آلسلام عليكم ورحمة الله وبركاته
طاب مساؤكم وتنعمتم جميعًا بطيب رضا المولى
.
.
الحروف أحيان، بلسم للجروح
.............. خص لا جاتك من اللي [له غلا]
خيمته قلبٍ .. به الدلة تفوح
............... شوق للضيف الذي ، فيها جلا
الطيوف إبِلْه و راعْ البِلْ روح
...............روضة إحساسه بها الراعي سلا
و المعنَى للوصل دايم شفوح
................ لا تلومونه ... ترى هو مُبتلى
صايم ٍسمعه عن لْسان النصوح
................ وْصوت خِلِه قهوة وْتمر وْحلا
ساعة إفطاره (إذا للوصل بوح)
................وْساعة إمساكه (إذا البُعد اعتلى)
واللسان الخيل عن ذكره، جنوح
................ قاضـبٍ رِسِـنه عــن آذان الملا
السماء له /قلب، وْالغيم/القروح
................ لاشرقت شمس الوصل ردد:هلا
تِسمع طيور الفرح بضلوع دوح
.................في غصون الصدر شوقه امِتلى
يقطف أثمار الهنا ضاحك مزوح
.................وْيدري أن البُعد هو ساس البلا
يا الهنا، و أنا دخيلك.. لا تروح
.................. حُبك الحاكم .. و لك مِني ولاَ
بالبُعد ... تزيد آلآم .. و جروح
................. وْ بالوصل يزيد مع حبك، غلا
العرض الشجري
