم وكشخه و....آه
وبالأخير بكل بساطه ينزل موضوع بالمنتدى (مواصفات البنت السعوديه) شفتوا القهر؟
يمكن قبل كم سنه الواحد معذور إذا طارت عيونه قدام اللبنانيات اللي بالتلفزيون .. لأنه من جد ماكان فيه اهتمام .. ماكان فيه إلا كم بنت وهبهم ربي جمال فوق الخيال غطّا على اهمالهم لانفسهم وقراوتهم .. بس الحين استغرب إذا رحت لعزيمه كبيره أو زواج .. قسم بالله إني احيانا احسب نفسي دخلت بالغلط مكان تصوير فيديو كليب لراشد الماجد .. الواحد يحتار يناظر في هذي ولا في اللي جنبها .. كل وحده تقول للثانيه ابعدي أنا أدلع وأحلى منك
وتدرون وش يقهرني أكثر شي؟ إذا قالوا جسم البنت السعوديه مهوب زين وفيه ومافيه ..
ياهوه اصحوا وين عايشين انتم؟ .. احلف لكم بالعظيم اللي رفع السماوات إن اللي أجسامهم شينه قليل والباقي آه بس آه وش أقول وش أخلي؟
ودي بشي واحد <<أخاف اقوله وتقولون انهبل ذا تعدى حدوده.. لاجد والله ودي يوم يدخل كم شاب (من اللي ماخذين فكره غلط وبقوه عن السعوديات) ودي يدخلون وهم متغطين لحفله أو زواج أو حتى لجامعة البنات ويشوفون أشكال السعوديات اللي ماملوا عينهم
ابصم لكم بالعشره انهم لو طولوا أكثر من نص ساعه احتمال يجيهم انهيار عصبي وحاله هستيريه من الدلع والغنج والجمال اللي بيشوفونه <<خاصة لو مرت من عندهم كم وحده من اللي بلايزهم ضيقه واحزمتهم طايحه بنعومه على خصورهم الرهيبه
وبيعيشون طول عمرهم يأنبهم ضميرهم لأنهم ظلموهم بكلامهم ..
لحظه لحظه ...... مايحتاج تتعبون انفسكم وتتخيلون الشباب متغطين وداخلين .. يكفي بس تجاوبون على سؤالي (طبعا الشباب فقط)
بصراحه .. كم وحده مرت من عندك بالسوق أو بالملاهي وتمنيت تشق ثيابك من جمال عيونها والدلع في مشيتها؟
لاتقولون لي ماخلت شي ماحطته فوجهها وهي لابسه عدسات ومركبه رموش صناعيه وشعرها صبغه .. طيب وش فيها؟؟ يعني ماتدرون إن اللي مجننات فيكم بالدش نفس الشي؟<< اسمحولي بطلع عن الموضوع شوي .. تدرون إن اللبنانيات مستحيل يستغنون عن الرموش الصناعيه؟ والدليل إنه نانسي عجرم في أغنيتها ياسلام لما تمسح مكياجها وتشيل رموشها تراها لابسه رموش ثانيه تحتها تدرون ولا لاء؟<<من جد مقهور لاننا مخدوعين
نرجع لموضوعنا .. ايش معنا لما نشوف بناتنا حلوات فهو لأنهم كبكبوا من هالمكياج ولبسوا عدسات وصبغوا الشعر .. أمّا هم تقولون حلوات وتطير عيونكم وبس .. أصلا لو مااهتموا وحطوا وغيروا وعدلوا كان قلتوا السعوديه ماتهتم السعوديه شيفه السعوديه فيها ومافيها
على الأقل هم مستحيل يعيشون بدون عمليات تجميل للأنف ونفخ الشفايف والــــ ....<<لا خلاص ماراح أقول ههههههههههههه
هذا بالنسبه للكلام عن البنات .. ابنتقل للكلام عن الشباب السعوديين << ولو إني لسّا ما بردت كبدي وطلعت اللي فقلبي ولاوفيت البنات اللي عندنا حقهم << هيه هدي أعصابك
=============================
بالنسبه للشباب السعوديين .. آه بس آه وش أقول وش أخلي .. اسمع انهم شيون وانهم ثقيلين دم وانهم وانهم وانهم .. وتوصلني مسجات بالجوال كلها سب وتريقه فيهم
وإذا رحت للمجمعات أو الأماكن العامه أشوف هوايل <<< جيبولها مناديل ترى خنقته العبره .. أدوّر هالشيون اللي يقولون .. والله العظيم ماأشوف إلا هالطخوم والمماليح .. .. وحتى لو صار واحد فيهم مهوب ذاك الزين مع ذلك يجيك كاشخ على سنقة عشره وراز عمره ويتكلم ويمشي بثقه ومهتم بجسمه ونفسه << يعني بالله وش تبوني أسوي عند كل هالرزه والله لو إنه أشين خلق الله إني لأخق عند هالشخصيه ..
