مساجله شعريه لمتذوقي الشعر

[العاشق والليل]

مرحبا بالجميع وبدون خصوص حبينا نشارك بس ومادام وقفت المشاركه على حرف الالف هذا البيت مني :-
اسمك بقلبي وبخيالي حلاياك .......... لك ياهوى بالي بحالي ملغي
يفز قلبي كل ماحل طرياك ............ مقهور ولكن اصبر وخفي

وتقبلوا تحياتي ولي بعدي يالله حرف الياء الله لايهينك . مع السلامه . ( العاشق والليل )

[أوتار المحبة]

مشكورةأخوي......((العاشق و الليل))....

و دامك اخترت حرف الياء فأنا حبيت أشارك..لأن الحرف جا منك...
و يالله شوفوا.....
يا بدر..وينك؟؟روح الليل ماجيت
يا مسامر قلوب المحبين .. وينك؟؟
ليتك تجيب علوم محبوبي يا ليت
و يصير سره بين قلبي و بينك
و سلامتكم.....

أختار الحين حرف الثااااااء...
يالله من الشاطر اللي يجيبه.....


تحياتي....
...((أوتار المحبة))...*v

[العاشق والليل]

بس تبين حرف الثاء وعلى فكره ولا اصعب منه هالحرف بس هاه انا له :-

ثـــــــــلات اللي لا غشى الزمل ضبضاب .......... يرخص بعمره دون زمل الرعابيب

هههههههه وش رايكم بالبيت ولو انه من الشعر النبطي بس شنسوي هذا الي نعرف والشعر النبطي احسن اظنه . ماراح نطول عليكم وترونا وقفناكم على حرف الباء . والله يوفق الجميع يارب .
تقبلوا وافر تحياتي / العاشق والليل

[اسيـ بلاقيود ـر]

الســـــــــــلام عليكم ورحمة الله وبركاته
اما بعد: اخواني واخواتي اعضاء منتدى الود يسرني ويشرفني الانضمام اليكم لما لمست فيكم من الادب الرفيع والثقافه العاليه الذي لم اجده في اكثر المنتدى الاخرى التي اضعت وقتي الغالي سدى في المشاركات الي لم اشعر اني قد خرجت بفائده تذكر فيها ولكن في هذا المنتدى اظن بل اجزم وابصم على 10 كمان اني سأخرج بثمار وسأحاول في البدء ان اداعب الاخت مرزوقه في المساجله لعلها تتجاوب معي فيها وعلى فكره من طرح موضوع المساجله له مني تحياتي واشواقي القلبيه الحاره لانه ارجعني للماضي عندما كنت ارافق والدي في الصيد فكنا نقطع الطريق بالمساجلات وكان في صحبة والدي فطا حله في الشعر والادب العربي وخرجت منهم بفائده
ايا معشر العشاق بالله خبروا .... اذا حل عشق بالفتى كيف يصنع
يالله يا اخت مرزوقه ورينى شطارتك حرف الع

[العاشق والليل]

هلا فيك اخوي الجديد معنا , وحياك الله والف مليون هلا بس انت جبت البيت على غير طلب صاحب البيت الي قبلك وهو انك بديت بحرف الالف وحنا طالبين حرف الباء , بس ماعليه ونرجع ونقول هلا فيك مليون بعد وبداية حلوه . وهالمره ابي اتلقف ورد على طلبك بس يامرزوقه تري ردي مو مكفي لازم تردين انتي بعد وبنفس طلب الاخ / اسير بلا قيود اوكي عزيزتي , اما البيت الي برد فيه هو :-

عزالله انك يا اسير على البال ......... وعزالله انك دايم في خيالي
لو شوفتك تنشرى دفعنا به المال ......... وسوق مع غال الحلال العيالي

وتر المقصود بها البتين انت ياسير بلا قيود , ويالله على حرف الياء وربنا يعين .

وتقبلوا تحياتي . اخوكم ///// العاشق والليل .

[العاشق والليل]

مرحبا بالجميع ونجي على حرف الالف كرمال عيون الجميع ويالله مع البيت :-

اعرف ترى ما قدر الله صاير ............. ودنياك يكفي عن طواله قصاره

هاه وهالحين مع حرف الهاء واللع يعينكم .

مع تحياتي //////// العاشق والليل

[معــ جروح ـانق]

حرف الهاء

هويته والهوى مافيه عارا
خليلاً لي مثل ماني خليله

للشاعر / محسن الهزاني

[العاشق والليل]

هات الدلال وهات من ماء الثمينه ............. نبي نسوي تالي الليل فنجال

ولكم اعز تحياتي ووافر احترامي للجميع . وحنا هالحين وقفناكم على حرف اللام . والله يعين الجميع .
اخوكم ////// العاشق والليل.

[معــ جروح ـانق]

حرف اللام

ليت ربي ماخلق حب وفراق
ولا خلق حبٍ على غير فرقا

هذا البيت للأمير الشاعر / السديري

[العاشق والليل]

مرحبا اخ معانق جروح ومرحبا بكل الي يشاركون بهالمنتدى الطيب وبي الي يشاركون بالنافذه هذي على الخصوص . ولك الرد اخ معانق دامك وقفتنا على حرف الالف ابشر من عيوني . الرد يقول :--

ابيك تعلن للعواذ ل تحد يــــــــك .............. اني حبيبك ونت شوقي وكلي !!!!!!!

هذا البيت هديه خاصه للاخ معانق جروح . ويالله ياشباب على حرف الياء والله يعين الجميع يارب .

ولكم احترامي اخواني . اخوكم // العاشق والليل .