بسم الله الرحمن الرحيم
مثل منتوا عارفين انا تكلمت في دمــــ1ــــوع عن المحور الأول من محاور مشكلة ( الزواج) اليوم حاب اكمل لكم موضوعنا السابق بس اليوم راح اتكلم بالمحور الثاني من محاور المشكلة وهو محور (2_ العنوسة)
بس زي العادة الله يخليكم تأكدوا اني اتكلم بدون تعميم انا اتكلم عن شريحة معينه من الناس وزي العادة بعد باب الآراء وطرحت وجهات النظر مفتوح على مصراعية بس بنفس الشروط
1- الحيادية
2- تاخذوني بحلمكم شوي : )
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,
,,,,,,,دمـــــــــ2ـــــــــــــوع,,,,,,,,,
( الــــعنـــــــــــــــوســــــــــة)
في الموضوع الأول تكلمت عن الشباب ومشاكلهم وسبب امتنعاهم عن الزواج في سن مبكرة وحاولت اصور الواقع اللي يعيشونه
واليوم راح احاول اسوي نفس الشي واصور واقع البنات اللي يعيشونه واسباب امتناعهم عن الزواج واسباب تخلف بعضهم عن الركب بس اتمنى البنات ما ياخذون الموضوع بحساسية زايده.
كل بنت بهالدنيا حلم حياتها الأهم عادتاً ما يكون الزواج حتى لو كابرت وقالت لا انا الزواج ما يهمني واخر اهتماماتي وما تفرق معي ترى مع احترامي لها ما صدقت مع نفسها قبل الغير وبالقصمنجي تسذب : ),,,,,,,,,,,,,,,,,,
قبل سنتين تقريبا قريت احصائة للعنوسة في المملكة وكان الرقم بصراحه ( يفجّع) يعني تخيلوا شعبنا السعودي ما يقارب 20 إلى 25 مليون نسمة
2 مليون وعليها كسر بعد بنات اعمارهم ما بين 30 و40 سنة غير متزوجات !!!!
قبل كم شهر قريت الإحصائية مره ثانية ولقيت العدد وصل إلى 2.5 مليون إمرأه
يعني تقريبا نص مليون بنت في اقل من سنتين
السؤال اللي يطرح نفسه كم بيصيرون بعد 4 إلى 5 سنوات ؟؟؟؟؟
السؤال الأهم ليـــــــــــــــــــــــــــــــــــــــــــــه كل هالبنات ما تزوجوا ؟
انا اقول لكم ليه,,,,,,,,,,,,,,,,,,,,,
أهم الأسباب من وجهة نظري غلاء المهور واللي يرجع لدمــ1ـــوع بيعرف معاناة الشباب مع المادة وكيف يتأثرون باغلاء المهور يعني نقدر نقول هي علاقه طرديه
كل ما زاد عدد الشباب اللي ما يبون يتزوجون بسبب غلاء المهور والمعيشة وصعوبة الحياة كل ما زاد عدد البنات اللي يمر عليهم قطار الزواج ويفوتهم
الشاب سهل عليه انه يأخر زواجه اكثر من البنت لان الرجل يقدر يتزوج حتى وهو بعمر 30 او حتى 40 لكن كلكم عارفين البنت صعب جداً جداً ,,,,,,,,,,,,,,,,,,,,,,,,,,,,,
غير كذا بعض البنات الله يهديهم يتأثرون باللي حولهم وبشكل كبيييييييييير مررره اكثر من الرجل يعني لما تسمع فلانه بينها ووبين رجلها مشاكل وفلانه الثانيه نفس الحال واختها كذلك وهلم جر خافت المسيكينه من الزواج وبعض البنات ما توصل لدرجة الخوف وبس الا تكرة شي اسمة زواج وتكره الرجال كلهم ولا تناظر يدها وتقول اصابع يدي ماهي سوى,,,,,,,,,,,,,,
بعض البنات بعد وللأسف بادين يكثرون بنات ربي يرزقهم بوظيفة زينة وراتب زين فيدخل قلبها
مرض الشك ( بارانويا ) يعني تحس كل رجال جاي يخطبها حاط عينه على فلوسها او راتبها وبس,,,,,,,,,,,