قسم بالله شي يقهر ويرفع الضغط ويخلي الدم يغلي ويحرق الأعصاب <<<< طرطع الولد الحقوه
وشلون تقولون شباب السعوديه شينين وقراوى؟ <<ياحلاة من جابلي اللي قال الكلام هذا علشان اتوطى فبطنه واوريه شغل الله واهم شي البّسه نظارات علشان يفتح عيونه ويشوف زين أحلى شباب في الكره الأرضيه << تحملناك شوي لا تكبر النصبه عاد ههههههههههه
المشكله تدرون من اللي يقول هالكلام؟؟ الشباب السعوديين انفسهم .. ليش مستحقرين أعماركم؟ حسوا بقيمتكم عاد ..
ولو ماقالوه الشباب بيقولونه البنات .. تدرون ليه؟
لأنهم (طبعا البنات) مايبغون الشباب يشوفون حالهم عليهم .. يعني بالعقل تتوقعون البنات بيقولون رايهم فيكم بصراحه وانكم اكشخ وأوسم <<مأخوذه من الوسامه لاتدققون .. وأحلى شباب في الدنيا وانتم في نفس الوقت قاعدين تسبون فيهم وتنعتوهم بالقرويات؟؟ << تعبت وأنا اتهجا تنعتونهم
ياناس راح عصر القراوى
بس على الأقل انتم يالشباب احتمال تنعذرون لأنكم ماتشوفون البنات السعوديات << أكيد ما يشوفونهم ولا بعد تبغاهم يمشون كاشفات؟؟ << أقول والله من النصب مايشوفونهم ياما شفت شباب يطلطلون على الحريم وهم خاقيييين خاصه لو كان الزواج باستراحه يكون الموضوع بالمررره سهل
نرجع لموضوعنا .. يعني الشباب احتمال ينعذرون .. أمّا اا البنات أبدا مالهم عذر لأنهم يشوفون هالأشكال اللي تفتح النفس بالأسواق والأماكن العامه والرزه والحركات والوسامه والأجسام وبالأخير وبكل بساطه يقولون: الشاب السعودي ماتعرف وجهه من مقفاه والشاب السعودي يدف كرشته بعربيه قدامه
بس مثل ماقلت صعب يمدحون فينا فيما احنا نسب فيهم وماعرفناهم صح.
===================================
الزبده من هالكلام كله <<<وأخيرا؟؟ تعبنا واحنا نخض وتوها تطلع الزبده ؟؟
الزبده : اتمنى ان كل السعوديين والسعوديات يفتخرون بأنفسهم لأنه بصراحه احنا احق بشوفة النفس من غيرنا
وأبغى من كل شخص جالس يقرا سواءً بنت ولا شاب إنه يبوس يده وجه وقفا << قدامي يالله اشوف بسرعه ولاترى بالعجره << مابقى إلا انت تستعملها يالخكري
يبوس يده ويحمد ربه ويشكره لأنه على قولة المثل مالك إلا خشمك لو هو أعوج) << المشكله يهبل مهوب أعوج ومع ذلك مايبونه ====================================
طلب أخير << عطيناك وجه أقول تقلع
ياليت كل من دخل موضوعي يرد حتى لوكان رده ماصل أوفيه انتقاد جارح لكلامي <<بصراحه متوقع انتقادات قويه يعني ماراح انصدم
جد والله ياليت كلكم تردون لأنه يهمني أعرف انتم معي بهالكلام ولا لأ؟
منقول