قصه ابكتني

عبد الرحمن الغبيني · 19-02-2005, 03:06 AM


	هذي قصه محزنه ..حبيت انقله لكم للعبره...مااتصور ان العقوق عند بعض الناس وصل إلى هذي الدرجه ...... .......يالله تشفيه ولا تبلانا ...... اقروا القصه ....... فيه اثنين شباب راحوا البحر جلسو على الشاطئ ومعاهم عشاهم. وهم جالسين يتعشون جتهم عجوز كبيره في السن وقعدت تلقط الأكل المنثور على الأرض وتأكل. ولما شافوها قالولها أنتي جوعانة قالت أنا هنا من الصبح وماأكلت شئ جابني ولدي من الصبح وراح وخلاني وقالي راح أجي آخذك بعد شوي.المهم جابوا لها عشاء وتعشت. وبعد ما تأخر الوقت شالوا أغراضهم وحسوا الشباب إن الوقت متأخر والجو بدا يبرد ومايصير يتركون العجوز على الشاطئ لحالها في الليل وجاء واحد من الشباب وقال لها عندك رقم ولدك نتصل عليه نخليه يجي آخذك . قالت العجوز إيه معي الرقم في ورقه . ولما طلعت الورقه . ايش تتوقعوا مكتوب فيها ؟؟؟؟؟ مكتوب ( من يجد هذه المرأه يآخذها لدار العجزه) انصعقوا الشباب من المكتوب في الورقة وجلسوا ساعة يترجون العجوز تمشي معاهم. ويحاولون فيها إنهم يوصلوها أي مكان هي تبيه . أكيد العجوز رفضت أنها تروح معاهم لأن ولدها وعدها إنه يجي يأخذها وتبي تستناه لما يجي.وكانت تقول ولدي راح يجي يآخذني وأنا راح استناه . ماتدري المسكينه إن ولدها تنكر لها ورماها في الوقت الي هي فيه محتاجه له.المهم راحوا الشباب عنها وأتركوها على أمل إن ولدها راح يجي يآخذها حسب وعده لها. فيه واحد من الشباب قعد يتقلب في الفراش وماقدر يرقد يفكر في مصير العجوز المسكينه وقام من فراشه وغير ملابسه وركب سيارته وراح للشاطئ. ولما وصل. شاف الاسعاف والشرطة والناس مجتمعين ودخل بينهم شاف العجوز قد فارقت الحياه ولما سألهم عن سبب وفاه العجوز قالو له أرتفع معها الضغط وماتت. ماتت من خوفها على ولدها يمكن يكون صار له شئ. ماتت وهي تستنا ولدها يجي يآخذها. ماتت وهي بعيده عن أهلها. الله يرحمها برحمته ويدخلها من أوسع ابواب جنته. أدعوا معي آمين.

نواف فهاد الشمري · 19-02-2005, 10:05 AM

لاحول ولاقوة إلا بالله ...

قلوب كالحجر ....

قلوب .... أعماها الزمن ...

قلوب ... أقسى من الحجارة ...

كيف بقلب ... أن يطمئن ...

وكيف لعين ان تنام ...

واغلى الحبايب ....

في برد ... وجوع ... ودموع .. والم ...

كيف لقلب .. ان يقسى ...

وكيف لضمير .. أن ينسى ...

ذاك الحضن الدافيء ...

ذاك القلب الحنون ...

يازمن ... ماذا بقي ؟؟

قصة .. محزنة ... نرى فصولها .....

في كل صباح ومساء ...

تقتلنا من الوريد حتى الوريد ...

//

//

//

اللهم اجعلنا من البارين بأمهاتنا ...

اللهم أجعلنا من البارين بأمهاتنا ...

اللهم أجعلنا من البارين بامهاتنا ...

//

//

مشكور اخوي .. عبد الرحمن على هالقصة ...

كلام حقيقي ....

في زمن .... ضاع فيه .. وفاء القلوب ,,

//

//

تحياااااااااتي ,,,

عبد الرحمن الغبيني · 19-02-2005, 02:42 PM

صدقت والله ياأخ نواف
ولكن مانقول الا اللهم لاتبلانا بسخطك
بما فعل السفهاء منا
اللهم عافهم ولاتبلانا

كل الود والتقدير لك

أبو نواف · 19-02-2005, 02:49 PM

لاحول ولاقوة إلا بالله

nada · 19-02-2005, 04:39 PM

لا حول ولا قوة الا بالله ,, اش هالقلب القاسي

العقوق والعياذ بالله جزاه بالدنيا قبل الآخرة

والدنيا دواره ونفس هالمصير بيلاقيه

تحياتي

عبد الرحمن الغبيني · 20-02-2005, 02:54 AM

سبحانه
مشكور ابونواف

عبد الرحمن الغبيني · 20-02-2005, 02:56 AM

بيلاقيه بالدنيا ممكن بس الويل له من ماسيلاقيه
بالاخره ان لم يرحمه الله

مشكووره اختي

المنصه الشماليه · 20-02-2005, 11:29 AM

لا حول ولا قوة إلا بالله قصة مؤثرة جداً جدا
نسأل الله أن يجعلنا من البارين بأمهاتنا
تستغرب من هذه القصص إذا وقعت في بلاد الكفر فكيف وهي الأن تقع بيننا ومن ابنأنا المسلمين
اللهم لا تؤاخذنا بما فعل السفهاء منا

شاكر لك أخي عبد الرحمن على نقل هذه القصه لعلها تكون عظة وعبرة لنا

أخوكم / المنصه الشماليه
دمتم سالمين

المهـــــا · 20-02-2005, 12:33 PM

حسبي الله على هالولد اللي ما يخاف الله ..

مشكـــور أخوي .. عبدالرحمن على هالقصة اللي فعلاً محزنة ..

اللهم اجعلنا من البارين بأمهاتنا ..

عبد الرحمن الغبيني · 20-02-2005, 10:10 PM

المنصه الشماليه
المها

الله يجزاكم خير
ولايبلانا وجميع المسلمين بمابلاهم