ياهيه انا بنت الرجـال السلاطيـن
للـي بعينـه نظرتـن ماقهـرهـا
انا الزعيمه بنـت هـاك المسميـن
روسن رواسن خصمهـا ماقدرهـا
حنا هـل التوحيـد حمايـة الديـن
من خلقت الدنيـا ونبتـة شجرهـا
يشهد لنا تاريخ مرت بـه اسنيـن
والحاضر اللـي هيبتـه ماكسرهـا
بفعول شيخانً على الارض راسيـن
شيخان تحكم برهـا مـع بحرهـا
لو السيوف المرهفه تنطق الحيـن
قالت فعـول امطيـر للـي نكرهـا
حنا علـى حـد المدينـه مقيميـن
وامجادنا فـي نجـد كـلٍ ذكرهـا
مع دقلت اخيولاً على الارض ماشين
مثل البحـر للـي بعينـه نظرهـا
مطران راس العز سقـم المعاديـن
كم راس شيخً من متونـه بترهـا
افعالهم عاده علـى العـز ضاريـن
كم ربعـوا بديـار شيـخٍ عمرهـا
غصبً رعيناهـا ولاهـم براضيـن
بحد السيوف وروس علوى فخرها
وكم من شيوخً با القبايل عزيزيـن
من فعلنـا عافـت منـازل ديرهـا
حنا ليا قلنا علـى الخلـق وافيـن
وهبه مـن الله والفعايـل قمرهـا
عطيت موجز عن فعول المياميـن
تعبيـر للـي هرجتـه ماقصرهـا
لاصرت كلي طيب ماارضى الرديين
اهل الهروج التافـه مـن بشرهـا
وسلامتكم اتمنى تعجبكم
العرض العادي
