اذا ما عاد لك قيمة ولا عاد لوجودك خير
فخذها من بدايتها عساها خيرن وخيره
ترفق بالخفوق اللي تعب من كثرة التبرير
ترى كسر الفؤاد اشبه بزرع ارواح شريره
تعال اسمع صدى صوتي تعال استنتج التغيير
تجارب لخبطت ذهني وشلت كل تفكيره
زمان فات من طيبه تمنيت ان الليالي تسير
طموحات الطفل يرسم حروف اسمه بتصويرة
تصور علمونا الصدق والاخلاص والتقدير
حفظنا العهد لكني كرهت مواجهة غيره
يقولون ان لين العاطفة للأدمي تصغير
كبرت بطبعي القاسي كسير وصعب تجبيره
عرفت إن العطا مبدأ ومبدأ بعضهم توفير
شحيح ويعتبر نفسه غني من زود توفيرة
وشفت إن الحقيقة ضد سوالف أصلها تخدير
نسجها حالم لـ عالم / و أمن مكرة و تدبيره
ثقافة إنعدام الذات تولد فكرة التحرير
وخذ عندك سواياها حسافة ماتت الغيره
تنفست الخيال اللي تمنيته يكون بخير
وفاض من الأسى صدري ومل الحظ تصبيره
تعال بأقول لك كلمة وذهنك لا يكون صغير
كلام الشاعر أحياناً يجي من زود تقصيره
ربا جيله على عادة حرام وما لها تفسير
سوا إن الحرام اصبح يمثل عادة السيرة
#محمد آل وافي الشهري
العرض الشجري
