لعبة تخيل بلا حدود (( بنات انتو خشوا خيالكم واسع ))

ميــ قمر14ــشو · 15-10-2002, 08:03 AM

شباب هذي لعبة ثانية اتمنى تعجبكم وتتونسون فيها

الللعبة كالتالي :

كل واحد يخش ويقولنا شي خيالي يعني يتخيل اي شي مو موجود ويقولنا هو

يعني زي كذه

تخيل بدال الحريم يلبسون عباه الرجال يلبسون العباه والحريم يكونون كاشفات والحريم هم اللي يسوقون السيارات وتخيل اذا مرت بنت بجنبك تجي تتغطى علشان ماتشوفك وبدال الرجال مايصلون بالمسجد الحريم يصلون بالمسجد والرجال بالبيت هاهاهاهاهاهاهاهاهاهاها

تحياتي ,,,

ميــ قمر14ــشو · 15-10-2002, 08:11 AM

تخيل انك في يوم وانت قاعد تقرا كتاب رومانسي و مشغل اغنية رايقة و سرحان في حبيبة مجهولة , الا و امك داخلة عليك و توها جاية من الاستراحة و تقولك: يا ولدي ودي اكلمك في موضوع.
ترد انت بكل خوف : خير يمه؟
تقول امك: ترى جارتنا ام خالد تبي تخطبك لبنتها. وانت ماشالله كبرت و احلويت وكلن يبيك. ها وش رايك؟
ثم تنزل انت راسك في الارض و تلعب باصبعك في شعرك (او شنبك) و ترد و انت مستحي و خدودك حمرة (هذا اذا كنت محلق اللحية) و تقول: ....

الشور شورك يا يمه إهئ إهئ
تقول امك: انا بصراحة ما اشوف في البنت شي. ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت . ولا عندها سوالف السفر و الخربطة و ما تشرب تتن(دخان) و لا تروح لاستراحات البنات. يعني بنت ما عليها.
تقول انت : بس يا يمه هي ما شافتني من اول. انا دايما متلطم بشماغي (والله عيب بس بكمل)
تقول امك: هي شافتك و انت نازل من باص المدرسة بس و سألت عنك و قالو لها خوش ولد ماهوب راعي سوق و كوفي شوب و ما يطلع الا مع ابوه. (والله فشيلة بس بكمل)
و تراها هي و امها جايين يوم الخميس علشان يشوفونك.
تسال انت: طيب يا يمه ابوي وش رايه؟
تقول امك: ابوك ما يدري خليه حايس في المطبخ وش يعشينا.
تقول انت :اللي تشوفينه يمه.
وتطلع امك من الغرفة
وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع و تقول : اه اخيرا حست و خطبتني. ( لا لا لا والله ما يصير بس بكمل)
و قبل يوم الخميس تروح انت لكوافيير رجالي و تكون مسوي حجز و تقعد و تصبغ شعرك (ميش) و تحف حواجبك و تشيل شعر يدك و رجلك بحلاوة و تطلع زي فلقة القمر
وتجي البيت و تلبس الثوب اللي فصلته عند المصمم( عبده شولق) لثياب الاعراس و الحفلات واللي فيه فتحة من عند الساق و فتحه في الظهر و بدون اكمام (جبانيز) و ذاك المكياج وذاك العطر و تنزل للصالة
ويقولك ابوك : يالله دخل العصير على خطيبتك ترى امك ذبحتنا تسال عنك
تقول انت بكل خجل: واي واي يا يبه انا استحي
ابوك يقولك وهو يطق على كتفك و يضحك يا ولد روح لعروسك إهئ إهئ
تقول انت: يا يبه دايما تحرجني انت واي واي
و تاخذ صينية العصير و تخش المجلس اللي فيه البنت و تقول بصوت ناعم: احم احم الس سسسلام عليكم(صاير حكيم على غفلة)
ترد هي بعد ما وقفت و عليكم السلام ( و هي تناظر فيك و في كل قطعة فيك)
و تقولها تفضلي
تقول هي: وش الاحلا العصير الاحمر و لا الاصفر؟ بزعمها تبي تلطف الجو معك
تقول انت: كله حلو
تقول هي: اكيد كله حلو لانك انت اللي مسويه
ثم تحط الصينية بسرعة و يدك على فمك و تضحك و تروح داخل بسرعة
الا اخوانك يستنونك و يقولون: ها وشلون شكلها
تقول انت: واي واي تهبل تهبل حلوة و دمها خفيف و ذوق اهههههه
الا ابوك من المطبخ يلولش (يزغرط بالمصري) لللللللوووولللللوووووشششششششش مبروك يا ولدي
الا بدخلة اختك العربجية من بره و حاطه عبايتها على كتفها و معلقة السجارة في فمها و تقول : خير وش فيه
يقوله ابوك : قصري صوتك في وحده داخل خطبت اخوك
تقول اختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله لالعن امها اللي جايه تخطب اخوي
الا بدخلة امك و تسطر اختك كف و تطلع اختك بالسيارة و تفحط و تروح للاستراحة البنات .
و تمر الايام و انت تجهز ثوب العرس و الكوشة و بيت الزوجية و خلال هالفترة تمرك زوجتك بالسيارة تتمشون و تحاول انها تمسك ايدك و انت مستحي ( ومن هناك ودك و بتموت) و شوي تحاول تبوسك و انت تقول لا لا عيب احد يشوفنا( يعني لو ماحد يشوفنا ترى عادي)
و يجي يوم العرس و تقعد انت في الكوشة و كل الشباب حوالينك يرقصون و يغنون على انغام طيران فرقة الشاطئ للرجال و طبعا مافيه زبيدة او صيته او العنود و سارة
وشوي الا العفسة قايمة : ترى العروس جايه
و ينطون الرجال و الشباب كلن يلبس شماغه و يتلطم
و تدخل العروس مع امها و خواتها (خواتها يتيميلحون قدام الشباب ) و تقعد العروس جنبك و ترفع الطرحة (طرحة البسام بصمة ستة) و تقولك: الله صاير مثل القمر
ثم تلف وجهك وانت مستحي
و يتم الزواج و بعد تسعة شهور الا انت تصرخ في الليل فيك الطلق
و يودونك المستشفى و تولد و تجيب توأم
وتطلع من المستشفى الى بيت اهلك علشان ينفسك ابوك ( النفاس 40 يوم)
و تاخذها زوجتك فرصة و تسافر مع البنات و يهيصون قبل ما تخلص مدة نفاسك الله يساعدك
و ترجع لبيتك تربي عيالك و تطبخ الغدا لزوجتك
وتتخانقون ساعات و تنام و دمعتك على شنبك
ويزيد حدة الخلاف و تاخذ شماغك و عيالك و تروح لبيت اهلك
و تصلح امك ما بينكم و ترجع الحياة مثل اول.
لا لا لا لا لا لا لا لا لا لا والف مليون لا
انا انتحر احسن لي
مانيب قادر اكمل
هل يا شباب تخيلتوا في يوم انكم تقولون : واي واي يهبل
انا رايح انتحر احسن لي
بس المشكلة اخاف اموت "