انا ما انكر ان اغلب الرجال يفضل المرأه العامله اكثر من ربة المنزل ( يعني بصراحة البنات اللي ماشي سوقهم عند الخطابات المدرسات والدكتورات) لكن صدقوني يا معشر البنات مو كلهم يفضلونهم من باب الطمع لكن من باب المساعده يعني في ظل الظروف الصعبة اللي يعيشها مجتمعنا من غلاء اسعار وإيجارات منازل وغيره إن الشخص يتزوج انسانه عاملة بيكون له افضل من ربة المنزل,,,,,,,,,,,,
انا ما ادافع عن الرجال لا والله انا من الناس اللي اقول الرجال حتى لو زوجتة تشتغل لازم يصرف عليها ويغنيها لو يقدر حتى عن راتبها
لكن للضروره احكام
وبعض البنات بعد اذا ربي اعطاها مال وحياة طيبة وفلوس ووظيفة كويسة تحس ان لها غنات عن الرجل وانه مو مهم بحياتها وانها كفاية عليها انها قادرة تعتمد على نفسها وتعيش من دونه وهذي الفئه من البنات انا والله ما ادري وش اقول عنهم ,,,,,,,,,,,,,,,,,,,,,
غير كذا بعض البنات الله يهديهم دايم يناظرون فوق صارت الدنيا بالنسبة لهم فلوس ومظاهر وبس يعني لو يتقدم لها انسان على قد حاله ترفض لأنها ما تبي تعيش الحياه البسيطه اللي فيها يوم حلو ويوم مر لا تبي تتزوج شخص يعيشها كل الأيام حلوه,,,,,,,,,,,,,
لكن صدقوني يا بنات يا كثر اللي تزوجوا ناس متوقعين انهم بيعيشون كل ايامهم حلوه لانهم متزوجين رجال اغنياء بس والله عيشوهم ايام احلاها مر بطعم العلقم وعلى قولت أميمتي الله يخليها لي
( يا ماخذ القرد على ماله ,,,,,,,, يروح المال ويقعد القرد على حاله )
وبالنسبه لي من اخر اسباب العنوسة وبصراحه ما ادري عن الناس لكن انا من وجهة نظري (التلفزيون والسفر ) يمكن بعضكم يقول وش دخل هالأمور انا بقول لكم وشلون,,,,,,,,,
اول الولد ما يشوف من البنات الا اختة يعني تقريبا نقدر نقول ما يشوف بنات ابد الا بمحض الصدفه يعني كان بنت جيرانهم طالعه تنادي اخوها من ورى الباب ولا شي تلقاه لين شافها كأنه شايف حور عين مو بنت يدوخ ويضيع ويسهر الليالي من الحب وينجن على البنت مع اننها يمكن تكون متوسطة الجمال او عادية لكن لأنه ما قد شاف خير خلاص يشوفها احلى بنت بالدنيا,,,,,,,,,,,,,,
لكن الحين الواحد يشوف بالتلفزيون ما لذ وطاب من مذيعات ومغنيات وممثلات وكل وحده تقول الزين عندي ( طبعا بفضل الله ثم بفضل المكياج ولا هم الزين من جهه وهم من جهه ) المهم يعني نقدر نقول تفتحت عيون الرجال اكثر من اول يعني بعض البنات المسيكينات اللي ربي ما عطاهم قدر من الجمال بكل بساطه راحت عليهم يا يغشون ويسوون عمليات تجميل او يغشون الرجاجيل بالصور المعدله فوتوشوب : ) ,,,,,,,,,,,,,,,,
,,,,,,,,,,,,,, تمت ,,,,,,,,,,,,,,,,,,
بصراحه انا اشوف هذي من اكثر اسباب العنوسه شيوعاً فإذا احد عنده وجهة نظر مخالفة لي اتمنى يطرحها وإذا عندكم اي اضافه اتمنى تتحفوني فيها
لكن ودي اوجه كلمه اخيره للبنات /
ترى البنت ما لها إلا الزواج والستر ومو كل شي بالدنيا فلوس ومظاهر وراحت بال وسفر وسعة صدر ترى الدنيا دنيا وما فيه راحة بال الا بجنة رب العالمين ان شاء الله ولا تظن المرأه إن لها غنات عن الرجل مثل ما احنا ما لنا غنات عنكم واللي ربي ما عطاها جمال خلقي تتزين بالجمال الخُلقي تراه في احيان كثير اهم من الخلقي وانا عن نفسي اهم شي الاخلاق : ) ,,,,,
وتقبلوا فائق تحياتي وانتظروا مني دمــ3ـــوع ,,,,,,,,,,,,,,
إنــــــــــــــــــســـــــــــــــــان
العرض العادي