وهذي مشاركة ثانية للتوضيح انتظر تخيلاتكم يلا بسررررررررررررررعة

desert rose · 15-10-2002, 08:21 AM

اتخيلوا أنه بدال الطرق والسيارات في قدام بيت كل واحد فيكم زي درج أو سير كهربائي مليان أزارير و أول ما تدوسوا على اسم أو رقم المكان اللي تبغوا تروحوا يوديكم (اتخيلتوا الموضوع؟!)

و اتخيلوا بدال ما احنا نطفي النور علشان ننام، ننام علشان هو النور انطفى لحاله ويبغانا ننام.

و اتخيلوا في بفيهات تبيع ساندوتشات رياضيات أولى ثانوي الترم التاني، أو ساندوتش جغرافيا ثالث ثانوي الترم الأول .......و هكذا و أنت بس تاكل و تحل. حـــــــــــــــــــلــــــــــــو؟

ميــ قمر14ــشو · 15-10-2002, 08:33 AM

هههههههههههههههههههااااااااااااي حلوة مرررررة والله خيالاتك شي

ومشكور على المشاركة الحلوة وبانتظار المزيد من المشاركااات

desert rose · 16-10-2002, 04:24 AM

مشكور أخوي

والله عجبتني اللعبة بس مدري ايش فيهم الأعضاء ما دخلوا!

ميــ قمر14ــشو · 16-10-2002, 04:42 AM

معليه اختي لنا الله شكلهم الاعضاء من الدراسة ما عاد عندهم خيالات

بعطيكم وحدة كمان :

تخيلوا لو يصيرو البنات يربوا شنبات وسكسوكة و اذا كانت وحدة منهم ملتزمة تربي دقن ولا والالعن تخيلو لو عندهم شعر بصدورهم وععععععععععععععععععععععععع

ما ودي اتخيل الله لا يقولها

فـــرفـــــور · 18-10-2002, 07:50 AM

اللعبة بايخة بس انتا حلووووووووووووو :D

بو بريقع · 21-10-2002, 08:22 PM

تخــــــّيل تخيــــــــــــــيل مـــــــــع بو بـــــــــريــــــــــقـــــــــع
اقول تخيلّو اللحين وانتو جالسين على الكمبيوتر ومندمجين لااااااااااخر حد
واذا بي
ذاك الثور اللي ينطح ويرفسك ويطيرك للكوكب عطارد وتجلس امك الصبح وتدورك وماتلقاك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ تخــــــــــــــــــــــــــــــــــــــــــــــــ ــــــــيل